 |
 |
 |
||
|
|
|
||
 |
|
 |
|
|||||||
| بوابة السفر إلى أسبانيا Spain ستجد في هذا المنتدى نخبة المواضيع المميزة في البوابة الإسبانية كما انه يمكنك اضافة الردود على المواضيع. |
 |
|
|
أدوات الموضوع | انواع عرض الموضوع |
|
|
27-08-2005, 06:55 AM
|
#1 (permalink) |
|
مسافر فعال
تاريخ التسجيل: Jul 2004
الدولة: ksa
رقم العضوية :10931
المشاركات: 67
|
رحلتي مع الأهل في اسبانيا
السلام عليكم
هذي احداث و مسيرتي مع الأهل في اسبانيا Jul 23 السبت طلعنامن طنجه عن طريق سفينه  هذي ميزتها 35 دقيقه مشوار الى طريفه و منها طلعنا بالباص الى الجزيره و منها بالباص الى ماربيا و بعدها طلعنا بتكاسي الى فندق بينابولا في بورت بانوس port banus كان موقعه اكثر من روعه و الشقه نظيفه و المواقف مجانيه .. بس معامله الشخص بالاستقبال كانت مو مرره و المشكله ان السايفتي بوكس كانت بـ 20 يورو و 2 يورو لإستخدام كل يوم بس مو مشكله ... الله يجزى الشاب الف خير على مساعدته و الله ما قصر و هذي صوره من البلكونه حقت الشقه  طبعا كان الوصول العصر .. طلعت بعدها اتمشى مع الأهل في المنطقه كانت مره حلوه .. و السيارات و اليخوت قمه في الفخامه ... و الماركات العالميه بكل محل .. الديره حقت تمشي على الرجلين و مشينا شوي على الشاطئ... بصراحه الديره روعه بكل ما تعني الكلمه و المحلات تصك الساعه 1 او 2 ... و المطاعم تفتح الى 4 يعني ديره ليل. ودي احط صور بس الصور اللي اخذتها هناك اكثرها بكمره الدجيتال اللي خربت الممري حقتها هناك و راحت معظم صور هذيك الفتره. Jul 24 الأحد طلعت الصباح الى ملقا علشاننا مستأجرين سياره من هيرتز و لازم نستلمها من ملقا... رحنا بالباص و خلال ساعه وصلنا و حسنا بالمطار شوي و استلمناها و رجعنا لماربيا و اخذنا لنا دورتين و وقفنا السياره و طلع كل واحد يتسوق و يشوف الديره. أنا بصراحه تمنيت اني اجلس هناك اكثر من ليلتين. هذي احد الصور اللي نجت من الموت عند مطعم\ بار \ كفي بأحد شوارع ماربيه عند الشاطئ  Jul 25 الاثنين مشينا من ماربيا بالسياره و طلعنا بقرطبه Cordoaba و سكنا بفندق اسمه Macia Al-Faros كان اربع نجوم بس موقعه مو مره ... اذا احد يبي يسكن بقرطبه يسكن يا بـ AC Cordoba or NH Hotel و أنا افضل ان اتش لأنه احلى ديكور من برا و اقرب للمدينه القديمه هذي الصوره الوحيده عندي لقرطبه  طلعنا نتمشى شوي بشارع فكتوريا و شوارع الاسوق شوي و رجعنا Jul 26 الثلاثاء طلعنا بالصباح نتمشى على رجليننا على قرطبه القديمه و عند تمثال ابن خلدون و الاثار الاسلاميه و مسجد قرطبه ... المدينه حلوووه مررره بس تضييع ... تدخل من جهه و تطلع من جهه ثانيه و بالليل طلعنا نتعشى بأحد ساحات قرطبه ... كانت رايقه و هادئه المدينه بس تصكر محلاتها بدري ما عدا المقاهي على شارع Avda. De America كان عليه مطاعم و مقاهي جدا حلوه و راقيه. بنفس اليوم رحت اشتري تذاكر لقصر الحمراء بغرناطه من بنك BBVA و يوم طلعت لقيت السياره مسحوبه لأني موقف بموقف معوقين (سعودي ما تعود على