 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
01-11-2005, 07:21 PM
|
#47 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
هلا والله المفجر ...
انا معااك الموضوع صار له فتره .. بس لو لاحظت .. كل جزء انزله يتناول مرحلة من السفرة ... واسمحوا لي عالتأخير ... ان شاء الله بنزل الحين اسرع من قبل ... تسلم عالمرور اخوي |
|
|
|
02-11-2005, 12:06 AM
|
#50 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
الجــــــــــــــــــزء الخــــــــامس
استغرت الرحلة تقريبا 11 ساعة .... قضيتها بين النوم والتلفزيون والملل ... والتمشي فالطيارة ... اذكر اني قمت اتمشى فالطيارة من كثر الملل .. وقلت لنفسي .. خلني اشوف مكاني القديم ... وصراحة حمدت ربي اني حصلت جدام .... لان المكان القديم كان وياد ورا ... ومكان مرعووووص ... الحمدلله على كل شي ... المهم ... وصلت الطيارة دنفر ... وحطت الطيارة بسلام مطار دنفر .. ونزلنا المطار ... وألف فكرة وفكرة تدور وتحوووس ببالي ... يا ترى ... وشراح يصير فيني ... هل راح اتلعوز مثل ماسمع من الشباب واشوف فالاخبار ؟؟ قلبي كان حايس حوسة ماكو مثلها .. مشيت مع الناس ... لين وصلنا الى مفترق الطرق ... صوب اليمين الامريكان .. وصوب اليسار الاجانب ... اخذت على طوول الصوب اليسار ونزلت تحت ... ومسكت طااابور .... حالي حال غيري .... ونطرت لين جا دوري .... وعطيت الموظف الجواز مع الورقة اللي عبيتها فالطيارة ... I-94 .. وقعد يسألني ليش جاي هني وشنو هاي الدورة .. وشنو طبيعتها ... وطبعا جاوبته ... لكنه حشرني بالاسئلة ... ومصخها معاي بالاسئلة ... على طوول قلت لنفسي ياولد .. تراك بتتوهق معاااه ... ذوله أباليس ... المهم طلعت له الرسالة اللي عندي .. من الشركة ... وهي عبارة عن الدعوة الرسمية للدورة ... عطيتها الرسالة .. وهم ماقصر .. قراها بتمعن شديد ... وطبعا .. سويت اجراءات الدخول .. البصمة والصورة ... آخر شي ... وبعد تعب قالي الموظف .. Welcome to the United States ... استانست وايد ... وعدينا اول عقبة ... المهم رحت صوب الشناط ... وكان هنااااك زحمة ... كل اللي فالطيارة كانوا هناااك ... تخيلوا جمبو 777 ... كم راكب فيها .... نطرت شنطتي لين طلعت ... واخذتها ومشيت بدربي مع الناس عشان اطلع .. عند الطلعة .. كان هنااااك موظف الجمااارك ... وكان يشيك على الاوراق .. والفورمة مالتهم (حقة الجمارك) عطيته الجواز مع الفورمة ... على طوول طالعني وطالع الجواز ... وقالي تفضل يمين .. مرة ثانية بدأت حركات العنصرية ... مع اني كاتب في الفورمة اني معندي شي يتجمرك ... ولا عندي أكل أو اي شي يحتاج اروح صوب التفتيش ... بس شنوس ... هاي ضريبة اني عربي ... المهم رحت هناك ,, وكان قبلي اثنين .. خلصوهم بسرعة ... (( الظاهر عشان بتفرغون لي )) وجا دوري ... واستلموني الموظف والموظفة .. وقعدوا يسألوني ... مدري شلون جات على بالهم ... جيت دنفر من قبل ؟؟ متى ؟؟ وشلون ؟؟ وليش ؟؟ وعند من ؟؟ طبعا انا ماعندي شي اخشه ... قلت لهم كل شي طلبوه مني ... هم يسألون وانا اجاوب ... بس طريقة الاسئلة والاجوبة .. اخذت منحى اخر .. كانت مثل السوالف ... وانا اعرف طريقتهم ... يبون يطلعون من الاجوبة .. بس انا عادي عندي .. ماعندي شي اخشه ... المهم لما خلصوا مني ... استلموا اغراضي ... سألني الموظف .. عندك شي هني ؟؟ يقصد طبعا أكل .. قلت له لأ .. تبيني ابطلها لك ... قالي ايييه ... على طووول فتحت له الشنطة .. واخذ الحبيب يفتش فالاغرااااض وطلع الاغراااض كلها .... لا وكان يسأل وهو يطلعها .. هاي شنو ... وهذا شنو !! ولما خلص من الشنطة ... أخذ شنطة اللاب توب ... وبعدها شنطة اليد ...