 |
 |
 |
||
|
|
|
||
 |
|
 |
|
|||||||
 |
|
|
أدوات الموضوع | انواع عرض الموضوع |
16-08-2005, 07:47 AM
|
#1 (permalink) |
|
مسافر متميز
تاريخ التسجيل: May 2005
رقم العضوية :22429
المشاركات: 185
|
رحلتي إلي انترلاكن وجنيف ومنترو
بسم الله الرحمن الرحيم تحية للجميع ... في هذا الموضوع حبيت اطرح صور رحلتي القصيرة ل سويسرا والي دامة 5 ايام وكانت 3 ايام في انتر لاكن وماجاورها((غز الله انك صادق يابوريان 3 ايام ماتكفي ل انترلاكن اقل شيء 6 ايام )) ويوم في جنيف ويوم في مونترو (( وراح اتكلم باللغه العربيه والعاميه شوي كذا وشوي كذا مهوب على كيفي كذا انا دائمآ في مواضيعي بالمنتديات خخخخ))  من زود الحماس ودائمآ ابدى باللغه العربيه وبعدين اخربها واقلبها عاميه عمومآ الصور كثيرة جدآ في رحلتي اكثر من 300 صورة مابين صور في إيطاليا جلسة فيها 17 يوم ونزلتها وصور في باريس وسويسرا ومن الصعب تنزيل جميع الصور فخترت افضلها البداية كان التحرك من ميلانو إلى إلى بيرن ((احسن ميزة للسياح للسعوديين والخليجيين اعتقد)) بدون تأشيرة للدخول ل سويسرا وحتى بدون تفتيش وبدون تعطيل فقط تشييك بسيط جدآ على الجواز وانت في محلك بالقطار  كانت مدة الرحلة 4 ساعات ونصف لين بيرن وعلى طول اول مانزلنا في محطة بيرن كنا متأخرين صرفنا فرانك سويسري وبعدها رحت على طول اقص تذكرة ل انتر لاكن ماحبيت اقص تذكرة سويس باس خصوصآ ان اليوم الاول ماراح استفيد منها بشيء قلت خلها بكرة في انتر لاكن المهم ما اطول عليكم كان حظي مثل العسل ذيك المرة لحقة على اخر قطار إلي انتر لاكن من بيرن وكان باقي علية حوالي ربع ساعه وقصيت التذكرة الظاهر بحوالي 20 فرانك الرحلة ل انتر لاكن ساعه وصلنا المهم فندقنا كان قريب مرة مرة امام محطة القطارات الغربيه وكان اسمه فندق Merkur 3 نجوم فندق حليو ما اقولكم حلو حليو موقعه مايميزة امام المحطه على طول المهم اعذرونا إذا نسينا شيء ترا الذاكرة مهيب إلي  هذي صورة واحنا رايحين لقمة يونفروخ بعد ما اصبحنا على طول قصينا السويس باس لمدة اربعة ايام وقصينا تذكرة للذهاب إلى قمة يونفروخ ومايحتاج اتكلم عن هذي القمه الجميع يعرفها كان سعر التذكرة للي معهم السويس باس بحوالي 118 فرانك تقريبآ الطريق من انتر لاكن ويست إلى انتر لاكن اوست ومنها إلي لوتوربورن ومنها إلى وينجن ومنها إلى قمة كلاين شايدج ومنها إلى منطقة ايجير ومنهاعلى طول إلى القمة قمة يونفروخ  هذي الصورة صورتها من على قمة كلاين شايدج إن كان الذاكرة ماخارة معي لحد الان  صورة ل قصر الثلج الموجود في اعلى القمة والله ياهو باااااااااارد جمده وممكن انك تزحلق وتجي على وجهك فجأة انتبهو لاتقولون ماقال لنا لأن محاكيكم صارة معه بس لاتعلمون احد  صورة معروفه لكل الي راحو للقمة من اروع الاماكن الي تطل عليها القمة طبعآ صورة صور كثيرة جدآ جدآ في القمة ومتنوعه بس ما اقدر احمل صور كثيرة لأني محمل صور واجد عن رحلتي في إيطاليا ومنزلها ..  هذي صورة للبحيرة واحنا في الطريق ل شلال جيس باخ اخذنا حوالي ساعه لين وصلنا له  صورة لي وفي الخلف احد مصبات الشلال  صورة اخرى للشلال والله ينت بتتعب وانت ترقى تدور عليه  صورة للشلال من موقع اخر وواضح انا في الصورة لابس شتوي لاتلبسون لأنكم بتموتون حر من كثر ماتمشون وترقون ((ترقون اي تصعدون )) طبعآ الشلال هذا ل زيارتة تحتاج الذهاب بالسيارة زي ماسوا ابو ريان بس ما انصحكم لأن الطريق هناك ضيق وشكله توهق ابو ريان او بالباخرة زينا ولزيارتة ماتحتاج تدفع رسوم او دخوليه بلاش  صورة للبحيرة من مكان عالي جنب الشلال وطبعآ انا وصلت اعلى مايمكن ان يوصل له الواحد على رجوله طلعة فوق مرة وصلت للمزارع والبيوت الي فوق يعرفونها الشباب الي راحو بس تعبت من المشي ما انصحكم تطلعون مرة