ومطعم Medieval Jimes Restaurant & Show وهذا المطعم رهييييييييب له قصه راح إذكرها بعدين ..

بعدين رحنا ندور لنا مقهى نجلس فيه علشان نشوف المباراه لأن كان أيام دوري أبطال أوروبا <<< وخويتكم تحب المباريات .. وكنا مستحيل نفوت المباره .. حتى كنا نرجع بدري البيت علشان نشوف المباراه .. جلسنا في مقهى وكانت الأجواء حلوووووووه الناس مندمجه في المباراه .. واللي يعصب واللي يصارخ لا ضاعت فرصه .. يوم خلص الشوط الأول قلنا خلنا نروح الفندق ونكمل المباراه

الجزء الخامس ....

اليوم الثاني في سرميوني ..

وجدولنا .. الذهاب إلى مدينة الألعاب ..GardaLand ..

ثم إلى مطعم .. Medieval Times ..

ثم العوده إلى الفندق .. لمشاهدة المباراه .. والتي تبدأ 9 مساء ..

صحينا من النوم حوالي الساعه 8:30 ..

لين نزلنا وفطرنا .. الفطور كان بوفيه مفتوح ..

الساعه 10 .. تحركنا صوب مدينة الألعاب ..
كانت زحمه .. واللي أعرفه أنها تصكر الساعه 6 ..

كانت أول لعبه لعبناها .. ما دري شلون أشرحها لكم ..
قطار نجلس فيه بس ما فيه أماكن للأقدام ..
يعني رجولنا .. طير بالهوا ..

وهذي صوره منه ..






وهذي عدة صور للألعاب ..























وهذه اللعبه .. موب لعبه .. مادري وش أسميها ...؟!!
توديك إلى أعلى حتى تستطيع مشاهدة المدينة من أعلى ..




وهذه صوره من الأعلى ..




يوجد لعبه للأسف لم أخذ لها صوره ..

كانت رهيييييييييييييييبه .. وشكلها يروع .. بس لأن شكلها يروع قلنا لازم نجربها
بس ثنتين من البنات .. قالوا لو يعطونا مليون ما ركبناها .. أكتفوا بلعبه الفناجيل اللي دور
(على قدهم) ..
يوم وصلنا بنركب .. قالت وحده من البنات خلنا نرجع .. وأنا ساكته .. خايفه في نفس الوقت ودي
أجربها .. قلت خلنا نتوكل على الله .. ركبناها .. والله حسيت أني بموت .. تخيلووا تقلب .. وتوقف في الهوا بس على إرتفاع محترم <<<<<<<< (يعني يخوف) ووجيهنا على الأرض .. وجسمي كله طايح على الحديد اللي مصكرينا فيه .. وحاطه رجيلي على الكرسي اللي قدامي .. علشان ما طيح ..

صدق كانت لعبه روووووووووعه ..


وكل بعد لعبه .. ناخذ صوره .. يصورونا وحنا غافلين .. عاد حنا ضيع منا ساعه كامله .. وحنا واقفين نبي نطلب الصوره .. بس ما نتقدر .. من الضحك ..
تدرون الأشكال شلون تصير ..

طلعنا

من مدينة الألعاب بحدود الساعه 6 ..
علشان نلحق على المطعم ..




راح أعطيكم نبذه عنه ..

في واحد عند البوابه .. وهو اللي يبيع التذاكر .. ولا شرينا التذاكر يعطونا .. قبعات ملونه
وهذه القبعات الملونه .. عباره عن نضمامنا لأحد الأفرقه ..
والأفرقه دائماً يكون عددها 4 أفرقه وأربع فرسان .. ( أحمر – أزرق – أخضر _ أصفر )
وحنا كانت قبعاتنا لون الأصفر ... يعني في فريق الأصفر ..
قبل لا ندخل للمطعم .. يقدمون لنا مسرحيه صغيره .. تدور حول القصه اللي
راح يعرضونها لنا وحنا ناكل ..




