 |
 |
 |
||
|
|
|
||
 |
|
 |
|
|||||||
|
|
أدوات الموضوع | انواع عرض الموضوع |
16-08-2003, 03:18 PM
|
#1 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,742
|
ابو مضاوى رجع من اندونيسيا وهو ماوده يرجع
السلام عليكم ورحمة الله وبركاته اخوانى اعضاء المتدى شكرا شكرا شكرا شكرا انكم دليتونى على هالديره بلاد السحر والطبيعه الصراحه تحسفت ان حجزى 12 يوم بس وحاولت بشتى الطرق امدد الحجز وماقدرت قالولى اقرب حجز اوكى بعد شهر عموما بفضل الله ثم بفضل المنتدى امشى هناك ماحد قدى ولا اسأل احد والى يشوفنى هناك مايصدق انى اول مره اجى ها الديره بس اول مارجع الفندق اذاكر الملف اللى معى
 اللى طبعته من مشاركاتكم واطلع وخويكم دليله مايحتاج من ها الاوراق السنعه عموما لى زياره ثانيه وقريبه جدا وحسافه على كل دولار صرفته بره ها الديره تحياتى لكم والله ضايق صدرى
|
|
|
16-08-2003, 07:51 PM
|
#3 (permalink) |
|
مسافر متالق
تاريخ التسجيل: Mar 2003
الدولة: الرياض
رقم العضوية :16
المشاركات: 747
|
أبومضااااااااااااااااااااااااااااااااااوي ..
..الحمد لله على السلامه ..  يا أخي كان طمنتنا عليك وعلى وصولك لإندونيسيا ..  .. قلت الرجال راح وعلى طول صار فيه إنفجار .. .. يعني جت المشاكل على وجه أبومضاوي .. .. قلت لاتصير نفسه شانت بس .. ..لكن الحمد لله على السلامه .. واضح إنك مبسوووط من الديره .. أبومضاوي .. نقول خلاص .. إدمااااااان ..؟؟يعني ألحين نقول أبومضاوي إنظم إلى جماعة مسحوري إندوووو ..يالله حبيب قلبي .. شد حيلك ونبيك تعطينا إنطباعك عن الديره .. ونبيك تسولف علينا عنها .. ..تحياتي وتمنياتي لك بسفراااات وسفرااااات لإندوووو السحر والطبيعه .. أخوك .. ماجد ..
|
|
|
|
16-08-2003, 09:22 PM
|
#5 (permalink) |
|
مسافر خبير
تاريخ التسجيل: May 2003
رقم العضوية :242
المشاركات: 1,291
|
مالك حق يا بو مضاوي والله ما خلينا مكان مادورنا فيه عنك وأنت ولا سائل .
المسكين لون المطر كل يوم يسألني عنك لكن للأسف ما شفناك ولا اتصلت تطمنا عليك . حتى الأخ ماجد اتصل علي من السعوديه علشان يطمن عليك بس أنت ماسألت ؟؟؟؟؟؟؟؟؟؟؟؟؟؟؟؟؟؟ يأخي ترى لك أحباب واجد يسألون عنك . عصويد |
|
|
|
16-08-2003, 09:37 PM
|
#7 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,742
|
 الفتى الذهبى ماجد القروى saya ganting الكاسب تحياتى لكم جميعا وشاكر لكم ردودكم لكن تعال انت يانائب المشرف انا والله اول ماوصلت دقيت على الرقم اللى عطانى اياه لون المطر وقال انه لخويه لكن الرجال شكله مايعرفه او يصرفنى لكن عادى تيدا مسئله حلوه ها الكلمه ترى تونى متعلمها المهم مابقى احد مارحتله اسئل حتى خليل عايش وصلتله المهم قضيت الرحله لحالى لكن تبون الصدق استانست بغيت اصيح يوم نزلت الطياره مطار الدمام وانا اشوف ها البران من حولىيمين ويسار رحت لمكتب خليل عايش حاول يمددلى حجز العوده والرجال ماقصر لكن ماقدر قالى روح الخطوط السعوديه رحت قلتله لو تقدر عطنى حجز لو عن طريق مطار الجوف قال لاتحاول مافيه الا بعد نهاية اغسطس ووالله كان ودى اشوف احد من المنتدى لكن ماش لكن عادى رجعتى قريبه بعد رمضان انشالله وحبيبى ماجد والله فيه الخير يسأل عنى ولو عندى رقمه اتصلت عليه اما عن ماريوت والله مادريت عنه ومانى بحوله اساسا مادريت الا يوم رجعت لاتصدقون ترى امزح بس عادى اول ماوصلت وانا بالتكسى قال السواق فيه بووووووم بجاكرتا قلتله والله لو مليون بوم رايح جاكرتا رايح لكن تصدقون والله وناسه وهذا وانا لحالى شلون لو ان احد منكم معى تحياتى لكم جميعا
|
|
|
|
17-08-2003, 03:08 AM
|
#8 (permalink) |
|
مسافر متميز
تاريخ التسجيل: Jul 2003
رقم العضوية :680
المشاركات: 584
|
هلا هلا هلا هلا هلا بك اخوي ابو مضاوي
انا متأكد ان الحالة النفسية الحين عندك صفر خاص انك راجع بالقووووووووة يعني ما شبعت من الديرة لكن العوض ولا القطيعة على فكرة في زحمة الحين بالجبل والا فاضي وصحيح ان جوازات المطار صارو حريم تخبر الحرمة تستحي تقول عطني بخشيش وتخلصك بسرعة بعد لكن هذاك ابو نص شنب يطلع البخشيش بالقوة .على العموم الحمد لله على سلامة الوصول وانا بودعكم بعد كم يوم ان شاء الله . |
|
|
|
17-08-2003, 07:27 AM
|
#9 (permalink) |
|
مسافر متميز
تاريخ التسجيل: Jun 2003
رقم العضوية :457
المشاركات: 787
|
هلا وغلا بابو مضاوي،،الف حمدالله على سلامتك.