النظام) و كانت اللوحه مو واضحه. يوم سحبوها لقيتهم ملصقين على الرصيف جنب موقف السياره لصقه مثلثه برتقاليه و عليها كلام و لوحه السياره. عطيتها تاكسي وداني لهم و غرموني 91 يورو. Jul 27 الاربعاء طلعنا بالسياره الى غرناطه Grenada و على طول وجهنا الى قصر الحمراء Al Hambra ... كان رااايق بس كبير اضرينا ندور فيه قرابه 4 ساعات ... و اخر شيء من التعب صرنا ندور لوحه SALIDA (خروج) و هذي بعض الصور لها و اطلالتها و جنه عريف.      و بعدها طلعنا نغى نتعشى عند مطعم فوق جبل بس ضيعنا في غرناطه الى ما جاء الليل فلفينا على برقركنج و كملنا الدرب لقرطبه. Jul 28 الخميس جلسنا بقرطبه نريح شوي ... و طلعت الى مكان اسمه Hammamat حمام اندلسي رايق في قرطبه القديمه طحت فيه بالصدفه ... فيه سباحه بحمام بارد حار و دافئ بعدين تاخذ لك ساعه مساج و تلبس ملابسك و تنقلع.. كان يوم استرخاء و طلعت لمدينه فاطمه.. Jul 29 الجمعه طلعنا الى اشبيليه Sevilla اول ما وصلنا هناك اخذنا لنا كوب قهوه و بعدها تمشينا على بعض الكنائس و الاثار بس ما طولنا ... بعدها دخلنا ملاهي Isla Magica Sevilla استانسنا فيها صراحه كانت حلوه  و بعدها عودنا قرطبه Jul 30 السبت طلعنا الى محطه القطارات و سلمنا السياره هناك و بالقطار الى مدريد ... كان فيه محل شوكلاته حلو بالمحطه لا يفوتكم. و وصلنا مدريد كنا حاجزين في فندق Holiday inn express الشيء اللي ما لاحظناه هو Holiday inn – Madrid – Rivas و يوم وصلنا هناك طلعت ضاحيه خارج مدريد بـنصف ساعه انتبهواااا لهذا الغلط .. هو صحيح الفندق نضيف و جديد ... بس بعيييد فنزلنا هناك ليله و طلعنا الى القران فيا Gran Via و مشيت هناك ادور فندق فطحت بفندق رائع اسمه Senator Gran Via Hotel و فيه بنفس الشارع لنفس السلسله من الفنادق بس اسمه Senator Plaza Espana كان سعره لليله 89 يورو على نفس القران فيا حنا سكنا بالأول و كان تحته مباشره محطه المترو قران فيا اربع نجوم الأغرب المني بار ببلاش بس ما كان فيه كحول و هذا كان شيء حلو. و السرر تقدر تتحكم بارتفاعها و ميلانها. فحجزنا فيه لليله اللي بعدها هناك. و تعشينا هناك و رجعنا الى الفندق هوزلي داي ان. Jul 31 الاحد سوينا شيك اوت من الهولي داي ان و رحنا للفندق الجديد... و طلعنا العصر الى الأسواق و المولات اللي حول الفندق.. و هناك شفت الشحاذين اللي بالموضوع الشحاذه في مدريد و بالليل تعشينا بمطعم على الشارع . و بعدها ركبنا باص vision Madrid  Aug 1 الاثنين تعبت هذاك اليوم و اضريت اروح للمستشفى عند محطه المترو San Berrnardo اللي اخذوا علي 160 يورو كشف... و بالليل رحت لساحه Plaza de canovas del Castillo اقرب محطه مترو لها Sol كانت حلوه مرره و هاديه بس الكفيات اللي عندها مو مرره صور للساحه    Aug 2 الثلاثاء طلعنا لمول خارج مدريد اخذ علينا التاكسي 30 يورو الى ما وصلنا هناك ... المول حلو و كبير و فيه صالات تزلج على الجليد... نفس اللي يتزلجون فوق جبال بس الساعه بـ 30 يورو للشخص بس اذا اخذت ساعتين