 |
 |
 |
||
|
|
|
||
 |
|
 |
|
|||||||
|
|
أدوات الموضوع | انواع عرض الموضوع |
06-06-2005, 02:41 PM
|
#1 (permalink) |
|
مشرف الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,713
|
معلووومات عن دنفر - كولورادو
السلام عليكم
شلوونكم .. عساكم بخير مدري اذا حد حط الموضوع هذا من قبل ولا لا ؟؟ بس انا دورت وماحصلت .. فاسمحوا لي اذا طلع الموضوع مكرر .. المهم .. انا عندي دورة في دنفر شهر 7 ان شاء الله حابب اسأل شنو احسن خطوط طيران اسافر عليها من الدوحه (قطر) الى دنفر وشنو احسن الفنادق اللي اسكن فيها .. وخصوصا في مدينه اينجل وود (Englewood) شنو الاماكن الترفيهية اللي موجوده هناك ؟؟ السينمات ... المولات ... اي شي تقدرووون تساعدوني فيه ... شاكر لكم مقدما ... واتمنى منكم المساعدة ... اسيرالدوحه |
|
|
07-06-2005, 02:39 PM
|
#4 (permalink) |
|
مسافرجديد
تاريخ التسجيل: Apr 2005
رقم العضوية :20813
المشاركات: 56
|
والله طال عمرك دنفر وين ماتروح ترفه عن نفسك من خلال الطبيعه
وبخصوص السينما فكل مكان فيه سينما مبنى خاص او ضمن مجمع تجاري وفيه مدن ترفيهيه مثل إلتشز السكس فلاقز تشترك بمبلغ تقريبا 40 دولار ويصورونك ويعطونك بطاقه فيها صورتك بالكمبيوتر طبعاً في الحال يسوونها وتكون مدتها البطاقه حسب علمي اخر مره ست شهور وهذي موقعها قريب من الجامعات في الداون التاون يعني معظم المعاهد والجامعات حولها وبقلب المدينه يعني مشي تروح ماتحتاج ليموزين بس اذا بتاكل فيها تقريبا غالي حبتين ... واما المجمعات فحدث ولا حرج وين تروح تلقى عندك اراوا مول وباكنج هام سكوير وعندك مطاعم عربيه اذا حاب تاكل طبخ عربي مثل شاورما  او كباب .. بس شغل محترم ....عندك مثلاً مطعم القدس وعندك مراكز عربيه في شارع باركر قريب من منطقة ارورا وفيها جامع كبير الشارع هذا في مركزين عربيين ومسجد ... وفيه بشارع كولورادو البقاله العربيه ومركز الشرق الأوسط وفيها بطايق تلفون اذا بتكلم دولي ويرشدونك على افضل بطاقه مخفضه تكلم فيهاطبعاً المدينه طبيعه خلابه ... ولكن حذاري تروح الداون تاون بالليل متأخر لان فيها اجرام شوي واذا عندك سياره حاول تخلي ازرار الابواب مسكره .. حاول تبتعد عن جنوب المدينه فيها اجرام على خفيف .... اول ماتوصل هناك .. ممكن يصادفك اعصار في منطقة المطار ... انا رحتها في 2001 بعد اليوم اللي وصلت جا اعصار كسر بعض الطيارات طبعا ماكان فيها ركاب ... المنطقه اللي فيها المطار مرتفعه ودايم يصير فيها اعاصير وفي غرفه بالمطار اذا فيها اعصار يعني هناك الجو ماتقدر تخمنه .. بس جوها حلو بس انتبه للحوادث الطبيعيه ... هنا بالسعوديه او قطر تخاف يطلع لك بعير والا شي هناك في الطرق السريعه مثلا لو بتروح ولاية نيفادا انتبه يطلع لك دب تجيب العيد فيه او غزال او ثيران .... يعني هناك حيوانات وفيه حيوانات مفترسه ولازم تطلع اي مكان يكون معاك شي يدفيك لو تعطلت السياره او شي يعني لابد تكون معك بطانيه في السياره ولازم تسمع الرادو دايم اذا انت طالع مشوار بعيد شوي علشان اذا انت في السياره وبتصير فيضانات او اعصار او شي يكون تنبيه .. واحيان كثيره ينبهونك عن الثلج الاسود ... الثلج الاسود هذا ماتشوفه يكون لونه مثل الاسفلت اذا مريت عليه تزلق السياره وتنقلب لاسمح الله .. كثير سعوديين الله يرحمهم توفوا بسبب الشي هذا والحقيقه الوقت مايسعفني كثير ياليت تراسلني على البريد الخاص وافيدك اكثر |
|
|
|
07-06-2005, 03:05 PM
|
#5 (permalink) |
|
مشرف الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,713
|
هلا بنت الصقور
عطيني المعلومات اللي عندج عن دنفر ... وخصوصا المطار ... وتأجير السيارات ... لأني افكر بعد ماخلص الدورة .. استأجر سيارة وانزل اوكلاهوما وتكساس ... وبعد ابي اعرف رأيج في فكرة السفر من مطار دالاس على البريطانية ... ولا اطلع من شيكاغو ؟؟؟ هم بعد على البريطانية ....