اللي أعرفه أن العروض تكون مرتين في اليوم .. غدا – وعشا ..

الغداء .. الساعه 3 أو 2:30

العشاء الساعه .. 7

وتكون مدة العرض ساعتان ..

.. وجميع الزوار يدخلون .. مره وحده .. بس بالترتيب ..




حتى يستطيع كل زائر أن يأخذ صوره تذكاريه مع الملك .. والملكه .. وأبنتهم ..
اللي الأربع فرسان يتنافسون عليها .. (حشا ما صارت بنت )
والصور .. يأتون بها إليك أثناء الأكل .. (يعني هم يصورونك بالكاميرا اللي عندهم ويرحون يحمضونها .. ويجبونها لك وأنت تاكل .. شفتوا راحه أكثر من كذا) ..

.. دخلنا المطعم .. وصورت صور كثيييييره .. بس ما طلعت واضحه .. لأن المطعم ما فيه إضاءه ..
الإضاءه خفيفه ..

أخذنا أماكنا .. لأن كل فريق له مكان ..
جلسنا ننتظر ظهور الفرسان الأربعه ..

ظهرو .. وقبل بداية العرض .. على كل فارس أن يعطي ورده لأحد فريقه ..

ونسيت أقولكم .. أن من شروط المطعم .. هو الأكل باليد .. (طبعاً بنسبه لنا ا كانت مشكله) على فكره الأكل نفسه .. يعني كل واحد عنده نفس الاكل هذا عدا الشراب اللي يختلف عن الأخر .. وليته في مشروبات عدله .. فقط مشروبين .. البيبسي .. وعزكم الله .. النبيذ ..

[/img]



بدوا يتنافسون على إبنة الملك .. (الأميرة النائمه)

ومن ظواهر هذا المطعم .. هو أن إذا بغيت تحتج على فارس فريقك إذا ما عجبك .. تضرب بقدميك
( أي دق برجيلك) على الأرضيه .. علماً أن الأرضيه من الخشب حتى يسهل ظهور الصوت ..
( والله وعرفوا يشتغلون ) ..

وظاهره ثانيه .. إذا تأخر عليك الأكل تضرب بصحنك على الطاوله .. هذا يعتبر أحتجاج على تأخر الأكل ..
(خوش مطعم) .. الناس من أول ما دخلو المطعم .. وهم ضرب بهاصحن .. ماخذين نفس طريقة الرومان . يابلفيت أن المطعم من عصر الرومان ..

طبعاً المطعم ما فيه أي هدوء .. يعني اللي ما يحب الأزعاج لا يروح ..

كان العرض روووووووووعه .. وطبعاً تفاعلنا معه .. بس خساره .. فارسنا الأصفر خسر .. بعد ما تأهل االنهائي ضد الأزرق <<<<<<<< حلوووووه بعد ما تأهل للنهائي .. حولنا كرة قدم ..


فكانت إبنة الملك من نصيب الفارس الأزرق .. وطبعاً فرحوا وحولوا المطعم مسيره الفريق الأزرق ..
(الناس مصدقين أنها لعبه حقيقيه) ..

نسيت أقولكم شغله .. هو أن كل فريق يسوي حركات وبركات .. ما لها داعي علشان يغيض الفريق الثاني ..



وهذا كل شي عن هذا المطعم العجييييييييب ..

بعد ماخرجنا من المطعم بحدود الساعه 9 ..
خذينا لنا لفه سريعه على المدينه .. من بعدها رحنا الفندق لمتابعة المباراه اللي فات علينا الشوط الأول ..






إنـــــــــــــــــــــــــــــتـظرونـي .. في الجزء السادس
والأتصال الفاجئ اللي غير مسار الرحله .. والشغله اللي خلت مزاجي يتعكر طول اليوم .. وما خلتني أستانس ..

إنـــــــــــــــــــــــــــتـظـرونـي ..