 |
 |
 |
||
|
|
|
||
 |
|
 |
|
|||||||
| بوابة السفر إلى ماليزيا Malaysia في هذا القسم تجد مواضيع عامة متنوعة للقراءة عن ماليزيا، إذ انه يتم أرشفتها بشكل دوري. |
| Tags: honeymoon, شهر عسل شرقي |
|
|
أدوات الموضوع | انواع عرض الموضوع |
|
|
04-03-2006, 01:25 PM
|
#1 (permalink) | |
|
مسافر خبير
تاريخ التسجيل: Jan 2006
الدولة: الرياض
رقم العضوية :54543
المشاركات: 2,120
|
اقتباس:
والله يعطيك الف عافية على التقرير الحلو  |
|
|
|
05-03-2006, 07:29 PM
|
#3 (permalink) | |
|
وسام العضو المميز
 
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
اقتباس:
يا مرحبا بك ،، وابشري بالبقيه والتقرير باذن الله جاهز ،، اما الليله راح انزله او بكره ان شاء الله ،، وماليزيا تستاهل العنوه وخاصة بان الواحد يمكنه من خلال منتدى العرب المسافرون يعمل جدول ما فيه مثله ،، وراح يستمتع فيه على الاخر . وبالتوفيق ان شاء الله ،، |
|
|
|
|
05-03-2006, 07:25 PM
|
#4 (permalink) | |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
اقتباس:
تسلم يا عباس الابيض ، والله يبلغك في عيالك ان شاء الله ،، |
|
|
|
|
26-02-2006, 02:03 AM
|
#5 (permalink) |
|
مسافر متميز
تاريخ التسجيل: Mar 2003
الدولة: حبيبتي الكويت
رقم العضوية :32
المشاركات: 176
|
ههههههه
هذي عوايدنا حنا العرب التاخير في دمنا اخوي رجل شرقي منتظرين التكملة .. وياليت ماتطول باين الاحداث من اولها فيها اكشن  اف اف اف نسينا نبارلك بالزواج بعد مرور اكثر من سنة ونصف مبرووووك وبالرفاة والبنين |
|
|
|
26-02-2006, 04:55 PM
|
#6 (permalink) | |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
اقتباس:
والله شاقول ، انا مو من طبعي اتاخر ، وخاصة بموعد رحلات الطيران لاني استمتع وانا جالس في المطار وانتظر الطياره وخصوصا لو كانت الرحله سياحيه مو عمل ، بس خبرك معرس وما لقى حد يقوله قوم لموعد الطياره واستح على وجهك .. وابشر بالتكمله اليوم بعد ماارد على الاخوان ،، تحياتي |
|
|
|
|
26-02-2006, 02:11 AM
|
#7 (permalink) |
|
مسافرجديد
تاريخ التسجيل: Jan 2006
رقم العضوية :55293
المشاركات: 17
|
شوقتنى أخوي شرقي على الرحله ألي شكلها راح تكون ممتعه بسبب أسلوبك المميز,,
الجميع في الأنتظار,,خاصه أنا ودي أستفيد من بعض المعلومات ألي راح تفيدنا فيها لأن زواجي باقيله 25 يوم وأنا جالس أجمع معلومات وأن شالله تفيدنا بالمفيد,, |
|
|
|
26-02-2006, 04:58 PM
|
#8 (permalink) | |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
اقتباس:
والله حاسس فيك ,, تحياتي لك وزواج سعيد باذن الله ،، |
|
|
|
|
26-02-2006, 05:04 PM
|
#12 (permalink) | |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
اقتباس:
ابشر بالباقي عزيزي ، بعد ردودي على اخواني الاعضاء لان لهم الحق بالرد .. تحياتي لك ،، |
|
|
|
|
26-02-2006, 05:07 PM
|
