الموضوع: رحلتي اللندنيه 2011

اختي هداوه..


تقاااريرك روووووعه

واسلوبك مشووووووووووق ودقيق كاني والله مساااافره لندن معاك
اتااابعك دايم ومن زمان بس والله واعذريني ماكتب الرد

بس غلبتيني وخليتيني اكتب لك وكلي تقدير وشكر لك على المعلومات اللي كتبتيها




تسلميييييين ياااقلبي

الله يعطيج العافيه ام عيسى متابعين

المشاركة الأصلية كتبت بواسطة ام ميلاد

اهليييين اختي هداوه

دخلت هالقسم وبالصدفه شفت تقريك وعلى طول عليه 0000تصفحت التقرير بوقت واحد

ماشاااااء الله عليك وعلى روحك الحلوه---كل تقرير احلى من الثاني---ترانا نحبك كثييييييير00وكثير نستفيد من معلوماتك--ودايم ندعليك--اللله يسعدك وين مارحتي

وانا بعد احبكم وايد ماتشوفيني لازقه في المنتدى
والله يسعدج يا الغاليه هذا من طيب اصلج ، ولكم ان شاءالله بالمثل لكل دعوه تدعونها لي

كنت بقولك عن محل لادورييه الي بدبي مول--بس سبقتني وحده من الاخوات

عاد تصدقين انه كنت حاطته في بالي يوم سافت باريس وكنت باخذ منه هدايا ---وابشرك نسيييييت المحل نهائيا
اللي ذابحني اني كل يوم امر من عنده بس مدري وين عيوني---وماتذكرت الا لما رجعت

انشاء الله اجرب اللي في دبي قريب

وااااااصلي متااااااااااااااااابعينك

حياج الله الغاليه وانا سعيده بمتابعتج لي
والله لايحرمني منكم ولا من محبتكم

المشاركة الأصلية كتبت بواسطة الراشدين

تقريرك جميل ومجهودك واضح... ذكرتيني بأيام

المشاركة الأصلية كتبت بواسطة الراشدين

لندن الجميله .. وخصوصا الشتاء العذب...

اشكرك من كل قلبي... وراح اتابع..... تحياتي.

فعلا شتاها عذب
وصف جميل.. عيبني
تسعدني متابعتكم ، وحياكم الله

المشاركة الأصلية كتبت بواسطة ريفرش

يسلمو على هالتقرير الروعه ماشاء الله عليج

المشاركة الأصلية كتبت بواسطة ريفرش

بغيت اسأل مطعم بيزاريا اللي في هارودز وين بالضبط؟

آآآآآه

دخلنا في الأسئله الصعبه
اختبار الذاكره

هيلب مي ياهالندن

المشاركة الأصلية كتبت بواسطة q8ya metnaqla

يا ســـــــــلام على هالدســــــــم

المشاركة الأصلية كتبت بواسطة q8ya metnaqla

دام ماعجبج بيور وافل لو مكمله سيده عند اوكسفورد سيركس هم محل عنده وافل احلى من الكشك اللي قلتي عنه وهذاك داايم زحمه والوافل اللي عنده لذييييييييذه ..

وعليكم بالعااافيه

الله يعافيك

والمره اليايه ان شاءالله
تدري انه تقاريري هي بعد أعتبرها مرجع لي لما أسافر ، لأني احط كل المعلومات اللي اعرفها وفي نفس الوقت
أستفيد من المعلومات اللي تنضاف

المشاركة الأصلية كتبت بواسطة لولو2

ماشاء الله الله يحفظك يا هداوه

المشاركة الأصلية كتبت بواسطة لولو2

ياهلا ياللي نورني

هلا بصديقتي وحبيبتي لولو الصغيره

الفندق انا سكنته وهو افضل فنادق لندن لان تعرفين فنادق لندن جدا مستهلكه وصراحه مو زود بالنظافه

ابي تكلمين عن الجو بالضبط في هالفتره لان انعرض علي اروح لندن وما رحت انا من النوع الي ما احب البرد الزايد

تعرفين اربيعتج ماتنشن الا ع الزين

بالنسبه للجو الصراحه كان رووووعه ، ماكان برد وايد وجمده يعني ما احتجت البس قفازاتي الا يومين
واستغربت انه الارض خضرا كنت متوقعه ثلوج وسنو ، وفرحت لما شفت الخضار
استغرب انج ماتحبين البرد أنا اسافر في الشتا اوروبا بس عشان اتستمتع بالبروده ، وخصوصا بردهم مايضرب في العظم مثل بردنا
واهم شي يكون لبسج مناسب وتتدفين عدل وعقب عادي

المشكله اللي كانت تواجهني اني لما أدخل محلات التسوق اموت من الحر ، لأني أكون لابسه غليظ ، وما اقدر افصخ البالطو واتم بالبنطلون والبلوزه
فهاي السنه سويت حركه ريحتني..

