 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
13-10-2003, 07:08 PM
|
#1 (permalink) |
|
مسافر خبير
تاريخ التسجيل: Sep 2003
الدولة: الرياض الحبيبة
رقم العضوية :1185
المشاركات: 2,008
|
تحويشة العمر في مراكش
في السنة الماضية شهر ابريل 2002
جمعت اللي قدرت عليه من دريهمات وقلت يا ولد لازم تسافر رحلة سياحية بحق وحقيقي  كيف بحق وحقيقي يعني زي السياح الاجانب يعني اروح للاماكن التاريخية واصور المناظر وبلا مراقص وبلا هم والخرابيط الاخرى اللي ما تخفاكم المهم ادق على الشباب ابشرهم هيه هيه بروح المغرب بروح المغرب وكلا منهم رز خشته وقال مابي لكن على مين انا قدها وقدود اورح واحجز وارد بهم ومن زين البخت انشغل واجل الرحلة 3 ايام يعني بدل ماهي الاحد صارت الاربعاء وغيرت الحجز بالتلفون من السعودية ويوم الاربعاء اصحى من بدري واطلق البدلة وااطلع للشارع ادور على اول ليموزين واتذكر اني ناسي بعض الاغراض بالسيارة وارجع البيت واطلعهم لا وعلى طلعة اخوي العود (رايح للعمل من بدري مشاء الله عليه من قبل 7) المهم ابو الشباب سوى فيها اخلاق وقال اوصلك قلت الى الشارع بس المهم وصلني على وقفت الليموزين المطار الاخ هز راسه ونطلع واصل للمطارمن بدري واروح الكونتر واشحن الشنطية رغم انه تنشال باليد بس على شان قولة شحنت العفش وانزل تحت ادور فطور ( عاد تعرفون مطارنا مابه الا الدجة الا طلعت من الجوزات مالقيت مطعم ولا شي ) وان ا افطر يجون اثنين شكلهم بنقلادش يكسرون الخاطر ومعهم وريقة صغيرة مكتوب فيها اسم واحد ويمد لي الورقة ايش هدا انا قلت له ولين ماعندك احد مايعرفون شي وينقز حق المطعم ما ادري شكله افلبيني او انه من اندونيسي المهم الرجل الذيب قالهم جيب البسبورت ولين مكوب ان عليه اسم مكتب ويتصل عليهم ويقول لهم ليه انت يسوي كدا هدا فيه 2 نفر مسكين 3 يوم في مطار والظاهر ان المكتب قاله بنرسل ناس يخدونهم المهم الرجال طلع شهم وعطاهم فطور وشاهي . وانا ودعتهم في خير واطلع فوق واصرف لي 2000 ريال من 2 ونص تقريبا وبعدها ورحت للبوابة ويصفر الحكم وتبدا المبارة قصدي الرحلة ويوم طلعت الطيارة ولين ربعنا حقين السعودية حاجزين المقاعد اللي بالنص لزملائهم وحاشرينا على الاطراف وعند الساعة التاسعة اقلعت الطايرة من الرياض الى جدة بعد الاقلاع بشوي الا وانا اشم شي وتلفت يمين يسار الا واحد من الشباب قابع له سيجارة قلت الحين بينزلونه بجدة ولا احد قاله شي اثري التدخين مسموح حتى الى جدة ووصلنا مطار جدة ويحشرونا بها الطايرة الين الساعة وحدة الظهر ونواصل الرحلة الا مطار محمد الخامس بكازا واتعرف في الطايرة على واحد من شباب جدة قال انت اول مرة تروح المغرب قلت له ايوه قالي تحب احد ينصحك ولا من اللي يضيق صدرهم من النصح عاد انا سويت فيها ثقل شوي وقلت له بالمصري ( ادينا بنتكلم ما