|
|
|
|
12-06-2005, 09:12 AM
|
#6 (permalink) |
|
مشرف الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,713
|
هلا خيو بو سعووود
مشكوور اخوووي على المعلومات القيمة .. بس اخوي انا رايح شهر 7 .. يعني المفرووووض فالصيف .. المفروض يكون الجو اما دافي او حار ... وانا رايح هناك دورة اسبوعين ...
|
|
|
|
12-06-2005, 09:29 AM
|
#8 (permalink) |
|
المستشارة الإدارية
تاريخ التسجيل: Nov 2004
رقم العضوية :16208
المشاركات: 6,061
|
كولورادو عموما ولايه جميله جدا و معروفه بطبيعتها و برودة جوها لأنها منطقه مرتفعه .. و أحلى شي فيها و اللى عجبنى هو مطار دنفر
أماكن التمشيه فى دنفر: 1- ملاهي سيكس فلاغز Six Flags 2- جبال الروكي Rocky Mountains 3- دنفر زوو Denver Zoo 4- لاريمر سكوير ... شارع تسوق و مقاهى و مطاعم 5- تشيري كريك مول Cheery Creek mall ... مركز تسوق راقى و كله ماركات 6- سكستينث ستريت شوبينغ 16th street mall .. شارع كله مطاعم و محلات تجاريه فى الداون تاون 7- أرورا مول Aurora mall .. مركز تسوق كبير بس قديم 8- سيتى سنتر أرورا City Center Aurora .. مركز تسوق حديث 9- بارك ميدو Park Meadows .. مركز تسوق ضخم 10- كاسل روك فاكتوري أوت ليت Castle Rock Factory Outlet.. سوق للبضائع المخفضه .. و كبير جدا 11- فلاتيرون مول Flatiron mall .. مركز تسوق ما بين دنفر و بولدر .. جديد و كبير 12- كولورادو ميلز مول Colorado Mills mall .. مركز تسوق جميل و كبير بالنسبه لتأجير السياره .. بيكون من مطار دنفر ، جرب شركة ألامو Alamo تكون عندهم سيارات صغيره و رخيصه .. ضروري يكون عندك لايسن دولى و تاخذ فل انشورنس ، تأمين كامل .. و طبعا يسألونك تبى تشتري البترول (You want to buy the fule) قول لا .. إذا اشتريته عليك انك ترجع السياره مفوله .. السياره أصلا يعطونك اياها فيها بترول يعنى لا تحاتى ، و جذيه بتكون على راحتك ترجع السياره مثل ما أخذتها .. بالنسبه للطرق .. لازم تعرف الدايركشن عدل لأنه يضيع شوي .. الشوارع الأساسيه فى المدينه I-25 interstate يقطع المدينه من الشمال إلى الجنوب ، I-70 interstate يقطع المدينه من الشرق إلى الغرب ... و عليك تفادى ساعات الذروه من السابع حتى التاسه صباحا , من الرابعه حتى السابعه مساءا |
|
|
|
13-06-2005, 12:05 PM
|
#9 (permalink) |
|
مشرف الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,713
|
مشكووووووووووووووووورة خيتو بنت الصقووور
ماقصرتي ولا هنتي خيتو بس . مدري وشرايج في شركة الطيران ؟؟ الهولندية ولا البريطانية ... الهولندية اطلع من الدوحه لين امستردام بعدين الى شيكاغو واخر شي دنفر .... والرجعة نفس الشي اما البريطانية ... الدوحة لندن دنفر ... والرجعة نفس الشي .. بس لازم ابات ليلة على حسابي في لندن ... وشرايج ؟؟؟ انا والله محتار ... |
|
|
|
14-06-2005, 07:11 AM
|
#10 (permalink) | |
|
المستشارة الإدارية
تاريخ التسجيل: Nov 2004
رقم العضوية :16208
المشاركات: 6,061
|
اقتباس:
|
|
|
|
|
05-07-2005, 12:00 PM
|
#12 (permalink) | |
|
المستشارة الإدارية
تاريخ التسجيل: Nov 2004
رقم العضوية :16208
المشاركات: 6,061
|
اقتباس:
|
|
|
|
|
08-07-2005, 08:12 AM
|
#13 (permalink) |
|
مسافرجديد
تاريخ التسجيل: Jul 2005
الدولة: الإمارات
رقم العضوية :31008
المشاركات: 5
|
نصـــــــــــــــ من الأمـــــــ و أمها ــــــريكية ـــــــــــــــــئح
