السلام عليكم ورحمة الله وبركاتة

أعزائي أعضاء هذا المنتدى الجميل أرجو أنكم تقبلو هدية العيد المتواضعة مني واللي هي تقرير عن رحلتي الثانية للوردة اللي جيت منها قبل شهر رمضان بيومين وأن شاء الله تحوز على أعجابكم ورضاكم خصوصا اني راح انزل صور كثيرة زي العادة وبعضها غير موجودة في هذا المنتدي بس ( حقوق الصور والتقرير محفوظة لي طبعآ ) وترا كل ما كانت المشاركات كثيرة في الموضوع كل مانزلت التقرير بسرعة يعني هالله هالله بالمشاركات والتشجيع
وكل عام وأنتو بخير مقدما

بسم الله الرحمن الرحيم

يوم السبت 10 سبتمبر

بسبب عدم قدرتي على فراق الوردة كثيرآ وخصوصا أن آخر رحلة كانت قبل حوالي 5 شهور أخذت لي أجازة من العمل بطلوع الروح وبعد حب خشووووم وطلبات دامت أكثر من شهر لين وافقو فحجزت لي من مكتب سفريات كانو اللي في الخبر في شارع الملك خالد وطلعت علي التذكرة ب2460 ريال وكانت مباشرة دمام-مانيلا-دمام وكانت يوم السبت الساعة 7,45 المساء. وهذي المرة رحت بدري بسيارتي الخاصة للمطار وكان معاي اخوي علشان يرجع السيارة للبيت وخصوصآ أن المرة اللي فاتت كانت بتروح علي الرحلة بسبب تأخر خويي علي بس ربك ستر ولحقنا. المهم أقلعت الطيارة في وقتها زي المرة اللي فاتت ويقولون ربعنا دائما يتأخرون يمكن في الرحلات الداخلية فقط لأنهم مو شايفين أي منافسة للرحلات الداخلية مش زي الدولية.المهم قبل دخول قاعة الأنتظار نشبو لي على الوزن الزايد وكان عندي 8 كيلو زايد بس نشبو لي عليها صح ,بس زي العادة بعد طلبات وحب خشوم تكرمو علي ومشوها وبصراحة جزاهم الله كل خير دائمآ متعاونين مع المسافر بس أحيانا مزحهم يكون ثقيل وبصراحة أنا ما أنعطى وجة هذي ثاني مرة يكون عندي وزن زايد تقول ما عندهم أكل هناك والشباب ما قصرو المرة الفاتت مشوها لي ولا حطونون بعد من الدرجة السياحية الى الأفق من دون واسطات ولا شئ .بس هذي المرة أنا حطيت نفسي من السياحية الى الأفق وطبعا بواسطة ( حب الأخشوم ) . المهم بعد ما جلست في الأفق لاحظت عدم أمتلاء المكان بالركاب يا دوب كانو 7 ركاب والباقي كانو مضيفون الخطوط . المهم زي العادة ما قدرت أنام في الطيارة وقضيتها تفرج على الأفلام وتمشيه في الطيارة و سواليف مع المضيفين والمضيفات.

صورة من الطائرة وقت الأقلاع من مطار الدمام

بعض الجزر قبل الوصل لمانيلا

مانيلا من الجو

ووصلت الطائرة مطار مانيلا الساعة 9,45 الصباح بتوقيت مانيلا طبعآ وزي العادة الأمور مشت تساهيل بدون أي تعقيدات بس نشب لي اللي يفتش الشنط قبل ماتطلع من بوابة المطار وكان غثة من جد وقعد يتفلسف علي كم عندك وزن أيش عندك في الشنط والكراتين واللي كنت ملاحظة أن اللي بجنبة قاعد يمشي الناس زي الحلاوة, بس الظاهر كان يبغة بقشيش بس قلت أمعصي أعطية شئ و علشان كذا طولت بالي معاه وفتحت كل الشنط والكراتين بكل سعد صدر ولما ما شاف مني أي فايدة وأني مطول بالي معاه مشاني . ولما طلعت من المطار كان الجو رطب جدا وكنت مواعد صديق فلبيني يمر علي المطار ووصل عندي بعد 15 دقيقة وبعد السلام ركبت السيارة ورحت الى فندق ريجنسي وكان عندي حجز قبل ما أوصل بس للأسف ما عطوني الغرفة بالجهه اللي أنا ابغاها واللي كنت أسكن فيها كل مرة لأن كان الفندق فل وكانو منتظرين أحد النزلاء يعمل شيك أوت ذاك اليوم بس مددو زيادة أسبوع .المهم الغرفة اللي أخذتها كانت لا بأس فيها

