 |
 |
 |
||
|
|
|
||
 |
|
 |
|
|||||||
| بوابة السفر إلى ماليزيا Malaysia في هذا القسم تجد مواضيع عامة متنوعة للقراءة عن ماليزيا، إذ انه يتم أرشفتها بشكل دوري. |
|
|
أدوات الموضوع | انواع عرض الموضوع |
|
|
04-09-2003, 01:29 AM
|
#1 (permalink) |
|
مسافر خبير
تاريخ التسجيل: Mar 2003
الدولة: بين الزهور
رقم العضوية :9
المشاركات: 1,299
|
زهرة القمر في افاموزا ( تقرير مصور )
بسم الله الرحمن الرحيم دائما سفراتنا تجي مفاجأه ولايكون مخطط لها لكن على الاقل يكون فيه وقت للتجهيز لها هالمره اصدر الوالد قرار بانه فيه سفره بس على وين ماندري بالبدايه اندونيسيا وبعدين ماليزيا وبعدين دبي بعدين استقرينا على ماليزيا وبديت اجمع المعلومات على مهلي وعلى اساس الحجوزات مليانه ومافي حجز واحتمال المساله تطول الا وفي احد الليالي شفت البيت يرتج على بالي هزه ارضيه صايره  طلع انه تاكد الحجز بكره يالهوي بكره وعفشي وهالمعلومات الي جمعتها متى اطبعها وانسقها كلن لاهي بعمره كني احاكي نفسي  المهم من بكره بديت اجمع منا ومنا مدري وش قاعده احط بالشنطه ومن الربكه صرت اكتب وش ابي بورقه عشان الحق ولاانسى وكل ماخلصت شي شطبت عليه بالورقه هههه حاله استنفااار خلصنا من العفوش والبكل والخرابيط مابقى شي على الرحله وكلهم تحت الا زهروه تحوس بالغرفه فتحت الكمبيوتر بسرعه وقمت افتح هالمعلومات وتن اشتغلي ياطابعه طلع لي ابوي وهو معصب وانا اطبع اخر ورقه قال لاحشى منتي صاحيه وش تسوين هذا وقت كمبيوتر قلت لاخلاص ولاشي واسحب الورقه الاخيره واحطها بالشنطه واطفي الكمبيوتر واغطيه بسرعه والقيت نظرتي المعروفه حقت النينجا بس ماامداني اكملها الا وابوي جارني من شعري برا الغرفه  وقفلنا الغرفه ونزلت لقيت البيت فاضي .. راكبين السياره اشوى الي مانسوني  وركبنا السياره وجلست اصفط الورق الي طبعتها حتى ماامداني ادبسها  والحمدلله وصلنا المطار وحطينا العفش وكنا حاجزين على الخطوط الامارتيه وركبنا الطياره وبعد حوسه الاماكن التي لابد منها جلسنا اخيرا وكانت الطياره زحمه الرحله طولت مره نزلنا في مطار دبي تقريبا ساعتين وبعدين وقفنا في دكا تقريبا ساعه وماوصلنا ماليزيا الا واحنا تعبانين بالمره السنه الي فاتت كنا بالخطوط السعوديه وكانت بالنسبه لي افضل واريح لا ترانزيتات واذا بغيت تصلي تلاقي مصلى واول مانقلع تسمع دعاء السفر يعني تحس بالراحه النفسيه المهم وصلنا ماليزيا وضبطنا امورنا واستقبلنا الشخص الي اتفقنا معاه وركبنا وبدينا بالرحله وكانت اول وجهه لنا هي افاموزا **منتجع افاموزا** الي يحب الهدوء والخضره والبحيرات ويحب ينسى تعب الدنيا وهو يتامل المساحات الخضراء ويروي روحه بمنظر الماء ويحب ياخذ فتره استرخاء ياخذله فله فوق هالبساط الاخضر يتبعها مسبح خاص محفوف بشجر تطل من الفله تمشي على بساط اخضر تنزل عينك شوي تلاقي بحيره جميله احلى مافيها انك تتمتع بالخصوصيه التامه تسبح على كيفك تتمشى برا تتلذذ بهالمناظر على كيف كيفك وكل فله يكون معها سياره قولف .. وكنت استمتع كثير وانا امشي بسياره القولف وسط هالمساحات الخضراء اوقف كل شوي اتامل جمال الطبيعه سبحان الله .. احنا جينا من المطار علطول على افاموزا وسكنا بفله عباره عن اربع غرف نوم وصاله كبيره تحت وصاله صغيره فوق وطاوله طعام ومطبخ صغير و3 دورات مياه (الله يعزكم) ومعاها مسبح جميل جدا مسبح حجمه وسط في وسط اشجار ومنظر المويه روووعه .. فعلا رائع لللاسترخاء وتقدر تطل على البحيره وعلى ملعب القولف   وصلنا الساعه 9 باليل وكنت دايخه مره وطلعت بسرعه ورحت في سابع نومه وفي الصباح قومتني امي عشان الفطور ولما جهزنا جا الباص المكشوف واخذنا للفندق عشان نفطر هناك نزلنا ودخلنا وكان منظر طاولات الفطور جميل لانها مكشوفه وتطل على الخضره  وبعد ماافطرنا رجعنا الباص للفله وجلست اتفرج على خريطه المنتجع .. فيها مدينه العاب مائيه وفيها السفاري وفيها مدينه الكاوبوي وفيها منطقه الطيران وبحيره للصيد واسطبل خيول احنا اليوم قررنا نقضي اليوم بالفله وكل واحد يستمتع على مزاجه الي يسبح والي طلع على البحيره ..