 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
|
|
31-12-2005, 07:51 PM
|
#3 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
هلا اخوووي جاسم
تسلم اخوي عالمعلوومة ... وازيدك من الشعر بيت .. الكاميرا .وايد حساسة من اي حركه ... مع اقل حركه .. رعشه فاليد .. تطلع الصورة مهزوزة ... عالعموم .. تسلم اخوووي عالمعلومه ,,, |
|
|
|
31-12-2005, 07:54 PM
|
#5 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
الجــــزء الأخيــــــــــــــر
الفندق اللي سكنت فيه كان قديم بس كان مشهوور بأنه من أفضل فنادق دنفر وأقدمها .... اسمه Inverness Hotel أحلى شي عجبني فيه الحديقة اللي كانت خلف الفندق .. والبحيرة الصغيرة وملعب الغولف ... مع اني ماحب ألعب غولف ... طريق الرجعة للدوحه .. كان وايد أسهل وأريح من طريق السفره ... خط سير الرحلة كان دنفر – شيكاغو – لندن – الدوحه. قبل يوم السفر ... حجزت تاكسي عن طريق الفندق عالساعة 8 الصبح لأن طيارتي كانت 10:51 الصبح .... وطبعا بتعرفون ليش رحت من وهل ... فالوقت المحدد التاكسي كان موجود .. تحركنا للمطار .. السواق طلع مغربي ... وسالفت معاه شوي .. ووصلنا المطار .. أخذت لي تروولي .. الحمدلله انه كان معاي فكه ... وقعدت ادور على كاونتر أمريكان ايرلاينز .. واذكر اني سألت موظف هنااااك ... ورد علي بالعربي ... ودلني على مكان الكاونتر .. استانست صراااحة .. وشكرته طبعا .. ورحنا صوب الكاونتر . وخلصنا من هناااك بسرعة ... وشحنت الاغراض للدوحه. وبعدها أخذت لفة سريعة فالمطااار .... صراحة .. مطار دنفر كان روعة وغاية فالجمااال .. كأنه مجمع تجاري .. وكان ودي آخذ صور للمطار بس خفت اصور المطار خصوصا انه مكان عام وحكومي .. وخفت يفهموووني غلط ويتهموني بشي أنا مالي خص فيييه .... المهم توجهت الى الصالات الداخلية .. تفاجأت بالمنظر اللي جدامي ... شفت جدامي يمكن وبلا مبالغة .. حول 500 شخص فالطابور .. لكن كان طابور سريع .. كنا نتحرك باستمرار ... ماطولت فيه .. يمكن ربع ساعة .. ووصلت لين آخر الطابور .. وكان فيه شخصين يشيكون على الجواز (بالنسبة لي) وبطاقة صعود الطائرة ... الحركة كانت حاطة شي على راسها .. يعني على اساس انه حجاب ... المهم عطيتها جوازي مع التذكرة وبطاقة الصعةةد .. الاخت طولت وهي تتفحصهم ... شوي التفت لها اللي معاها وسألها بالعربي .. هو من وين ؟ قالت له .. من قطر .. قال اقدع ناس .. خليه يمشي .. واختمت على بطاقة الصعوود وكملت طريجي ... انا طبعا تفاجأت للمرة الثانية ... المهم كملت طريجي لين صوب التفتيش .. شفت الناس يخلعون جواتيهم وحزام البنطلون .... وطبعا الدنيا كانت زحمة... عااد انا تخربطت .. كأني اول مرة .. فسخت الجوتي والحزام .. وحطيتهم فالجهاز .. ومعاهم الشنطة واللاب توب في شنطته من غير ماطلعه ... ولا فرغت جيوبي من الاغراض اللي فيها ... طبعا الجهاز صااح .. قال لي الموظف ... تفضل عاليمين .. وقعدت انطر .. لانه كان في ناس جدامي ... وشوي جاني واحد .. قالي انه راح يفحص الكمبيوتر ... الظاهر عشان ماطلعته من شنطته ... المهم جا دوري .. وقالي الموظف انهم اختاروني لعمل فحص نسيت اسمه صراحة .. بس كان فحص عشوائي ... يعني اي واحد ممكن يختارونه .. حتى الامريكان. وهو كان يفتشني بجهااز ,,, اكتشف انه جيوبي عمرانه ... عصب على اللي معاه .. وقاله انت ماقلت له يفضي جيوبه ... طلعت اللي في مخباي .. المحفظة والنظارة الشمسية والانصاص (coins) ... وطلعت اوكيه .. وخلصنا من ذا الفحص ... مطار دنفر كبير ...لدرجة انه كنا نتنقل بين مبناينيه بـ underground .. وصلت للمبنى ونطرت طيارتي ... وأقلعنا من دنفر .. ووصلنا لشيطاغو بسلام الساعة 2:15 الظهر. مطار شيكاغو .. مطار عريق وقديم وضخم .. والحمدلله كانت فترة انتظاري 3 ساعات .. راحت ساعة تقريبا فالتنقل الى المبنى الثاني عن طريق قطار كهربائي بس فالهواء الطلق ... ومرت الساعتين بسلام ...وطرنا من شيكاغو الى لندن الساعة 5:30 العصر ... وصلنا لندن الصبح ...الساعة 7:20 صباحا والاقلاااع كان 10:40 صباحا .. المطااار طبعا .. كان فاضي ... مافيه زحمه .. بس الحمدلله ان فترة الانتظار هالمرة كانت 3 ساعات ونص تقريبا .. مب 9 ساعات ... المهم .. الطيارة من لندن لين الدوحه .. كانت فاضية ... وقلت لنفسي هاي فرصتي ... فكلمت واسطتي .. أزعجته عالصبح .. وقلت له يكلم الموضف اللي فمطار الدوحه على اساس ان يطلعني درجة أعمال ... بس من حظي انه ما حصله ... أو بالاحرى ماطلمه .. لانه دوامه فالليل ومايقدر يسوي لي شي وقت الصبح. (طبعا اتكلم عن الموظف) رحلة العودة .. كانت نوعا ما مريحة ,, مافيها تعب ولا شد اعصاب .. وصورت لكم كم صورة لمطار لندن – هيثرو. |
|
|
|
|
31-12-2005, 07:55 PM
|
#6 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
 منظر جميل للحديقة الموجوده بخلف الفندق ...  منظر آخر للديقة مع البحيرة ...  يازين هالمنظر والله ...  صورة واضحة للمسجد .. ونلاحظ .. كبر المسجد .. وأيضا مواقف السيارات الواسعة |
|
|
|
|
31-12-2005, 07:59 PM
|
#10 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
بختام هذا الجـــزء ... أكون قد ختمت رحلتى الى الولايات المتحدة الامريمية – دنفر ..
رحلة .. تمنيتها من زماااان ... رحلة .. رجعت لي ذكرى ايامي في امريكا وقت الدراسة. أتمنى انكم استمتعتم معاي بقراءة تفاصيل رحلتى وزيارتي الى امريكا .. واسمحوا لي اذا طولت عليكم .. لكن ظروووف العمل والبيت .. وأشياء اخرى كانت تشغلني عن تكملة الكتابة ... بس صراحة لفت انتباهي كثرة العرب في دنفر ... فهم موجودين في كل مكان ... والحمدلله .. انهم قدروا يكسبون ثقة أهل المدينة ... وهذا شي في صالحهم ... الى ملتقى آخر .. وسفرة أخرى ... استودعكم الله .. والسلام عليكم ورحمة الله وبركاته |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 04:02 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||