#14 (permalink) | |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
اقتباس:
هلا بالهدار ،، والله يبارك فيك ..وهالمواقف مثل ما قلت ياما تحصل ، وابشر بالصور . بس العذر اذا ما كانت واضحه لان الصور مثل ما سبق ان وضحت بانها ماخوذه من شريط الفيديوا اللي صورناه في ماليزيا . تحياتي لك ،، وبقية التقرير ستجدها تحت ردي لك .. تحياتي |
|
|
|
|
26-02-2006, 05:15 PM
|
#15 (permalink) |
|
وسام العضو المميز
تاريخ التسجيل: Jun 2005
الدولة: قطـــر
رقم العضوية :23945
المشاركات: 2,428
|
الحلقه الثانيه:-
نتابع مواصلة الرحله ، وان شاء الله تحوز على رضاكم ، واحب انبهكم بان الصور ماخوذه من شريط الفيديو الذي صورته في ماليزيا وليس من كاميرا فوتوغرافيه ، لذا اعذروني اذا ظهرت الصور رديئة. تحياتي رجل شرقي المفاجأه التي حصلت بالطياره نواصل ما انتهينا اليه في الحلقه الاولى ، فأول ماركبنا الطياره الا والناس تحدق فينا ، لان الطياره بالفعل تاخرت تقريبا 25 دقيقه واحنا السبب . وبالسلامه اقلعت الطياره ، وانا ارى الدوحه واضواءها الرائعه تلامس اجنحة الطائره ، وانا اخاطب نفسي :- ( الآن بدأت حياة آلا رجعه ، الآن بدأت الحياة الزوجيه ، وهذا هو ثاني يوم لي من توديع العزوبيه مع رفيقة درب اتمنى ان تكون كما اتمنى واتمنى ان اكون كما تتمنى هي ، الان اغادر بيتي الذي تربيت فيه وامي وابي واخواني لاكون حياة جديده خاصة بي ، بيت جديد ، لا ادري هل سيكون سعيد ام تعيس ، الان اغادر الدوحه واغادر حياة الى حياة اخرى ... ) وانظر الى زوجتي وأراها تتبسم ، وأتبسم .... : : : وبعد ثلاث ساعات طيران او اكثر وبالتحديد بالقرب من القاره الهنديه ، اذ بالمفاجأه بمكروفون الطائره يصوت ، ( نهنيء السيد/ فلان الفلاني – محسوبكم،رجل شرقي- بمناسبة زواجه ونتمنى له حياة اسريه سعيده وقضاء شهر عسل ممتع وسعيد ) وشوي الا وجابت المظيفه كيكه وقدمتها للعروس ، وهنتها بكل لباقه . والكل يناظرنا ويقول في نفسه مبروك . وطبعا انا يوم جيت احجز لماليزيا حجزت من عند ( الدولية للسفريات ) من عند الاخت عبير ، ولما قلت لها بان سفرتي شهر عسل ، اقترحت لي هالاقتراح وان لو اعطينا خبر للخطوط القطريه راح يحتفلون بك بالطائره ويقدمون لك كيكه للعروس ، وبالفعل بعثت هي مسج للخطوط القطريه يوم الحجز وترتب الموضوع ، وهذا كله طبعا مجانا . والاخت عبير الله يجزاها خير ما قصرت ، وتوصت لنا في فوتشر الفنادق وكتبت فيه هني مون ( شهر عسل) حتى نلاقي خدمه طيبه في الفنادق اللي حاجزين فيها. الوصول الى كوالالمبور المهم وصلنا تقريبا الساعه 10 صباحا بتوقيت ماليزيا ، وعلى طول ورا المسافرين ، انزلوا من سلم نزلنا وراهم ، ركبوا سلم ركبنا وراهم ، اخذوا عربه اخذنا وراهم ، اطلعوا القطار طلعنا وراهم .. يعني وراهم وراهم لين ما طلعنا من البوابه الخارجيه واستلمنا شنطنا. ( خبركم غشيم في البلد ، ومع الخيل يا شقرا ،، حتى ما اضيع ) : : : وقبل ما نطلع خذنا سياره من المطار وعلى طول فندق الماريوت على شارع العرب .