الموضوع: مدن من اسبانيا (( مدريد - برشلونه ))

السلام عليكم ورحمة الله و بركاته

الحمدلله على سلامتك

و بصراحة هذه اول مشاركة لي في المنتدى و كانت في تقريرك

و انتي الوحيدة اللي تابعت تقاريرك كاملة و كلها

و اهنيك على التقاريرك الرائعة

و انا بنتظار جديدك

و بانتظر باقي التقرير

تحياتي لك و لكل أعضاء المنتدى
وشكراً

المشاركة الأصلية كتبت بواسطة مهاجر المدينه

الحمد لله على سلامتكم ..

وتقريرك روعه .. والتصوير اروع ماشاء الله ..

وبالصدفه انا سكنت في نفس فندقكم .. فينتشي كابيتول .. فندق نظيف وممتاز .. والأروع مكانه المميز ..

بس بعد مامشيتوا من مدريد صارت احتفالات ضخمه حقت المثليين قريب من الفندق.. وحتى الفندق رفع السعر للدبل تقريبا ً ..

يالله متابعينك اول بأول ..

اوووه صج مالنا بالطيب نصيب ماشفنا احتفالات الممثلين بس يالله معليه خيرها بغيرها ... شكرا على الرد

المشاركة الأصلية كتبت بواسطة حـ م ـودي

السلام عليكم ورحمة الله و بركاته

الحمدلله على سلامتك

و بصراحة هذه اول مشاركة لي في المنتدى و كانت في تقريرك

و انتي الوحيدة اللي تابعت تقاريرك كاملة و كلها

و اهنيك على التقاريرك الرائعة

و انا بنتظار جديدك

و بانتظر باقي التقرير

تحياتي لك و لكل أعضاء المنتدى
وشكراً

شكرا جزيلا على الرد ويشرفني ردك الاول ماقصرت على الكلام الي كتبته

يا حيا الله أحلى من العقد

وما أحلى من العقد الا كاتبة التقرير الأسباني المميز

اذا الله حيانا مب السنة الياية يمكن اللي عقبها تكون المدن الأسبانية في خطتي

يقولون في الصيف حارة جدا (( سؤال : كم كانت درجة الحرارة هناك يوم كنتوا هناك ))

وتحية كبيرة جدا جدا جدا الي مميزة الرحلة اللي أتوقع كانت مميزة في أسبانيا بالزي الوطني الخليجي (( كفو عليها والله ))

عندي ملاحظة ( أتمنى منج تستخدمين كلمة مخلفات بدال زبالة لان كل ما أقرا هالكلمة أتوقع صندوق زبالة بس الصور فيها أشياء ثانية غير)
في انتظار بقية التقرير

الحمدلله عالسلامه وان شاءالله استمتعتو بالرحله

والله يخلي لش الوالده هي اللي محليه الصور والله

بإنتظار الجزء البرشلوني

لكن عندي استفسار :
شنو كان الوضع بالنسبه لعباة الوالده ؟
وهل تعرضتو لمضايقات كونكم محجبات ومعكم الوالده مغطيه وجهها ؟

وموفقه خير

مرحبا جميعاً ...


اخر شي وصلنا له هو حديقة النباتات ...





وهالتمثال خارج الحديقة





دخلنا الحديقة وسعر التذكره للشخص 2 يورو ونص





وتمشينا في الحديقة ... الحديقة جميلة و كبيره وفيها اقسام وايد احنا ماغطيناها كلها بالعكس يمكن ماكملنا النص ..





كما ستلاحظون في الصور ان الشمس كانت قوية و الساعة كانت 4 العصر يعني عز الحر ...درجة الحرارة كانت 32 درجة مؤية ...








الحين وانا اشوف الصور قاعده اقول شمصوره انا .. .هديت الاشياء الجميله ومصوره اجزاء عادية في الحديقة خخخ معليه الشمس وماتسوي




قعدنا على كرسي تحت هالشجره نريح شوي ...





وكملنا مشي





وعلى الساعة 5 طلعنا من الحديقة وكنا هلكانين من الحر فقررنا نكمل اليوم بالتمشي والتسوق في بلازا دي سول و شارع القران فيا المملوء بالمحلات والقهاوي ...