يقراش حاقة ئول ) عاد قالي نصايح سماها النصايح الذهبية للعودة الى ارض الوطن بدون مشاكل 1 – وانت طالع في ساعة متاخرة من الليل لاتمشي لوحدك حتى لو مشوراك قريب خد تكسي اضمن 2 – لا تعطي أي احد ارقامك بالسعودية وادا احد اعطالك رقم وانت طالع من البلد ارميه او شققه 3 لا تقبل أي عرض للشقق من من يعرض عليك شقة بالشارع وعند الساعة الرابعة عصرا بتوقيت كازا وصلنا المطار المهم طلعنا من الجوزات والجمارك اللي كانو يفتشون الشنط بس السعوديين ما فتشوا احد واشوف السعوديين وين يمشون وامشي وراهم والاقي اغلبهم راحوا عند الصراف يصرفون وانا اضحك عليهم واقول مساكين توهم يصرفون واروح للتاكاسي من الحين بقول طاكسي واخد طاكسي كبير قلت له فندق الكندرة اتفقنا على 200 درهم وفي الطريق قلبت الموضوع قلت انا وايش لي وكازا انا سايح لازم اروح منطقة تاريخية قلت له تقدر توديني لمراكش قال ايوه طب بكم قال 900 قلت توكلنا على الله ويطلع جواله ويكلم ام اعياله عاد انا سويت فيها ميانه وقلت له التلفون دولي يا ابو الشباب قال ايه قلت ممكن اكلم السعودية تغير وجه وعطاني الجوال وادق على اخوي مرحبا انا وصلت وبخير مع السلامه ونواصل طريقينا ياهو تعباااااان خط واحد وضيق وفي الليل كل شوي وفيه شرطة بكشفاتهم بس يطلبون الرخصة وانا ما احد كلمني بعد العشاء وصلنا لمراكش (الرحلة بالتاكسي كانت تقريبا 4 ساعات) من المطار الى مراكش ويوم دخلنا المدينة قلت له ابي اسكن بفندق حلو ونظيف قال انا اعرف مراكش زين ولا تهتم ويوديني لفندق بنص البلد الجديد فندق احليوه وانزل باسئل عن غرفة وقلت للموظف الاقي عندكم جناح كبير ابتسم وقال اسف مافي كل الفندق مشغول طب غرفة أي شي قال مالك امل قلت طيب وعبير المهم ارجع لخويي قلت ماعندك سالفة دور غيره قال ليه قلت غالي ووديني لفندق بسم الله ما شاء الله يشبه فندق الرياض اللي بالبطحاء قال هذا حلو ورخيص قلت انزين واخد ذيك الغرفة واحط الشنطة وارجع لخويي ونروح نتعشى وطبعا وهدا شي طبيعي (منك يغارون )* هو اللي اختار المطعم مطعم شعبي حليوي بعد ولو ان النظافة ماهي بالحيل ومو قصور منهم بي عاد المكان كدا المهم انا طلبت مشويات لكن اقنعني ان اخذ لم صينية وهو اخذ كفته بالصينية وعاد هم يحسبونها بالغرام كم غرام سيدي وانا اتلفت ما ادري كم اطلب وهو عاد تصرف تعشينا وحاسبهم ورجعنا الفندق واطق مخباتي واعطيه الف درهم وانزل واروح ارقد أي ارقد وراكم مطافيق صاحي من الساعة 6 والساعة 10 بتوقيتهم يعني وحده واصح الصبح من بدري وانزل من الفندق واروح افطر واخذ طاكسي صغير قلت له عاوز شئة مفروشة قال اقامة يعني قلت ليه ** المهم يوديني لشقق لكم عليها ماهي باللي في البال واشوف دعاية للجولات قلت له خلينا نشتري واخد واحد ب 750 درهم ومعه اظن 100 او 150 مكالمات وسجلوه باسم بموجب بطاقة الاحوال قالوا