 |
 |
 |
||
|
|
|
||
 |
|
 |
|
|||||||
| سافر إلى المملكة العربية السعودية K.S.A تخص المناطق الجنوبية - تقارير - استفسارات |
| Tags: أبها, منتجع, الرياض أبها, الصيف في أبها, السودة, رحلة إلى أبها, رقم السياحة المجاني, سياحة سعودية, قرية سياحية |
 |
|
|
أدوات الموضوع | انواع عرض الموضوع |
17-06-2005, 04:41 PM
|
#1 (permalink) |
|
مسافر متالق
تاريخ التسجيل: Jun 2004
الدولة: الخليج العربي
رقم العضوية :6183
المشاركات: 926
|
الصيف في أبها .. السودة ... (( رحلة ))
بسم الله الرحمن الرحيم إخوتي الأعضاء والزوار الكرام السلام عليكم ورحمة الله وبركاته لا يخفى عليكم ما للنزهة والسياحة من دور إيجابي على النفس وما تضيفه على صاحبها من خبرات و معلومات ومعرفة و فائدة كبيرة تؤثر على طريقة تفكيره .. .. .. .. .. .. .. في تلك السنة قررت أنا وعائلتي بالإتفاق أن نسافر لنقضي بعض فصل الصيف اللاهب في مكان بارد ويحوي خضرة ومناظر بديعة و تاريخ و حضارة .. فوقع الإختيار على .. مدينة أبها .. وذلك حتى أهرب من أجواء مدينتي الملتهبة وشوارعها الحارّة المزدحمة و تلك الحرارة تكون أضعاف حينما أخرج من العمل ثم يكون الزحام أشده والسيارات واقفة في جو أشبه بالتنور  فيكاد المرء يجن في ظل حرارة سيارة ترتفع أيضا.. .. .. .. .. .. .. أرجع لصلب الموضوع ... حينما أحسست بالجو المنعش يسري في جسدي لمجرد ذكر إسم مدينة أبها ... حجزت إجازتي ثم حددت ميزانيتي ثم قطعت التذاكر .. وجهزت كل شيء تقريباً حجزت في قرية سياحية هناك وهي قرية السودة السياحية ولم أكن قد سكنتها أو سمعت بها لكن بعض الأقارب نصحوني بها توجهت في الوقت المحدد لمطار الملك خالد الدولي .. .. .. .. .. .. .. كالعادة تأخرت الطائرة عن موعدها ... كنا بنركب الساعة 7 ص لكن جت 7:20 ماتلكموا ... قلت أكلمهم ... .. .. .. .. .. .. .. رحت لمكتب الخدمات اللي في النصف ودار الحوار التالي بين [ أنا وهو و الثاني ] أنا من الرياض ... هو جيزاني ... الثاني .. جداوي .../ .. .. .. .. .. .. .. أنا : السلام عليكم ورحمة الله هو : وعليكم السلام ... ( كان لابس سماعات ) أيوا يا بوعلي والله روح على ....... بصراحه الرجال مشغول وفيه كم واحد أنا : لو سمحت المفروض نركب الطياره الساعة 7 وإلى الآن ما صار شي هو : لحـظـة ...!! .. يا أبو فلان وش فيها الطيارة .. الثاني : أي طيارة ...؟؟؟؟ هو : معليش أخوي أي طيارة ..؟؟؟  أنا : طيارة أبها ...!! هو : طيارة أبها ..!! الثاني : لحظة جاي .. أيوا إيش تبغى ..؟؟ أنا : الطيارة تأخرت سلامات إن شاء الله مافيه شي ..!! الثاني : والله صارت لها مشكلة في القاهرة ويقولوا هي جاية في الطريق .. أنا : يعني متى ..؟؟؟؟؟ الثاني : بصارحة لساتها مقلعة وعلى بال ما توصل .. ربك يسهل ..!! أنا : طيب والعمل ..!؟!؟ الثاني : ننتظر ونشوف إيش آخر الأخبار .. لما يردوا .. [ بعد ربع ساعة ] هو : خلاص ياخي .. باقي أربع ساعات وتوصل غصب عليك لازم تنتظر .. .. .. .. .. .. .. رجعت وأتفرج على جمال المطار من الداخل بعدين جلست وعطيت العيال خبر وجلسنا نسولف ونــــنــــتـــــظـــــــــــر فجأة تذكرت شي [ أوووووه يا ربي ... نسيت كاميرا الفيديو ] وش أسوي صحيح أني أشيل معي كاميرا فوتوغرافيه وكاميرا ديجيتال ... لكن كاميرا الفيديو - حسافة مالنا عنها غناة بعد - الطائرة باقي عليها أكثر من ساعتين تقريبا رحت أتمشى طبعا بعد ما أستأذنت من أم العيال ...  