هااه طلعت الديره زي ماتوقعت من وصف الأخوان،،اكيد افضل بكثير. على العموم الجايات اكثر وانا طالع في شهر 12 انجليزي كان براسك شي قلي. عطنا خبارك بالتفصيل الممل. تحياتي&&& |
|
|
|
17-08-2003, 08:06 AM
|
#10 (permalink) |
|
مسافر فعال
تاريخ التسجيل: Aug 2003
رقم العضوية :935
المشاركات: 132
|
الحــــمد لله عــــلى الســــلامـــه ياأبــــو مضـــاوي وعــــساك إنـــــبســــطت إن شــــالله و12 يـــوم وأنـــا أخـــــوك مـــاتكـــفي أنــــا العــــام جـــــلســــت 45 يـــوم ويالله الخــــــراج عــــلى العـــموم الجـــايات أكــــثر إن شـــالله |
|
|
|
17-08-2003, 08:16 AM
|
#11 (permalink) |
|
مسافر خبير
تاريخ التسجيل: Mar 2003
الدولة: Saudi Arabia
رقم العضوية :23
المشاركات: 5,733
|
الف الحمد لله على سلامة الوصول يا خوي بو مضاوي.. والله انك على بالي قبل يومين قلت الرجال راح للديره وإنقطعت أخباره شالقصة.. على العموم ما ألومك .
بشرنا عنك وعن الرحلة وعطنا العلوم الزينة.. .. يالله قلنا وين رحت ووين جيت وتفاصيل الرحلة. تحياااااااتي لك ،،، |
|
|
|
17-08-2003, 02:15 PM
|
#15 (permalink) |
|
مسافر خبير
تاريخ التسجيل: Jul 2003
الدولة: السعوديه - الدمام
رقم العضوية :632
المشاركات: 2,742
|
ايووووووووووووو القنيط سنديرى اول حبيب الخواطر ابو جلال النمر الذهبى شاكر لكم مروركم واهتمامكم اما عن الرحله خلوها على الله والله كانت قصيره فعلا لكن انشالله لى رجعه قريبه جدا جدا جدا جدا وخلنى الحين اسولف لكم شوى المهم مالكم بطول السالفه رحلتى كانت الدمام -الرياض - جاكرتا حركنا من الدمام الساعه 2 الظهر الى الرياض وصلت الرياض الساعه3 ورحلتى لجاكرتا الساعه9 بالليل قلت عادى والله واروح لبيتزا هت بالمطار وادق من النعمه وبعدين ادحدر على الكوفى شوب واخذلى شاهى وبعدين اروح واجيب جريده واقراها عند الصاله الدوليه للقادمين واتفرج على الاوادم اللى راجعيين الللى منقهر واللى جاى مشتى مايدرى عن الحر اللى عندنا واللى وده يصيح
ققلت يالله يابو مضاوى كذا بتكون حالتك وانت راجع حتى تصدقون ضاق صدرى عليهم ولا الشباب يااااااااااااالله وضعهم مزرى ودهم يرجعون اول مايطلعون من باب الجمرك والله مالكم بطول السالفه الساعه 7 ونص واروح اختم الجواز واجلس اشوف ها الاوادم اللى معى فى الرحله كنا تقريبا 20 شاب وشايب و6 عوايل سعوديين تقريبا والباقى من اهل ذيك الديره ياااله ياكثرهم ومسوين زحمه بالمطار وضحك وفرفشه بس لهم حق رايحيين لجاكرتا شباب اعذرونى انا زى ماقال ماجد من عشااااق اندوووووو خلاص والله وينادون على الرحله وتشوف الشياب اللى معهم عوايل يصارخون ويضربون البزران اقلبوها نكد بس هاذى عوايدنا يا لسعوديين لازم الهواش والصراخ والله ابو مضاوى مسوى اخلاق يقول خل الناس يدخلون كلهم بعدين انا اخر واحد الا ويجى موظف الخطوط ويقول قم اطلع الطياره لو بدينا فيهم والله ماتدخل الا بكره والله واقوم وادخل الطياره وطلع مقعد ابو مضاوى 30 a يعنى اول مقعد عند الشباك وقدامك براحه وسعه تمدد فيها ولنا انشالله لقاء اخر والاقلاع لجاكرتا ام الدنيا قالك مصر ام الدنيا ياخى قم بس قم
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:52 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||