والناس ماشاء الله تارسين المكان والجو بدا يحلو لان الشمس خفت و هبات النسيم البارده زادت




دخلنا الكورت انجليز وهو مول كبير نحبه لان بضائعه حلوه ومنوعه وفيه ماركات اسبانيه غير موجوده في الخليج .. هذا اضافتا الى الموجود عندنا




وكملنا تمشي وتسوق من محل لي محل ومن مبنى لمبنى





ورجعنا البيت نصلي لان هم المغرب عندهم الساعة 10 او 11 بالليل وايد نهارهم طويل ... ولما الليل ليل طلعنا نتمشى مره ثانية ... لان المشي بالليل عندي متعه ...





ومن الجدير بالذكر ان الاسبان من الشعوب الي تحب تسهر فتشوفون المطاعم والكافيهات والناس تارسه الشارع لين الساعة 3 فجرا سواء كان ويك اند ولا مش ويك اند .. هم شعب يحب السهر وهاي احلى شي





مشينا على طول شارع القران فيا ...





ومرينا بالكثير من المباني الي كان لها سحر خاص ورونق في الليل ...














ياحلو الليل في اوربا ...





الجو رائع ويميل للبروده ... وهاي احد احلى المباني في مدريد مبنى المتروبولس (( مادري اش فايدته )) بس شكلها في النهار جميل و في الليل صار كانه تحفه معماريه








فن العماره في مدريد واسبانيا عامتا ماشفت مثله في اي بلد ثاني ... عندهم حس فني عالي ...








شوفو هالمبنا اش حلوه ...





هاي المبنى الله يسلممكم كان يستخدم للاستخبارات الاسبانيه تقريبا وكان ممنوع اي احد من عامة الناس يدخله لكن من سنه غيرو مكانهم وصار هالمبنى بفخامته مفتوح للناس ويقدرون يدخلونه









الساعة عدت ال 1 فجرا .. واحنا مستمتعين ... لكن امي تعبت وقالت خلونا نرجع ... فقررنا نرجع ..





وقبل مانرجع البيت مرينا على راعي الشوارما وشرينا لنا عشى .. شوارما من هالمحل و الجميل في الموضوع ان احنا تعشينا والشمس غائبة . مب في عز النهار





وبهاي انتهى يومنا المدريدي الثاني ... واشوفكم في الايام القادمه

المشاركة الأصلية كتبت بواسطة aryam uae

يا حيا الله أحلى من العقد

وما أحلى من العقد الا كاتبة التقرير الأسباني المميز

اذا الله حيانا مب السنة الياية يمكن اللي عقبها تكون المدن الأسبانية في خطتي

يقولون في الصيف حارة جدا (( سؤال : كم كانت درجة الحرارة هناك يوم كنتوا هناك ))

وتحية كبيرة جدا جدا جدا الي مميزة الرحلة اللي أتوقع كانت مميزة في أسبانيا بالزي الوطني الخليجي (( كفو عليها والله ))

عندي ملاحظة ( أتمنى منج تستخدمين كلمة مخلفات بدال زبالة لان كل ما أقرا هالكلمة أتوقع صندوق زبالة بس الصور فيها أشياء ثانية غير)

في انتظار بقية التقرير

شوفي الله يسلمج بخصوص درجة الحراره .. اسبانيا مب بارده بس بعد مب حاره على حسب المنطقة مثلا في الجنوب الحراره اعلى من مدريد و مدريد احر من برشلونه و سان سبيستيان ابرد بوايد من برشلونه ..

لما كنا في مدريد اعلى درجة حراره صادفتنا قبل اليوم الاخير و عز الحر من الساعة 2 الظهر الى 5 او 4 العصر و اعلى درجة حراره كانت 35 درجة ..

اما برشلونه فهواها حلو واعلى درجة حرارة صادفتنا 28 درجة مئوية ..

بشكل عام وجود الشمس هو الي يزيد الحراره مجرد ما تكون الغيوم موجوده تحسين الجو يصير وااايد حلو ... بس اللبس بشكل عام صيفي .. الا سان سبيستيان خريفي او صيفي ثقيل شوي ..