وصلت لمركز بيع ... وهو الوحيد فقط لا غير في مطار ضخم مطار العاصمة الرياض ,, وأغلب المنتجات [ غير سعودية ] المهم تجولت في مركز البيع الصغير فوجدت كميرات فيديو منوعة أعجبتني هانديكام سوني روعة خصوصا صغر الحجم حلو جدا بقد الكف    والشريط طوله بطول الأبهام باليد والعرض أحذف طرف الأبهام من المفصل  المهم راجعت الميزانية ففجرتها لأن الكميرا اللي بالبيت تعبانه ويالله الخيره كرفتها سبع سنوات هذا أنا بس .. هذا غير اللي استعاروها مني أشتريتها بـ 2260 ريال بنفس السعر برا صحيح وأنا خارج من المحل .. شوي إلا يقنعني بأن أشتري عطر مخفض جدا وهو عبارة عن دهن عود قيمته كانت بألف والآن بعد طرح الأسعار أصبح أقل من 700 ريال .. الزجاجة كبيرة ... لكن أنا ماني فاضي .. الرجال ألح علي .. أنا قلت له شوي خلني أشوف ميزانيتي .. إلا الميزانية ماتسمح أعتذرت منه ... قال خلاص أنزل 100 ريال .. قلت نعم .؟؟ لا لا .. خله عندك مع السلامه ....!! قلت الحمد لله وسرينا لأم العيال اللي ماصدقت المهم جابوا لنا فطور مجاني الأخوان في المطار لك عليه مهو ذيك الدرجه لكن بالنسبة لنا كمسافرين لا نقدم ولا نوخر وبصراحه ماخلينا شي دخلنا على المدير المناوب اللي ماقصر وكنا نطالبه بغرف للنوم ... لكن شكلهم زهموا على الطيار  وقالوا أدعس لا تورطنا الشباب غثونا لا يورطونا مع الكبار ما أدري الطيار دعس أو أنهم صرفوا رحله دوليه بصراحه ؟؟؟ اللـــــــــــه أعلم [ يتبع قريبا جدا ] |
|
|
|
17-06-2005, 05:01 PM
|
#2 (permalink) |
|
مــوقــوف
تاريخ التسجيل: May 2005
الدولة: السعودية
رقم العضوية :23263
المشاركات: 905
|
ليه أخي اللسائح العربي
حريص على الكاميرا  اذا انت تبي تصور اولادك في الشقة اقول معك حق اذا انت تبي تصورهم في الملاهي وفي المنتزهات وغيرها الله يعينك على الناس ممممممممممممممممنننننننننننننننننننننننننووووووووو ووووووووووووووعععععععععععععععععععععععععععععععع ممنوع ما أدري ليه لما نسافر داخل السعودية تصير النفس ؟؟؟؟ ثقيلة شويتين ولا احد يبي يكلمك ولا انت تبي تكلم احد اما لما نسافر للخارج فتعتدل النفس وتزين الاخلاق هذا اللي واجهته واعرفه قد اكون غلطان تدري !!! كمل رحلتك اخوي السائح العربي |
|
|
|
|
17-06-2005, 08:54 PM
|
#3 (permalink) |
|
وسام العضو النشيط
 تاريخ التسجيل: Jul 2003
الدولة: الرياض
رقم العضوية :568
المشاركات: 18,460
|
الأخ
السائح العربي بدايه رااائعه لسرد الرحله ويا ليت تذكر لنا سعر الغرفه او الشقه او الجناح اللي أخذته في قرية السوده السياحيه ولا تنسى بعد الصور اذا فيه  تسلم وننتضر الجزء القادم
|
|
|
|
|
18-06-2005, 01:29 AM
|
#4 (permalink) |
|
مسافر متالق
تاريخ التسجيل: Jun 2004
الدولة: الخليج العربي
رقم العضوية :6183
المشاركات: 926
|
تابع الجزء في الأعلى
