 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
09-09-2003, 08:13 AM
|
#1 (permalink) |
|
مسافرجديد
تاريخ التسجيل: Jul 2003
رقم العضوية :666
المشاركات: 31
|
عليمي يعود من الارخبيل الاندونسي
السلام عليكم
والله لكم وحشه يل شباب مع انكم كنتم موجودين معي طوال وقت الرحله في الملف العلاق الاخضر  اللي يحتوي على 90% من المواضيع اللي موجوده هنا ...والحمدلله كانت الاستفاده منه كبييييييره جدا ..فاشكركم بكل عنف رحلتي الميمونه كانت مدتها 20 يوم ...توزعت مابين بالي وباندونق والجبل وجاكرتا ..وكان لجاكرتا نصيب الاسد منها من ناحية الوقت ...ولبالي نصيب الاسد من الاعجاب وانشاء الله ازودكم بتفاصيل الرحله عن قريب  تحياتي |
|
|
11-09-2003, 10:36 AM
|
#9 (permalink) |
|
مسافرجديد
تاريخ التسجيل: Jul 2003
رقم العضوية :666
المشاركات: 31
|
الله يسلمكم ياشباب وآسف على التأخير ...تخبرون الواحد بعد الرجعه لازم يعيش له فتره في عزله عن الناس ...اكله اندومي ومايشوف الا قناتهم
بداية الرحلة اعضاء الرحلة : ثلاث عليمية ..بمافيهم محدثكم الرحلة كانت على الخطوط السعودية وكنا للاسف من اللي دفعوا 2400 للتذكرة  لكن يالله قلنا عادي ...شباب في رحلة توجهت للمطار وكنت مطلع البوردنق قبلها بعشر ساعات عشان احجز الكرسي اللي عند مخرج الطواري عشان اتمغط وامدد عصاقيلي فيه براحتي ....وبدت حركات الخطوط السعودية تم تأجيل الرحلة لمدة ساعة والطيارة يوم دخلتها فرحان بهالبوردنق اللي معي وريته المظيفه قالت لي خذه وصور معه ...غيرنا الاماكن ...اجلسوا في اي مكان يعجبكم وادرعم لكرسيي المغتصب والقى واحد من الشباب جالس بجنبه وحاط جزمته الله يكرمكم عليه رحنا ورى في اخر شي عن ازعاج الشغالات ..و من حسن حظنا ان الطياره ماكنت بذيك المليانه ..كل واحد خذى له اربع كراسي من اللي في النصف وقلبها سرير ساعه ساعتين اربع ست ثمان تسع بدت جاكرتا تأشر لنا من تحت كان التخطيط اننا على طول نتوجه لبالي بس الشباب جتهم حاله من الخوران والتعب وبدوا يلمحون انهم ودهم يريحون في جاكرتا ومحاكيكم ما صدق انها تجي منهم وقلت بروسكم خلونا نريح نزلنا للمطار ..ومشت الامور طبيعي يوم وصلت لتختيم الجوازات ..قام ابو الشباب يقلب جوازي وقالي هديه ..هديه ...جلست اطالع فيه بكل سباهة الكون وقلت له ,,, سوربايا ؟ عطاني نظره مفادها وش هالدلخ وقالي هديه ..فلوس سعودي قلت له انا ,..آها ..تريتس ..  الرجال غسل يده ونطل الجواز وقال رح الله يتكفل بك ونفس الوضع صار لاخوياي ..بس الحمدلله كنا قدامهم كراتين بمعنى الكلمه حجزنا ليلتنا في الاتريوم وبدوا الشباب يلمحون ودنا نجلس يومين على الاقل نريح ...قلت لا حدكم عاد .بكره بنمشي لبالي على حسب التخطيط ...و قسم بالله كلمه ثانيه في هالموضوع ترى برجع للرياض بكره <=== ذالهم بالملف الاخضر اللي معي ويأتي غدا وندرعم للمطار بعفشنا ...وناخذ لفه على الخطوط الموجوده هناك ومواعيد رحلاتهم ..لقينا اقرب وحده على ستار اير .. وتوكلنا على الله وخذينا ون واي ولنا تكملة بالتفصيل الممل مع اجمل وأروع مكان رأته عيناي ...مع بالي |