( اصلا ما كنت اعرف شيء اسمه شارع العرب ). : : وصلنا الفندق وعملنا الشيك ان للفندق ودفعنا مبلغ تامين ، وحصلت واحد من الاخوان الكويتيين يهاوش الفندق بخصوص مبلغ التامين انه ما راح يدفع ، وانه اول مره يسمع بشيء اسمه تامين . بس الحمد الله اني كنت قبل لا اجي لماليزيا كنت قد سافرت الى دبي والقاهره وكل الفنادق فيها تاخذ مبلغ تامين ، يعني الامر لدي معروف . وصلت الغرفه:  والغرفه كانت حلوه ، واطلالتها روعه ، تطل على البرجين ،، وهذه الصور ..    وبعدها ريحنا من تعب الرحله ونمنا لين المغرب بتوقيتهم ، وقمنا جواعا وقلنا يالله نطلع شوي ونشوف المطاعم القريبه ،، ونلف لف على شارع العرب الى ان شفنا مطعم الطربوش ، ويالله تعشينا فيه..، ورحنا بعد العشاء نمشي على شارع العرب لكي نعرف كل المعالم الموجوده حولنا ، وكانت كل الكوفي شوبات حاطه مراوح تطلع رذاذ ماي رهيب    : : : وبعد يومين اصبحنا خطيرين صرنا نعرف كل الزوايا في شارع العرب من مطعم هندي الى مطعم خيمة الصحراء والمجمعات اللي حول شارع العرب ، وقررنا الذهاب الى مجمع بيبي بلازا ... وكان اغلب بضائعه الكترونيات ، وقلنا ما يصير نقعد قي شهر عسل بدون كاميرات فيديوا او فوتوغرافي ، وبالفعل بعد البحث والسؤال ، اشترينا كاميرة فيديو كانون 2400 رينقت تقريبا بكامل معداتها ، واخرى فوتوغرافيه كانون ايضا ب 1200 رينقت. ، وكان ضمانها دولي ، حتى انه مكتوب في شهادة الضمان اسم وكيل ماركة الكانون في قطر . وهذه بعض الصور الملتقطه في بيبي بلازا    واحنا طالعين من بيبي بلازا الا واشوف محل يبيع ورد كان اشتري لزوجتي ورد  من هذي المره اللي تبيع فيه ..  وكانت هذي المحصله  ومرينا بعدها محل يبيع بطاقات ، قلت اهدي زوجتي بطاقه ( خبركم شهر عسل وعامل فيها ) وادور على البطاقات هذي  لالا هذي ما تصلح ، هذي  لالا هذي ما تصلح ، هذي  لالا هذي ما تصلح ، هذي هي اللي تصلح ، هاك يازوجتي بطاقة زواجنا ومبروك لي ومبروك لك:-   وطلعنا بعدها الى مطعم خيمة الصحراء ، ومطعم خيمة الصحراء استانسنا عليه لان فيه لبن (اللي احبه، ويذكرني بلبن اللي تسويه الوالده) وفوق هذا فيه مكان للعوائل ويمكن الشخص ان ياخذ راحته فيه.  هذي القرسونه   وطبعا الاكل ما يحلى الا باللبن ، ( وتذكرت اللبن اللي تسويه الوالده الله يحفظها ) على فكره انا مدمن لبن ..!!  اول صدمه زواج (!!!!!!) ..لماذا ؟ في اليوم الثالث كان مقرر لزيارة حديقة الحيوان وبعدها نروح البرجين ( خبركم رايحين لا دليل سياحي ولا مشوره ) واسمها تمشيه ولا حد يروح حديقة الحيوان ، والله ان اللي في الدوحه ما فكرت اروح لها !!! : : ويالله قمنا متاخرين ، ورحنا بعد ما افطرنا في مطعم هندي يقع على الشارع اللي فيه مطعم خيمة الصحراء ( وهذا المطعم كل فطورنا فيه مع ان في الفندق الافطار مجاني بس خبركم الشباتي والكيما واللحم الناشف والبيض المقلي له دور ) وما ادري كان وقت فطور ولا غدا لاننا قمنا متاخرين شوي. : توجهنا بعد الفطور الى حديقة الحيوان ، وهذي بعض المناظر على الطريق .    