نرجع لمكتب المدير المناوب "
= أذكر وأنا عند المدير المناوب جالس على الكنب و ولدي 3 سنوات على كنب ومن التعب نام وكان فيه شخص جدا متحمس ويتكلم مع المدير وسبب الحماس أن أمه فيها سكر وضغط وأبرة السكر بيحين موعدها وعلى أساس أنهم بيوصلوا أبها وتاخذ الأبرة هناك لكن التأخير الزايد عن حدّه أزّم المسألة ... وهو يطلب من المدير سيارة توصل أمه العجوز للمستشفى والمدير يراوغ بين قررارات المطار الصارمة ويراجع نفسه في الخطوات اللي يحاول يتخذها و خايف لا يكون الرجال ينصب عليه .... بس قال له يصير خير ... وأتوقع الرجال كنسل الرحلة و ما أدري راحت أمه معه بسيارة الأجرة ... أو على حساب المطار ..؟؟؟؟ .. .. .. .. .. .. .. أبشّركم أعلنوا طالبين من الركاب الصعود للطائرة برقم رحلة *** المتوجهة لمدينة أبها ياسلام ... النداء إذا سمعتها ترتاح نفسياً ..... خصوصاً وأنت .. تقول للحر : ودااااعــاً هو بصراحة .. مهو وداعاً .. لا .. الصحيح .. إلى اللقاء ... لأن مصيرنا راجعين راجعين صعدنا الطيارة ... كانت إبتسامات المضيفين وكبار المضيفين و مساعد الطيار .. متفائلة دليل أن الطاقم مهو نفسه اللي جاي من القاهرة السعيدة .. وألا كان تشوفهم شوي معبسين المهم ركبنا , وكنت أتفائل أكثر لما أتعامل مع مضيف سعودي رفيع الأخلاق , أكثر من المضيفة وأنسجم لما ألتقي بمضيف عربي من تونس أو أو أو .. أو أجنبي ,, .. .. .. .. .. .. .. أتذكر جلست متقابلين أنا ومضيف نفسه مريحه .. سبحان الله حسيت به كذا .. وكان يتبسم .. دردشت معه بالعربي ما يعرف .. قلبت أنجليزي .. الرجال سلك .. كملت السوالف وصرت أستكشفه وهو يسألني ومتعطش للأجوبة ومبسوط للسوالف .. المضيف طلع أسباني .. ونسولف عن حياته وروحاته ويسألني عن ديرتي وش فيها وش تشتهر به ... قريتي ... كيف الحياة والحر وأنتم أول جيتوا أسبانيا .. وقصوركم وحصونكم عندنا ومساجدكم .. إلخ ... المهم تأقلمنا مع بعض طول الرحلة وما كان يقصر بالمويه والشاي والعصير .. بزيادة .. أذكر اثناء سوالفنا مع بعض كان مضيف هندي مدخل نفسه عرض بأي سالفه ... .. بس صدقوني حتى الهندي جدا محترم ومتألّقفي نهاية الرحلة أهدينا بعض ... أعطيت الأسباني قلم حبر .. وضحكت وأنا أوجه أصبع السبابة للمضيف الهندي و أقول ... ترى القلم مصنوع عندهم .. Made in India ... تلاحظون أني طلعت برا الموضوع ... صح  صارت صولات وجولات !!!!لا تسألوني ليش ...؟؟ اللـــــــــــــه أعلم [ يتبع بعد قليل ] |
|
|
|
|
18-06-2005, 03:56 AM
|
#6 (permalink) |
|
مسافر متالق
تاريخ التسجيل: Jun 2004
الدولة: الخليج العربي
رقم العضوية :6183
المشاركات: 926
|
تابع الجزء في الأعلى
نرجع للموضوع "