قمت البس تحت البالطوا قميص صيفي طويل ، واحيانا اشله في الكيس ومن أوصل المول أدخل الحمام عزكم الله وافصخ البالطو وألبس القميص ، والبالطو أحطه في الكيس وفي الشنطه الترولي ..

في كل مره أسير اتسوق آخذ معاي شنطه ترولي فاضيه احط فيها مظله وقفازاتي وكيس القميص
وطبعا هاي الشنطه تنفعني وايد في التسوق
لأني ما اقدر اشيل وايد أكياس وثجيل ، فنتسوق ونحن مرتاحين ونتعاون كلنا في دزها
بس شنطتي الترولي مب أي كلام ، شنطه غاويه وماركة بربري تقليد
وفديته ولد بنت خالتي كان أكثر الاوقات يسحب الشنطه عنا..

المشاركة الأصلية كتبت بواسطة CheeseCake

اختي هداوه..

المشاركة الأصلية كتبت بواسطة CheeseCake

تقاااريرك روووووعه

واسلوبك مشووووووووووق ودقيق كاني والله مساااافره لندن معاك
اتااابعك دايم ومن زمان بس والله واعذريني ماكتب الرد

بس غلبتيني وخليتيني اكتب لك وكلي تقدير وشكر لك على المعلومات اللي كتبتيها

تسلميييييين ياااقلبي

يسلملي قلبج ، ماتتصورين كيف كلامج أسعدني

وانا فرحانه بمشاركتج وياريت دايما تتواصلين ويانا

نحن صح نتعب ونحن نكتب التقارير ، لكن التعب يهون ومانحس فيه اذا شفنا متابعه وتواصل من الناس
هنيه نحس انه العمل اللي قمنا فيه له قيمه ، وله فايده خصوصا لما الناس تسأل او تعطي رأي أو تشارك بمعلومه
وصدقوني محبتكم هاي وتقديركم لي هي اللي مخلتني دايما افكر فيكم وأدورللكم ع مواضيع تنفعكم ..

موعدنا اليوم بالليل وجزء يديد

يا سلام.

كثرو الزبائن ام عيسى

قام حضج. لوووول

متابعين

المشاركة الأصلية كتبت بواسطة ريفرش

يسلمو على هالتقرير الروعه ماشاء الله عليج
بغيت اسأل مطعم بيزاريا اللي في هارودز وين بالضبط؟

مرحبا اذا تسمحين لى هداوه بجاوب على هالسؤال

مطعم بيتزاريا هارودز يقع فى الدور الارضي يجذبك من الوهله الأولى وبخاصه الشيف لما يغنى وهو الذي يقدم البيتزا الخاصه بك

الله على لندن والهارودز ماينشبع منهم

اهلين00000تخيلت ولد بنت خالتك يضيع الشنطه عشان تدعين عليه مو تدعين له ههههههه000امزح معاك

الله يحفظكم 000ويحفظ اغراضكم000ويحفظ المسلمين اجمعيييين

ياللله وين الباقي000ترانا طمااااعين ومستعجلين00شكلك نمتي--على العموم نوم العوافي

المشاركة الأصلية كتبت بواسطة mr.q8

الله يعطيج العافيه ام عيسى متابعين

الله يعافيك ، وحياك الله بيننا

المشاركة الأصلية كتبت بواسطة موادع1

يا سلام.

كثرو الزبائن ام عيسى

قام حضج. لوووول

متابعين

تعجبني تعليقاتك ..لووول
اليوم ياينكم الخير

المشاركة الأصلية كتبت بواسطة @الورد@

مرحبا اذا تسمحين لى هداوه بجاوب على هالسؤال

مطعم بيتزاريا هارودز يقع فى الدور الارضي يجذبك من الوهله الأولى وبخاصه الشيف لما يغنى وهو الذي يقدم البيتزا الخاصه بك

الله على لندن والهارودز ماينشبع منهم

تسلم ايدج ياأحلى ورد

الجزء السادس..
سياحتي في لندن

همسه

* وأنا أراجع تقريري لاحظت عندي بعض الاخطاء الاملائيه ورغم اني أراجع بس بعد ما سلمت من الاخطاء ، الصراحه ضحكت أمس ع كم
جمله حسيت كلامي منقع فيها ، فسامحوني واعذروني ع الأخطاء

* في جزء المطاعم حصل خطأ في كتابة اسم مطعم بريت ، انا كتبته بيرت ، ومشرفنا بوعبدالله ماقصر صلح الخطأ
فاللي طبع المعلومات ينتبه لهاي النقطه

