 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالكويت. |
 |
|
|
أدوات الموضوع | انواع عرض الموضوع |
07-11-2009, 12:18 AM
|
#1 (permalink) |
|
مسافر متالق
تاريخ التسجيل: Apr 2008
الدولة: بين " مد / جزر "
رقم العضوية :180369
المشاركات: 1,053
|
مالهاحدود في:معرض الكويت34 للكتاب (قصه ورحلة)
بسم الله الرحمن الرحيم (قصه طويله في رحله قصيره)عنوان هذا التقرير والذي يؤمن بالمقوله (ان تأتي متأخراً خيراً من ان لاتأتي)  معارض الكتاب الدوليه ومعارض الكتاب بشكل عام اصبحت هاجسي مؤخراً لأسباب لن آتي على ذكرها  فبدايه مع معرض الرياض الدولي للكتاب الذي كان في شهر3 من العام الجاري (اذكر ان الفرصه حصلت لي ولكن موجة الغباااااار الغريبه الهايله اللي صابت الرياض هي مامنعني! وقلت خيرها بغيرها) ثم مؤخراً تقريباً اواخر ايام عيد الفطر,مع مهرجان الايام للكتاب-البحرين (فرحت بإقامته ..وبأني سمعت عنه ..ولكن يافرحه ماتمّت..صار فيه ظغط شديد وإغلاق او تصليح في مسارات الجسر....فأكيد وطبعاً قلت خيرها بغيرها) ثم بحثت في النت عن معارض الكتاب القادمه ولقيت معرض الكويت الـــ34 أول القائمه معرض الكويت الدولي (ش.م.ك) وأكيد كالمعتاد فرحت فرحتي,وارتقبت موعده ولما حان الوقت.. خفت من الظروف المفاجئه..وفي نفس الوقت عقد العزم على ان "الثالثه ثابته" لكن هناك شبه معضله الا وهي لايوجد عندي وقت! إلا اني اروح وارجع في نفس اليوم  (للمعلوميه من الشرقيه)(الدراسه..الله يهوّنها ماتركت لي مجال) المهم انه توكلنا على الله في هذا اليوم   28-10-09 الخميس ونحن 4 اشخاص 2ك 2ص وطبعاً عدتي معاي   لا احد يقول شي عن جوالي .. ادري انه قديم  اترككم مع صور الرحله  وقفنا عند هالمحطه-الخفجي وهي متنوعه على عكس الاغلبيه دخلنا الكويت وكان الوقت ظهراً ولكن الجو كان أكثر من رائع حيث لاشمس ثم فاجئتنا بشاير الخير, رشة مطر (ياه يالمطر ..أشواق لم ولن تنتهي)  تشوف الصوره ومايجي ببالك انه ظهر. ثم شفنا هالزحمه اغلب الظن انه وقت نهاية الدوامات  ولما دخلنا لابد من صرف العمله في سوق المباركيه ولابد مني ان ازور (مطعم بوابة الشاميه) عالسريع عالسريع آخذ الطلب وأمشي لأني كلمته قبل اوصل يجهّز الطلب  هذا موضوع مستقل عنه مطعم بوابة الشاميه (اللي احبه) ثم توجهنا الى منطقة مشرف مباشره كسباً للوقت (كلها كم ساعه,فما اقدر الف لايمين وولايسار )كان الوقت 4 عصراً وكان الجو أكثر أكثر من رائع ومذهل (اذكر كلمتني أمي حبيبتي وقتها تطمن علينا,وكان فيه رشة مطر فسألتها إذا جاهم شي ولا حاجه؟ وبشّرتها ببشاير الخير)من الطريق  والوان الشمس الآآآآســــــره    قابلتنا هالكليه  ثم لاحت لنا هذي اللوحه  واللي ماتدخل معاها المكان بالظبط خلفها راح تلاقي مدخل للسيارات ثم مواقف  وبسم الله دخلنا وتذكرت فرحتي واني اخيراً في معرض للكتاب!  