= بعد ما أستقرينا مستريحين على مقاعدنا وأعلن الطيار عن إقلاع الطائرة أستوت الطائرة في كبد السماء ... بدأت أحس بالنشوة لأن التكييف بدأ يعطي برودة معقولة جداً .. .. .. .. .. .. .. اليوم الأول وصلنا إلى أبها .. أعلن عن درجة الحرارة ياسلام .. 30 في عز الظهر شي حلو بخلاف وفرق بين 30 و 46 طبعا هذا في المطار ... خرجت وتوجهت للسير لكن تذكرت أني ما شلت الشنط معي الشنط في السيارة بنقليات ***** وصلت أبها ... أنبسطت ... توجهت للباب إلا ... الميكرو باص وصل ... ركبت أنا وزوجتي وطفلي .. توجهنا للنقليات أستلمت السيارة ... وكان فيه إستراحة للنساء في مركز النقليات فحصت السيارة .. فحصت الشنط كل شيء تمام .. والتمر [ نوع صفري ] ما تأثر أبد حمدت ربي وشكرته على النعم اللي أحنا فيها ركبنا السيارة وتوجهت لأبها .... درجة الحرارة من 30 إلى 31 في الظهر عند أبها لامست الـ 28 درجة مئوية .. شيء طيب وكان الغيم يلاعبنا بظلاله كل شوي يمر يمين , يمر شمال , أو على السيارة وصلت شقق السحاب .. للأسف الصيانة تعبانه فيها ... لكن الخدمات تحت رائعة البنك .. قهوة توصل للباب .. المطاعم .. التموينات .. خصوصا بنده قريبه وفي الليل توجهت للجبل الأخضر عن طريق التلفريك  وشربت الشاي المنعنش في الجلسات الخارجية وبصراحة كانت زحمة بشكل غير معقول .. .. .. .. .. .. .. اليوم الثاني من الصباح توجهت للسودة ... يا عيني على السودة ... بدأت أحس في الطريق أننا في إرتفاع مطّرد و حرارة الجو كانت في تناقص حتى وصلت حاجز الـ 17 طبعا نحن في وقت الضحى وصلت محطتي المهمة ... قرية السودة السياحية ... طلبت شقة سويت ... أشار إلي أنها مازالت مشغولة وتوجد وحدة أرضية بموقف خاص وبلكونة بطول الشقة طلبت رؤيتها ... بصراحة حلوه ملاحظة " ليست كل الصور متوفرة .. أغلب التصوير كان بالفيديو " .JPG) الوحدات من الخارج ويوجد دور علوي البوابة الأخيرة مغلقة دائما توجد بوابة أخرى .jpg) هذه أكبر الشقق وتتسع لسبعة أشخاص و من جهة اليسار مدخل القرية .JPG) نوافذ غرفة في الشقة من الخارج من النوع المظلل لكن لا يغني عن الحفاظ على الستائر مغلقة .JPG) نفس الغرفة من الداخل مخصصة للأولاد أو البنات الشقة مكونة من مجلس يفتح على البلكونة .. .JPG) غرفة الجلوس والنافذة تطل على البلكونة غرفة النوم الرئيسيية , غرفة نوم ثانوية , مطبخ , دورة مياه .JPG) جزء من البلكونة  تصوير من البلكونة للشقة العلوية أيضا ... موقف للسيارة بسقف مظلل .. وبجانبك مسجد الشقة جدا مريحة .. لاحظت أن البلكونة كبيرة جدا وتطل على وادي به مزارع .. وتستطيع ملاحظة فندق إنتركنتننتال بوضوح حينما تجلس في البلكونة في وقت الصباح أو الظهيرة السحاب ينزل حتى يصافح صفحة جبينك ويتخلل خصلات شعرك وأنت مسترخ على الكرسي .. والشاي يكون له طعم آخر ستشعر بإحساس أكثر حيوية حينما تسمع صوت الصواعق وتمطر السماء و تسمع المطر وتحسه على راحة يدك باردا بالطبع أثناء المطر ... أفضل مكان هو الشقة وفي البلكونة بالذات أما في وقت العادي ... في النزهة حولك في السودة ستكون رائعة ستعرف لاحقاً أن كل ظهر من كل يوم هو وقت سماع الرعود ولا تستغرب إذا لم تجد حرارة في التحويلة لتطلب شاي أو قهوة لأنهم يفصلون الجهاز حتى لا يحترق من الصواعق لذا ... جهز قهوتك كل صباح من كل يوم وأجعل تموينك في البيت لا تتأخر في شراء مظلة صغيرة لصغارك فسيحسون بالنشوة وهم يمشون في المطر ... خصوصا إذا كانوا عائدين من صالة الألعاب المقابلة لشقتك .. ففيها ألعاب للصغار .. وألعاب للكبار فكما تعلم أن حبات البرد قد [ تصعرر ] برأس صغارك لذا فالوقاية