فوق عادي الوضع هناك بعد ماخلصنا رجعنا لأنتر لاكن ورحنا على طول ل لوتوربورن ومنها على طول ل شلالات تورميل باخ وناسي بكم قصينا التذكرة ل زيارة الشلالات بحوالي 10 فرنكات  صورة لأحد مصبات الشلال  صورة وانا توني طالع من الشلالات والمنطقه المحيطه بشلالات تورميل باخ جدآ جميله  صورة للنهر الي يمر من جنب الشلالات في اخر القريه تحصله امام المكان الي تنتظر فيه الباص الي يرجعك ل قرية لوتوربورن بعد مارجعنا ل قرية لوتوربورن تمشينا فيها شوي وشفنا الشلال الي فيها ستيوباخ إن كان الذاكرة لسة بخير وبعدها رحنا ل قرية مورين وقرية جيلمود وهذي الاخيرة ما انصحكم فيها عادية جدآ اغلب الي يروحون لها من الامريكان ودي اعرف ليش الي يعرف يقولي بالله وش لاقين فيها بس   صورة من اعلى قرية مورين اخذناها من احد المطاعم التي تملك إطلاله اكثر من روعه  صورة اخرى من قرية مورين للجبال المقابله للقريه  صورة ثانيه لي في مكان ما في القريه  صورة من المكان القريب عند التلفريك الي يودي ل قرية جيلمود  وهذي بعد من نفس المكان تقريبآ قرية مورين هادية جدآ ل محبين الهدوء ولافيها شيء كثير موقها جميل جدآ بس  صورة من اخر جزء ل قرية مورين وتوضح الصورة صورة جبل في وقت الغروب روعه المنظر وبكذا انتهت الصور عن انتر لاكن طبعآ انا عندي صور اكثر بس هذا الي انتقيته ونزلته لأني ما اقدر احمل عدد اكبر من الصور ... المهم قرية انترلاكن جميله جدآ والمناطق المحيطه فيها جدآ روعه تحتاج على الاقل 6 ايام عشان تفر انترلاكن وماحولها على رواقه طبعآ انا عارف اني مقصر في تقريري وصوري عن انتر لاكن بس فيه تقارير افضل من تقاريري لأني ما اقدر اتذكر زين وايضآ انا مركز على الصور اكثر والجهد الي سويته في تقريري عن إيطاليا استنفذ كل مجهودي لذلك اعذرونا فيه شغله بقولها لكم بس لايزعلون مني محبين سويسرا انا زرتها وزرت نيوزيلانده طبيعة الاخيرة كانت افضل عندي من طبيعة سويسرا ما ادري يوافقوني الاخوان الي راحو للدولتين او لا ... بعد ما انتهينا من انترلاكن وماحولها رحنا ل جنيف الرحلة ساعه وشوي او ساعين ما اذكر لأن القطارات في سويسرا افضل مليون مرة عنها في إيطاليا واشكال ونوعيات الي يجلسون جنبك افضل بعد لذلك ماتقعد تحسب الوقت بغض النظر عن المناظر لأن كلا الدولتين مناظرهم جدآ روعه  صورة لي في جنيف في الاولد تاون او المدينه القديمة وبالتحديد في إحدى ساحات المدينه وهي ساحه بورغ دي فور وحقيقه جميله المدينه القديمة خصوصآ إذا تمشيت فيها على رجولك بين ازقتها  صورة ل نافورة جنيف المشهورة  صورة لي وانا على كورنيش او شاطىء البحيرة وحقيقه جدآ جميل واكثر من ممتاز انك تتمشى فيه حلو مرة مرة هذا كل شيء في اليوم الاول في جنيف وبعدها من بكرة رحت ل مونترو  صورة ل مونترو وانا في الطريق ل قصر تشليون وطبعآ مدة الرحلة بين جنيف ومونترو ساعه وشاطىء مونترو جدآ رائع ايضآ  صورة ل قصر تشليون .. قصر عادي جدآ يمكن لاني شفت اروع منه في إيطاليا ولكن إذا كان عندك وقت زره وإذا ماعندك مايحتاج في رأيي المهم دخلنا بحوالي 5 او 10 فرنكات للقصر  صورة ل إحدى صالات القصر والشيء الوحيد الي اذكرة اني ماصورة الصور الي صورتها فتاة عربية في القصر خخخخخ عشان يجي تنويع في الصور هذا الي اذكرة .. والله انك صادقة يا فتاة عربية ان سرير الملك صغير جدآ ولا سرير قزم  صورة اول ماتدخل القصر  صورة اخرى ل مونترو وواضح الضباب الي كان كثيف جدآ ذلك اليوم ل سوء الحظ المهم بعد ماخلصنا من زيارة قصر تشليون رحنا ل قمة روتشر دي نايا القمة المشهورة هناك وياليتنا مارحنا فقط خسرنا وقتنا وخسرنا 37 فرانك ثمن التذكرة طبعآ للي معهم سويس باس ماشفنا شيء ابدآ حتى قليون واوكس القريه الثانيه ماني متأكد من اسمها ضباب في ضباب ولا تشوف ولا 10 متر قدام المهم طلعنا للقمه ومستحيل انك تشوف البحيرة عساك تشوف دربك تغدينا في المطعم الموجود هناك واكلة اكلتهم الشهيرة الفوندو ولا انصحكم فيها ابدآ ابدآ خذوها نصيحه من واحد اكيل ومتذوق ممتاز للأكل