وفتش فيهم .. تفتيش دقيق ... ولما خلص التفتيش .. رجعت الموظفة تسألني ... أحس انهم من زمان ماحصلوا حد عشان يسألونه ... المهم خلصوا وقالوا لي الكلمة اللي كل واحد يحب يسمعها ... Welcome to the United States واخذت ألملم أغراضي ... وحانت مني التفاتة صوب مكان استلام الشنط .. وتفاجأت انه مافي ولا شخص هناااك .. الكل خلص وطلع وتميت انا آخر واحد ... طبعت برع المطار وأخذت تاكسي .. وقلت له اسم الفندق .. وبدأت المسيرة الى النفدق من الاشياء اللي لاحظتها واللي لفتت انتباهي في دنفر .. هي كثرة وجوود العرب والمسلمين في دنقر ... على سبيل المثال .. سايق التاكسي طلع من السودان الشقيق .. واخذت السولف معاااه عن المدينة واسأله اسئلة عاامة .. لين وصلنا الفندق ... صراحة النفدق كان بعيد عن المطار . حول الساعة تقريبا او اكثر .. وصلت الفندق .. واخذت الغرفة .. وبدأت ارتب اغراضي ,, واطلعها من الشنطه .. وصلبت وعينت من الله خير .. وحطيت راسي وحاولت انام ... طبعامن التعب والارهاق .. على طووول نمت ... بس قعدت من فجر الله .. أولا لاني حتى الام ماتعودي على التوقيت في امريكا ... وثانيا على حسب ماقيل لي فالدوحه .. ان الدورة راح تبدي الساعة 7 ... انا استغربت .. لان بالعادة الدوام في امريكا مايبدي 7 الصبح .. يعني على 8 ... 8:30 ... 9 ... المهم تجهزت .. ونزلت تحت وتفطرت ... وقعدت انطر . محد اتصل علي ولا كلمني .. بصراحة في مثل هذا الوضع ... ينتناب الشخص شهور بالضياع ... خصوصا انه في بلاده مش بلاده ... واللي جاي عشانه نخصوص ... ماصار ...اتصلت عالدوحه وكلمن فرع الشركه .. وقلت له السالفة ... المهم بعدين عطاني التوقيت الصحيح لبدء الدورة الا وهو الساعة 9 .. على الساعة 9 نزلت اللوبي جاني واحد من الشركه ورحنا الشركة. الشخص اللي جاني كان هو نفسه اللي سوالي الدورة ... وطبعا بحكم اني كنت الوحيد فالدورة ... اخذت الدورة طابع السوالف وطابع غير رسمي ... بدأنا الدورة والحمدلله كانت من أفضل الدورات لي ... مابي اغثكم بتفاصيل الدورة ... بس الحمدلله .. عديت الدورة بنجااااح وحققت الهدف اللي جيت عشانه ... فالجزء القادم ... راح استعرض معاكم رحلتى الى مدينة بولدر وداون داون دنفر ... والاماكن الاخرى ,, اللي رحتها في دنفر ان شاء الله |
|
|
|
|
02-11-2005, 12:07 AM
|
#51 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
نبدأ مع الصور
ومع الصورة الاولى  الصورة هذي لمطار دنفر ... صورتها من التاكسي  ------  -------  الصور الثلاثة اللي فوق .. صورتهم اول ماوصلت ... وصورتهم من دريشة الفندق ...  الصورة هاي .. حق لوبي الفندق ... صورتها من فوق  الصورة ذي .. للممر اللي يودي لغرفتي فالفندق... يتبع ..... |
|
|
|
|
02-11-2005, 12:08 AM
|
#52 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
الصور هذي صورتها فاالايام اللي تلت ..
 هاي صورتها .. وانا انطر .. اليوم الاول من الدورة ... وقت الشعور بالضياع ... خخخخ  الشي الحلو .. انه كان في مطار ورا الفندق ... مطار صغير ... يعني الواحد يقعد يتسلى وهو يطالع الطيارات ...  هذي صورة بعد .. بس مدري حق شنو ... نسيت والله  هذي الصورة صورتها من داخل اشركة .. وطبعا ماتحتاج شرح هم عندهم حركة حلوة ... حاطين اعلام الدول اللي يتعاملون معاها كلها  فالصورة ذي .. نشوف علم البحرين وعلم الكويت ... أعتقد كفاية صور اليوم ... ويكمل لكم بعدين ... |
|
|
|
|
17-11-2005, 08:49 PM
|
#60 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
اسمح لي اخوووي
ترى الواحد قام يخربط هالايااام .. السمووحه ..ز ترقبوا الجزء السادس .... قريبا .. انا كتبته .. وباقي لي انقله للمنتدى ... ويمتاز الجزء القادم بقصره ... ولكنه مليئ بالصور |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 04:38 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||