الجواز ما نعترف بيه ونلاقي اقامة يعني نقدر نقول مقبولة المهم استاجرت بحدود 300 او 400 درهم شقة فيها غرفة نوم وصالون ومطبخ ودورتين مياه وتلاجة و2 تلفزيون وادخل المطبخ ولين مافيه براد شاي واتصل عليهم يالربع عدة المطبخ ناقصة ويرسلون لي واحد بالبريق والكاسات وهيتر للشاي المهم اعطيه فلوس واقله رح اشتر هذي الاغراض راح الراجل وجاب الاغراض مع بعض الاخطاء البسيطة في المعاني وجلسنا نسولف ويقولي الراجل بدون مقدمات اعتبر هدي الشقة ملكك * مالها داعي جاية بالغلط ** عاد لا تصدقون يتبع غدا قصدي بالمشاركة القادمة |
|
|
13-10-2003, 08:57 PM
|
#2 (permalink) |
|
مسافر فعال
تاريخ التسجيل: Oct 2003
الدولة: عند الغدير
رقم العضوية :1252
المشاركات: 124
|
اخوي الحمد لله على السلامة
شكل سالفتك سالفة من يوم اشتريت جوال ب750 سعر الجوال 250 درهم وفيه مكالمات ايضا يعني عرفوا من انت ؟؟؟ ثانيا لو ريحت بكازا يوم واحذر من الكندرة اوسخ فندق في المغرب كله شياب وبلاوي تسكن باي مكان حلو مثل ريجنسي او الشيراتون .. وعلى فكرة ترا نفس سعرة الكندرة ..الا ريجنسي يفرق شوي سعره ب 1500 درهم وفي شركة نقل عندهم ممتازة جدا اسمها ستيام وسعر مراكش ب 70 درهم يعني توفر 850 درهم عن تاكسيك عموما حبيت اقولك هالنقاط قبل مانتعداها .. وانتبه المغرب لا تسافرلها وحدك ابدا ... بس شكلك جرئ والحمد لله على السلامة يالله كمل .... 
|
|
|
|
14-10-2003, 01:22 AM
|
#3 (permalink) |
|
مسافر متميز
تاريخ التسجيل: Mar 2003
الدولة: الكويت
رقم العضوية :15
المشاركات: 373
|
السلام عليكم ورحمة الله وبركاته
مفلس وشاري الخط بــ750 وهو بأقل من هالسعر انا استغربت بس قلت يمكن زادوا سعره لكن يالله صدقه على طاري مطارهم انا مافهمتك تقول السعوديين فتشوهم ولا لأ ؟ لأنها بصراحه غريبه خليجي وما يتفتش العاده لازم يجمركونك ((أتاوه)) أنا قبل شهر كنت مسافر وصلت مطار كازا ترانزيت لاغادير يعني مافيه بخشيش بكازا بس يوم وصلنا مطار اغادير الله لا يوريك كل واحد فيهم يوقفك ساعه وعيونه تلاقط وطاااااف وطلعت منه وركبت طاكسي كبير على قولتك بس قبل لا يطلع من المطار وقفوه الشرطه وافتح الدبه(الشنطه) وفتش بالشنط وكل شوي بخير مبسوط ارد عليه من شاف وجهك ماهو ببخير ..أول مره اشوف تفتيش خارج المطار المهم مامشينا الا خذ وهات تعبانين من السفر وندور النوم المطار وانا راجع وقفوني قبل لا ادخله بعد  !!!!!