الموضوع: اي من بطاقات فيزا الراجحي....نحتاج للسفر

السلام عليكم


لاول مره نستخرج بطاقة فيزا وستكون بإذن الله من الراجحي لان راتبي ينزل عليه

لكن لما دخلت موقع البنك حصلت اكثر من نوع


فماادري ايهن اطلب وتساعدني بالسفر والفنادق والمحلات

فمن عنده خبره يفيدنا في امرنا هذا ...وجزاك الله خيرا

ارجو ان اكون فهمت سؤالك
لكن البطاقه اللي طلعتي وعليها اسم فيزا هي اللي تنفع بس شوفي كم الحد الائتماني حقها واذا كان ما يكفي لسفرتكم تقدرين تحولين من الحساب الجاري الى البطاقه
(هناك بطاقه بلاتينيه / ذهبيه / فضيه)

المشاركة الأصلية كتبت بواسطة نجد2011

ارجو ان اكون فهمت سؤالك
لكن البطاقه اللي طلعتي وعليها اسم فيزا هي اللي تنفع بس شوفي كم الحد الائتماني حقها واذا كان ما يكفي لسفرتكم تقدرين تحولين من الحساب الجاري الى البطاقه
(هناك بطاقه بلاتينيه / ذهبيه / فضيه)

يعني اي بطاقه مكتوب عليها فيزا تنفع<<< قلت لك مااعرف للبطاقات ابدا

أنا أستخدم فيزا قسط والحمدلله ممتازه جداً

اذا راتبك اقل من 10 يحطون لك فيها 3000 ريال واذا فوق 10 الاف يحطون لك 4000 ريال

وتقدر تشحنها أنا أشحنها على قد مصروفي في السفر

بس لازم تنتبه لنقطه وهي أن الفيزا اللي تاخذها لازم تكون الارقام فيها محفوره لأن الموظف بيقول لك خذها فورية أرفض

وأطلب منه محفوره يمكن تنتظر يومين الى خمسة أيام

والسبب أنك تطلب فيزا محفوره لأن بعض الفنادق ومحلات تأجير السيارات (خاصه في أوروبا) ماتقبل فيزا الا محفوره

فيزا قسط اذا سحبت المبلغ اللي فيها تسدده اقساط يسحبون من حسابك كل شهر 150 ريال شهريا ولايأخذون منك

فائدة ولاريال ولارسوم تأخير بس اذا سحبت عن طريق الصراف ياخذون رسوم تقريبا 16 ريال للعملية

وفيه فيزا ثانيه أسمع عنها من الراجحي وهي مسبقة الدفع وان كان البنك الأهلي أفضل منهم ومهوب شرط يكون لك

حساب عندهم ب 100 ريال رسوم وتشحنها بالمبلغ اللي تبي

بالنسبه لي أشتكي من شيء واحد عند مصرف الراجحي في الفيزا وهو أنهم يحسبون الدولار غاااالي تقريباً 3.86

طبعا مهوب ثابت يختلف

آسف طولت وأتمنى أني أفدتك

بطاقة الراجحي الجديدة مكتوب عليها فيزا وبها شريحة.. تستخدم كفيزا

طيب شوفي البطاقات اللي في الموقع وقولي لنا اي وحده اعطوك او اسهل شئ روحي للبنك وخذي كل التفاصيل منهم احسن لك

اذا انتي حسابك بالراجحي بطاقاتهم الجديد بشرائح ومقبوله

بالتوفيق
قسط تخصم شهريا
الفيزا تخصم علي حسب صرفك ويتم منحك ليمت معين للصرف وممكن الاستفاده بزيادته الي 50% بشكل مشتريات

المشاركة الأصلية كتبت بواسطة origami

بطاقة الراجحي الجديدة مكتوب عليها فيزا وبها شريحة.. تستخدم كفيزا

هل قصدك "التميز"
هل اقدر استخدمها في النت.
انا عندي بطاقتين في الرجحي.
وحدة عادية والثانية بطاقة التميز.
التميز مكتوب عليها فيزا الكترونيك ومن الخلف شريط اسود. هل هذا قصدك ممكن ان تستخدم كفيزا.
او عن طريق النت...شكرا اخوي

حسب ماسمعت فيزا الراجحي مقبوله بكل مكان

السلام عليكم ورحمة الله وبركاته ..

شوفي اختي الكريمة

في بنك الراجحي يوجد نوعين من بطائق الفيزا :

النوع الاول / الفيزا العادية ( محفوره ) ،، وهي ثلاث مستويات :
البرونزية : للراتب اقل من 5000 ريال .
الفضية : للراتب اقل من 10000 ريال .
الذهبية : للراتب اكثر من 10000 ريال .
وكل بطاقة فيها مبلغ مالي للسحب يختلف من فئة الى فئة ،،، والفيزا المحفورة مهمة في استأجار السيارة وخاصة في اوروبا .

النوع الثاني / التسوق ( الشحن ) والبيانات اللي على البطاقة تكون كتابة
هذه انتي تشحنينها بالمبلغ الي تريدين من 10 ريال ..... الخ . ،،، مثل ما تريدين .
والفائده منها في التسوق من الانترنت .
وبصراحة انا استخدمها في الشراء من الانترنت وفي حجز الفنادق داخل وخارج المملكة ...
وما فيها اي مشكلة ولله الحمد.

تحياتي لك ..