 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
26-09-2005, 11:20 PM
|
#33 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
تفضلوا الجزء الرابع ...
الجـــــزء الرابع انا تفاجأت ان الرحلة من الدوحه لين تمر عن طريق البحرين ... لان لا فالتذكرة ولا فالحجز ولا حتى تلكس الحجز .. كان مذكور فيهم البحرين ... صراحة ... هذا وضحلي ليش الرحلة كانوا كاتبينها 9 ساعات (من الدوحة الى لندن).. المهم دشيت شاشة المها .. وقعدت هنااك وريحت شوي .. لين موعد اقلاااع بحوول ربع ساعة ... جات المظضيفة ونادت علي .. وتوكلت على الله يمكن أحد منكم راح يسألني عن شعوري ذاك الوقت ... شعوري .. كان مزيج من الفرحة والخوف .. الفرحة لأني راح اسافر امريكا بعد فترة انقطاااع استمرت اكثر من 8 سنوات والخوف في نفس الوقت من السفر إليها .. الكل كان متخوف من هالسفرة .. حتى فالشغل ... المهم قبل ما أتوجه للباص .. ((طبعا بالنسبة حق اللي مايعرف مطار الدوحه ... احنا حتى الآن نرووح بالطيارة بالباص )) .... كان هناك رجل أمن (( من الشرطة)) .. وقفني .. وطلب يفتشني .. قلت له تفضل ..بعد ماخلص .. توجه الى شنطة اليد وفتشها ... وبعدين اللاب توب .. الشي اللي ريحيني .. التفتيش كان على الكل مب انا بس .. المهم .. بعد ماخلص من التفتيش .. توجهت الى الباص ومن الباص الى الطيارة .. أخذت مكاني فالطيارة وقعدت .. وكلها دقايق .. وطارت الطيارة .. ودقايق أخرى .. واحنا واصلين البحرين ...قعدنا فالبحرين تقريبا ساعة .. وبعدها ,, توجهنا الى مدينة الضباب ,, لندن .. كانت الساعة قد تعدت منتصف الليل .. والرحلة كانت 7 ساعات ... بالنسبة لي .. شغلت نفسي مع التلفزيون ,, واطالع من فيلم الى فيلم لين تعبت .. حطيت راسي ونمت قرير العين ... لكني مارتحت فالنوم .. مدري ليش .. المهم ماطولها عليكم .. وصلت لندن .. بحمد الله ورعايته ... كان جدامي 9 ساعات كاملة .. ترانزيت حتى موقع اقلاع طيارتي الى دنفر ... 9 ساعات كاملة في مطار هيثرو فالمبنى الرابع .. Terminal 4 ... والمشكلة اني طيارتي نزلت في نفس المبنى .. يعني لو كنت بغير المبنى ... كان اهون شوي ... على الاقل بترووووح ساعة فالتنقل بين المباني. طبعا انا مانسيت اشيك على حجزي وسالفة لستة الانتظار .. وطبعا الرد اللي احصله .. شيك مع البوابة لما تفتح ... اول مادشيت المبنى .. الترانزيت .. طبعا اغلب المحلات كانت مسكرة .. أخذت اتمشى فالمطار من أوله لين آخره ..وأفكر شلون راح اقضى هالـ 9 ساعات ... وأثناء حياستي فالمطار ... (( حلوة حياستي ذي )) حصلت واحد من ربعي اللي كانوا يدرسون في امريكا .. هو كان يدرس دكتوراه في هندسة البترول .. وكان متوجه من السعودية الى امستردام ... سلمت عليه .. واخذناها سوالف .. بس ماطولنا .. لان رحلته جا موعدها ... بالنسبة لي ...رجعت “Quiet room” اعتقد هذا اسمه .. نسيت اسمه .. المهم . دشيت المكان ذس .. وكان فيه هدووووووووء غريب ... وكان فيه كراسي عادية .. وكراسي مثل السرير .. الغرفة بمعنى آخر كانت معزوله عن باقي المطار .. حتى انهم حاطين لوحة برع وانت داش .. يقولون فيها انك وانت فالغرفة ماتقدر تسمع الاعلانات عن افلاع او وصول الرحلات ... المهم .. اخذت لي كرسي .. وقعدت وريحت وشغلت اللاب توب وبديت اتعبث فيه ... بعد ساعة تقريبا .. حسيت اني تعبان ونعسان وابي ارقد .. سكرت اللاب توب ... وحطيت راسي ورقدت ... يعني تقريبا ربع ساعة او نص ساعة .. بعدها قحصت متخرع .. ليش مدري .. حاولت اني انام .. بس ماقدرت ... مليت من القعده هناك .. فأخذت قشي وطلعت من هناك .. وقعدت اتمشى مرة ثانية فالمطار .. ومريت صوب مكتب خدمة المسافرين للخطوط البريطانية .. وعطيتمهم تذكرتي .. وشرحت السالفة .. قالوا لي لين الحين جدامك 2 على اللستة .. ولازم اشيك معاهم قبل الرحلة بـ 3 ساعات .. رجعت للدوراة والحياسة فالمطار .. وقمت ادش المحلات اللي بدت تفتح الحين ... واشوف واتمشى .. على قولتهم .. اضيع وقتي .. صراحة اللاب توب كان ذابحني .. كان ثقيل وكسر كتوفي .. ولهذا السبب مليت من الدوارة ورجعت الغرفة .. وقعدت فيها فترة .. ومليت .. وطلعت مرة ثانية .. ورحت شريت شيبس pringels وشريت كافي Bounty وماي .. ورجعت الى وكري .. وقعدت اسلي نفسي بالاكل .. وبعدها نمت مرة ثانية .. بعد ماعدلت المكان ,, هالمرة نمت عدل وريحت فالنوم .. بعد ماقعدت من النوم .. وشفت الساعة .. كان باقي وقت على الرحلة ... وتمللت من مكاني .. وطلعت برع اتمشى .. لين وصلت الى مكان فيه كراسي وصاير على زاوية .. وجدام الكراسي .. فيه شباك يطل على المدرج .. الجو برع كان مشنس وأعطاني اخ=حساس بالدفء شوي ... قعدت أطالع الاخبار واتابع التقارير عن الانفجارات اللي صارت وقتها في لندن .. وشوي ولا انا منسدح عالكرسي ومعطيها رقده ....