ألسلام عليكم ورحمه الله وبركاته


استكمالا لموضوعي ألسابق تفاصيل الرحله إلى تايوان كان المقصد هذه المره هو هونج كونج

وصلنا بحفظ الله يوم 14 أكتوبر 2005
والحجز كان في فندق
The Marco Polo Hong Kong

والسبب في اختيار هذا الفندق هو ذكرهم في موقعهم على الانترنت
ان غرفنا هي الأوسع في هونج كونج واللي راح هونج كونج يعرف قيمه الغرف الواسعه
وحجزت عن طريق موقعهم
بسعر 2400 هونج كونج دولار يعني حوالي 1200 ريال لغرفه سوبر ديلوكس مطله على الميناء
والسعر مضاعف على الأقل مره والسبب فتره المعرض الفندق قريب من ستار فيري
وهي وسيله المواصلات الانسب من كولون للجزيره والسبب ان الواحد ما يحتاج يمشي
مسافه طويله للوصول الى الاندرقروند وفي الجهه الثانيه ممكن الواحد ياجر تاكسي


وبعد ما طلعنا من المطار مشينا حق مكتب الفنادق الموحد اللي اول ما تطلع بيكون اخر شي على اليسار
والسبب اني اسأل عن الفندق نفسه وسعره عندهم لكن قالوا ما فيه حجز
ولو كان فيه حجز ارخص من سعر الانترنت كنت خذته من عندهم ولكن ابتداء من اليوم التالي
للوصول لان حجز الانترنت مجبور ليله على الاقل إذا ما الغيته بوقت كافي

وفيه سواق هندي تعرفت عليه قبل كم سنه واتصلت فيه علشان
ياخذنا من المطار لكن اعتذر لانه بعيد من المطار ومشينا للجهه اليمنى للمطار باتجاه الفنادق
لان فيه سواقين من الجنسيه الاسيويه بالذات الهنود عندهم سيارات باسعار جيده
ولقينا واحد واتفقنا معاه على سعر 200 دولار هونج كونج للفندق


وهذي صور من المطار للفندق وبعضاها كان في طريق العوده




























وصلنا للفندق وبعد ما عطونا متاح الغرفه اتصلت في مطعم وقاس يجيب لنا الفطور لان كنا صايمين
وهذي صور للغرفه











وهذا الفندق المبنى الابيض الثاني من اليمين









وهذي صوره الفندق من المدخل الخلفي من جهه ستار فيري




وهذي صور من الغرفه




























وفي الجزء التالي صور من كولون




تحياتي للجميع

عزيزي Awal_7abib

شاكر لك مرورك

ولا تخاف التخصص في فتره معينه من السنه وبعدها
يصير التخصص في الاتجاه المعاكس


تحياتي لك

عزيزي Galag

الله يعافيك واتمنى الصور اعجبتك

وانتظر التكمله قريب ان شاء الله

شاكر لك المرور

تحياتي لك

عزيزي آخر الفرسان

شاكر مرورك وللاسف ما قدرت اجرب الهيلكوبتر مع اني سمعت
عنها لكن الوقت ما ساعدنا وان شاء الله بيكون لها نصيب من السفره الجايه


تحياتي لك

عزيزي soilrich
بالنسبه لفندق الهوليدي ان موقعه جيد في بدايه ناثهان رود
وقريب جدا من المطاعم الاسلاميه والمسجد .

اما مسأله ان الفنادق ما تقبل الاطفال ما اعتقد ان الكلام صحيح لان هذا تجاره وهم اهلها
لكن المشكله ان اغلب الفنادق مساحه الغرف ضيقه جدا ومن الممكن ما يقبلون الاطفال
الا على نوع معين الغرف


وشاكر مرورك



تحياتي