ويفتشون وعطله بس اخوك ناويلهم جايهم وحالف ما يشوفون درهم ويشوفون كاميرة فيديو ويسوون سالفه عليها مسجلها ولا لأ لأ طبعا بس اخينا بالله يدور اي شي لين اعطيه المقسوم من ميه وفوق ولا مايعجبه بس لطعته لين افلس وقلتله ترى ان فاتتني الطياره تتحمل المسؤوليه ويرد علي يسألني معك حشيش ولا مخدرات على قولته يقول مسكنا كذا خليجي معه مخدرات وحولناهم يعني مخوفنا قلتله يالاثول الحين ديرتكم يلاحقونا بالشوارع ويحرجون على هالسم علني وجاي تدوره معنا قال ايه بالبلد عادي اما المطارات ممنوع وطااااف افلس ومشانا بس الغريبه بمطاراتهم يمر قدامك 80 فرنسي ولا اجنبي ما يوقف حتى على طول مايتعطل ولي شافوا الخليجي كانهم شايفين $ يمشي...!! هذا أسوأ ما في المغرب بخشيش ولا ما يعاملونك عدل وهذا موجود في كذا دوله عربيه بس المغرب بكثافه وبقوه ولكن يبقى المغرب بلد رائع وجميل وننتظر باقي رحلتك يا سعودي وانشالله مايكون فيها صفقات نفس 750 الاخ عاشق سياحه مشكور على تنبيهك واتمنى نستفيد منك وآسف للإطاله |
|
|
|
14-10-2003, 10:04 AM
|
#4 (permalink) |
|
مشرف سابق
تاريخ التسجيل: Apr 2003
رقم العضوية :208
المشاركات: 1,401
|
السلام عليكم
أخواني سعودي مفلس / عاشق السياحة / غريب الدار ماشاء الله عليكم مبدعين وأسلوبكم أكثر من رائع.... -أعتقد بخصوص الجوال 750 لأنه إشترى الشريحة مع الجهاز ، لأن الشريحة لوحدها مع بعض الدقائق المجانية تساوي 250 وشكله الجوال نوكيا 3110 أبو بطارية ماتقعد... عموما أخوي سعودي مفلس كمل لنا السالفة كاملة طقة وحده وراح نفيدك بأشياء تقدر تتخطاها المره القادمة سواء من ناحية الأسعار أو غيرها بس هاه المغرب وشعبه عزيز علينا وما ودنا نزعلهم بزلة "كيبورد" حتى يبقى الموضوع مشوق كشوقنا لكم ومرجع للجميع. وشكرا للجميع أخوكم المسافر |
|
|
|
14-10-2003, 01:02 PM
|
#5 (permalink) |
|
ابوعبدالرحمن
تاريخ التسجيل: Mar 2003
الدولة: السعوديه
رقم العضوية :25
المشاركات: 2,499
|
السلام عليكم ورحمة الله وبركاته اخوي /// سعودي مفلس حياك الله في بوابة المغرب ــــــــــــــــــــــــــ وكلا منهم رز خشته وقال مابي لكن على مين انا قدها وقدود ـــــــــــــــــــــ كفو ........ العزايم فيها الغنايم ننتظر باقي القصه على احر من الجمر الاخوان // غريب الدار وعاشق الطبيعه استفدنا من مداخلاتكم وتعليقكم اخوي /// المسافر خبير السياحه بالمغرب تستاهل ومليون مبروك وتحياتي |
|
|
|
14-10-2003, 03:17 PM
|
#7 (permalink) |
|
مسافر متميز
تاريخ التسجيل: Aug 2003
الدولة: بلد الكم مليون
رقم العضوية :1090
المشاركات: 344
|
اني اسافر لحالي 0000هذا المستحيل
والله اكره شي يعقدني هو البخشيش ودي ادفع الف ريال عن طيبه خاطر ولا ادفع ريال بخشيش غصب ثانكيو لا ايلك ياسعودي و شوكورن للاخوان على الاضافات |
|
|
|
14-10-2003, 04:47 PM
|
#8 (permalink) |
|
مشرف سابق
تاريخ التسجيل: Apr 2003
رقم العضوية :208
المشاركات: 1,401
|
أخي البحر الله يبارك فيك أشوى إنك غيرت الاسم وصححته لكن مافيه فرق كلنا أخوان...." راحت عليك هالمره ، لمحتها قبل ما تصححها " ههههههه ، تمون ياأبوعبدالرحمن والله أنا عرفت قصدك إنه علي لكن قلت زلة كيبورد...
