 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
|
|
03-08-2005, 05:27 PM
|
#1 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
الجـــــــــــــــــــــزء الثاني
التذكرة بعد أن استلمت الفيزا .. صراحة كنت في مرحلة صدمة .. ابدا ماتوقعت اني احصل عالفيزا بالسرعة هذي .. خصوصا اني سمعت قصص من ربعي عن تجربتهم مع الفيزا الامريكية والفترة اللي خذوا فيها الفيزا. تعدت الفترة من بين اسابيع وشهور ... الى درجة ان واحد منهم كنسل دراسته في امريكا بسبب تأخر الرد عليه من السفارة! المهم ماطول عليكم .... المرحلة الثانية عندي كانت التذكرة ... صراحة كنت محتار على اي خطوط اسافر ... القطرية .. ام الخليج .. ام الاماراتية .... ام الهولندية ,,, ام البريطانية ازين يمكن راح تتساءلون على اي اساس راح اختار شركة الطيران حلو .. انا حطيت 3 نقاط .. اولا: طريق الرحلة شلون راح يكون ؟؟ ثانيا: كم طيارة راح اركب وكم مدينة راح انزل فيها؟؟ ثالثا: كم الفرق بين السياحية ودرجة الاعمال في حالة الترفيع upgrade طبعا بحكم ان سفرة امريكا طويلة ومتعبة ... قلت لنفسي احجز على درجة الاعمال وادفع الفرقية صراحة انصدمت لما عرفت فرق السعر عند بعض الشركات واللي وصل الى تقريبا 4 اضعاف. القطرية كان الفرق حول 12 الف الخليج كان حول 15 الف الاماراتية .. كانت اوت .. خطهم وايد تعبان . متعب ومرهق والفرق كبير الهولندية .. كان الفرق حول 7 ريال قررت اروح على الهولندية .. اتوقع راح تقولون والبريطانية ... بقولكم .. صبركم علي شوي ... هاي لها قصة بروحها .. بالنسبة للخطوط البريطانية انا كنسلتها من بالي فالبداية بسبب شي واحد .. وهو في خط الرجعة لازم ابات في لندن وعلى حسابي ... قحط .. صج انهم انجليز بعدين واحد من الربع نصحني فيها وقالي خط سيرهم وايد حلو وروعة و مباشر ... دوحه – لندن – دنفر .. ومسألة المبيت .. قالي عادي .. هم راح يساعدونك ويحجزون لك. وشي ثاني تتميز فيه الخطوط البريطانية .. وهو عندهم درجة اعلى من السياحية واقل من درجة الاعمال .. اغلى من السياحية وارخص من درجة الاعمال .. والفرق بس حول 2000 ريال المعلومات هذي خلتني اغير رأيي واقرر اروح على البريطانية .. وكان القرار السليم. احد الاسباب الاخرى اللي خلتني اختار البريطانية .. هي خبرتي معاهم من قبل ... ومع الهولندية ايضا ... الكلام هذا كان على نص 6 ... حجزت عندهم .. وطلع حجزي كله على الانتظار ... وبعد يوم او يومين .. تأكد حجزي كله ما عدا دنفر – لندن ... تميت على الانتظار. وطلعت لي مشكلة ثانية ... الا وهي اني لما بغيت استخدم رقمي عضويتي معاهم في برنامج المسافر المتميز .. ماقدرت .. بسبب ان هناك اختلاف فالاسم.... فكان لازم اغير الاسم عشان اقدر استخدم مزايا العضوية وعشان اغير الاسم .. كان لازم احول عضويتي من امريكا الى الدوحه .. وبعدين اغير الاسم ... التغيير خذ حول 10 ايام .. المهم اتصلت عليهم وعطيتهم رقم العضوية .. وسكرت التلفون. شوي ولا موظف البريطانية متصل عالجوال .. يقولي حبوب حجزك متكنسل من زمان ... لازم تسوي حجز يديد. وسبب الالغاء هو اني ماشريت التذكرة ... المهم الحجز اليديد اللي سويته .. كان كله عالانتظــار ... تحطيم ما بعده تحطيم ... وخيبة امل كبيرة ... وقلت لنفسي من أولها عاااااد بدت المشاكل ؟؟؟ المهم شغلت الواسطات من كل مكان وقدرت اني اثبت الحجز دوحه – لندن ولندن – دوحة ... اما الباقي فما كان فيه امل يلوح في الافق .... عاد قمت انا وغيرت خط الرجعة وخليته بدال دنفر – لندن على طول ... صار عن طريق شيكاغو ... يعني دنفر – شيكاغو – لندن ... وتمت العقبة الوحيدة جدامي واللي هي ... لندن – دنفر. حاولت المستحيل ... طبعا اقصد الواسطة اللي عندي هي اللي حاولت .. بس مافي فايدة ... ودخل شهر 7 ... وبقى على السفر اسبوعين .... وكان لازم اتخذ القرار الحاسم .... اضطريت اني احجز على الدرجة السياحية العادية وفوضت امري لله .... بس تذكرتي راح تكون على الدرجة الاعلى ,,, تخيلوا كان جدامي حول الـ 20 اسم على الانتظار .... فحجزت على الدرجة الاقل .. على الاقل عشان اضمن السفر ... وكلي أمل بأن حجزي راح يتثبت قبل ما اسافر. وشريت التذكرة ودفعت الفرق ... وكان خط سير الرحلة كالآتي ..... دوحة – لندن – دنفر .... والرجعة كانت ... دنفر – شيكاغو – لندن – دوحة اخليكم الحين ... وسنلتقي معاً في الجزء الثالث ... وفي هذا الجزء .. راح تعرفون شلون تجهزت للسفر ... وشلون كانت رحلتي ... وشنو سويت بمطار لندن .... |
|
|
|
05-09-2007, 12:29 AM
|
#3 (permalink) | |
|
مسافر متميز
تاريخ التسجيل: Aug 2007
رقم العضوية :154183
المشاركات: 211
|
اقتباس:
1-انك ماسافرت ايران 2-انك ماسافرت الى سوريا اما بالنسبة الى موضوع الوقت الطيران هو 14 ساعة وراجع 12 ساعة هاذا فى حالة متواصل |
|
|
|
|
14-09-2007, 09:15 PM
|
#4 (permalink) | |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
اقتباس:
وتسلم عالمعلومه ... بس معناة كلامك .. ان اهل ايران وسوريا ... صعبة عليهم الفيزا ... ان لم تكن من المستحيل ... |
|
|
|
|
|
03-08-2005, 06:40 PM
|
#6 (permalink) |
|
مسافرجديد
تاريخ التسجيل: Mar 2005
الدولة: Riyadh
رقم العضوية :19672
المشاركات: 59
|
الله على الرايق ياناس أنا مدري بس أظن أنك قاعد تكتب هالتقرير وانت مرة مروق على الآخر لأن ألاحظ في تقريرك السلاسة وترابط الأفكار راح نبقى ننتظرك في الجزء الثالث وإن شاء الله ماتطول علينا تحياتي لك |
|
|
|
|
05-08-2005, 02:21 PM
|
#7 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
تسلمون لي والله ...
وليف الروح .. ان شاء الله راح احاول اخلي الجزء اكبر شوي السيدة درجة اولى .. حرام عليج ممل عاااد ...  ويحبها القلب ... راحت الـ وحل مكانها  شيتا من ناحية مروق .. فعلا مروق ... واحس ان هذي مسئولية ... فأحاول اخليكم تعيشون معاي المواقف اللي عشتها ... اشكركم جميعا عالمرور ... |
|
|
|
|
05-08-2005, 02:24 PM
|
#8 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
السلام عليكم ...
انا اعتذر عن تنزيل اجزاء جديدة الاسبوع الجاي وذلك لاني مسافر الى صلالة ان شاء الله ... اوعدكم اول مارجع من صلالة ... راح انزل لكم كل الاجزاء ومرة ثانية اسمحوا لي |
|
|
|
|
22-08-2005, 03:52 PM
|
#10 (permalink) |
|
وسام العضو القدير
 تاريخ التسجيل: Mar 2003
الدولة: Moyen Orient
رقم العضوية :20
المشاركات: 5,870
|
يالله احنا في الانتظار اخوي اسير وياريت تكون بعض الاجزاء مدعمه بالصور
.. علشان يكون التقرير 10 على 10وبخصوص الفيزة .. ترى أنا بعد نفسك انصدمت .. لأني خلصتها في نفس اليوم .. أعتقد فيزة الدراسة هي الي تتأخر .. لكن فيزا الزيارة أو السياحة ما تاخذ فترة يوم او يومين او ثلاث .. بس ماقلت لي كم سنة عطوك ؟؟؟ يعني كم مدة الفيزا ؟؟ وبعدين انت حجزت على درجة كلاب كلاس الي في البريطانية ولا الدرجة الي وراها ؟ يعني الي جدام السياحية وخلف درجة كلاب كلاس ( رجال الاعمال ) .. |
|
|
|
|
07-09-2005, 09:44 PM
|
#13 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
رجعت لكم ...
