الا يا أهل الرياض أول غرامي ..

طـلـة مـلـكـ · 07-11-2009, 08:22 PM

اقتباس:

المشاركة الأصلية كتبت بواسطة أمورة حبيبي

السلام عليكم ورحمة الله وبركاته

/

وعليكم السلام ورحمة الله وبركاته

/

أخبار العرب المسافرون ؟

إن شاء الله مبسوطين ؟!

إن شاء الله راح تكون لي زياره سريعه للرياض

حياك ربي

وأتمنى ما تبخلوا علّي بمساعدتكم
أكيد ماراح نقصر

أتمنى منكم الآتي /

1- وصف لمنطقة الربوه مخرج 14 ( وصف دقيق ) ضروري
وأنتي ماسكه الدائري الشرقي جايه من المطار يجيك مخرج 14 تطلعين مع المخرج يمين وتطلعين على طـــول لين تجيك إشارة تلفين يسار مع شارع الأمير متعب بن عبد الله (الأربعين سابقاً) هذا هو حي الربوة

2- ممكن تحددوا لي شقق فندقيه قريبه من "برجي المملكه والفيصليه << موقعها وسط الرياض ؟".. اسم المنطقه أو الحي مع تحديد المخرج ..
ضروري تكووون نظيييييييفه وفيها خدمة انترنت .. الميزانيه 500 لليوم تكفي ؟
أهل شمال الرياض ممكن يفيدونك أكثر

3- سمعت عن حديقة الملك فهد إذا مني غلطانه ممكن وصف دقيق لمكانها
موقعها بالظبط ما أعرف لكن ما أنصح فيها لأن عندك منتزهات الثمامه أفضل منها بكثيررر

4- حابه ما أفوّت زيارة منطقة الدرعيه الأثريه .. ممكن توصفولي والأهم كم تبعد عن وسط الرياض ؟
مكان الدرعيه وانتي جايه من المطار يجيك مخرج 8 وفيه لوحه تقولك مكه والمدينة والقصيم يمين تطلعين معها هذا هو الدائري الشمالي وتستمرين معه لين آخر الطريق تجيك لوحه مكتوب فيها الدرعيه يمين <<الكلمه مظلله بلون بني تطلعين معها يمين تستمرين شوي يجيك مخرج مكتوب الدرعيه يمين تطلعين معها ومع الإشارة يسار (بكذا توصلين للدرعيه)
المسافه من وسط الرياض بعييييد يعني ممكن بالوقت تحتاجين ساعه والمسافه يمكن 30 أو 40 كيلو
(إذا حابه تطلعين من وسط الرياض للدرعيه فيه طريق ثاني مع الملك فهد)

5- وحابه أزور كمان قصر المصمك وقصر المربع .. ايش رايكم بالأفضل مع الوصف للطريق وكم تبعد عن وسط الرياض بالساعه ؟
مركز الملك عبد العزيز هو أصلاً في وسط الرياض

امممممممممممممم

6- كمان قرية الثمامه اللي أعرفه قريبه من المطار .. وصف للطريق لاهنتوا
الأخوان ما قصرو بالوصف

7- لا تبخلوا علّي بأسماء مولات تستحق الزياره و مطاعم تستحق التجربه ..
المولات الأكبر في الرياض هي:
# الممللكه والفيصليه على شارع العليا العام
# صحارى وحياة مول على طريق الملك عبد العزيز وهم جنب بعض
# غرناطه على الدائري الشرقي بين مخرجي 8 و 9 يجي على يدك اليسار وانتي جايه من المطار
#الرياض قاليري موقعه على طريق الملك فهد قبل تقاطع الدائري الشمالي وقبل هايبر بنده يجي على يدك اليمين

أما المطاعم اختاري واحتاري لانها كثيرررر لكن ممكن تشوفين تقارير المطاعم الموجودهـ هنا راح تفيدك كثيرر

ادري كثرت بالاستفسارات بس زيارة الرياض وكل معالمها ما تتفووووتش

ياااااااارب تردوا بوقت قيااسي علشان أقدر ارتب أفكاري *_^

/

/

مع ودي ....

اتمنى أني أفدتك وجاوبت على بعض الاسئلة
وأي استفسار حاضرين

__________________

البحث عن مواضيع لنفس العضو

أمورة حبيبي · 08-11-2009, 05:44 PM

اقتباس:

المشاركة الأصلية كتبت بواسطة طـلـة مـلـكـ

اتمنى أني أفدتك وجاوبت على بعض الاسئلة

وأي استفسار حاضرين

أهلين أخوي طلة ملك
أبقاك الله
تسلم ما تقصر يا ذوق
كل الشكر لك
على التواجد و الرد
دُمت بأسعد حال ,,,

__________________

البحث عن مواضيع لنفس العضو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)