قعدت بعدها وشفت الساعة ... كان ياقي حول ساعتين ... قمت اتمشى واضيع الوقت وامر على المحلات ... ومريت صوب مكتب خدمة الماسفرين ... وكلمتهم مرة ثانية . وقالت لي نفس الشي .. لازم اشيك مع البوابة .. والزيادة هالمرة .. انها قالت لي رقم البوابة ... على طوووول درعمت لين هناااك .. وكلمتهم ,,, قالت لي الموظفة .. اصبر لين يجوون الستاف مال رحلة دنفر ,,, نطرت ... ونطرت ... آخر شي .. شفت الاشكال تغيرت ... جاو موظفين غير .. على طوول رحت عندهم .. وكلمت الموظفة .. وشرحت لها كل شي ... (( تعبت من كثر ماقول السالفة واعيدها )) .. المهم .. قعدت تطقطق على الكمبيوتر ... وتتكلم بالتفلون .. وآخر شي قالت لي ... آسفة ... بس مافي كرسي فاضي في الدرجة اللي ابيها انا ... وقتها .. حسيت بأن الارض ماتوسعني من الضيق ... كل هذا الانتظار .. يطلع عالفاضي .. المهم سلمت امري لله .. وقلت لنفسي .. الله كريم .. وهذا شي مكتوب .. وتذكرت كلام الموظف اللي فالدوحه لما قالي ان شاء الله 99% راح احصل الكرسي ... وقعدت بحسرتي انطر الركوب للطيارة ... ولما بدأوا يركبون الركاب .. خذت مكاني فالسيد .. لين وصلت عند الكاونتر .. وعطيتهم التذكرة مع الجواز .. . وكرت الصعود .. شوي واشوفه يتساسر مع رفيجه .. انا عاد ذيك اللحظه .. حسيت بأنه شي صاير .. وشفته يكتب على كرت الصعود مالي ويغير رقم الكرسي ... حسيت وقتها ان الروح رجعت لي ... وقعدت اكلم نفسي من الفرحة وكنت متشقق من الفرحة .. المهم .. اخذت الجواز منهم .. وبدأت طريقي الى الطيارة ومنها الى دنفر .. لكن وانا امشي داخل الخرطوم ... فجأة ومن غير اي مقدمات ,,, ومن بين الناس .. يأضر عليى موظف ويقولي تفضل .. تفتيش .. شمعنى انا ؟؟ مو مشكلة .. فتشني وفتش اغراضي .. الشنطة واللاب توب .. وبعدين خلاني اكمل طريقي للطيارة ... صراحة هالموقف ضايقني .. عنصرية ... يعني اختارني من بين الركاب كلهم .. عشان شكلي ... بس انا بيني وبين نفسي اقول الحمدلله ماصار لي شي .. واني رحت ورجعت وانا سالم غانم .. مثل مايقولون ... انتهى الجــزء الرابع ... ومع الجزء الخامس .. ومع الاحداث اللي صارت معاي في مطار دنفر ... ترقبوها قريبا ... اتمنى الصور تعجبكم |
|
|
|
26-09-2005, 11:22 PM
|
#34 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,535
|
والحين اخليكم مع الصور اللي صورتها في مطار لندن
هذي الصورة للطيران الكيني .. تستعد للاقلااع من مطار هيثرو  اما هذي الصورة .. مدري حق شنو .. بس لشي فالمطار يمكن يكون البرج  اما هذي الصورة .. فمثل ماانتو شايفين .. طيارة جمبو للخطوط البريطانية  هذي صور لمجموعة طيارات للخطوط البريطانية  اما هذي الصورة .. فهي لغرفة الهدوووء .. او بمعنى آخر غرفة الرقااااد  ونلتقي مع الجزء الخامس فالقريب العاجل ان شاء الله |
|
|
|
|
03-10-2005, 11:25 PM
|
#44 (permalink) |
|
مسافر متميز
تاريخ التسجيل: Jul 2004
الدولة: Los Angeles
رقم العضوية :13055
المشاركات: 248
|
في البداية كنت متحمس للموضوع
لكن اخوي اسير الدوحة الله يهديك كل جزء اصغر من الثاني والموضوع صار له فترة نصيحة مني لك لوجه الله حاول تكتب تقريرك مرة وحدة عشان الناس ماتزهق دمت سالم ومبارك عليك الشهر |
|
|
|
|
04-10-2005, 02:35 AM
|
#45 (permalink) |
|
مسافر متالق
تاريخ التسجيل: Apr 2005
الدولة: جزء مني في الرياض والباقي مسافر
رقم العضوية :21425
المشاركات: 659
|
اسير الدوحه
موضوعك جميل وقصتك حلوه بس المشكله انك تتاخر ياليتك تحاول تحل هالمشكله انا عندي لك حل اكتب بأي مكان وفي أي زمان تكون انت فاضي فيه على ملف ورد وبعدين احفظه ولشبكت النت نزله |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 05:09 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||