صورة من غرفة الفندق

وطلعت علي ب2380 بيسو وكانت غرفة وصالة ومطبخ. المهم حطيت عفشي وأخذت لي دش وبعد كذا أخذت لي غفوه وما طلعت اللا في الليل مع خويي بسيارتة وعلى الساعة 12 الليل رجعت الفندق وسمتها نومه

يتبع............................................

ياهلا وغلا فيكم ويشرفني مروركم والمشاركة
والحمد لله أن الموضوع عجبكم من البداية
وأن شاء الله الباقي أحلا وأحلا خصوصآ بالصور اللي عندي
وأن شاء الله بنزل جزء الليلة

8 كيلو زايد

بواسطة ( حب الأخشوم )

الفندق وسمتها نومه

yazeed
ياهلا وغلا فيك أخوي العزيز ومشكور على مشاركتك ودعمك الدائم لي








حمودي
مين حبيب قلبي يا هلا ويا مية هلا فيك
يسعدني جدآ مرورك الحلو ياحلو
وهذ شئ بسيط من اللي عندكم
وترا الجاي أن شاء الله أحلا وأحلا بس خلك دائمآ متابع التقرير ولا تحرمني طلاتك الحلوه
وكل عام وأنت بخير

SaudiMfls
يامرحبا يامرحبا فيك سعودي مريش وأن شاء الله باقي التقرير راح يعجبك أكثر
وبالنسبة للوزن أنا معاك يقدرون يمشون اللي يبغون بس أهم شي يكون مزاجهم رايق
بس بصراحة أذا تعرف أحد تمشي امورك سهاله
وبالنسبة للنوم أنا شعاري لا للنوم الكثير في السفر , لأني لاحق عليه أذا رجعت وأهم شئ عندي ان ما يضيع على اليوم على الفاضي وأستغلة في أستكشف المكان
بس بصراحة لما أرجع يطلع علي التعب فوق بيع السوق وكل ودي انام










KABAYAN
هلا وغلا بخبيرنا الغالي
وبخصوص هذا التقرير أذا ما نزلتة ألحين ر اح أنزله متأخر لأني راح أنشغل كثير في الفترة الجاية فقلت فرصة مادام عندي وقت فراغ أنزلة مرة وحدة
بس لا تحرمنا من طلتك علينا ومشاركاتك وتشجيعك وترا هذا الشيئ اللي يعطي دافع أني أكمل بنفس .

يوم الأثنين 12 سبتمبر
صحيت على الساعة 1,30 الظهر وبعد ما أخذت لي دش كان الفطور جاهز , وبعدها ريحت في الغرفة وما طلعت ألا الساعة 4 العصر ورحت ألى مجمع Rock Well وكان المكان حلو وفخم وغالي للي يريد يتسوق وكان موقعه مابين مجمع سكني شكلة للناس المريشين وحتى الناس اللى فيه شكلهم عيال نعمة . المهم تمشيت في المكان حوالي ساعة ونصف وبعد كذا جلست في مقهي وأخذت كابتشينو وكيك.