اخوي جاسم .. لاتخاف من ناحية الصور ... وبالنسبة للفيزا ... عطوني 10 سنوات ... وبالنسبة للدرجة اللي حجزت فيها عالبريطانية ... فكانت اللي جدام السياحية .... وخلف درجة كلاب كلاس ... يسمونه وورلد ترافلر بلس Word Traveller Plus وتسلم اخوي على تواصلك الدائم .... |
|
|
|
|
07-09-2005, 09:46 PM
|
#14 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,541
|
الجـــــــــــــــز الثــــــــــالث
بعد أن استلمت التذكرة ... او لعلي اقول .. بعد مانتهيت من مشكلة الحجز ... لقيت امامي مشكلة ثانية ..ز ألا وهي اللبس. آخر عهدي باللبس الافرنجي (حلوة ذي اللبس الافرنجي) ... كان آواخر سنة 96 ... بعدها مالبست مثل هالثياب. فالحقيقة ... كنت محتار شنو ألبس .. ألبس ثياب عادية ... ولا أكشخ ببدل .. ولا ألبس جينز .... محتار بمعنى الكلمة. وشي ثاني بعد ... شنهي الموضة هالايام .... والمشكلة العويصة الثانية ... اني مو مطول هناك ...يعني بمعنى آخر ... راح اشتري ثياب شوية ... كنت محتار بمعنى الكلمة .... ومرت الايام وانا اقول بروح بكرة .. برووح بكرة ... لين بقى عالسفر اسبوع وانا ماشريت شي .... المهم ذاك اليوم ... كان يوم جمعة ... وانا داش النت .. حصلت واحد من الربع فالمسنجر ماصدقت نفسي ... تدرون ليش ؟؟ لأنه يدرس في استراليا ... قلت لنفسي هذا هو ... هو اللي راح يساعدني باذن الله .. وكانت فرحتي اكثر لما عرفت انه كان فالدوحة .... المهم اتفقت معاها نروووح اللاندمارك بعد المغرب .. رحلتي مع التسوق فالموعد المحدد .. اجتمعت مع رفيجي ... واتجهنا الى اللاندمارك ... هناك ... دشينا على طووول الى محل زارا ....وحميت من هناك كم بنطلون مع قميص (حول 4 او 5) ... والفاتورة بالطبع كانت مبلغ كبير .... اليوم الثاني ... رجعت كم بنطلون ... اعتقد اثنين .. ((ماتذكر كم)) وتوجهت الى Bhs وشريت من عندهم بعد كم بنطلون وقميص ... في نفس اليوم .. رجعت Bhs .. وبدلت ورجعت فالثياب .... اليوم الثالث ((الاحد)) ... مريت على سوق العسيري ... وشريت لي كم جينز مع تي شيرت ... ... اليوم الرابع ((الاثنين)) ... رجعت العسيري ... ورجعت وبدلت الجينز ... ومع زيارتي الاخيرة لسوق العسيري ... انتهت مشكلتي مع الثياب .... وافتكيت ... مع اقتراب موعد السفر ... قمت اتصل على الخطوط البريطانية كل يوم ... اسألهم عن الحجز مالي ... واذا صار اوكي ولا لا... لدرجة انهم ملوا مني وقالوا لي ترى جدامك في لستة الانتظار حول 40 اسم ... صراحة .. تحطمت .. وفقدت الامل ... لكن لم أيأس ... واستمريت بمضايقتهم .... المهم قبل السفر بيوم ولا يومين ... نزل العدد الى حوالي 1- اسامي ... تقدرون تقولون رجع لي الامل ... يوم السفر .. اتاصلت على الواسطة مالتي ((طبعا تتذكرونها)) وعطاني اسم شخص وقالي لما توصل المطار كلم هذا الشخص ... وهو راح يضبطك.... مر اليوم بسرعة ... اذكر اني رحت الحلاق الظهر ... والعصر قعدت فالبيت مارحت مكان .. قعدة اسرية .. خصوصا اني رايح الى امريكا .... وهم فالبيت ميتين من الخرعــة والخوووف ... الكل كان مرعوب من السفرة هذي .... مدري ليش هالخوف .... كأني رايح احارب ... وتعالوا شوفوا الادعيو وقت الوداع .... يدعون لي كأني رايح احارب ... المهم ... اقترب وقت السفر ... وانا من النوع اللي يحب الوداع يكون سريع ... وهذا اللي سويتيه ...سلمت عليهم واتجهت للمطـــار ... لما وصلت هناك .... سألت عن الشخص .. قالوا لي راح الطيارة يشيك عليها ... لما رجع ... اخذ جوازي وتذكرتي ... وعطاهم للموظف ... وقال لي ... شوف انا قلت لـ فلان (الواسطة) ان الطيارة مليانة .. فل ... متروووسة .. ومافيها مكان في درجة الاعمال ....كانور ناويين يرفعوني الى درجة الاعمال الرحلة كلها .. يعني من الدوحه الى لندن ومن لندن الى دنفر ...بس الرحلتين كانوا فُل ... مليانة على قولتهم ... قالي كل اللي اقدر اسويه لك الحين .. هو اني اخليك تستخدم قاعة المها ... تقعد فيها وتريح لين موعد طيارتك ... وقالي معلومة .. صراحة يحتني ... قالي ان لستة الانتظار تقلصت ,.. وصار عدد اللي جدامي 2 بس .. وقالي ان شاء الله 99% راح احصل الكرسي ... بس لازم اشيك معاهم عند البوابة في لندن .... خلص هذا الجزء .. في الجزء القادم ...راح اتكلم عن التنقيعة في مطار لندن ... وشلون قضيت وقتي في التنقيعة هذي .... وشنو صار لي في مطار دنفر ؟؟؟ راح تعرفون هذا فالجزء القادك ان شاء الله .. وأحب اعتذر عن التأخير .. لاني سافرت خلال الفترة السابقة .. والشي الثاني .. الصور لين الحين ماجهزت .... السموحة |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 03:47 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||