ومقتطفات مع الدور الناشره  وهنا شفنا قناة الوطن  وهذي مذيعتهم   وهنا سبحان الله كنت اسئل الموظفه عن كتاب معيّن وقالت لي مافيه, وخليتها تلف الستاند اللي خلفها,وحصلته بكل وضوح  وهنا قسم اللوحات والفن التشكيلي   وصوّرت اللي اعجبني منهم وحتى تشوفهم اختي,لانها رسامه  وهي صوره كويتيه بحته   حبيت هذي الصوره حسيت انها تعني الكثير   وهذي بعد صوره من الكويت وللكويت    اما هذي حبيتها جداً واحبها ذكرتني بسوق الخميس - النعيريه وماشاء الله مظبوطه ظبط.. وتجسيد للواقع  هذي احسها صوره وبراءه تفوق الوصف! لـ الفنانه تهاني ابراهيم   اما هذي فأختي اُغرمت فيها  تحسون مافيه مقارنه بين الصور اعلاه وبينها وهي الوحيده اللي بالرصاص! ثم  ركن الصحف تفظل خذ نسخك المجانيه ** بعد الانتهاء من التجول في المعرض وفي تمام الساعه التاسعه خرجنا للتنزه بالقرب ..فكانت هذه الصور ** (يعني من حظ الصغار انهم لقو شي يتسلوون فيه )    اخواني مايمدحونها يقولون ماتخوّف  اعججبني شكلها (دوده وتفاحه) اخاف بكره يبتكرون (سوسه وضرس!)   وهذا شكل المعرض من الخارج وهو مكوّن من 3 قاعات..يحملون الارقام 5-6-7 ** ثم توكلنا على الله ومسكنا الخط ** وهنا القمر ذيك الليله كان غير! وماكان علي الا متابعته طول الطريق والغيوووم اللي تمر عليه( فجراً)      * أكيده انكم تحسون ان فيه حلقه مفقوده وان هناك شيئ اساسي وجوهري لم يُذكر  بكره ان شاء الله اكمل لكم .. وقتي مايسمح الآن تصبحون على خير  |
|
|
|
07-11-2009, 01:52 AM
|
#4 (permalink) |
|
مسافر متالق
تاريخ التسجيل: Jun 2009
رقم العضوية :261117
المشاركات: 728
|
مبدعة دائما اختي الكريمة
اعجبني تصوير دفتر الملاحظات ! وجلست افكر بمعنى 2ك و 2ص !!! معذور الساعة 1.49 بعد نص الليل ..يعني التفكير شبه متوقف  بعد 10 ثواني عرفت معناها  بانتظار بقية التقرير دمتي بخير دائم |
|
|
|
|
08-11-2009, 10:56 AM
|
#9 (permalink) |
|
مسافر متميز
تاريخ التسجيل: Apr 2008
الدولة: الكويت
رقم العضوية :183252
المشاركات: 266
|
الحمدالله علي السلامه أختي مالها حدود والله عيشتينا في جو معرض الكتاب وانا من عشاق الرسم وأعجبتني اللوحات الجميله الي شفناها بتقريرج ومشكوره عليها يالله شدي حيلج ناطرين الي ناقص في التقرير تقبلي تحياتي |
|
|
|
08-11-2009, 12:04 PM
|
#11 (permalink) |
|
مسافر خبير
تاريخ التسجيل: Feb 2009
الدولة: الرياض
رقم العضوية :242191
المشاركات: 2,125
|
ماشاء الله تقرير حلو بحلاوة روحك اختي مالها حدود المطر بالكويت نكهة ثانية وسبحان الله الكويت بالشتاء اكثر الايام مطر الله يزيد ويبارك وبرددددددها شديد لايوصف متابعة معاكي يعطيكي العافية |
|
|
|
|
08-11-2009, 05:43 PM
|
#13 (permalink) |
|
مسافر متالق
تاريخ التسجيل: Apr 2008
الدولة: بين " مد / جزر "
رقم العضوية :180369
المشاركات: 1,053
|
