 |
 |
 |
||
|
|
|
||
 |
|
 |
|
|||||||
|
|
أدوات الموضوع | انواع عرض الموضوع |
18-09-2005, 07:14 PM
|
#1 (permalink) |
|
مسافر فعال
تاريخ التسجيل: Jul 2005
رقم العضوية :33475
المشاركات: 101
|
تكملت راجع من أستراليا (ملبورن+جولدكوست)
 أهليييييييييييييييييييييييييييييييييييين بالجميع طبعاً بعد ماتكلمت بالموضوع اللي قبل عن كيرنز راح أكمل الرحلة اللي كنت باديها أصلاً بملبورن ثم جولد كوست ثم كيرنز ثم سدني ثم هونج كونج ملبوووووووووووووووووووووووووووورن <<<<<<<<<< بعد قلبي والله ياناس لو أقول هالمدينة تجنن ما أوفيها حقها صراحة مدينة خيالية بمبانيها والتمشية فيها هادية مررره عكس الجولد كوست . المهم وصلت أنا والمدام بعد رحلت الطيران تعبانين (9ساعات لهونج كونج) وترانزيت 4ساعات(ومن هونج كونج لملبورن9ساعات) بس أول ما وصلنا المطار حسينا براحة غير طبيعية المهم إسقبلنا واحد بسيارة الفندق ويوم شفت دركسونهم حسيت إني وصلت للديرة  ولا ترى يقولون طياراتهم دركسونها يمين <<<<<<<<< ياخف دمي  المهم من يوم وصلنا الفندق سوينا التشك إن وحطينا الشناط وعلى طول طلعنا نتمشى ونسينا تعب الرحلة ومرينا على النهر صراحة منظر باليل يجنن مع النوافير  وشفت نار تطلع من أبراج على طول النهر خياليييييييييييييييييييييييييييييييييييية   ومرينا على مبنى كبير كبير كبير فيه فندق و أسواق ومطاعم وسينما وصالات بوكر والمشين حق القامبل اسمه crawn وهذي صور له     لا وانا أصور وماخذ راحتي بالتصوير عند البوكر وقفتني وحدة عن التصوير  والا كان شفتوني وأنا قاحش فلوووووووووووووووسهم<<<<<<<<<  ورحنا للأكواريم  وهو للأسماك والقرش وغيره من الحيوانات البحرية وهو انفاق تحت أحواض السمك وهذي صور له   وفي اليوم اللي بعده رحنا لاسعراض البطريق الشهير صراحة حلو بس طريقته انهم ياخذونك بباص لمدة ساعتين وتوصل للمكان وهو عبارة عن شاطئ ويكون الوقت على غروب الشمس وتشوف (البطاريق) إن صحة الكلمة وهي ترجع من البحر وتدخل للشاطئ وفيه زي الجسور خشب تمشي عليها وتشوفها وهي داخله لين حفرها صراحة متعة شوفتها سبحان الخالق شئ عجيب  وفي اليوم اللي بعده رحلتنا لجولد كوست وهذا البوردنج لا تقولون ما وريتنا ونبي صور   وصراحة هالشركة للتنقل الداخلي بأستراليا مريحة حيل وتحجز عن طريق النت من هنا وتدفع بالكردت وتطبع الكونفيرم وماعليك الا توريهم بالمطار النسخة ويعطونك البوردنق  بااااااااااااااااااااااااااااااااااااااااااااااااا اااااي ملبوووووووووووووووووورن  وانشالله بعد ما اجهز موضوع جولد كوست بنزله بطريقة مره حلوه |
|
|
18-09-2005, 11:35 PM
|
#2 (permalink) |
|
مسافر فعال
تاريخ التسجيل: Feb 2005
رقم العضوية :18151
المشاركات: 137
|
