المشاركة الأصلية كتبت بواسطة ساااعااات

بسم الله الرحمن الرحيم

أخواني وأخواتي أعضاء وعضوات منتدى العرب المسافرون

أتمنى أحد يفيدني في رحلتي هذي لأني محتااااااااااااج لمساعدتكم


وسامحوني لأني راح اثقل عليكم


انا رايح الصين ولاول مرة انا وأحد اصدقائي وطالع عشان ابي أشتري أثاث لشقتي الصغيرة عشان زواجي قريب ان شاء الله عقبالكم يارب

وعندي بعض الاسئلة ياليت تجاوبوني عليها جواب كافي عشان ارتاح لأني مرة قلقان



الرحلة بعد اسبوعين من الآن ان شاء الله

جدة - الرياض - هونج كونج

هونج كونج - الرياض - جدة

على الخطوط الجوية العربية السعودية


مدة الرحلة 7 أيام واول ما اوصل هونج كونج بأروح كوانزو وباسكن الاسبوع هناك




أسئلتي هي :

1- بعد كم يوم بتوصلني الدعوة ... آخذ الدعوة واروح القنصلية عشان استخرج فيزا .. وش هي المتطلبات ووش نوع الفيزا اللي اطلبها ؟؟ سياحي ؟؟ وكم تكاليفها ؟؟ وكم يوم تاخذلها ؟؟


2 - كيف الجو راح يكون بكوانزو بعد اسبوعين عشان اعرف نوع الملابس اللي اخذها .. وايش الاغراض اللي تنصحوني اخذها معاي من هنا ؟؟


3- انا رايح ومعاي حدود ال 15 الف ريال .. وين احول الفلوس هنا والا هناك .. واحولها لأي عملة .. واخلي الفلوس كلها معاي عادي امان والا احطها في الحساب واسحب من هناك والا كيف ؟؟


4- اول ما اوصل مطار هونج كونج وش راح يقابلني هناك وهل ممكن تواجهني اشياء او أسئلة غير متوقعة بالمطار ؟؟


5- وش اسهل واحسن وسيلة من مطار هونج كونج الى مدينة كوانزو ومن وين ؟؟ وكم سعرها ؟؟


6- وش احسن وسيلة تنقل للاسواق في كوانزو ؟؟


7- وين احط اغراضي المهمة .. مثلا اللاب توب .. عادي اخليها بالشقة أمان والا وش اسوي فيها

وكيف استخدم الانترنت لو معاية كونيكت

ولو مثلا ابي اروح للمساج .. وين اخلي اغراضي . عندهم اماكن خاصة ؟؟ وهل هي امنة والا كيف الوضع لا تنسون ان معاي مبلغ ؟؟


8- سمعت ان ممكن لو ابي اشتري غرض معين ادفع لهم 10 % عربون وبعد ما ارجع للسعودية ارسل للمكتب المبلغ الباقي والمكتب راح يقوم بالباقي ويرسلونها لي .. هل صحيح هالكلام وياليت احد يشرح لي الطريقة بالاضافة للفواتير وش اسوي فيها مثلا ؟؟


9- انا راح اشتري اثاث لشقتي الصغيرة ( غرفة نوم ومكتب وصالة وصالون واكسسوارات واواني مطبخ )

وش حجم الكونتينر اللي اخذه وكم سعره وهل لو كان الكونتينر كبير علي زبون ثاني من المكتب يشترك معاي فيه

والا كيف ؟؟ عشان ابي اوفر بصراحة قد ما اقدر !!

10 - كم راح ياخذ مني المكتب بشكل عام تقريبا يعني المترجم وووو ووش الخدمات اللي يقدمها لي ؟؟


سؤالي الأخير وش الاشياء اللي تحذروني منها هناك وكيف الشعب بشكل عام ؟؟؟



اعذروني على الاطالة بس والله اول مرة اسافر لدول شرق آسيا وانا رايح عشان أأثث لشقة العمر لان زواجي قريب ان شاء الله .... عقبالكم يااااااااااااااااارب


اتمنى انكم تفيدوني بالتفصيل لاني والله محتاج لوقفتكم معاي


يعطيكم العافية