تكون بـ 45 يورو و اذا كنتوا اكثر من واحد يكون ارخص عليك و بالليل طلعنا الى ساحه Plaza de cibeles  Aug 3 الاربعاء كان من المفترض اننا نمشي الى برشلونه بس المشكله اللي واجهتنا بالرجعه كانت الطيارات مليانه ... و القطارات من برشلونه الى ملقا اقل واحد 12 ساعه فا اضررنا الى اكمال الفتره بمدريد. كنت اتمشى بالمدينه و بالأخص بمناطق قريب من قران فيا الى الساعه 10 المغرب ... و لقيت احد يوزع بروشورات لمكان اسمه Palacio Gaviria تعليم رقص قلت و ماله ... كان حلو يوم خلص الدرس قلب مرقص عادي و طلعت Aug 4 الخميس طلعنا من الصباح الى ملاهي Warner Bros Park كانت حلوه مررره ... اشترينا التذاكر من محطه المترو Atocha Renfe كان المكان اكثر من رائع ... فيه سابع اطول قطار موت بالعالم    و هذي احد اخوف قطارات الموت اللي فيها  Aug 5 الجمعه طلعنا العصر مع الأطفال الى متحف القطارات اللي صار مغلق هذاك اليوم ما ادري ليش على انه مكتوب بأوقات العمل المفترض انه مفتوح. و بالليل حضرت عروض رقص فلامنجو حلوه بس غاليه كان الدخول مع اي مشروب بـ 29 يورو. اسمه Torres Bermejas Aug 6 السبت طلعنا الى Zoo AQUARIUM Madrid كان حلو للأطفال بس مشكلته بعيد... و اقرب محطه مترو له هي Valdebernardo الكبير بقرابه 12.60 يورو و الطفل بـ 10.25 يورو غير الضريبه بعد ما رجعنا اكلنا بمطعم VIPS كان حلو بس مشكلته ان المفترض ان الاكل فيه شوي ثوم ... بس اتضح انه مطعم ثوم فيه شوي اكل. و تمشيت شوي على المدينه بالليل.   Aug 7 الأحد اخذنا القطار و وجهنا الى ملقا ... و من هناك بالباص الى الجزيره كانت مدينه هادئه بس مو مثل باقي المدن الاسبانيه اللي شفناها ... بس مقبوله لو تشوفها و تكمل دربك بعض الصور  Aug 8 الاثنين اخذنا الباص الى طريفه و بالسفينه الى طنجه الباقي من الرحله موجود في منتدى المغرب تحت اسم سفرتي مع الأهل الى المغرب بالصور http://www.travel4arab.com/vb/showth...483#post402483 حقوق التصوير محفوظه Dr.No Smoking ايه هين |
|
|
|
27-08-2005, 08:43 PM
|
#5 (permalink) |
|
مسافر فعال
تاريخ التسجيل: Jul 2004
الدولة: ksa
رقم العضوية :10931
المشاركات: 67
|
Awal_7abib و الله كان ودنا نسير على ديار اكثر مثل برشلونه Cadiz Valancia بلنسيه ( ما اعرفها بالانجليزي بس اسمع انها زينه) ملقا باقي مناطق ماربيا و كثير غيرها. KABAYAN شكرا لك للمتابعه.. cooool و الله الروعه انت  |
|
|
|
|
27-08-2005, 09:00 PM
|
#6 (permalink) |
|
خبير سفر اسبانيا
 تاريخ التسجيل: May 2004
الدولة: الرياض
رقم العضوية :2916
المشاركات: 872
|
عزيزي ما شاء الله عليك رحلة .... رائعة ..... ومفيدة لكن عندي سؤال...... عن أسم السوق خارج مدريد بالفعل أنا لي فتره أسأل عنه .... وما قدرت أعرف شكراً على على مجهودك وعلى الصور المميزة وخاصة صور قصر الحمراء مودتي وإحترامي أخوك المنقلب |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 12:32 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||