مررررررررررررره التقرير حلو ...والله عشت جو مع الصور خصوصا ان ميلبورن كانت اخر مدينه زرناها ...انا حبيتها و حبيت اسواقها و شوارعها و طبيعتها.. بس شكلكم ما طولتوا فيها لان احس في اشياء حلوه فاتتكم
مشكور اخوي على التقرير و بانتظار الباقي 
|
|
|
|
19-09-2005, 03:01 AM
|
#3 (permalink) |
|
مسافر فعال
تاريخ التسجيل: Jul 2005
رقم العضوية :33475
المشاركات: 101
|
هلا DSESRT ROSE عيونك الحلوة
لا وشناطي الله يحفظهم هذي صورتهم قبل مايدخلون الطيارة بالمدرج  ماقصروا وفو وكفو نذكرهم عشان مايزعلون علي ألزم ماعلينا هم لو ثقلو علينا حساب الثقل علينا ورحت ترى للسوق الشعبي الكوين ماركت ولفيت بالسيركل ترين وبالنسبة لإني ماطولت فيها أو فاتني أشياء كثيرة ماادري أنا أحس إني وفيتها حقها 5أيام واللي مارحتله وأتذكر إني كنت ناوي أروحله الـ LUNA PARK إن كان فيه شئ مارحتله ممكن تقولي عليه لإني أنبسط إذا عرفت أن فيها أشياء أكثر عشان أتحمس أروحلها ثانية لأن أستراليا ما تكفيها مره أو مرتين
|
|
|
|
20-09-2005, 03:07 AM
|
#5 (permalink) |
|
مسافر فعال
تاريخ التسجيل: Jul 2005
رقم العضوية :33475
المشاركات: 101
|
جولد كوست التقرير الأول فوق الخياااااااااااااااااااااااااااااااااااااااااااااا ااااااااااال صراحة أول ما وصلت الفندق أرتحت لأنه مرررره حلو ( الهوليدي إن ) وعلى السيرفس برادس وهذا المنظر من البلكونه بالليل يطل على مجموعة ألعاب  لا وكل يوم أشوف هالألعاب وأخر يوم لعبة بوحدة اللي هي الكورة اللي مربوطة بأسلاك وتنطلق 80 متر مرررررره حلوه وطبعاً في السيرفس تحس إنك في أحد الدول الخليجية لأن كله خليجيين وميزته إذا خلصت المكان اللي رحتله في جولد كوست تمرعليه وفيه محلات ممكن تاخذلك أيس كريم - أو تتمشى بالمحلات صراحة محلاته حلوه سواء ماركات أو غيره - وفيه أماكن مره حلوه صغيرة مثل (رايبل بليف أور نوت) (الإنفنتي) (واكس ميوزيم) (سبيس ولكر) وبشرح عنهم: أول شي رايبل بليف أور نت  اللي له برنامج بالتلفزيون وهو يعرضونلك أشياء غير معقوله وانت بكيفك تصدق والا لا أنا عن نفسي بعض الأشياء ما صدقتها لا وفاتكم انسحبت على وجهي وانا بدخل لغرفة فيه لقيت واحد بيصور واستنيته وطلع تمثال مت على نفسي من الضحك<<<<<<<<<<<< وهذي صورته ترى حاقد عليه إلى الحين والإنفنتي عروض ليزر والكترونيات مرررررررررررررره حلو لا يفوتكم وسبيس ولكر اللي هو المشي بالفضا حلو غريب يخلونك تتخيل انك تسوي رياضة بالفضا والواكس ميوزيم كله شخصيات من الشمع حلو هذي صورة المدخل  وهذي صورة للورنس العرب بالشمع كنه واقف قدامك  وهذا مايكل جكسون  وهذي الأميرة ديانا  وفيه الدراكولا وشكله مطعم فيه شخصيات دراكولا بس انا رحتله يوم الأحد وكان مقفل هذي صور له من برا  ونصيحة خلو هالأماكن بعد ماتروحون للأماكن الكبيرة اللي تقفل بدري (5) لأن الأماكن اللي ذكرتها صغبرة ما تاخذ أكثر من ساعة ولا تقفل الا متأخر (11) وأساساً هي تفتح بالليل من (7) وهذا التقرير الأول عن جولد كوست ترقبوا المزيد عن الأماكن الخيالية |