الأخ عاشق السياحة الله يبارك فيك وليش لا علىطول أبعينك مساعدي تستاهل والله أكثر وترى اذا ماكنت أنا الله يعينك تغنيها أنت هههههههه. الأخ سالم ماغيره والله ما أحد يجبرك تدفع بخشيش في أي دولة وجرب كلامي وشوف دام أنت في السليم لاتخاف من أحد أصلا ولاتعطيه وجه يطلب منك أي شي ، وشوف اذا قدر ياخذ منك شي لكن حن نقول هاه يبي بخشيش شكله ونمد اليد ، وأدخل بعين أي واحد يجبرك على ذلك وأنا مجرب........ بعدين من ناحية أسافر لوحدي والله بعض الأوقات مو كلها تندم أنك أخذت معك صديق ، وترى الصديق ما يبان الا في السفر ، وخذ كلامي.... مع تحيات أخوكم المسافر |
|
|
|
14-10-2003, 05:51 PM
|
#9 (permalink) |
|
مسافر فعال
تاريخ التسجيل: Oct 2003
الدولة: عند الغدير
رقم العضوية :1252
المشاركات: 124
|
صادق اخوي المسافر بكل كلمة قلتها
بس لو كانت البلد اول مرة انا من رأيي لازم صديق على الاقل يشجعك ويونسك شوي حتى لو كان فيه شوي عيوب لإن محد كامل .. لكن تندم انك اخذته اذا كان صاحبك بخيل او متهور او صاحب مشاكل معك حق انا اشوف السفره لوحدي افضل .. بس طبعا صاحبك بالسفر اكيد راح يكون معروف بالنسبة لك بنسبة كبيرة |
|
|
|
14-10-2003, 05:59 PM
|
#10 (permalink) |
|
مسافر خبير
تاريخ التسجيل: Mar 2003
رقم العضوية :72
المشاركات: 1,798
|
اعذروني على المشاركة المتاخرة
ولكن حبيت اشكر الاخ سعودي مفلس على سردة الاكثر من رائع لتجربتة الجميلة في المغرب واحب اقول له : يا ويلك اذا ما كملت الباقي  حبيت امزح معاك اخوي سعودي ولا عندي تعليق ابدا الا الله يعطيك العافية على سردك الجميل وننتظر المزيد بفارغ الصبر. |
|
|
|
14-10-2003, 06:41 PM
|
#11 (permalink) |
|
مسافر خبير
تاريخ التسجيل: Sep 2003
الدولة: الرياض الحبيبة
رقم العضوية :1185
المشاركات: 2,008
|
عاشق السياحة
اشكرك اخوي على مرورك الكريم واحب اوضح لك ان شريت جوال بالشريحة مو شريحة بس صح انه من ارخص نوع موتورلا وعاد له حكاية بشرحها بأخر القصة لانها حدثت بالاخير والكندرة جاي دوره اما النقل فالراجل بالطايرة قالي اذا بتروح منطقة تانمية خد القطار ولا النقل حتى حفضني اسمها وقالي مقرهم مقابل الخطوط السعودية لكن حن فينا طفاقة |
|
|
|
14-10-2003, 06:54 PM
|
#12 (permalink) |
|
مسافر خبير
تاريخ التسجيل: Sep 2003
الدولة: الرياض الحبيبة
رقم العضوية :1185
المشاركات: 2,008
|
على طاري مطارهم انا مافهمتك تقول السعوديين فتشوهم ولا لأ ؟
لأنها بصراحه غريبه خليجي وما يتفتش العاده لازم يجمركونك ((أتاوه)) هلا اخوي غريب الدار تصدق اللي واقفين على البوابة اذا جاهم المغربي وجهووه للي يفتشون وحنا قالوا تفضلوا ولا فتشوا حتى حقين الجوازات ما طلبوا شي |
|
|
|
14-10-2003, 07:01 PM
|
#13 (permalink) |
|
مسافر خبير
تاريخ التسجيل: Sep 2003
الدولة: الرياض الحبيبة
رقم العضوية :1185
المشاركات: 2,008
|
( أعتقد بخصوص الجوال 750 لأنه إشترى الشريحة مع الجهاز ، لأن الشريحة لوحدها مع بعض الدقائق المجانية تساوي 250 وشكله الجوال نوكيا 3110 أبو بطارية ماتقعد...)
هلا اخوي المسافر لا هو موتورلا لا المغرب اخوانا وما يمكن نسئ لهم ولا لاحد غيرهم لان اللي يسئ لاحد هو أساء لنفسه اولا ومشكور يا عزيزي على المرور |
|
|
|
14-10-2003, 07:11 PM
|
#15 (permalink) |
|
مسافر خبير
تاريخ التسجيل: Sep 2003
الدولة: الرياض الحبيبة
رقم العضوية :1185
المشاركات: 2,008
|
اني اسافر لحالي 0000هذا المستحيل
والله اكره شي يعقدني هو البخشيش هلا سالم مرات بتدفع على راي الراجل (عطووووووووووووووووووووه بس نخلص) ولما تسافر لوحدك مرات تكون حلوة ومرات تقوووووول انا ايش اللي رماني ها الرمية |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:32 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||