الموضوع: مدن من اسبانيا (( مدريد - برشلونه ))

متباركين بالشهر و عساكم من عواده

وحمد الله عـ سلامتكم اختي العزيزة أغلى من العقد

تقرير مسلي و دمه خفيف على راعيته ..

متابعة انا ..

المشاركة الأصلية كتبت بواسطة فيصل 2006

والله الحديقه رووووعه والسهر في برشلونه أروع

اي والله صح لسانك .. السهر في برشلونه حلو تحس الكل سهران معاك

المشاركة الأصلية كتبت بواسطة ام محمد 81

تقريرك رائئئئئئئئئئئع مشالله ومتكامل ومفصل بكل شي انا معك خطوه بخطوه
ضميني من المتابعين لتقرير الي اكثر من رائع
ومررررررره متحمسه لاني بكون في برشلونا في 26اغسطس
ودي اعرف اكثر عن الشوبنق والمركات الاسبانيه وين اماكنها وايش احسن المحلات
ومره استفدت من تقريرك
بس حبها اسألك لما تطلعون باليل ما في اي مضيقات / وهل المنطقه امنه لان كلن يذم برشلونا لانها مدينه غير امنه....
وشكرا / متابعه معاك التقرير بكل حماااااس

شكرا ام محمد ... وحياج الله بينور التقرير بوجودج وانا متاكده انج بتنبسطين في برشلونه بالنسبه للشوبنق لو ملاحظه انا مومركزه عليه وايد في تقريري ... بس بختصار من الرامبلا جنوب لين ساحة كاتلونيا وعدي الساحة كل هالاماكن شوارع للشوبنق .. اما للمضايقات بصراحه كلش كلش كلش مافي مضايقات لا بالليل ولا بالنهار حتى احيانا كنا احنا البنات نطلع نتمشى بالليل بروحنا مافي اي شي الحمدالله كلن ماشي بحاله .. واذا اي استفسار انا حاظره

المشاركة الأصلية كتبت بواسطة بوحمد 83

رجعتلج من جديد ( ادري والله اني تعبتج معاااااي )

سؤال من المطار لي السكن شنو احسن طريقة للوصول الباص ولا التكسي ؟

هلا بوحمد اشدعوه خذ راحتك في الاسأله ... بالنسبه لي افضل شي من المطار للسكن والعكس التاكسي .. لان عندي شنط فأريح لي واسهل اخذ تاكسي يوصلني من الباب لين الباب

المشاركة الأصلية كتبت بواسطة dl3 $hrgawy

متباركين بالشهر و عساكم من عواده

وحمد الله عـ سلامتكم اختي العزيزة أغلى من العقد

تقرير مسلي و دمه خفيف على راعيته ..

متابعة انا ..

الله يعيده علينا وعليج والله يسلمج ... شكرا على الرد وتسعدني متابعتج

اخر شي قلته لكم ان احنا وصلنا لهدفنا الثاني ..

الابيدرارا ... وهو مبني سكني من تصميم مهندس برشلونه الاول غاودي ... والمبنى غريب ومجنون وفيه تفاصيل غريبه كباقي مباني غاودي ...








دخلنا المبنى وهاي الساحه الي في النص وتدخلها الشمس ..





واتجهنا الى مكان قص التذاكر









وكان عندنا كوبون خصم لدخول الابيدرارا حصلنا على الخصم من الفندق .. وكانت التذكره بصراحه رخيصه بس مب متذكره السعر ...





ركبنا اللفت ووصلنا لمكان العرض ... والي يتكلم عن تصاميم غاودي بشكل عام وعن افكاره ..





شوفو الكراسي المدوره الي على الارض هاي ايضا من تصميمه ويمكن لـ 4 او 3 اشخاص يقعدون على كرسي واحد





وهني معروضات لبعض الاثاث من تصميمه





كرسيين توأم لازقين ببعض





الذره والصنوبر و المحار و امواج البحر و غصون الاشجار كلها اشياء استوحى غودي تصاميمه منهم





وشوفو من جنونه في التصميم والهندسه استوحى شكل احد المباني من السلاسل المعلقة وحط تحتها مرايه وشاف الانعكاس استوحى تصميم احد المباني من شكل السلاسل في المرايه شوفو الصوره ..





كتيب توضيحي للمكان ..





والجزء الجميل والغريب جدا في المكان هو السطح ... كنت منتظره اللحظه الي اوصل فيها السطح





مستوحي السطح من شكل الجنود و من الاصداف ومن اشياء ثانيه














السطح كبير و تحس انك في متاهه









وبعد السطح ذهبنا لزيارة احد الشقق الموجوده في هذا المبنى ..