|
|
|
20-09-2005, 11:43 PM
|
#6 (permalink) |
|
ابوعبدالله
تاريخ التسجيل: May 2004
الدولة: الخبر - السعودية
رقم العضوية :3789
المشاركات: 1,203
|
الظاهر ما طولتوا في ملبورن... يمكن 4 ايام
بس حللتوها صح و زرتوا احلى ما فيها تقرير جولد كوست جميل و ذكرتني بأيام حلوة ما انساها تصدق.. توني اعرف ان فيه شي اسمه سبيس وولكر مع اني سألت عن كل الاماكن السياحية بس يمكن المكان جديد و ما لحقت عليه بانتظار بقية التقرير عن جولدكوست اجمل تحية |
|
|
|
25-09-2005, 01:38 AM
|
#7 (permalink) |
|
مسافر فعال
تاريخ التسجيل: Jul 2005
رقم العضوية :33475
المشاركات: 101
|
التقرير الثاني
جولد كوست بهذا القسم راح أتكلم عن الأماكن الترفيهية الكبيرة اللي بالجولد كوست وهي زي ما ذكروا أخوانا بالمنتدى الدريم وورد والموفي وورد والسيي وورد والوايت اند ويلد . ولكن ماراح أخلي التكرار هو هو لكن راح أدخلكم في بعض هالأماكن لأنه من تجربتي بقرايت المواضيع بالمنتدى وبعد الروحه (حسيت قبل ما اروح ان الأماكن مو هالمستوى لأن الكلام عنها خارجي) المهم عن الفلسفة <<<<<< وقبل كل الكلام قبل ماتطلع بالتورات ترى فيه عروض أنا ماكنت أدري عنها: أولاً: بأستراليا كلها أي تورين تاخذهم الثالث فري <<<< وأبسط ياعم موب زيي أدفع وامش الثاني : الأماكن (الدريم وورد والموفي وورد والسيي وورد والوايت اند ويلد ) فيه بكج للشخص تقريباً 270دولار يدخل ثلاث أماكن والرابع فري الدريم وورد صراحة ألعاب فوق الخيال ونصيحة إرم قلبك وراك ولاتخلي ولا لعبة ألا جلست بأول صف عشان إذا رجعت لديرتك ماتقول (ليت وما لاتا) واللعبة اللي تخاف منها بدها<<<<<< تحسون إني من آثار السعودة لووووووووول المهم عن خفة الدم وخلوني أوريكم الألعاب أول شي هذي اللي نسميها الشواية بس صراحة أبدعوا فيها  حاطين تحتها مويه زي البحر وفيه مجسم قرش كنك بتطيح عليه والثانية لعبة زي الدائرة مرتفعععععععععععة ياويلي  قسم بالله وأنا فوق أقول بأقوى ماعندي توووووووووووووووووووووبة  المهم هذي الشخصية أعجبتني هو مجسم بالأرض جنب وحدة من الألعاب  وصراحة الكلام عنها كثير والألعاب حلوة بس زي مايقولون من كل بستان زهرتين الموفي وورد صراحة رحتلها متأخر بس أمداني أسوي أكثر الأشياء وناااااااااااااااااسة المهم أول ما دخلت فتحت البروشور اللي عطونا ولقيت عرض للشخصيات الكرتونية بقزبني والطقة بس صراحة عرض خطير خطير خطير وهذا من مشاهدهم  وبعد ماطلعت قرب وقت العصر انه يطلع وشفت لوحة من جد شي صصفقني بوجهي (فرحة على تعجب على استغراب على راااااااااحة)  منظر من جد يفرح لا وبتلقونه في كل منتزه لاويعاملون اللي يصلي بكل احترام مره بالوايلدلايف كنت أصلي وتقولي المدام ان في وحدة من اللي يشتغلون عيت على وحدة