ووصلنا الحديقه   والشيء اللي عجبني ان اغلب الماليزيات المسلمات يرتدين الحجاب  ومرينا الكشك الموجود على باب الحديقه حتى ناخذ ماء و ربيان للقرود ( عامل فيها) وكان يبيع في الكشك ولد ضغير اسمه محمد وامه    ودخلنا بعدها الحديقه والنظام انك تضع التذكره داخل هذا الجهاز    واول ما دخلنا كان فيه محل يبيع العاب وشغلات ، واخذنا من مروحه صينيه لان الجو كان حار شوي  ودخلنا الحديقه           ومرينا على هالاسماك ( اللي راح اقول لكم اش سالفتها معانا في اخر الحلقه- الله لا يذكرها بالخير- استغفر الله)   وبعد ما خلص الربيان والاشياء اللي كنا نرميها للحيوانات والطيور والاسماك ، غسلت ايدي   وبعد ما لفينا ربع او نصف الحديقه قلنا يالله خلنا نروح للبرجين احسن ، وبالفعل طلعنا واشرنا حق راعي تاكسي وعلى طول الى البرجين وكان الوقت العصر او قبل المغرب ما ادري ، بس حول هالوقت.    ولفينا في البرجين وفرجه وخلافه وهذا بكم ؟ لا هذا موجود في قطر ؟ وهذا بكم ، لا في قطر ارخص ..الخ..الى اذان العشاء على ما اعتقد ، وقلنا يالله نروح المطاعم ، وعلى طول المطاعم واكلنا كشري من مطعم عربي هناك ، وانا والمدام طبعا ما نستغني عن الحليب الكرك .. وناخذ حليب ، بس المشكله طعمه كلش مو حلو ، بس ( العوض ولا الحريمه ) والمدام ما شربت شاي الحليب وقلت لها خليه لبو مطر ، ويالله ..    ورجعنا نغسل ايادينا ، وصارت المصيبه ، او الصدمه الكبرى .. جات المدام بعد ما غسلت قالت الحق الدبله نسيناها في حديقة الحيوان ، رجل شرقي: هاه اشلون ؟ المدام: تذكر يوم غسلت ايدك عند السمك الملون ، فسخت الدبله من ايدي وحطيتها على الارض حتى اغسل ايدك ومن ثم البسها ، بس المشكله غسلت ايدك ونسيتها هناك .. رجل شرقي: تقولين الصدق . المدام: والله العظيم اقول الصدق ، يالله خلنا ناخذ تاكسي نروح الحديقه ، يارب ما احد اخذها. رجل شرقي: والله ما عندك سالفه . المدام: والله كان قصدي اغسل يدك. رجل شرقي: زواجنا يوم السبت 12-6 وتضيعينها في 17- 6 يعني حتى ما كملنا 6 ايام على بعضها ، وين قلبك !! المدام: خل العتاب بعدين ، يالله نلحق على الحديقه. رجل شرقي: يالله • وانا اشوف الدمعه متحجره وسط عينها ..!! : : وعلى طول على اقرب تاكسي ، حديقة الحيوان ، التاكسي : كلوز سير . رجل شرقي: الساعه كم تصكر ؟ التاكسي: صكرت اكثر من ساعتين . • ونزلنا من التاكسي ، وحاطين في بالنا نروح من الفجر للحديقه ندور الدبله . ، ورحنا فندق الماريوت مشي على الاقدام ، وعلى الطريق لقينا سواق تاكسي اسمه (راجوا) واتفقنا معه بكره يودينا الحديقه و المعبد الهندي و الشلالات. والبقية في غدا في الحلقه القادمه بالصور وبالتفصيل: - هل وجدنا دبلة الخطوبه ام لا ؟ - ماذا وجدنا في العبد الهندي ؟ مع تحيات رجل شرقي الدوحه |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:30 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||