الموضوع: مطاعم المندي والمظبي في الدوحة

السلام عليكم ورحمة الله وبركاته
تحية طيبة لجميع أعضاء المنتدى

أنا إن شاء الله نازل للدوحة ايام عيد الاضحى المبارك وأبي أسأل عن منطقة تكثر فيها مطاعم المندي والمظبي التي يقدمها الاخوة اليمنيين

وشكرا

المشاركة الأصلية كتبت بواسطة boos52

السلام عليكم ورحمة الله وبركاته
تحية طيبة لجميع أعضاء المنتدى

أنا إن شاء الله نازل للدوحة ايام عيد الاضحى المبارك وأبي أسأل عن منطقة تكثر فيها مطاعم المندي والمظبي التي يقدمها الاخوة اليمنيين

وشكرا

عليكم السلام ورحمة الله وبركاته
حياك الله قي الدوحة واكثر منطقة فيها مطاعم المندي الغرافة في شارع قبل مبنى الجوازات اسمه شارع الغرافه التجاري واحلى مطعم فيه ديوانية البخاري واكله روعه والطابق الثاني جلسات مسكره للعوائل بس ما ادري هل فيه مندي اهو مشهور بالبخاري
وفي مطعم في سوق واقف اسمه ليالي عدن انا والشباب لاعت جبودنه من اكله انصحك لا تروحله مع ان الاخوه اليمنين طايحين عنده
وفي مطعم اخوان في شارع آل شافي في معيذر بالقرب من فيلاجيو مول ما جربته لكن سمعت ان اكله عادي
وحط في بالك ان مطاعم المندي والمظبي في السعوديه احلى وااااااااااايد من كل دول الخليج

اخوي سلف ماقصر الله يعطيه العافيه واذا احتجت معلومات اكثر خبرنا

المندي عرفناه بس شنو المظبي ؟

لايكون مجبوس ضب ؟

طريقة عمل المظبي

يعطيك العافية يالمشرف
طريقة المظبي بالملح عجيبة
بس المظبي اللي دايما نشوفه في مطاعم السعودية
يكون على الحصى اللي يحافظ على الحرارة
بحيث يوضع اللحم أو الدجاج على الحصى الحار الموضوع على الجمر
يعني في الطعم مثل المشوي