* لاحظت بعض الاعضاء يضيفون معلومه ، او يجاوبون ع سؤال حد من الاعضاء اللي يسأل عن مكان معين

فحبيت أشكركم ع تعاونكم ، وأقولكم لاتترددون في تقديم أي معلومه لأنه خبرتي في لندن قليله ومعلوماتي متواضعه
واي اضافه منكم هاي مهمه عندي

* اتمنى اذا لاحظتوا اي خطأ كتبته في اسم مكان معين سواء بالعربي او بالانجليزي انكم تصححونه لي ، وعادي انا مابنحرج
لأنه الخطأ وارد ، وانجليزيتي يعني مش أوي

قبل مانتكلم عن الاماكن السياحيه ، حابه أعطيكم عناوين لمطاعم اضافيه طلعتها من الكتيب السياحي وماجربتهم..

مطاعم هنديه

1_ أسمه ...

Memories of India
( Tandoori Restaurant )

-< عنوانه :
Gloucester Road 18 , SW7

-< رقم المطعم ..

Tel : 020 7589 6450 / 75813734

2- أسمه ..

Khan's of Kensington

-< عنوانه :

Harrington Road 3, SW7

( South Kensington Tube Statin)

-< للحجز..

Reservations: 020 7584 4114

Tel : 020 7581 2900

3- أسمه..

Chowki

-< عنوانه ..

Denman Street 2-3

London W1D 7HA

-< رقم المطعم..

Tel : 020 7439 1330

- <الموقع الإلكتروني ..

www.chowki.com

4- أسمه ..

Little India

( Home-Style Indian Cooking )

<- عنوانه ..

Gloucester Road 32, SW7

رقم المطعم <-

: Tel : 020 7584 3476

5- أسمه ..

Golden Shalimar

-<عنوانه .

Spring Street 6
Paddington
London W2 3RA

-< رقم المطعم :

Tel : 020-726-3763 / 020-7402-8163

<- الموقع الإلكتروني :

www.goldenshalimar.co.uk

6- أسمه...

Mela

<- عنوانه :

Shaftesbury Avenue 152-156
London WC2H 8HL

-< رقم المطعم :

Tel : 020 7836 8635

مطاعم إيطاليه

1- أسمه ..

The Patisserie

-< عنوانه :

Directly Opposite Gloucester Road
Tube Station

2- أسمه ..

Ponti's

<- عنوانه ..

Duke Street Mayfair 54
London W1K 6JX

-< رقم المطعم ...

: Tel : 020 7629 3174

-< الموقع الإلكتروني :

Ponti's - Home - London Restaurants and Caffes

مطاعم أخرى

1- اسمه :
Dino's Restaurant

<- عنوانه
Earl's Court Road
عمره 50 سنه

-< رقم المطعم :
Tel : 020 7373 3767

2- اسمه :

The Original Pancake House

<- عنوانه :

Holborn – Chelsea – Kensigton

3- اسمه :

Rainforest Cafe

-< عنوانه :

Shaftesbury Avenue 20
Piccadilly Circus
London W1D 7EU

-< رقم المطعم :

Tel : 020 7434 3111

<-الموقع الإلكتروني :

www.therainforestcafe.co.uk

سياحتي في لندن ( الجزء الأول )

1- الهايدبارك

Hyde Park

كل يوم اأجل سيرتي للهايدبارك وقبل مانرد بيوم قررت اسير بروحي لأنه بنت خالتي كانت حابه تسير جوله بحريه
وأنا كنت ابا اسير السلفريدج أكمل تسوقي ، ولأنه يوم الاحد فالسوق يفتح الساعه 12 ويسكر 6
تريقت مع بنت خالتي في بوفيه الفندق وعقب سرت اتمشى للهايدبارك ، ويامحلات هذا اليوم

كان الجو يجنن ، رووووووووووووووووووعه وكلمة روعه قليله عليه

احيانا الواحد يحتاج يتمشى بروحه مع نفسه
يتأمل يفكر في الاشياء الحلوه
واأكد عليكم اذا كنتوا في مكان جميل والجو حلو لاتتذكرون غير الاشياء الجميله

استغلوا هاي اللحظات انه تبعدون تفكيركم عن اي شي يعكرمزاجكم

تمشيت وتمشيت ، وحسيت نفسي مثل الطفله فرحانه سعيده طايره كأني في عالم بروحي خاليه من الهموم والضغوط والمشاكل ..

حلوه هاي اللحظات اللي عشتها
أمشي في الهايد بارك ومب عارفه وين سايره مجرد امشي واشوف الناس حواليه

اللي يمارس رياضة الجري

واللي يلعبون كره

واللي يتمشى مثلي

واللي يركب حصان

وللي ياي يمشي جلبه ( كلبه )

صار لي موقف وياهالجلب ...