تدخل قالتها (بيكوز سم ون برير)يعني من جد تغيرت في بالي أشياء كثيرة بعد هالموقف الحلو ومن جد الواحد يرتاح أولاً نفسياً إنه صلى وثانياً ماتنجبر ترجع الفندق علشان تصلي لأنه صعبة الواحد يصلي بأي مكا وفيه لعبة سكوبي دوبي دو اللي يشوفها من برا يقول حقت بزران وأساساً مكانها مو باين انه لعبة المهم أدخلوه المهم حلوووه تمشي فيك عربية بالظلام وترتفع فوق وتنزل نزلات يووووووو ويمين ويسار وأتحداك يجي واحد يتفلسف يقول هنا الشمال وهذي صورة للشوب  وهذا من عروض ماتريكس  ولو تلاحضون حاطين شاشة تعرض من نفس العرض عشان اللي مايشوف وصراحة أحلى عرض دخلته عرض البوليس أكاديمي لأنه عرض كوميدي على أكشن وفيه لقطات من جد حلوة المهم أحلى لقطة واللي قدرت أصيدها تفجير مدرعة ولقطتها وهي طايرة من النار  بس لو بتلاحظون أنا لاحظته وأنا حاضر يمكن يكون باين في الصورة إنه في عمود ماسك السيارة يقلبها مع النار<<<< داري بقولون وشلك وشلون مسوينها أنبسط بس واللي أحلى المسيرة اللي بعد نهاية العروض كلها وأنا اخترت لقطة للتوب فيها  السيي وورد  مكاااااااااااااااااااااااان ولا أروع... أقول باي بأقفل الموضوووووووع ضاااااااااااق صدري أتذكرت الفلة!!! والا تدرون بأكمل (الذكرى ولا الفرقا)>>> مثل جديد أول ما دخلت برضو البرشور وركزوا رجاءً على البروشورات (كل واحد يخلي بالله من بروشوره)<<مثل عادل إمام _ معدل لقيت عرض الدلافين اللي من الحماس حضرت أول عرض وآخرعرض وهو نفسه بس هذا من كثر مايجنن  هذي لقطة للمدربة مع الدلافين  وهذي اللقطة معليش أحس إني أبدعت يوم جبتها الدلفين وهوو مرتفع بقوووووة  يالله صفقولي   المهم اللي بعده كلب البحر ما ادري الفقمه المهم اللي هو هو عرضه مررررررررررره كمدي صرااااحة حلو وهذي لقطة له وهو يدق تحية أحلى ضابط (من جد منسم)  وفيه استعرااااض البحر اللي هو أبوووووات وسكيتنج على بحيييرة وحركااات مرررررره حلوه هي لقطة لواحد بعرض السكيتنج  وهذا بنهاية العرض هرم فوق المويه بالسكيتنج  والوايت اند وايلد مررره حلو تقريباً نفس الوايت وايلد اللي بدبي مرتفعات مويه ومسبح أموووواج وألعاب مويه مررره حلوووه بس عن الحق (اللي بدبي أحلى) بس طبعاً ما صورت فيه أولاً المويه وثانياً إستصعبت أصور هناك يعني من جد إحررررراج وترى رحتله مرتين لاني انبسطت مافيه خليجييين تعرفون تستصعب إذا شفت عوايل خليجية واللي ماسمعت أحد تكلم عليه الوايلد لايف  ما أدري يمكن على شانه بعيد شوي لا وفيه واحد من جد بعيد تطلع على مدينه ثانيه يمكن برزبن يعني مشوار بس انهم يقولون ان حق العروض نفسه المشهور اللي يسوي عروض بالتلفزيون المهم لايهمكم واحد أعرفه يقول رحت وتمشورت ساعتين ونص رايح ومثلها راجع ولا هو اللي يقولون المشهور يعني الحديقة له بس مو هو اللي يسوي العروض ويقول ان الوايلد لايف أحلى وهذي لوحة أسعار الدخول  