|
|
|
12-09-2003, 02:00 PM
|
#12 (permalink) |
|
مسافر خبير
تاريخ التسجيل: May 2003
رقم العضوية :242
المشاركات: 1,291
|
هلا وغلا بعليمي والحمد لله على السلامة
الحمد لله إنكم استانستو وهذا يفرحنا كثير لكن سواليفك بالمختصر سلامات اصابعك تعورك ؟؟؟؟؟؟؟؟سجلها على شريط وأرسلها لي وأنا أكتبها بالتفصيل المشوق . أجل هدية يا حبيبي لا زم تعرف إن البوابه هذي إندونيسية وعلشان تكتب لازم تدفع هدية للمشرفين وإلا مو ضوعك بيحذف  أمزح بس عجلنا بالباقي . عـــــــصويد |
|
|
|
13-09-2003, 04:46 PM
|
#14 (permalink) |
|
مسافرجديد
تاريخ التسجيل: Jul 2003
رقم العضوية :666
المشاركات: 31
|
آسف يا شباب على التأخير وذلك نظرا لخلل فني ناتج عن المصدر
( القناة الاولى على غفله ) وشكرا لكل اصحاب الردود بلا استثناء على زيارتهم للموضوع عصويد : أبشرك اناملي المخملية ما تعبت ...بس الوقت حدني وانا اخوك... عساه ما يحدك وانت ماشي بسيارتك ابو جلال : طيب يا خوي لا تدف ...ما استلمت رسالتك لاني كنت شايل استقبال الرسائل الخاصه من الخيارات ...(عليمي) ما عليه شرهه ...ياليت ترسلها مره ثانيه الله لا يهينك ...وخاصة انك انت بالذات تردد اسمك كثييير في بالي ...وتجيك السالفه ==================== وصلنا بحمد الله لمطار بالي وماتشوف عيونك الا الترحيب السنع من موظفين مطارهم اللي طول الوقت فاتحين خششهم بابتسامات و ضروسهم طول الوقت طالعه ... قلنا ايه كذا الاخلاق السياحيه بعد ما خذينا عفشنا التفتوا علي العليميه اللي معي وقالوا .. هاه وش يقول منتداك نسوي الحين ؟ قلت اصبروا خلوني اطلع الملف الاخضر من الشنطه واقلب الملف يمين يسار ...يا ولد ..وين مواضيع بالي ..اذكر فيه موضوع لابوجلال عن بالي كان هنا ..وين راح؟؟ جلست انفش الملف تبددت الاوراق ...يا بو جلال وينك ووين موضوعك ..ما حصلته قالوا لي طيب ما تتذكر منه شي ؟ قلت اللي اذكر انه قايل اول ما توصل للمطار احجز الفندق منه تراه ارخص <==== جاب العيد نصينا واحد من هالمكاتب حقت الحجر وجلسنا نقلب في هالفنادق ...وانصدمنا في الاسعار الغاليه للفنادق الاربع نجوم .. لين طحنا في واحد حليو ثلاث نجوم اسمه كوتا بيتش كلوب سعر الغرفه ام ثلاث كفرات فيه بـ 350 الف ..خذينا الفوتشر ودرعمنا للفندق ونشوف اللوبي مليان من العلوج الاستراليين ومكسيكيين ... جلسنا ندور خشش عربيه ما حصلنا |... ويوم وصلنا عند الاستقبال وجلسنا نعبي في الاوراق واحد من العليميه اللي معي سال موظفة الاستقبال بكم ايجار الغرفه لو خذيناها من عندكم|؟ ..قالت بـ 300الف ...التفتوا علي وخزوني بعين ... انا هزيت راسي بأسف و قلت الله يهديه بس ابو جلال ملاحظه : ماحصلت الورقه اللي فيها موضوع ابو جلال عن بالي الا بعد ما تركناها ....وبصراحه الرجال ظليمته شينه ...تراه قايل فيها احجز من الفندق نفسه ولا تحجز من المطار ....