السلام عليكم 1- بالنسبة للدورة أذا كنت تبغي تستفييد فعلا لازم تداوم و تحل الواجب أول بأول...لأنك تركت الدوحة و الأهل من أجل هذا الهدف (و نتمنى لك التوفيــــــــــق) 2- بالنسبة للمولات كثيرة جدا ...و أعتقد أن بنت الصقور كفت و وفت...نصيحة : لا تذهب إلى المولات إلا للحاجة القصوى ..لانها مضيعة للوقت و المال(لتتمتع بالطبيعة)  3-يوجد مسجد النور و مسجد أبو بكر (الأفضل) أن تتردد عليهما و ممكن أن تصل إليهما عن طريق شباب عرب أو مسلمين هناك... و إن شاء الله سيدلونك على ما تريد. 4- و نأتي هنا إلى أهم شيء....(الطعام الحلااااااال) .... لا تشتري اللحم المفرووم أبدا لانه يخلط بدهن الخنزير (شحمه) و لا يذكروون لك ذالك...توجد بقالة عربية تسمى middil east و فيها كل ما تحتاجه.. و كثر من المأكولات البحرية...و احذر من البيتزا pepparoni و ذالك لانه كله غير حلال..و اطلب دائما ال veggiterian و دائما قول لهم NO MEAT و اكد عليهم...و لافضا انك ما تطلب من البيتزا (لان السكاكين و الملاعق و الادوات الثانية تستخدم في تجهيز لحم الخنزير او لامسته).  5-مناطق سياحية (ولاية وايومنج) لانها قريبة من دنفر و بها منتزه طبيعي من أجمل المنتزهاااات..فيه عيون حارة و أبخرة متصاعدة من الارض..و كثير من الحيوانات التي تمتاز بها المنطقة...مثل الغزلان و الظباء...و ايضا البقر الوحشي..و أهم شيء (الشلالات) ... و من المناطق الجميلة المجاورة لدنفر ... VAIL.و ASPIN وشبه تلك المناطق في اوروبا ..و أفضل الأوقات تكون قبل فصل الشتاء بقليل أو بعد انتهائه (بداية الربيع) ... و تبعد هذه المناطق من ساعتين و نصف إلى 4 ساعات بالسيارة....و لكنها تستحق ... 6- أما المناطق القريبة من دنفر فهي...منطقة OLDORADO SPRINGS و هي جميلة و بها نهر و هي منطقة بين جبلين ...احمل معك عدة الشوي و اذهب اليها مبكرا يوم السبت...لان الأماكن (الإزقرت) تحجز بسرعة ... و لكن حذااااااااري ان تقلد الناس الذين يتسلقون الجبل...أو تضع رجلك في النهر (في المناطق سريعة الجريان)...عن تصير في خبر كان... و الرحلات مع العزابية أحلى.. و أيضا هناك COLORADO SPRING و هذه تختلف عن الأولى... 7-لا تفوت سفرة إلى كاليفورنيا أو فلوريدا في الإجازة بين التيرمات ...عشان تشووف ديزني لاند(طبعا بالطيارة) و الأفضل تحجز من وقت.  8- دائما احرص على البحث عن المساجد في تلك المناطق التي سبقت ذكرها.لانه يمكن تحتاج مساعدة بأي شكل من الأشكال. و نتمنى ان ترجع إلى أهلك سالما معافى |
|
|
|
13-07-2005, 06:13 PM
|
#14 (permalink) |
|
مشرف الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,713
|
الحمدلله انحلت مشكلة الحجز ...
وانا ان شاء الله مسافر السبت الجاي 16/7 مشكووورين وماقصرتوا صراحة ... واقول للأمريكية ... مشكورة خيتو .. بس انا رايح دورة من الشغل ..... وكل اللي بقعده هناك .. اسبوعين ... بنت الصقور .. مقصرتي خيتو ... والكل .. مشكورين وماقصرتوا ..
|
|
|
|
26-07-2005, 03:09 AM
|
#15 (permalink) |
|
مشرف الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,713
|
اشكر كل من ساعدني بالمعلومات ...
صراحة .. استانست وايد في سفرتي هذي .. سافرت ورجعت بالسلامة ... وصراحة .. ماشفت ناس طيبين بمثل طيبة اهل دنفر ... ترقبوا قريبا ... تفاصيل سفرتي الى دنفر ... |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 01:46 AM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||