لا وكانت غاليه مرة ب 40 فرانك بس قلت بجربها وليتني ماجربتها وكنت اتغصبها عند خويي لأني كنت امدحها وادورها في كل مطعم وهو ماكان متحمس لها بس تغصبتها عنده وسويت انها احلى اكله في العالم المهم بكذا انتهت زيارتي ل سويسرا الجميله الرائعه ولو اني عارف اني مقصر في تقريري بس فيه تقارير افضل حبيت اشارك فقط وتحياتي لكم |
|
|
16-08-2005, 09:03 AM
|
#2 (permalink) |
|
ابومشاري
تاريخ التسجيل: Jul 2003
الدولة: الرياض
رقم العضوية :817
المشاركات: 9,921
|
الاخ العزيز مبدع ايطالي حبيت اهنيك على رحلتك الجميلة وخصوصا انترليكن ولا عجب ان تكون رائعه كما وصفها اخونا العزيز ابو ريان ، كما اشكرك على مبادرتك افراد الموضوع المختص بسويسرا في هذه البوابة ، وبصراحة موضوع يعتبر جامع لأهم مدن سويسرا
سلمت يمينك على التصوير الرائع والسرد ولا فيه قصور وكفيت ووفيت لك اجمل تحية |
|
|
|
16-08-2005, 11:20 AM
|
#6 (permalink) |
|
مسافر خبير
تاريخ التسجيل: Mar 2003
رقم العضوية :3
المشاركات: 8,022
|
قمة بالأبداع وانت فعلاً مبدع موب بس بأيطاليا إلا بالسرد والصور ...
ياوليك من اخونا a4140 بيقولك ورا ماطلعة وجهط بالصور  ...الحقيقة صرنا نقرا باليوم أكثر من تقرير عن هذه المناطق وكل تقرير يضيق الصدر .... مشكورين اخوي وفعلاً أصبت بالطرح ومامنك قصور ... تحية وتقدير |
|
|
|
16-08-2005, 05:20 PM
|
#8 (permalink) |
|
مسافر خبير
تاريخ التسجيل: Jul 2003
الدولة: قلب العرب المسافرون
رقم العضوية :676
المشاركات: 2,446
|
حمداً لله على السلامة أيها المبدع
تمنياتي لك أن تكون قد استمتعت بالأجواء الجميلة هذه السنة في سويسرا ، وهذا ما يتضح من خلال صورك المعبرة والمناطق التي زرتها هناك . ولكن هل لا تزال مبدع إيطالي !! أرى أنك قد أصبحت مبدع سويسري
|
|
|
|
18-08-2005, 09:37 PM
|
#12 (permalink) |
|
مسافر متميز
تاريخ التسجيل: May 2005
رقم العضوية :22429
المشاركات: 185
|
اخر الفرسان
ربي لايحرمنا من مشاركاتك الي زي العسل وتسلم ياحبيب قلبي .... او لين الله يسلمك يارب ... ويخليك وشكرآ على الاطراء القطا شكرآ جزيلآ على المشاركه الرائعه بو عبد الرحمن الله يبارك فيك ويخليك يارب وانت الاروع Hesham هلا والله يعطيك العافيه .... وتسلم على المديح والاطراء ... ماطلعة وجهي خخخخخخ وش اسوي اغلب التقارير الي شفتها هنا كل واحد ماكان يطلع وجهه خخخخخ لاتدققون علي ههههههااااااه KABAYAN هلا والله ب كابيان العفو و تسلم والله على المرور الكريم أبو ريان هلا والله الله يسلمك يارب من كل مكروه ... حقيقه استمتعت ب سويسرا الجميله واعجبني جدآ الشعب السويسري بأخلاقه وتصرفاته وبنظامهم ... بس مبدع إيطالي لحد الان مصعب الله يسلمك اخوي وشكرآ على تشريفك ل موضوعي وإن شاء الله تروح ل انترلاكن وتستمتع فيها غدير العفو لك اختي becks-23 الله يعافيك ويخليك يارب |
|
|
|
21-09-2005, 06:41 AM
|
#15 (permalink) |
|
مسافر متميز
تاريخ التسجيل: Jul 2004
الدولة: الرياض
رقم العضوية :12373
المشاركات: 215
|
والله قلبت المواجع بهالصور ...
كل سنه نروح لسويسرا الا هالسنه غيرنا وجهتنا  لكن بإذن الله هذي أول وآخر مررررررره ... لأن المتعة والراحة لا تكتمل إلا في ربوووووع هذا البلد الرائع .. لقد أبدعت يا مبدع إيطالي في انتقاء الصور ... وشوقتني كثيراً للعودة إلى هذه الأمكان الخلابة .. لك جزيل الشكر ... |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:22 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||