حللني يابوجلال ومسكوها علي طول السفره كل ما انزنقنا وتحيرنا في موقف ..قالوا لي وش يقول ابو جلال المهم وصلنا الجزيره الساعه 9 الليل تقريبا ..يعني انحرق علينا اليوم ..قلنا خلنا نستفيد من الباقي منه ونستكشف الوضع ..سالنا الاستقبال وش فيه شي ممكن الواحد يتمشى فيه ..قالنا روحوا لشارع لقيان ودربوا روسكم فيه وذهبنا لهناك واخذنا ندربي روسنا يمينا وشمالا ..وفعلا التمشي فيها كان ممتع ..الجو في الجزيرة ولا احلى منه ..والمكان حدث ولا حرج ودخلنا على كذا محل حق تحف وملابس قلنا خلنا نجس النبض من ناحية الاسعار في هالديره ..طبعا في كل شي تسال عنه في البدايه راح يعطيك رقم فلكي خيالي واذا شافك تعاند معه وناوي تمشي بنزلك الين يوصل للسعر اللي انت تبيه ...لانه على ما حسيناه من خلال جولتنا في السوق ان راعين المحلات طفرانيين ...تحصل محلاتهم غاصه من كثر البضائع اللي فيها ..بس مافيه زبائن وهالاستراليين اقعط منهم ما فيه ... يعني مثلا لوحه صغيره سالت عنها بكم ..قالي بـ 400 الف انا سكت ونطلتها على جنب قام هو على طول نشب فيني قالي بكم تبي انت ..قلت له وانا ناوي بس افتك منه بـ 50 الف ...قالي نووووو ...اوكي 100 الف ....لعنبو جدك يالنصاب من 400 الى 100 قلت لا يوم جيت اطلع قالي اوكي 55 الف ....مسوي فيها انه هو اللي بيمشي كلامه قلت له لا ..غيرت رايي ..باخذها بـ 40 الف .....قام يترجاني ذيك الساعه اخذها منه بـ 50 يوم جيت احاسبه قالي انت ايطالي صح ؟ ..مدري وش فيني استانست ...كنه واحد قالي انت حلو ( الولد عنده عقدة نقص )..قلت له ايه ايطالي واخوياي هذولي مكسيكيين ملحوظه : السعوديين والعرب بشكل عام هناك ...نااااادرين جدااا عشان كذا العالم يغلطون في وجيهنا ... عموما البعض يعتبر قلة عريبيا هناك نقطه ايجابيه يوم رجعنا للفندق جلسنا نبربس في الاوراق والعروض اللي موجوده عندهم لقينا عرض حليو ..لقروب بيطلع بكره لبودقول وحديقة القرود واماكن ثانيه وتستمر الجوله من الساعه 8 الصباح الى الساعه 6 المغرب ...يعني اليوم كله ..والشخص بـ 100 الف شامله الغداء كنا في البدايه ناوين ناخذ واحد من سواقين الجيوب ونخليه يدور بنا ..بس بعدين قلنا خلنا نجرب ن هالمره ندخل مع قروب ونشوف وشلون الوضع معهم..وطلبنا من الاستقبال انهم يحجزون لنا بكره مع هالقروب واصبح الصباح لليوم الثاني ومن الساعه 7 قومتنا اصوات هالمهبل اللي يطافشون في المسبح من الصبح ...ونقوم للفطور وكل واحد عيونه متفخه وراز خشته كن ميت له احد ( تخبرون ..عريبيا على الصبح ) ونشوف هالصينيين والاستراليين يصبحون لبعض وانواع الابتسامات الحلوه مالين هالكافتيريا اللي تطل على المسبح اللي جالسين ناس يفطرون فيه ويلعبون طائره ... واحد من العليميه اللي معنا يوم شاف الوضع كذا الله يهديه قرر يسوي فيها فله حجاج ...خذى صحن البيض بيده وعض على خبزه وطمر في المسبح طمرة واحد ناوي ينقذ بزر مهوب ناوي يفطر ... ...وعينك ما تشوف الا موية المسبح صارت صفرا من البيض اللي انحاس فيها . والخبزه غرقت ...والعالم تضحك من جد ...