في البدايه يوجد محل لبيع الهدايا





هاي غرفة الطفل










وهاي غرفة الخياطه




وهاي الممر بين الغرف




وهاي غرفه ثانيه





وممر ثاني








ودخلنا المطبخ ... هاي الفرن كانو يحطون الفحم تحت ويشبونه وعقب الحدايد الي فوق تسخن و يجهز الفرن











المكتب ..





غرفة الطعام





الصالة





بشتخته





الكرسي التوأم





غرفة نوم ثالثة





وهاي الحمام والغريب فيه ان جمب المرحاض في مكان للغسيل وانتو بكرامه احسن من الحين ...





غرفة نوم رابعة





وهاي الحمام





تيلفون عتيج





ومن بعد الشقة طلعنا الى بوابة الخروج و طبعا قبلها محل هدايا ..





و شقحنا الشارع وتوجهنا لستار بكس لان احنا كنا عطاشا وتعابا





طلبي ماي و عصير ليمون بنكهة شاي الباشن فروت (( طعمه وااايد حلو ومنعش ))




وبعد مارتحنا ركبنا باص ونزلنا في ساحة كاتلونيا وكملنا مشي و تسوقنا واحنا راجعين للفندق و لفت نظري العديد من المباني و التصاميم الجميلة ..


مثل هالمبنى عليه نقوش حلوه





وين مارحتو المحلات حولكم





والمباني القديمة والجميلة ايضاً حولكم














شوفو هالشباك او الفرندا الي على الزاويه واايد حلوه











ولفينا لفة فندقنا ودخلنا فريجنا








ووصلنا الفندق





رجعنا البيت نتجهز للسهره .... اشوفكم بالجزء القادم .. جزء سهرة برشلونا

الله يوفقك ويسهل دربك وجزاك الله الف خيرررررر علي المعلومات القيمه
ومرررره ريحتيني بخصوص الامان وخاصة باليل
الله يريحك دنيا واخرررر ومشكوره اختي
وانا من متابعينك بكل حماس

المشاركة الأصلية كتبت بواسطة ام محمد 81

الله يوفقك ويسهل دربك وجزاك الله الف خيرررررر علي المعلومات القيمه
ومرررره ريحتيني بخصوص الامان وخاصة باليل
الله يريحك دنيا واخرررر ومشكوره اختي
وانا من متابعينك بكل حماس

ام محمد شكرا جزيلا على متابعتج وعلى ردودج ماقصرتي

الصراحه عجبتني تصاميم الغاودي أشوفها وايد غاويه

واصلي وانا متابعتنج

بشوف اذا بقتنع باسبانيا ولا لأ ؟

وتصبحون ع خير

المشاركة الأصلية كتبت بواسطة هداوه

الصراحه عجبتني تصاميم الغاودي أشوفها وايد غاويه

واصلي وانا متابعتنج

بشوف اذا بقتنع باسبانيا ولا لأ ؟

وتصبحون ع خير

اي والله انا بعد اشوف ان تصاميم غاودي غاويه وغريبه خخخخ ان شاء الله بتقتنعين في اسبانيا لان فيها تنوع سياحي رهيب ابتدائا من الاندلس في الجنوب والبحر في ماربيا و مدريد و برشلونه واقليم الباسك مثل سان سبيستيان خضار وبراد

تقرير جميل جدا وتفصيل رائع

ماشاء الله تبارك الرحمن
خمسه وخميسة بعين العدو (:

تقرير خيالي خيالي ومتعوب عليه كثير
بأمانة متميزة جدا بتقاريرج ودوم مليون على عشرة

امس اول مشاركة كانت لي بموضوعج لاني احب الاطلاع فقط
بس روعة الموضوع وتعبج الواضح عليه يجبرني ارد عليه واشكرج وادعيلج
ماقصرتي يا عوشة
ربي يحفظج ويسعدج ويعطيج الف عافية
ويلا ننتظر التكملة

المشاركة الأصلية كتبت بواسطة ghj

تقرير جميل جدا وتفصيل رائع

شكرا جزيلا و ماقصرت على الرد

المشاركة الأصلية كتبت بواسطة يمر طيفك

ماشاء الله تبارك الرحمن
خمسه وخميسة بعين العدو (:

تقرير خيالي خيالي ومتعوب عليه كثير
بأمانة متميزة جدا بتقاريرج ودوم مليون على عشرة

امس اول مشاركة كانت لي بموضوعج لاني احب الاطلاع فقط
بس روعة الموضوع وتعبج الواضح عليه يجبرني ارد عليه واشكرج وادعيلج
ماقصرتي يا عوشة
ربي يحفظج ويسعدج ويعطيج الف عافية
ويلا ننتظر التكملة

ههههه مشكوره حبيبتي ماقصرتي انا سعيده ان ردودج الاولى في مواضيعي وجزاج الله خير على الدعاوي الزينه بارك الله فيج