وبعد كذا رحت للسينما علشان أشوف فيلم و أخذت التذكرة ب151بيسو ويعتبر هذا السعر غالي بالنسبة لباقي أسعار تذاكر السينما في المجمعات الثانية واللي ما بين 80 و100 بيسو,



المهم بعد الفيلم رجعت الفندق أريح وأتعشاء وبعد كذا طلعت أنا ويا خويي بالليل وعلى الفجرية رجعت الفندق وسمتها نومة
يتبع.....................................:36_ 3_12:

يوم الثلاثاء 13 سبتمبر



صحيت الساعة 12 الظهر وزي العادة بعد الدش لقيت الفطور جاهز.وعلى الساعة 1 الظهر رحنا في سيارة خويي الى منتجع في جبل يبعد عن مانيلا حوالي ساعتين على حسب الزحمة وكان أسمه Caylabne Beach Resort في منطقة Cavite وكان سعر الدخول ب650 بيسو للشخص ,بس السواق دخولة ببلاش ليش ماأدري المهم المنتجع حلو كموقع فهو خيالي على يمينك ويسارك جبل في غاية الجمال . بس عيب المنتجع الوحيد الشاطئ حقه كان صغير نسبيآ يادوب 200 متر وما كان يصلح أنك تسبح فيه لأن كان يجي من البحر أوساخ مخليه الشاطئ أسود نسبيآ والمياه ما كانت صافية, يعني ما يصلح تسبح فيه. . بس بالمقابل عندهم 3 مسابح حجمها حلو 2 للكبار و 1 للصغار , وفيهم واحد موقعة حلو جدآ على الشاطئ وحوالية أشجار النخيل وتقدر تشوف المناظر الخلابة من حواليك وأنت تسبح. وكان ذاك اليوم ممطر يادوب نزلت المسبح وأللا المطر ينزل من جديد بس كان ممتع جدآ وما طلعت الأ بعد ما أكتفيت وبعد كذا رحت أتمشى بالمكان شوى وكان مرتب بصراحة وحلو , وعلى المغربية قعدت في المطعم حقهم وأخذت لي شندوتش تونة وعصير طازج , وبعدها بنصف ساعة رجعت مانيلا.
بس بصراحة المكان حلو ويصلح أكثر أذا كنتو مجموعة لأن راح تنبسطو وخصوصآ اللي يحب الهدوء لأن ما شفت زحمة ذاك اليوم ولازم يكون معاك سواق خاص علشان يوديك ويرجعك لأنك ماراح تلقى أي تاكسي هناك يرجعك , وزين أنك تشوف سيارة ثانية أصلآ بالطريق خصوصآ بالليل . وترى الطريق ممتع بالروحة والرجعة ما راح تزهق خصوصآ وأنت طالع الجبل مناظر سبحان الخالق جل وعلا.
وللمعلومية أنا رحت بسيارة خويي الخاصة يعني ما دفعت ألا حق البنزين 500 بيسو.
بس سألت المرشد السياحي اللي أعرفة هناك كم تكلف وقال تكلفة السيارة الخاصة ذهاب وعودة مع البنزين ب 3000 بيسو وطبعآ السعر يختلف أذا كنت شخص أو مجموعة , وكل ما كنتو مجموعة كان السعر أقل وأفضل, وطبعآ على حسب أتفاقك مع الشخص.


وهذي صور للمكان من أول ما طلعت من الفندق





بعض المناظر اللي تشوفها طول الطريق














صورة لمدخل أستقبال المنتجع وهنا تدفع رسوم الدخول


المنتجع من الداخل








المسبح اللي قلت لكم علية شوف الموقع وأحكم بنفسك وتراها تمطر في الصورة









يمكن تشوف حجم الشاطئ الصغير نسبيآ










وقت الرجوع من المنتجع




المهم رجعت الفندق على الساعة 9,30 المساء , ريحت لي وتعشيت وبعد كذا رحت محل أنترنت في شارع بورقص وكان أسمة 88 وجلست هنلك حوالي ساعتين شيكت على الأيميل ودخلت هذا المنتدى للرد على من شاركني موضوعي الأول وأعتذرت على التأخير في أكمال التقرير لسبب وجودي في الوردة. المهم بعد كذا رجعت الفندق شوي وبعدها طلعت مع خويي نتمشى وبعد كذا رجعت الفندق ونمت


يتبع.......................................:36_3_1 1: