المشاركة الأصلية كتبت بواسطة بنية زايد

السلام عليكم ورحمة الله وبركاته


من كم يوم قررت آخذ الوالده مراجعه في تايلند ومنها اغير لها جو ..
بس للأسف حجوزات على تايلند ابدا مافي .. واذا في اسعارهم خيااااليه وااايد غاليه
فقررت اوديها رحله لـ ماليزيا .. عشان تغير جو هناك ..
والمراجعه اخليها في عطلة الربيع ..

المهم .. ترى امي مب مقتنعه بماليزيا لانها مازاراتها ولا مره ..
انا زرتها مره قبل سنيييييييين
وفي بالي كذا مكان .. بس ناسيه اساميهم ..
يعني ابغي مساعدتكم تنشطون ذاكرتي ويايه لووول ..



(1)

اول شي السككن ..
كنا ساكنين في فندق وااايد حلو ..
وكان فيه غرف وفيه شقق بعد ..
كان قريب من الأبراج والحديقه الصغيره ..
وكان حذاله بعد سوق ما اذكر اذا كان مفتوح او شرات المول ..
حد يعرفه ؟؟

واباكم تخبروني عن الفنادق الحلوه القريبه من هالمكان .. وياليت تكون بأسعار مناسبه ..


إذا تبين مطل على الحديقة والبرجين ... عندك فندق تريدرز مرررره رائع واسعاره معقوله
وبجنبه مجمع تجاري بجنب الأبراج اسمه سوريا





(2)

ثاني شي بسألأ عن حديقة الفراشات وحديقة الحيوانات
انا اذكر انه زرناهم .. بس هل هم في كوالالامبور ؟؟
وهل تنصحوني بزيارتهم في ههالوقت ؟؟؟

فيه حديقة حيواانات في كوالالمبور .. بس فراشات ما اذكر .. بس اتوقع اكيد فيه




(3)

حديقة بننق ..
اللي اذكره كانت فوق الجبل او شي جي ..
لووول كانت عااليه يعني .. وفيها فندق والعاب ..
هل تنصحوني بزيارتها بعد ؟؟

هذي المنطقة اسمها هضبة بيننغ ، واكيد حلووه واذا رحتي لبيننغ سيري عليها ..



(4)

بعد اللي اذكره >> هاي كله تذكر ..
رحنا رحله .. ركبنا فيها نفس القطار .. يودينا لمرتفع فوووق ..
وفي نفس القريه فوق ..
كرينا ع محطتين او ثلاثه .. بس كان المنظر من فوق روووووووعه
بس شو اسم هالمكان ؟؟؟؟ حد يعرف ؟؟؟


هو نفس المكان أسمه هضبة بيينغ أو مرتفعات بيننغ ، ومكانه مررره حلوو




(5)

مممم شو الأسواق اللي ممكن نسيرلها ؟؟
وهل في حديقة ملاهي في كوالالامبور ؟؟؟

عندك في شارع العرب بكوالالمبور ، فيه مجمع البافليون ، رائع وراقي وكبير ، وعندك فندق التايم سكوير فيه العاب ، واذا تبين مكان بارد وجو رائع روحي لمدينة جنتنغ تبعد عن كوالالمبور 45 دقيقة بالسياره ،، فيها مجمعات والعاب كثيره للكبار والصغار وفيها مدينة ثلج وغيرها الكثير حتى التلفريك ..


هاي اسألتي لحد الآن .. أعرف وايد .. لووول ..
اتنمى القى منكم ردود تفرحني وتساعدني ..