شفت ريال كبير في العمر عنده جلب صغير كيووووت ، وانا بطبعي ما احب الجلاب
بس هذا حبيته
في البدايه خفت منه لما تقرب مني ، بس عقب عرفت انه يلعب ومابيسويلي شي ، قلت للشيبه صورني وياجلبك ، فرح الشيبه ماصدق

علمته كيف يصورني ، ووقفت انادي الجلب عشان ايي صوبي وحاولت ايلس شوي ع ريولي

الجلب يتقرب مني شوي وعقب يشرد مب راضي أييني

وانا كنت ابا اكون قريبه منه بدون ما المسه ، بس من كثر ماجنني اشتهيت اشله
بس مارضى تعب الشيبه ونحن نحاول نقربه مني وهو مب طايع
والشيبه يكلمه ويوقوله ايي عدالي ، وهو ابدا
وعقب فتره تقرب شوي وصورني الشيبه بسرعه

، انا قلت في خاطري
آخر شي الشيبه بيفر الكيمرا في ويهي ، بس زين اتحملني وكان سعيد
شكرته وكملت جولتي

وأنا أمشي شفت هاي الورقه

وتذكرت كم عضو ومنهم صديقتي مصورينها صور فنيه فقلت انا بعد بصورها
بس عاد ورقتي يابسه ههههههه
وهنيه انضمت ويا ربعها ، أونه صوره فنيه ،مول مايخصه ..

كملت مشي

شفت هذا واقف وشكله بيرمس، أظن هذا اللي يسمونه
سبيكر كورنر

وكملت مشي

ماعرفت شو هذا المبنى ؟

شفت هالريال وذكرني بالمجرمين اللي نشوفهم في الافلام ، وياجلبه أعوذ بالله وايد يزيغ

صورته من بعيد

بصراحه لو مب الناس حواليه جان مت من الزيغه(الخوف)

وكملت مشي

فشفت اني قريبه من البحيره واستانست

تقربت وتقريبت وتمشيت لين وصلت الكوفي اللي سبق خبرتكم عنه

وأنا يالسه في الكوفي اتصلت في بوعيسى ويلست أدردش وياه ،
وفجأه سمعت
أذان

قلت لبوعيسى ، تصدق أسمع آذان

قال ممعقوله بتسمعين آذان وانتي في الهايدبارك ، هاي يمكن صوت كنيسه
بعد شوي اقوله والله اسمع صوت ديني مثل الاذان ...

وعقب ماسكرت عنه تميت أفكر مستغربه اني اسمع صوت آذان في اذني

كملت شرب الكابتشينو وكملت سرحان وتأمل

تخيلتهم لو مسويتنهم حمام محشي ههههه

واستمتعت لين شفت انه وقت السوق قرب يفتح

ماكان ودي أطلع من الهايدبارك لكن ماباليد حيله ماعندي وقت ثاني وهذا آخر يوم وباجر بنرد البلاد

تحركت اتمشى في نفس الطريج ، وكل ما اتقرب من قوس ماربل آرش اسمع اصوات دينيه عربيه
والمفاجأه

انه اللي سمعته صح ، يعني سمعت آذان وشي جذي

تقربت أكثر وأكثر
واشوف وايد ناس متجمعه عند قوس ماربل آرش واشوف الناس لابسه أسود ومب فاهمه
ولما تقربت اكثر ، شفت انه هذا التجمع للشيعه

مافهمت شو السالفه ؟
جان أسأل واحد ، قلتله شو في عندكم ؟

قال اليوم الاربعين ، قلتله ماشاءالله وبتسوون شي
قاللي هيه
عاد أنا مافهمت شو يعني الاربعين ، قلت بتفرج وبشوف شو بيسوون
تميت فتره ، وعقب قلت السالفه بتطول خليني الحق ع السوق ،
الاوليات

وانتهت رحلتي للهايدبارك

مع اني استمتعت في رحلتي للندن ، بس اعتبر هذا اليوم أحلى يوم في هذا الاسبوع

سامحوني عيوني قامت تسكر
تصبحون ع خير ، وتابعوني في تكملة الجزء السادس..

سياحتي في لندن

اول رد
يعطيك الف عافيه هدااااوي على هالبارت الدسم ..
عاد نقطة ضعفي المطاعم الهنديه والايطاليه والعربيه بعد < وش خليتي يادوووبه
والهايد بارك حكاااااايه تقعديين وتنسين نفسك فيه ...
اما سالفة الاربعيين ...مدري وش يحسون فيه خخخخخ ..
مشكوره قلبووو ...وترى ودنا نشوف مشترياتك عشان نقلدك ..