وهذا عند المدخل اللي قلتلكم يشرح الصدر  وهذا حبيب قلبي الكوالا  وهذا الكوالا وهو نايم  يازززززززززززززينة وهذا اذابتصور معه  وهذا واحد من العروض اللي للطيور وشي مرررره حلو يخلون الصقور تطير فوق راسك وانت جالس على كرسي نازل بالارض  وهذا الصقر يرمي حجر على البيضة عشان يكسرها (سبحان الله)  وهذا عرض لبعض الحيوانات  وهذا الكنغر والمملوح يأكله  وهذي لقطة للشايب وهو يطلعلي الأكل من المشين لأنه خربان  ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ وهذي صورة لكوخ في البحر  وهذاااااااااااااااااااااااااا شاليه لواحد كاااااش موقف الهيلكوبتر بالبحر  أتمنى يعجبكم الجزء الثاني من التقرير
|
|
|
|
25-09-2005, 07:59 AM
|
#9 (permalink) |
|
مسافرجديد
تاريخ التسجيل: Aug 2005
رقم العضوية :41235
المشاركات: 29
|
تقرير رائع عن جولد كوست والاروع تعليقاتك المرحه اخوي اي شي
انا انشالله طالع جولد كوست شهر عسل والا كان عزمتك تجي معاي متى تفتح اخوي اي شي السي وورلد والموفي وورلد والاماكن هذي ؟ ويلا نبي تكملة هذي الرحله الجميله
|
|
|
|
25-09-2005, 03:38 PM
|
#10 (permalink) |
|
مسافر فعال
تاريخ التسجيل: Aug 2005
الدولة: الريــاض :)
رقم العضوية :43065
المشاركات: 62
|
(اي شي ) قلبت المواجع هههههههههههه اه والله عورني بطني واغلب الاشياء الي مصورهم انا رايح لهم
والمنظر من الهوليدي ان يجننن والي بيروح قولد كوست لاتفتوته الالعاب الي قدام (الكراون تور) مثل الكوره الي تطير 80 مترر تخوووووووف بس تجنننننن هههههههههه ويعطيك العافيه اخوي .. تقرير رووووووعه |
|
|
|
25-09-2005, 04:34 PM
|
#11 (permalink) |
|
مسافر فعال
تاريخ التسجيل: Jul 2005
رقم العضوية :33475
المشاركات: 101
|
حيييييييييييييييييييييييييييييييييييييهم هلا أخوي محسن1980 الله يسلمك وتراها فوق ماالواحد يتصور هلا أخوي الناظر الموعود الله يوفقك يااااااااااااااااااااااااااااااااااااااااااااااااا اااااااا رب ويهنيك وترى أغلب الأماكن الكبيرة اللي نزلتها بالتقرير الثاني تفتح من 10 إلى 5 والصغيرة اللي بالتقرير الأول تفتح من 7 باليل إلى 11 وكانك بتروح لكيرنز ودي تشوف الموضوع اللي بنزله اليوم عن كوراندا خياللللية هلا أخوي السيف والتوحيد هي موااجع بس خلها على ربك ويعطيك العافيه على الرد |
|
|
|
26-09-2005, 12:28 AM
|
#12 (permalink) |
|
مسافر فعال
تاريخ التسجيل: Feb 2005
رقم العضوية :18151
المشاركات: 137
|
اخوي ... اي شئ
من جد ابدعت هالمره .. طريقة اسلوبك و عرضك مره حلو والله موتني من الضحك على الي تحسبه يصورك في belive it or not لان فعلا شكله جاي يصورك مره شكرا على التقرير و احنا بانتظار الجزء القادم
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:51 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||