فيه ناس تسمع بالفله المهم وصلت الباصات حقت القروب ونزل منها المرشد السياحي بوزرته الملونه كنه زيدي رايح يصلي العيد واول ما شفنا واقفين عند باب الفندق نصانا وقالنا ..عرب عرب قلنا له بالانجليزي الفصيح نعم ثكلتك امك نحن عرب من ارض الحرمين قال غريبه تتكلمون انجليزي قلنا له وانت بعد غريبه ؟؟  يوم ركبنا الباص لين فيه انواع الجنسيات ..وجلس يرحب ويقدم اللي موجودين كل واحد وجنسيته ..والعالم ساكته ,,,يوم وصل عندنا وقال هولاء الشباب الثلاثه من السعوديه ....كل اللي موجودين قالوا بصوت واحد وااااوووووووووووووو وووووووووووووووووووووووووووووووووووووووووووووو.... وجلسوا يبحلقون فينا كننا جايين من كوكب ثاني الجو العام في الباص كان ممل ومتعب شوي ...خاصة مع طول الطريق ...في البدايه وقفنا عند شاطيء على مااذكر ان اسمه نيشاندوا ..فيه الكثيير من الاشياء المسليه اللي ممكن تسويها يتركون لك الخيار تختار ما بين انك تركب في جوله بحريه لجزيره ثانيه على قارب ارضيته زجاجيه تقدر من خلالها تشوف السمك وهو يسبح تحتك او تاخذ لك بارشوت او جتسكي او تغوص .... اخترنا الاولى وعطونا كيس خبز ...قام خوينا القروي يزرط منه الين قاله السواق حق القارب ...نووووووو ذس از فور فيش .. وركبوا معنا في نفس القارب صيني و زوجته غثونا من كثر ما يخلونا نصورهم ...بصراحه كانت الجوله ولا اروع وانت تشوف البحر بمويته الصافيه والسمك طاقهم الجوع مجتمعين تحتك وانت تشوفهم من تحت القزاز يأشرون لك ببراطمهم ...ووصلنا لجزيره صغيره جدااا اول ما تنزل يعطونك جوز الهند تجلس تشفط فيه وتتمشي وتصور بين هالسلاحف والطيور اللي موجوده فيها وعدنا ادراجنا للشاطي وخذينا لنا لفه بالبراشوت ...صح انها ما تسوى 5 دقائق وبـ150 الف بعدين ركبنا باصنا الميمون وكملنا المسيره لمدة ساعتين تقريبا ووقفنا نتغداء في مطعم صغير على الطريق ...بصراحه كنا خايفين اول شي من الاكل شكله غريب وريحته اغرب ...بس مع لقمه ..لقمتين ..زرطنا صحوننا كلها وتحركنا متجهين لمنتزه بودقول ...شي يطير صواميل المخ ...جو خيااااالي وبحيييره تشوف من وراها جبل كبيييييير غايصه قمته في السحاب قلنا للمرشد اللي معنا نبي ناخذ لفه بالقارب في البحيره ...صرفنا وقال ان مافيه اليوم ..وهو كل قصده ما يبي يضيع الوقت بس هي مسكت معنا غلط ..الا بنركب ..ومشينا مسافه طويله لين وصلنا لمحل القوارب وخذينا لنا واحد وجلسنا نتشمى في البحيره بالطول والعرض ونأشر للمرشد من بعيد نبي نقهره يوم خلصنا ورجعنا للباص لقينا الكل منلطعين ينتظرونا والمرشد واصله معه بعد كذا كملنا المسيره لشاطي والله اني ناسي اسمه ...بس اتوقع انه هو اجمل شاطي في بالي كلها ...فيه معبد في قمته والناس يجتمعون فيه وقت الغروب عشان الجو الرومانتيكي ...بس بالنسبه لنا ثلاث تماسيح ..وين يجي الجو الرومانتيكي معه من بعدها رحنا لحديقة القرود وخذ ياضحك على هالقرود ...تمشي على رجولك داخل الحديقه وما تدري الا بقرد جايك مسرع ومتمسك بطرف بنطلونك يشحذ شحاذه الا تعطيه لوز والا فستق خوينا ما غيره راعي المسبح ...