خير من العلاج .. .. .. .. .. .. .. بقية الأيام لاحظت أن الطريق المؤدي لفندق إنتركنتننتال به لوحات وأكتشفت أن هناك مطار صغير لهواة الطيران قصدي لهواة القفز بالمظلة .. بصراحة المكان حلو ومخيف وكان مرتفع أو مكان سحيق الله لا يوريكم إياه عندما رجعت للشقة وذلك حينما قاربت الساعة السابعة مساءً لأني بعد الساعة 10 مساء أكون نائم فسألت موظف الإستقبال عن صلاة الجمعة أين يصلونها فأخبرني بأنه في مسجد الفندق ,, ذهبت للمسجد وإذا ماتبي تصلي داخل المسجد تعال قبل مايخطب بقليل لأن المسجد بيكون مزحوم والحمد لله أن الدنيا ماهي حر .... لكن الله يستر لا ينزل البرد على روسنا رجعت للشقة وأخبرني أن فيه سويت فاضي الآن فطلبت نقل عفشي العصر للشقة , فحجز الشقة وكانت شقق السويت في الدور الثاني .JPG) .JPG) الصالة .JPG) نافذة الدرج أثناء صعودك للدور الأول أما الدور الأول فكان فيه مكان هادئ لمن يريد الجلوس لوحده .jpg) جلسات معزولة للعوائل .jpg) الجلسة من الداخل تطل على الشارع الرئيسي بإمكان الشباب الجلوس فيها لأن مافيه إقبال عليها وكان فيه متحف حلو .jpg) أساور و خواتم و رشارش وغوايش و خماخم وخناجر إلخ  خيمة شعر أثريّة .jpg) مجلس أثري , جب القهوة معك أو شب الضو .JPG) صدر المجلس .jpg) هذه الخيمة بجانب المطعم .. هذا الباب المفتوح نص فتحة الملبس بالسدو هو طريق الدخول للخيمة ,, وبكلامهم تستطيع أن تحجز الخيمة كاملا أنت وأهلك للعشاء .. [ يتبع ... أعذورني ممكن أتأخر ] |
|
|
|
|
18-06-2005, 07:27 AM
|
#7 (permalink) |
|
مسافر خبير
تاريخ التسجيل: Nov 2004
الدولة: انا في الرياض الفاتنة
رقم العضوية :15975
المشاركات: 3,926
|
ٍسرد رائع وجميل للقصة ويعطيك العافية السائح العربي
بس انا مستغرب في ناس تشكو من تأخر الطائرات اما انا ما قد حصلت لي وانا اقل شي اسافر خمس مرات في السنة بالسعودية بس طائرات الباحة وأبها هي فعلا اكثر شي يتأخر من الشكوى مع انها ما قد حصلت لي لانها تعتمد على الاحوال الجوية في المنطقتين هذه اذا الهبوط فيها صعب اذا كان الجو صافي كيف اذا كان فيه غبار ولا غيم ولا مطر |
|
|
|
|
27-06-2005, 06:18 PM
|
#13 (permalink) |
|
مسافر متالق
تاريخ التسجيل: Jun 2004
الدولة: الخليج العربي
رقم العضوية :6183
المشاركات: 926
|
أهلا و سهلا أخوي .. زياد2010 .. ليش حريص على الكميرا ؟؟
أخوي أول الناس كانوا يوثقون رحلاتهم بالكتابة ولا زالت لكن الآن العجز أصبح هو سمتنا في الكتابة .. فأصبح توثيق الرحلات أو النزهات أو الحفلات بآلة التصوير أسهل وبعدين شئ أكيد لما يتدخل الشخص في خصوصيات الناس بيكون أمر ممنوع أو لما يدخل المدن الترفيهية , يتمركز في مكان ويصور نساء المسلمين بالتأكيد هذا أمر ممنوع ... وممنوع لكن التصوير العادي و تصوير الطبيعة و العام أظنه غير ممنوع وهذا شيء جربته وجربه الجميع وبالعكس النفس ماهي ثقيلة .. أنا أحس الأمر نفسي لا أكثر وما أظنك غلطان بالتأكيد واجهت سوء فهم من الناس وتحياتي لك |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 02:37 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||