الموضوع: أفضل محلات الشوكولاتة في البحرين

مرحبا

أبغى أعرف أفضل محلات الشوكولاته في البحرين
سمعت انه في محلات جديدة فتحت في البحرين وعندهم شوكولاته متميزه
للعلم سبق و زرت بيستاشو و ليلو فياليت تشوفون لي غيرهم

مع الشكر للجميع

في محل اسمه Blessing اعتقد فتح من قريب بس للأسف ماعرف موقعه ..


وعن نفسي احب لاريسا مع انه قديم :)

فيه محل شوكولاته مره حلو وعنده ماكرون مره لذيذ
في مدخل فندق الريتز كارولتون

سعود ...

فيه محل انا دايم اشتري منه اسمه ليفز ... موجود في شارع البديع..

بالعربي عندهم نوع اسمه مجنون قطر هههههههههههههههههه هم يسمونه كذا بسبب ان القطرين يشترون منه واجد. اخر مره شريت منه الكيلو تعدى الـ 20 دينار. روح جربه و جرب انواع ثانيه عندهم يمكن يصلح لك.

ليفز يعتبر رقم ( 1 ) حالياً بالبحرين ....مثل قال الأخ مجنون قطر بحشوة الفستق وااااايد حلو ....ونوع جديد اسمه لطيفة وعندهم هيفا ومنيرة .....والله من صجي هذي اسماء الشوكلت عندهم ....الكيلو ب 25 دينار

يمممممممممممممممممي

المشاركة الأصلية كتبت بواسطة غطيطة

ليفز يعتبر رقم ( 1 ) حالياً بالبحرين ....مثل قال الأخ مجنون قطر بحشوة الفستق وااااايد حلو ....ونوع جديد اسمه لطيفة وعندهم هيفا ومنيرة .....والله من صجي هذي اسماء الشوكلت عندهم ....الكيلو ب 25 دينار

يمممممممممممممممممي

ايه والله يممممي ..حلاتها عندي وحده و اكلها الحين

بس ترى الكاكاو حقهم يسوى العنوه لو تاخذ ربع كيلو تجربه...

في زواج اخوي اخذت 8 كيلو لصالة الحريم ... مع العلم انه زواج عائلي صغير ما بقت ولا حبه و لا خشولي شي... لكن الكل كان يسأل عنه

ممكن الموقع لوسمحتو
علشان لو الواحد راح ياخذمنه

لو سمحتو وصف لموقع حلويات ليفز بالبحرين ناوي غدا أروح له لأني مسافر مكة بعد كم يوم إن شاء الله عندي إجازة شهر ونصف .

المشاركة الأصلية كتبت بواسطة مـزون

في محل اسمه Blessing اعتقد فتح من قريب بس للأسف ماعرف موقعه ..


وعن نفسي احب لاريسا مع انه قديم :)

افا يا مزون

ما تعرفين مكان المحل

انا ادليج

شفتي مركز شرطة ميناء سلمان اللي، اللي قبله في دوار

تخلين المركز على يدج اليمين وتدخلين اول لفة يمين ثم ثاني او ثالث لفة على اليسار بتشوفينه

مكانه شويه ( مقلقص ) :)

بس بصراحة


انا اشور عليكم تاخذون من عند مخبز دلمون


تراه لذيذ

والكيلو بعد مو رخيص
اعتقد بـ 12 ما يحظرني السعر حاليا

وعنده انواع متعددة
كورن فليكس ومكسرات بالعسل وبالفستق (لذيذ) وبالبندق (حبيبي) وبالنوجا وانواع وايد

جربوا

ولا تنسون تدعون لي

محبكم

جرب ايضا لا شكولا الواقع بالقرب من

مجمع السيف