الموضوع: دراسة اللغة الانجليزيه في استراليا هل من مجيب

السلام عليكم ..
كيف الحال للجميع ..
يا خوان عندي بعض الاستفسارات عن دراسة اللغة الانجليزيه في استراليا ..

- المعاهد كم تكلف بالشهر دراسه فل تايم .. ؟
- جنسيه المدرسين ..؟
-تكلفه السكن مع عائله بالشهر .. ولو استاجرت شقه أحسن وكم تكلف.. ؟
-المصروف التقريبي كم يحتاج بشهر .. ؟
- أفضل مدينه ..
تـ ح ـيتي للجميع

عزيزي .. واثق الخطوهـ

يمكنك اخذ لفة في بوابة التعليم .. هناك الكثير من الاجابات على استفساراتك

تقبل تحياتي

بسم الله الرحمن الرحيم
شوف حبيبي خذ الكلام من واقع تجربة حلوة عشتها فيي استراليا وخصوصاً في شرق استراليا في ولاية كوينزلاند وتحديداً في العاصمة (( برزبن)) هناك معهد قوي جداً يدرس نظام كامبريدج وممتاز ودولي في معظم مناطق العالم وهو معهد LSI وهذا موقعهLanguage schools language courses learn English French German Spanish Italian Russian هذا فيه جميع الدورات المطلوبة والسعر إضافة الى السكن يعني كل المطلوب منك تدخل مدة الدورة ومدة السكن وبعض الخدمات اللي تبيها ويعطيك التكلفة كاملة ووالله تراها رخيصة جداً مقارنة بأمريكا وبريطانيا وكندا وفيها أمان وتعاملهم قمة وناس مثقفين وواعين وفيها الأكل الحلال بكثرة يعني لاتشيل هم كل شيي موجود ولله الحمد. وزيادة الخير خيريين هذا موقعhttp://www.share-accommodation.net للسكن مع عوائل وعزاب طبعاً الشغلة اختلاط وهذي حلاتها لتعلم اللغة بسرعة
واجاراتها رخيصة يعني بتسكن في شقة فخمة ومعك 2-3 اشخاص في وسط البلد بسعر رخييص جداً جداً جداً وتفتك من المواصلات والبهذلة لأن كل شي متوفر في وسط البلد من مطاعم وجامعات وأسواق وغيرها .ونصيحة ادرس 24 ساعة = intensive 24 وهذي مكتف ولا تفكر تدخل مكثف جداً ييعني 30 سلعة لأن فيها ضغط عليك بقوة وراح تمل بسرعة وماتستفيد ولا تنسى اللغة يبي لها ممارسة من المعهد والزملاء والشارع والمخالطة والراديو ووووووووو..........................
بالنسبة للمدرسين هذا المعهد كلهم استراليين وبريطانيين فقط ولا تنسى ان استراليا مستعمرة بريطانية وما زالت يعني انت كنك في بريطانيا بس ارخص واستراليا هي رقم 3 في اللغةالإنجليزية وقوة الجامعات بعد بريطانيا وأمريكا ولا زالو يتعاملون بالدولار البريطاني للآن وعليه صورة الملكة اليزابيث ملكة بريطانيا.
المصروف الشهر هذي ترجع لك , اذا كنت راعي فلة ووناسه وسفريات للقولد كوست تقريباً 100 كيلو من برزبن بالقطار
تحتاج 2000 -2500 دولار تقريباً هذا وانت مبذر لكن اذا انت حق دراسة وتحب الإستقرار يعني مافي شيكي بيكي بيكفيك 1000-1200 دولار طبعاً شاملة السكن والأكل والمصروف وبعدين ترى سعر الدولار الأسترالي يتغير يعني من اغسطس الى ديسمبر يوصل سعر الصرف 1 $ = 3.30 ريال وفي باقي شهور السنة 1$ = 2.90ريال.
أفضل مدينة بقول لك برزبن لأني عشت فيها واعرفها من كل النواحي . وتقدر تخش على موقع ولاية كوينزلاند من خلال قوقل. وللمعلومية هناك طلبة سعوديين حولو دراستهم من امريكا وبريطانيا ونيوزلندا الى استراليا وحبو استراليا واستانسو فيها , وبعدين فيها 3 مساجد وفيها تجمعات يحبها قلبك وخصوصاً في رمضاو والفطور فيها والتراويح والقيام ولا حد يتدخل فيك مررررررره ارجو اكون قدمت شي بسيط لك وانا في الخدمة

الاخ ناصر حسين
معلومات قيمه وجميله

لكن انت تقول المصروف من 2000-2500 دولار

هذي بالدولار البريطاني ؟؟؟
ولا الدولار الاسترالي ؟؟؟

ماقصرت والله اخوي ويعطيك الف عافيه بس الي يبي يسكن مع عائله مثلا وهل السكن مع العواءل مثل امريكا وبريطانيا

اشكرك اخوي واقوووول لك اجاابه شافيه

الله يعطيك العافية ناصر حسين