مساكم خيـــر اسعدني وافرحني تواجــدكم جميعــــاً مسلمه لله هلا بجده هـــــــلااا << واحشتها الجلسه هدوء الكون هلابك الله يمتعك بالصحه والعافيه تصدقين منزود فرحتي .. حطيت الموضوع في العامه عثمان اسعدني تواجدك بحق اما سالفة ال2ك 2ص مدري وشلون طلعت مني لحظتها  لافندر الكويت..حبيبتي والحصيله جايتك بالطريق جود ياجود اسعدتني طلتك ياغاليه << تنتظر يعطونها قصيده صعبه  الله يسعدك .. احس ان كلك عطاء بوفهد الله يجزاك خير على الكلام الطيب مايحتاج الكويت..بيتي الثاني ابومحمد فهد شاكره تواجدك ومعرض كتاب الكبار علي.. والصغار عليك.. وش رايك؟ (شكلك على إطلاع بلأمر) المهاجر مافيه (انا من عشاق الرسم) والسلام! نطالبك برسمه والله يسلمك من الشر مبارك بوفهد شاكره تواجدك التكمله الآن ان شاء الله ياسمينه ستي روحك وتواجدك هم الاحلى الكويت رائعه .. بس شمسها في بعض الاحيان تكون احرق من حارقه (احسها عموديه!) البمبينو هلا ومرحبا الحين اكتبها |
|
|
|
|
08-11-2009, 08:34 PM
|
#14 (permalink) |
|
مسافر متالق
تاريخ التسجيل: Apr 2008
الدولة: بين " مد / جزر "
رقم العضوية :180369
المشاركات: 1,053
|
Last part
اولا المفروض اني كاتبه التكمله امس ولكن صار ظرف كدّرني على الآخر ..والحمدلله اليوم انفرجت وكما قلت لكم ان هناك حلقه مفقوده طيب رحت وجيت ووش اللي شريته؟ ووشهي الحصيله او لايكون اني رايحه للفُرجه  راح ابدي معاكم من الأول قبل الحصيله سلمكم الله انا انعطيت مبلغ وقدره 30 ك د قابل للزياده وبما انك تحمل فلوس غير عن فلوسك وحسبه غير عن حسبتك فتحس ان المبلغ قليل وان ال30 دينار في عينك وكأنها 30 ريال (مع شوية مبالغه) والمهم انك ماتحسبها صح وتبذّر وكنتيجه للكلام السابق خلّصت ذيك الفلوس وزدت 15.200 ك د (للمعلوميه:صرفت الف واعطوني للميه 7.625 بعدها غيّرت رايي وقلت ازيد ميتين فأعطوني بـ7.600) نرجع لموضوعنا وللحصيله اللي طلعت بها 24 كتاب مابين عربي وانكليزي (صورتهم كـ لِست) العربي: ماهو عربي وماهو مترجم من الأدب العالمي (قلت ازيّن مكتبتي فيهم )والانكليزي: الاغلب اعمال ادبيه ومتفرقات وهناك كتب اعتبرها خلاصة مشترياتي الا وهم: (4) الغاضبون في الأدب - دار ابن كثير - 1.500 ك د  قلت اشوف ليه غاضبون تبون اعطيكم نبذه عن اسماء هالغاضبون ذول؟ أحمد شوقي أمل دنقل العقاد اللورد بايرون الهمذاني تأبط شرا تولستوي (صاحب الحرب والسلام) غوستاف فولبير (صاحب مدام بوفاري) جونثان سويفت (صاحب غوليفرز ترفلز) دستوفسكي (صاحب الجريمه والعقاب) محمود درويش موليير (صاحب الدون جوان ) و يوميات خادمه في الخليج - دار الساقي - اظن 2 ك د  شدني اسمها و معسكر الأرامل - العبيكان -1.500 ك د  هذي الروايه كنت مسجلتها عندي وكذا مره سئلت عنها المكتبه وما حصتلها فـ الحمدلله اني لقيتها عندهم موقع جدا جدا مفيد (الحين معطل مدري وش فيه! هو obeikanbookshops.com) من خلاله تحدد الكتب اللي تبيها وبالأسعار بعد لكن المشكله في الحصول عليها (وكأنها ظريبه يعني )و ملائكة الجبل الأخظر - دار الربيعان - 2 ك د  انجذبت لها بلا اي تردد عُمانيه وحسيتها واقعيه! يقول