الموضوع: استفسار عاااجل وضروري وخصوصا لمن حجز على الخطوط السعودية

السلام عليكم

استفساري مهم وعاجل
اول شي تم الحجز على الخطوط السعودية على 12 مايو وكان الحجز عن طريق النت اول حجز كان في ابريل حبينا نعدل الحجز قمنا بالاتصال على الخطوط وغيرنا الحجزاصبح على 12 مايو
اثناء تعديله للحجز طلب التأكد من اسماءنا في الجوزاات وانا كنت حاطه الاسم الاول واسم العئلة فقط

لان اثناء عمل الحجز عن طريق النت ماكان فيه غير حقلين الاول الاسم الاول والثاني العائلة تم دفع وتاك الحجز وكلشي

عموما اتصلت على الخطوط الاسبوع الماضي بتأكد من شي
وسألت الموظف بالصدفه فقالي لا يجب عليكم ادخل الاسم كامللا كما في الجواز
علما بان الموقع مو مطلوب اسم الاب
قال لازم يكون مثل المكتوب بالضبط يعني مثلا
لو اسم الشخص
محمد حامد الاحمد
مايصلح يكتب محمد الاحمد فقط حتى لو كان الموقع حاط حقلين للاول والعائلة يجب ان يكتب الاسم كاملا

اتصلت على زوجي وخبرته وسأل وقالوا له عادي والموضوع بسيط وان شاء الله مافي خوف
وناس قالوا لي لا ماينفع
ابغى تجربتكم احد يقدر يفيدني

وشكرا مقدما

دارة الخير ،،



حجزكم مضبوط ،، دام ان الاسم الأول واسم العائله مطابق للي مكتوب في جواز السفر ،،

الفكره كلها بالموضوع ،، ان الدول الاوروبيه تطلب من الخطوط الناقله اسماء الركاب المتوقع وصولهم لها ،، وبكذا يطابقونه مع قاعدة البيانات الموجوده عندهم ،،

وبنفس الوقت بقولك عن فكرة يمكن غايبه عن بالك ، تتجاوزين فيها كل المخاوف وتكسبين بنفس الوقت ،،

ادخلي على موقع الخطوط السعودية وسجلي عضويتين لك ولزوجك في برنامج الفرسان ،، وفيها تقدرين تضيفين اسم الأب ،، وبعدها اتصلي على رقم الحجز المركزي واطلبي منهم انهم يضيفون رقم عضويتكم على الحجز الموجود معك ،،

وبهذي الطريقه بتكونين ريحتي بالك ،، وكسبتي أميال طيران ،، و 10 كيلو اضافيه للعفش ،،


بالتوفيق ،،



اورفوار ،،

الله يجزاك الجنه يارب
بس عادي حتى لو اصدرت التذاكري يقدرون يغيرونها؟

والله ماني متأكد ،، لكن ارجع اقول انه على حد علمي مافي مشكله مادام ان الاسم الاول والعائله مطابق للجواز ،،

انصحك ،، بعد ماتسجلين عضوياتكم في برنامج الفرسان ،، تتصلين على الحجز المركزي ،، وتطلبين انك تتكلمين مع مشرف ،، مو الموظف العادي ،،

اشرحي له الموضوع ،، وعطيه عضوية الفرسان ،، واتوقع بيكون عنده امكانيه انه يعدّل الاسم ،، اذا كان يشوف انه مهم ،،



بالتوفيق ،،



اورفوار ،،

الله يجزاك خير عملت لي عضويه
ولكن الحين مافي موظفين يطلع لي الرد الالي بحاول بكره وان شاء الله خير

الله ييسر امورك اخوي ويرضى عليك ويسعدك
ماقصرت

انا بسبب هالحركه اضطريت اروح لمكتب الخطوط عشان احجز عندهم و ادفع فرق 2000 على سعر التذاكر لان النت عليه خصم

الله يستر بس

اختي خبرينا ايش صار عليك

اللي صار انو كنا حاجزين عن طريق النت ويوم ادخلنا البيانات كان في حقلين الاول الاسم الاول
والثاني اسم العائلة واحنا قمنا بادخالهم كما يجب بعد فترة قررنا تغيير بعض الاجراءات واضطرينا نكلم الخطوط وكلمنا الموظف ودخل على نفس الحجز وغير لنا اللي كان ودنا وسألنا عن الاسماء علشان نتاكد من السبلينق وطلع صحيح ولا سألنا عن الاسم الاوسط او اسم الاب
المهم قبل اسبوع اتصلت بشيك على شي قالي الموظف ماينفع لازم يكون الاسم مطابق للي في الجواز قلت الاسم الاول واسم العائلة نفسه تمام لكن ماكتب الاسم اللي في الوسط اسم الاب
قال لا لازم نفس مامكتوب بالجواز حرفيا
مع العلم ان اثناء الحجز ماكان فيه حقل يوضح انو لازم نحط اسم الاب

االحين انا محتارة زوجي راح مكتب قالوا له عادي والموظفين يقولون لازم
ولاندري وش نسوي رحلتنا قربت الاربعاء
وناس تقول انو لازم تسترجعون قيمة التذاكر وبعدين يصدرون لكم تذاكر جديده وندفه مبلغ وقدره على هالشي

ولالاادري وش الحل الحين

؟؟!!!!!!

حياكم الله

انا سافرت لندن اكثر من مرة واوروبا ايضا

فقط اسم العائله ثم الاسم الاول


توكلو على واموركم طيبه