والي مشى بسياره القولف والي راح يصيد(هذا متحمس من اول يوم) هذي صوره لبحيره الصيد صورت فيها ماليزي صايد سمكه كبيره  والي جلس على حافه المسبح وويطل على البحيره ومعاه ورقه وقلم على باله بيكتب مذكرات (هههه اكيد عرفتو هالشخص) بعد ماتعبت من الكتابه وصكتني الشمس رحت ادور على سياره القولف وجلست اتفحصها الى ان مشيت فيها واااو صراحه تجربه حلوه تقدر تمشي فيها لاي مكان تنزل للخضره تروح للكاوبي تاون تروح للفندق .. صراحه وناااااسه المهم سويت لفه ورجعت وبعدين امطرت كان منظر جدا راااااائع الجو روعه منظر فوق الخيال طبيعه خلابه ومطر ومسبح رحت تحت المطر امشي جمب البحيره احساس جميييل جداا وفي وسط هالاجواء قضينا اول يوم لنا في افاموزا في صباح اليوم الي بعده قمت في غايه النشاط وفتحت الشباك اشم الهوا الي يرد الروح وبعدين صحيت النايمين عشان الفطور وبعد مارجعنا جلسنا بالفله شوي وبعدين تجهزنا وطلبنا سياره عشان نروح للكاو بوي تاون دخلنا لها وكان فيها العاب الكترونيه وصاله للبولينق وصالون ومكان للمساج ومطعمين كنا جايعين فدخلنا احد المطاعم .. صح قبل لااانسى اول ماجينا للمنتجع اعطونا كوبونات خصم على كذا شي ومن ضمنها المطاعم .. فيطلع السعر رخيص مع هالكوبونات المهم طلعنا من المطعم وسالنا اذا فيه عندهم عروض قالو الساعه 9ونص باليل وبعدين راحو الصغار لللالعاب وللبولينق والكبار راحو للمساج وبقت زهروه  جلست اتمشى واتفرج على الاشياء الموجود وارجع اتفرج عليهم بالمساج الين تجمعنا كلنا وجا وقت العرض تفرجنا عليه ورجعنا للبيت دايخين ونمنا علطول اليوم الي بعده بعد الفطور واللزي منه جلسنا نتمشى بسياره القولف في وسط طبيعه ولااروع صحيح كان حر شوي وقتها بس احساس جميل حتى ولو رجعنا البيت وسبحنا والي يحب الصيد راح يصيد والي اعجبته الالعاب في الكاوبوي تاون راح انا سبحت وشربت كوفي وحته توستايه على المسبح انما ايه على فكره عجبتني مره هالكوفي ونسيت اجيب منها للرياض اهيء تهي اسمها اندو كيف فايف ان ون بعد المسبح رحت مع اخواني ولعبنا بالبولينق وعلى هالمنوال ورجعنا البيت ونمنا نوم عميق اليوم الي بعده بعد الفطور كل واحد راح يتجهز عشان نروح للوتر ورلد وبعد ماجهزنا جا الباص واخذنا ولما رحت لشباك التذاكر عشان اقص للدخول قالت لي عندنا عرض تذاكر دخول مع اكل قلت لها اوكيه (بقولكم بعدين وش صار ) المهم دخلنا وكان زحمممه لانه اجازه عندهم السبت مدري الاحد وسبحو الصغار وبعدين رحنا نشوف اكلهم وكنا جاايعين والله لايوريكم اكل يحوم الكبد كبينا الكوبونات عليهم ومشينا وشرينا اكل من برا ورجعنا البيت.. رحت بسياره القولف مع اخوي لمكان الطيران كنا بنجرب نركبه قالو لازم حجز فحجزنا على بكره الصباح ورجعنا وكملنا السهره في المنتجع ونمنا من بكره الصباح بعد الفطور علطول اخذت الي بيركب معي ورحنا لمركز الطيران شكل الطياره زي الطائرات الورقيه تاخذك لفه اقل من ربع ساعه بس لفه ولااروع فعلا تجربه جميله جدا استمتعت فيها بس ممنوع اخذ معاي كاميرا ولاكان صورت المنظر من فوق المهم بعد ماتنزل من الطياره تلاقي طاولتين كبار مكتوب فيها تعليق كل من ركب في الطياره انا علقت عليها واسترو على خطي