المشاركة الأصلية كتبت بواسطة b a r c e l o n i

الحمدلله عالسلامه وان شاءالله استمتعتو بالرحله

والله يخلي لش الوالده هي اللي محليه الصور والله

بإنتظار الجزء البرشلوني

لكن عندي استفسار :
شنو كان الوضع بالنسبه لعباة الوالده ؟
وهل تعرضتو لمضايقات كونكم محجبات ومعكم الوالده مغطيه وجهها ؟

وموفقه خير

الحمدالله على كل حال استمتعنا وايد ... بالنسبه لاستفسارك عادي مافي مشاكل مع العبايه او الحجاب او النقاب حتى .. هم متعودين على هالشي ممكن تروحون مكان وتلاحظون ان في عيون تشوفكم نظره استغرابيه بس بشكل عام عادي جدا ...

والله من الصور اللي حاطتها ياعواشه احس اني اشوف ميلان .. وجزء روووعه وننتظر المزيد من الابداع

متابعين معاج :)

الحمدالله على السلامه و الله يخليلكم الوالده يارب و يطول بعمرها ان شاءالله
ما شاءالله بسردج الاكثر من رائع ذكرتيني بكاتبه قطرية اسمها ( حنان علي الشرشني ) لها كتاب اسمه ( اسرار فتاة قطرية ) طريقة سردج مثلها بالضبط ^_^
ما شاءالله الصور تعبر عن كل شي يعني انتي عيشتينا معاج لحظة بلحظة و ناطرين تكملة التقرير بفارق الصبر و ان شاءالله اذا عندي اي سؤال راح ارجعلج فيه بس ناطرج تتكلمين عن محطة القطار لأنه بيني و بينج انا متخوف من هالشغله يعني ولا مره جربتها و اخاف اصعد قطار و يحووس فيني ههههههه و ان شاءالله انتي راح تسهلينها و تبسطينها ^_^

ماشالله تبارك الله ولازال التقرير في بدايته
فعلا مثل ماقلتي ميزة الاسبان السهر وهالشي مره كويس لنا كسواح .. في النمسا وهولندا المحلات تسكر من 6 العصر وتصير كننا قطاوه عن محطات القطار ندور ماك وبرقر كنق :(

متابعين للاخير Senioretta

المشاركة الأصلية كتبت بواسطة بنت أوربا

والله من الصور اللي حاطتها ياعواشه احس اني اشوف ميلان .. وجزء روووعه وننتظر المزيد من الابداع

متابعين معاج :)

اوووه لهالدرجه مدريد تشبه ميلان ... ان شاء الله اعيش واشوف ميلان مثل ماشفت مدريد
شكرا على المتابعه

المشاركة الأصلية كتبت بواسطة بوحمد 83

الحمدالله على السلامه و الله يخليلكم الوالده يارب و يطول بعمرها ان شاءالله
ما شاءالله بسردج الاكثر من رائع ذكرتيني بكاتبه قطرية اسمها ( حنان علي الشرشني ) لها كتاب اسمه ( اسرار فتاة قطرية ) طريقة سردج مثلها بالضبط ^_^
ما شاءالله الصور تعبر عن كل شي يعني انتي عيشتينا معاج لحظة بلحظة و ناطرين تكملة التقرير بفارق الصبر و ان شاءالله اذا عندي اي سؤال راح ارجعلج فيه بس ناطرج تتكلمين عن محطة القطار لأنه بيني و بينج انا متخوف من هالشغله يعني ولا مره جربتها و اخاف اصعد قطار و يحووس فيني ههههههه و ان شاءالله انتي راح تسهلينها و تبسطينها ^_^

لالالالا لو سمحت لا تقول انا اسلوبي نفس حنان الشرشني لو سمحت حقوق الطبع محفوظه (( خخخخ ))
ان شاء الله راح اقولك عن محطة القطار ومافي خوف ان شاء الله من القطار .. و اسعدني ردك ... شكرا جزيلا

المشاركة الأصلية كتبت بواسطة mezajee_ksa

ماشالله تبارك الله ولازال التقرير في بدايته
فعلا مثل ماقلتي ميزة الاسبان السهر وهالشي مره كويس لنا كسواح .. في النمسا وهولندا المحلات تسكر من 6 العصر وتصير كننا قطاوه عن محطات القطار ندور ماك وبرقر كنق :(

متابعين للاخير senioretta

شكرا على المتابعه ... انا استغرب من باقي دول اوربا معقوله كلهم ينامون الساعه 6 او 7 والمشكله لين الحين الشمس في قلب السماء