الموضوع: وين أحصل على الخبز العراقي في الرياض ؟

السلام عليكم جميعاً

سؤال / وين ألقى مخبز يسوي الخبز العراقي في مدينة الرياض ؟
أعذروني أدمنت عليه يوم كنت في عرعر خخخخ / وفكرت أفتح مخبز في الرياض ههههه

فكره حلوه تفتح مخبز وتكون الاول وخلال ايام لن تكون الوحيد
لاننا نتبع سياسة القطيع !

ولاكن ..
بما يتميز الخـبز العراقي ؟

السلام عليكم ورحمة الله وبركاته
أخوي طلبك موجود في شارع سلمان الفارسي
اذا دخلت شارع سلمان من طريق خريص
تجيك اشارة اتركها و امش وجهك شمال
بيجيلك محل اسمه على كيفك و بعده مدخل
يمين ثم باسكن روبنز في نفس عمارة باسكن
تجد خباز يجيد هذا النوع من الخبز
ثانيا استمر على شارع سلمان الفارسي بعد باسكن
بتجيلك اشارة لف يمين الى الأشارة تقاطع شارع الأمير بندر
بن عبدالعزيز مع شارع الجبيل لف يسار من الأشارة بتشوف
في خباز على يدك اليسار عند محل اللحم والله يحفظك ويبارك فيك

اول مره اسمع بهذا النوع من الخبز

يوجد مطعم عراقي في شارع الملز بالستين أمام الحديقه إللي بشارع الستين من جهة الغرب
يمكن تحصل عندهم الخبز العراقي

اذا هو خبز التنور ... فكأني شفته في مطعم الشرفة ولكن الخبزة الواحدة بـ 3 ريال .

اذا كان زي التميس وخفيف ويتشقق بسهوله ابيه :)

أخوي ممكن تحصله عند أي مطعم عراقي لأنه في الغالب يكون عندهم تنور ويخبزون

مشكورين جميعاً

اخوي محب المباركية / تراني ما ادل زين / أنا من سكان شمال الرياض / عطني الوصف واضح الله لا يهينك .

الشباب اللي يسألون عن نوع الخبز وشكله / نفس الخبز اللي يجي في مسلسل باب الحاره / صورته موجوده للتوضيح / لا يفوتكم تجربته وخاصة مع الحمص والفول .
http://lh6.ggpht.com/_3MR1xND5ImQ/S6...ge00005555.jpg

ياالتوفيق اخوي
اذا حصلته علمنا عشان نروح نذوقه ولا عزمنا عليه
وباالعافيه ان شاء الله