في الأهداء كاتبها عبدالله بن محمد الطائي: " إلى الجيل العُماني الحاضر الذي يحني رأسه للمأساه,مأساة الشعب العربي في عمان,فيعيش في عزة نفسيته وذل واقعيته سواء كان داخل الوطن أو المهاجر التي آوتنا. إلى الشعب العُماني الذي جارت عليه المترديه والنطيحه وما أكل السبع فقاوم هذا الجور بالكفاح في سبيل العيش والصمود من أجل الكرامه. أقدّم هذه القصه سجلا للحاضر المظلم ودعوه للمستقبل المشرق,مستقبل عمان كجزء لايتجزء من الوطن العربي الأكبر" * الأهداء من الطبعه الأولى(1965) ويعبر عما انتاب الوطن العربي العماني في تلك الفتره من اوضاع. الطبعه الاولى 1965 بيروت الطبعه الثانيه 2009 الكويت سعيده بأقتنائي لها صوره للـ روايات المترجمه اللي شريتيها - دار البتراء 11 (اسعارهم من 1 - 1.500 ك د)  وباقي (أحدب نوتردام - هوجو) أكتشفت انها سقطت مني سهواً وماشريتها صوره لباقي الكتب  وإذا بتعدون الكتب فمجموعهم 23 واحد اعطيته صديقه (Lord Jim by Joseph Conrad ) .. .الدكشنري الاصفر (حق اطفال ولكنه اكثر اكثر من رائع) علشان كيذا استرخصت الـ6 ك د فيه .Beowulfهذي جاني حنين لها .. تذكرت مامضى من سنين! (أول قصيده في الادب الانكليزي واطولها حيث تبلغ 3000 سطر ) بـ 4 ك د مع audio cdThe history of E.Lang.f بـ 4 ك د مع audio cd tooPygmalion.g ( ) بـ 1 ك د هي والباقين A Room of one`s own and The Time Machine Tell Me a Story.h كتاب للأطفال استظرفته وشريته بـ 2.500 ك د صوره لهم مع بعض بشكل عام  هم اللي على اليمين اما اليسار فهي كتب سابقه بس وشرايكم بالورده اللي بالنص؟ تحسون ضايعه بينهم سوالف قبل النهايه: .احس اني تكلمت كثير  .معرض الكويت خلص امس .. ويوم الاربعاء 11nov -21 بيفتتح معرض الشارقه الدولي للكتاب وهذا موقعهم هنا .كان من دواعي سروري ومن دواعي ذهابي للمعرض:البحث عن رواية الطريق إلى كراتشي لـ هيثم بودي,ولكن لسوء الحظ المسمتر مع هذه الروايه لم اجد لها لا أثر وولا ظل وهذا موضوع سابق تعرفون رواية (الطريق الى كراتشي) ؟! .منطقة مشرف,واللي فيها المعرض,منطقه جميله جدا جداً! هاديه وحلوه واحس انها على بحر,بس ماشفت بحر (قولوا لي اذا تطل عليه ) مقرره ازورها مره ثانيه بأذن الله.طلب:الله يجزاكم خير اللي عنده كتب تشمل على روائع الأدب العالمي مترجمه يعطيني اسمائهم,لأني احب الكتب من هذي النوعيه (=كتاب فيه اعمال ادبيه عالميه متنوعه- روايات) .اي استفسار عن اي شي .. Feel free to ask me,I`m under your control f وخـــــــلاص خِلصِت الحِكـــــــــــــايه |
|
|
|
|
| الكلمات الدلالية (التصنيفات) |
| للكتــاب, مالهـاحـدود, معـرض, الرابع و الثلاثون, الكـويت |
«
مطعم بوابة الشاميه ( اللي احبه )
|
رحلتي (أمل الإمارات) الى دولة الكويت الشقيقه ... ((تقرير كااامل))
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 12:21 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||