الموضوع: احسن ثلاث فنادق في البحرين

السلام عليكم
انا ابي اسفر البحرين وابغاكم تنصحوني وش احسن
المريديان
الريجنسي
الدبلومات
من حيث يكون هادي ورومنسي وراقي ابمعنى الكلمه وياليت اللي يعجبكم تعطوني رقمه مع فتح الخط

والله انا اللي اقدر اقوله ابتعدي عن الدبلومات لانه مايصلح..لعائلة..وفنادق منطقة السيف اعتقد انها ارقى وهادية اكثر..ياريت حد من الاخوان يفيدج

نصيحه ومن واقع تجربه فندق ميركور قريب جدا جدا من المجمعات التجاريه(السيف +العالي+البحرين مول..الخ) يعتبر فندق اجنحه وحلو ومناسب جدا للعائله .

او


منتجع الدانه نوفوتيل موقعه على الواجهه البحريه جدا جدا حلو وراقي ومريح

الريتز كارلتون " المريديان سابقا" في الايام هذي لايقل سعر الغرفه عن الف ريال وهو يعتبر اغلى فندق في البحرين

نصيحه أبتعد عن الدبلومات .. من أسوأ فنادق البحرين

وأنصحك مثل ما قال الأخ مسافر بلا زاد بفندق ميركيور جراند
او فندق ريتز كارلتون

http://www.travel4arab.com/vb/showthread.php?t=44973

ابعد عن الدبلومات لان الناس اللي فيه غالبا ناسlow

عن تجربه انصحك بالريتز كارلتون واليت سويتز(اللي عند الدانه)

وشوف الميركوري شكله حلو بس للاسف ماحصل اسكنه

مرحبا

انا ماقد نصحت حد بفندق لان الاذواق تختلف بس لو تبين نصيحتي الدبلومات ارخص بس مثل ماقالو الاخوان مو بذاك المستوى

الريتز كارلتون حلو بس مو واااااااااااااااو كلش مثل فنادق برى بس بالنسبه لفنادق البحرين واااااااو ونص طبعا ( مع انها ديرت امي ) بس اذا يتي للريجنسي انا ارتاح فيه ليش بقولج

اولا هادي حيل اهدى من الرتيز وبعدين ارخص والاهم من ذي كله ان فيه صالوووووون واااااو وايد احبه

عندهم حلاق نسائي اسمه بتريك لبناني ممتاز هذا اذا على مافهمت انك بنت ووو بس هذي نصيحتي

كمان فيه اجنحة السيف قريبه من مجمع السيف ... ماسكنت فيها بس سمعت من كذا زميل يمدحونها ويعتبرونها بمستوى خمسة نجوم ..
والاهم انك تدخل على مواقع الفنادق والشقق على الانترنت وتشوفها بعيونك حتى تحدد مسبقا الاختيار وكمان تعمل جوله تلفونيه او "بالسياره" على مكاتب السفر حتى تحصل على افضل عرض .

يعطيكم العافيه
والله بس ماعطوتوني ارقامهم والمريديان ريتز كارلتون صار لاني من زمان ماجيت
واخت دلوله الريجنسي الصالون حقه احلى من الشيراتون
وتكفون عطوني ارقام الريجنسي

أخت همس اذا حابه ممكن تلقين نظره على فندق ميركيور واللي مكانه يعتبر من افضل الاماكن من ناحية كونه على امتداد طريق مهم جدا في المنامه و يعتبر ملاصق للمجمعات التجاريه " العالي و السيف" الى درجة انك تقدرين تروحين لها مشي بكل سهوله وان شالله راح يعجبك موجود في موقعهم صور للفندق وعنوانه ووصف تفصيلي للفندق وكمان رقم الهاتف .
http://www.mercure.com/mercure/fiche...he_hotel.shtml

وأنصحك بفندق الدانه نوفوتيل وهو عباره عن منتجع ولا أحلى وهذا موقعهم على الانترنت
http://www.bahrainexplorer.com/Bahra...ar/default.asp


وسبق كتب عن هالفندق الاخ ابو علاء مستشار السفر والسياحه تقرير ممتع فيه تفاصيل مفيده وبالصور وهذا رابط الموضوع
http://www.bahrainexplorer.com/Bahra...ar/default.asp


و كمان هذا موقع شامل عن مملكة البحرين
http://www.bahrainexplorer.com/Bahra...ar/default.asp

وإن شالله تستفيدين من هالمواقع لتحديد اختيارك .:101:

تسلم والله وماقصرت على الروابط اخوي