وخرابيطي الي كاتبتها  المهم رجعنا الفله وجهزنا عفشنا عشان جنتنق الحلوه .. وبتكلم عن جنتنق المره الجايه **بعض الملاحظات** 1-الافضل ونت جاي للمنتجع تمر سوبرماركت تجيب بعض الحاجات الخفيفه لانك راح تحتاجها مثل توست و معلبات ومويه ومشروبات غازيه وكوفي وشاي وهالاشياء 2- شرائح الجوال تشتريها قبل او تقدر تاخذ تاكسي من المنتجع وتطلع تجيب احنا استخدمنا سيليكوم ودي جي وكلها ممتازه عشان تدق على السعوديه مثلا تحط علامه زائد او صفرين وبعدين مفتاح المنطقه واذا رقم جوال يكون علامه الزائد و966 ورقم الجوال بدون صفر.. 96655+ واذا بيت تحط 661 9+ ليش كتبتلكم الطريقه لاني احتست شلون ادق وبصعوبه لقيت الطريقه 3- اذا حجزت الفله اطلب يكون موقعها يطل على البحيره ويكون معها مسبح وسياره قولف 4- حاول تستفيد من كوبونات التخفيض قد ماتقدر 5- السوبر ماركت الي بالفندق صغير ومافيه كل شي ترا 6- السائق االي تعاملنا معاه من عند افاموزا ممتاز واسمه حسن مسلم وخلوق وطيب رقمه مو معاي حاليا اخذنا من افاموزا لقنتق لكاميرون لبينانق لكوالا ب2300 رنقت فقط |
|
|
04-09-2003, 01:50 AM
|
#3 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,743
|
زهرة القمر فعلا اسلوب رائع وجذاب
وصور حلوة تدل على رحله ممتعه لكن اللى عجبنى الصورة الاخيره وحبك للمنتدى واخوانك اعضائه حتى وانتى فى عز الوناااسه والمتعه مانسيتيهم تحياتى لك اخوك ابو مضاوى |
|
|
|
04-09-2003, 04:12 AM
|
#5 (permalink) | |
|
مسافر خبير
تاريخ التسجيل: Aug 2003
الدولة: ( الخبر)
رقم العضوية :979
المشاركات: 1,991
|
اقتباس:
البدر |
|
|
|
|
04-09-2003, 03:00 PM
|
#7 (permalink) |
|
مسافر خبير
تاريخ التسجيل: Mar 2003
الدولة: بين الزهور
رقم العضوية :9
المشاركات: 1,299
|
اخوي هاوي السفر شكرا لمرورك وتصدق انا كتبتها كامله بالذات عشان افتك من لسانك اخوي ابو مضاوي شكرا لك هذا من ذوقك وصدقني المنتدى الحمدلله دايم على بالي مقدر انسى بيتي الثاني اخوي الماجد اشكرك واتمنى الكل والله يحس بهالوناسه الي حسيتها اخوي البدر شكرا لك اخوي ياماس مااقدر استغني عن البكلات عسا عمري ماتطورت تلاقيها ضمن الكلام دور عليها واعطيك جائزه اماللي سال عن سعر الفله فهو ب800 رنقت واحنا حجزنا عن طريق المكتب السعودي للرحلات ورقم السائق حسن 0122177740 طبعا هو سيارته كبيره يعني للعوايل بس فعلا جيد حتى سيارته حلوه ومريحه. وبالتوفيق |
|
|
|
04-09-2003, 11:57 PM
|
#10 (permalink) |
|
مشرفة سابقة
تاريخ التسجيل: Mar 2003
الدولة: دولة الكويت
رقم العضوية :5
المشاركات: 4,733
|
 شهالجمال و شهالشي يا زهوره الأموره امتعتينا الصراحه بسردج المشوق من خلال روايتج " مذكرات زهرة في أفاموزا " وصف ولا أروع ... و لا احسان عبد القدوس والا نجيب محفوظ بزمانهم وأحلي شي في الموضوع إنج كتبتي إسم منتدانا كتذكار ويا ليت أي واحد من أعضاءنا إذا شاف هالتوقيع يوقع هو بدوره و يصور لنا توقيعه . و نحن بإنتظار المزيد و عجلي ب ...... " مذكرات زهره في جنتنغ ". تحياتي .......... |
|
|
|
05-09-2003, 01:06 AM
|
#11 (permalink) |
|
مسافر خبير
تاريخ التسجيل: Mar 2003
الدولة: بين الزهور
رقم العضوية :9
المشاركات: 1,299
|
اخوي مساعد تسلم واشكرك على تعليقك اخوي فهد فرحت والله بتعليقك وشكرا لك على اطرائك وان شاء الله اقدر افيدكم بعلومات اكثر اختي الباحثه انا بعد كلامك خلاص صار راسي وش كبره تسلمين يااحلى اخت وابشري بزهرة في قنتنق |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 10:41 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||