الموضوع: من يخبرني عن المدارس الاهلية بحي الحمراء ؟

ابغى مدرسة أهلية بحي الحمراء شرق الرياض ابتدائي بنات

لأن بنتي بتدخل المدرسة السنة الجاية و محتارة :(

ايش أحسن مدرسة في التأسيس ؟؟

و اللي تعرف عن مدارس رياض نجد و التربية و الفرسان !! يخبرني تكفون ..

بحي الحمراء فيه مدارس الأرقم بس ما أدري فيه قسم للبنات أو لا !

أما المدارس اللي ذكرتها كلها متميزة لكن أشوف رياض نجد الأفضل من ناحيه المباني والمناهج الأنجليزية

الفرسان حلوه ويقولون ممتازة من الناحيه الدينيه , وكل فصل فيه كمبيوتر وبروجكتر وصبوره ذكيه , هذا بقسم البنين لكن البنات ما ادري فيه كذا ولا لا !

الله يوفقكم

شكرا عالرد حميدوفتيش .. و أنا ايضا سمعت كثيرا عن رياض نجد و التربية و اتمنى لو احد يعطيني معلومات
اكثر عن هالمدرستين من ناحية المدرسات و مستوى التعليم ؟؟؟

مدارس رياض نجد لسعد الحريري
وغاليه جدآ
قبل 3 سنوات الابتدائي كانت 11 الف بالسنه وزادت الحين
والثانوي تاصل 40 الف ... !!

عندك مدارس الامجاد

مدارس الارقم جدا رائعه انا جربت البنين وكانت قمه في التاسيس ابني درس فيها من اولى ابتدائي
يوجد قسم للبنات لكن مااقدر افيدك لاني لم اجرب

المشاركة الأصلية كتبت بواسطة بيل قيتس

مدارس رياض نجد لسعد الحريري
وغاليه جدآ
قبل 3 سنوات الابتدائي كانت 11 الف بالسنه وزادت الحين
والثانوي تاصل 40 الف ... !!

لا

معلومه خاطئة
مدارس رياض نجد الاهليه-حي الحمراء ملك الدكتور ابراهيم العقيل واسعارها ١١ و١٣ و١٥ الف
مدارس نجدالاهليه في شارع العليا العام ملك الحريري