ما كان معه فستق ..ونشب له قرد شايب ..شكله هو الكنج حقهم ...كان متمسك في طرف بنطلونه ...يوم شاف ان خوينا ما عنده سالفه طمر على راسه وعطاه وحده على راسه ومشى بكل كبرياء رجعنا في الليل حوالي الساعه 7 ريحنا شوي في الفندق بعدها طلعنا نتمشى هنا وهناك من عيوب التمشي في الجزيره ...كل ما تمشى متر لازم يطلع لك واحد مندعس في زاويه ويقولك ..ليدي ليدي ..حشيش ..مساج بصراحه غثوووونا بقوه ...بس هالموضوع مهوب علينا بس لاننا عرب ..حتى الاجانب اشوفهم يعانون من نفس الشي ..فالافضل مع هالاشكال انك تعطيه اشكل وتقزز القزاز ولا ترد عليه وحنا نتمشى شفنا كشك صغير فيه مجموعة عروض سياحيه من بينها عرض لرحلة تجديف في نهر وجلس راعي الكشك يفرجنا على صور لرحلات سابقه وبصراحه ..دخنا مع الصور وخقينا ...وجلسنا نكاسره في السعر لحد ما خلى التكلفه 30 دولار للشخص الواحد ..شاملة الغداء ..وحجزنا على بكره ومن بكره الساعه ثمان شلنا معنا ملابس اضافية ( لزوم المرمطه ) وركبنا مع الشبيبه في باص صغير ..وكان معنا استرالي زاحف ...لو تقوله كيف الحال ..انفقع ضحك وصلنا لمكان تجمع الباصات ولقينا بشريه هناك جاءوا من كل حدب وصوب <<++++ والله متعوب عليها وغيرنا ملابسنا ولبسونا الخوذ ...وطحت انا في الخوذه الوحيده اللي لونها زهري.. وانواع الذب جاني من اخوياي عليها وعطونا العصي حقت التجديف وقالوا يالله امشوا لمكان القوارب ..مشينا مسافه مهيب سهله ...لكن والله ما تحس فيها من المناظر الخبال اللي تشوفها ...شجر واصوات الطيور مع كل جهه واصوات قروده ...من جد تحس انك دخلت عالم ثاني وصلنا للقوارب وطمرنا حنا وخوينا المصرقع الاسترالي في واحد منها وركب معنا المدرب وجلس يعطينا تعليمات قبل الانطلاق وانطلقنا على بركة الله ... طول النهر تقريبا 10 كيلو وياليته كان مليون كيلو ... متعه ماله حدود كانت على هذاك القارب كل شوي ينقلب فينا يمين ويسار وكل واحد مننا كل شوي يطيح ولا عاد يقدر يقوم وانواع الضحك ...والاكثر متعه من كل هذا كانت في المناظر اللي تشوفها قدامك تخليك تفتح فمك وتوقف لا شعوريا عن التجديف والمدرب يصارخ وراك ...دونت ستوب دوووونت انا من الناس اللي ما يحب التطبيل ولا احب اسوي زحمه والشارع فاضي لكن من جد المناظر اللي شفتها هناك كانت اروع ما شفته في حياتي مناظر ما تشوفها الا في كراسة الرسم ..مناظر تخليك تتسائل وتقول سبحان الله ..اجل وشلون الجنه ؟..جعلي وياكم انشالله من ساكنيها وقفت كل القوارب في نصف المشوار جنب شلال ..للي يبون يصورون ...المشكله واحد من العليمية نسى الكاميرا في السيارة بصراحه فكرت جديا اني استغل الفرصه و انحاش من اخوياي واعيش باقي عمري هناك..بس تذكرت اني تارك شبشبي لحاله في السياره ..وهونت بعد ما وصلنا لنهاية المطاف في النهر نزلنا وحنا رجولنا متكسره ..ورقينا درج طويييييييييييييييييييل ..صرنا في اخره نزحف على بطونا ( الله من زين اللياقه ) وصلنا للمطعم وبعد ما تطمنا ان الاكل خالي من الخنزير ومشتقات فخوذه دقينا في النعمه وعدنا ادراجنا للفندق تقريبا الساعه 4 العصر ..وعلى طول ما دخلنا حتى غرفتنا في الفندق رحنا لكوتا بيتش اللي ما يبعد عننا ولا 5 كيلو ورحنا نطافش عند هالموج اللي يوسع الصدر وبعد ما خلصنا طلعنا ولقينا شباب باليين يلعبون كوره خشينا عرض معهم ولعبنا لعب مهب طبيعي الين تأكدوا ان الثمانية حقت المانيا ما جت من فراغ وحنا في طريق الرجعه صادفنا راعي جيب عرض علينا يسوي لنا جوله بكره ..وقلنا له بكره نبي نروح للبركان ..واتفقنا معه بعد المكاسر على لنه يصير معنا بكره كله بـ 200 الف شامله الغداء له وسالنا السؤال التقليدي من وين انتم ؟ ...قلت له انا وش تتوقع ؟ قال ايطاليين ؟ قلت له ايه طليان ..واسمي باجيو مادريت اني بجيب العيد بعدين ومن الصباح الباكر مشينا لبركانهم اللي ما كان قد الطموح ...كنا حاطين في تصورنا انك تتسلق البركان ..صارت الدعوه بس انك تروح لمطل يطل على البركان من بعيد وتشوفه ..وكان الغداء في نفس المطل وحنا على طريق الرجعه مر بنا السواق على مصنع الذهب والفضه ومحل منحوتات خشبية وعند كل محل يوقف يصوت بصوت عالي لراعين المحل طليانو طليانو ..يعني معي قروب ايطالي الين وقف عند محل لوحات وجلس يصارخ طليانو ...فتح لنا الباب واحد فاتح خشته ويتكلم ايطالي  وخذى بنا لفه في المعرض وهو ماسك خط بربره بالايطالي وحنا ما غير نفتح خششنا ونقول ..اها ..اوووه ...قووود ....يوم الرجال حس ان ما قدامه طليان ...سالنا سؤال بالايطالي وهو عينه مصوبها في عيني ..واخوياي الجحده سووا نفسهم يناظرون لوحه بعيده عني ....انا ضاعت علومي وناظرت الساعه وقلت يوووووووه ..والتفت لاخوياي واقولهم بالتكروني ( لانها اقرب شي للطلياني ) شكل الرجال شاك فينا العطه يا بطه ..والتفت عليه واقوله ثنكيووو ماي فرند ....وحط رجلك للسياره اللي جلس الى اخر الرحله وهو متخيش فينا اننا ايطاليين هو السواق ..حتى شغلنا له شريط لشعبان عبدالرحيم وفك معه يحسبه ايطالي من الاشياء الحلوه اللي صادفتنا تعرفنا على شباب مسلمين هناك بالصدفه يتكلمون عربي فصيح مكسر ..صلينا معهم الجمعه وتغدينا معهم ذاك اليوم وكانوا في قمة الكرم كان هذا تقريبا اهم الاشياء اللي صارت لنا في بالي مع انه كان ودي اني ازور الشلال الكبير اللي يقولون عنه ..ولكن قلنا وفره للمره الجايه  وموعدنا الجاي راح يكون انشالله مع باندونق وبونشاك .... وتحياتي |
|
|
|
14-09-2003, 07:44 AM
|
#15 (permalink) |
|
مسافر متميز
تاريخ التسجيل: Jun 2003
رقم العضوية :457
المشاركات: 787
|
يعطيك العافيه باجيو،،اقصد عليمي على هالسرد الحلو لمجريات(وش تبي بعد هالكلمه)رحلتكم،،
والله شوقتني اني ازور بالي لأني كنت متردد بزيارتها من قبل،، يالله ننتظر الحلقه الجايه وركز على بونشاك الله يخليك،، تحياتي ياهنيئ،، |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 07:00 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||