المشاركة الأصلية كتبت بواسطة نس نس 55

يسعد صباح /مساء
جميع اعضاء المنتدى الغالي

قررت انا وزوجي نروح رحلة استجماااااام لسرالنكااااااااااااااااااااااااا

حجزنا وروحتنا الاسبوع هذاااااا يوم الجمعه

يعني مافي وقت
رحنا لللصرح نحجز فناااادق لان زوجي موب من المغامرين اننا نروح هناك ونتفق مع احد المكاتب المعروفه


قلنا مااااااااااااااااااااااااااااشي
حجزنا 3ليالي كاندي في الرجنسي 350ريال
بنتوته 5ليالي في التاج370
3ليالي كولومبو الهلتون480
قال بس مع الفطوووور ب4340

وطلبنا سواق قال السواق من المطار
الى الفنادق والمطار فقط يعني لا يودي ولا يجيب با1500

قلنا طيب نبي العشاء في كل الفنادق وصلها 7000وشوي

خييييييييييييييييييييييييييييييييييييييييييييييييي يييييير

طلبنا في الطياره كرسي الرضيع قاااااااااااااااااال ب1200وانا عارفه انه مجاااانااااااا ويقول لنا ماله داعي كرسي
بس على مين
ضبطتها كلمت مكتب الأماراتيه وضبطه

السؤال للخبراء /موب تحسون انه كبرهاااااااااااااااااااااااااااااااااااااااااااااا اا
المشكله انه دفع عربون
وموب موجود عشان يتفاهم معه وجه لوجه
مسافر عمل ومارح يرجع الا الخميس ونسافر الجمعه

تكفوووووووووووووووووون دبروني
كرهت السفره


نس نس 55

المشاركة الأصلية كتبت بواسطة الشاااامل

اوافق اخوي ارتكاز انكم تاخذون السياره من المطار افضل
اول شي السعر بيكون افضل لانه شامل التنقل مع التمشيات داخل المدن مثل كاندي وبنتوته
الشي الثاني تشوفون السياره قبل تاخذونها وتختارون السياره اللي تناسبكم بدل ما تكونون مجبورين على السياره اللي حجزها لكم المكتب من الرياض.
اهم شي اذا بغيتو تحجزون سياره من المطار هناك لا تدفعون للمكتب اللي في المطار الا اذا شفتو السياره واعجبتكم وتتاكدون ان السائق يتكلم انجليزي لا يصير بومه وتتوهقون به.
وكذلك تاكدو ان السياره تكون مكيفه والديزل عليهم يعني ما تدفعون شي زياده على المبلغ
والشي الثالث كاسروهم تراهم يرفعون السعر في البدايه ، والمكاتب كثيره ، والوقت اللي بتروحون فيه العرض اكثر من الطلب، فحاولو تكاسرون في السعر ولا تخجلون، تراهم يبالغون في البدايه.
وبالنسبه للاسعار اللي خذتوها للسكن معقوله، وما يهم فرق بسيط دامكم حاجزين من هنا ومريحين روسكم. لكن اهم شي تكون الغرف جيده ، لان عندهم الغرف انواع في الفندق ، فإذا ما أعجبتكم الغرفه لا تسكتون وطالبو الفندق يغيرها لكم.
فمثلا في التاج حاولو انها تكون مطله على البحر .
لكن عندي ملاحظه ، خمس ايام في بنتوته كثيره الا اذا كنتم من هواة الجلوس على البحر والاسترخاء لان بنتوته ما فيها شي وكل النشاطات اللي فيها مثل الرحله النهرية وغيرها ، تخلصونها في يوم واحد او في نص يوم، فأخشى انكم تملون منها ، وكولمبو ثلاث ايام عليها كثيره ، يومين وتخب عليها.
وكاندي كنت اتمنى انكم تسكنون في فندق هوناس فالز، لكن دامكم حجزتو وخلصتو، فحاولو تروحون لها الفندق ولو زياره يوم او نص يوم، لان الفندق على شكل منتجع في منطقه مرتفعه وعنده شلالات والمكان جميل جداً فحاولو تزورونه. وان قدرتو استاجرو تك تك من الفندق واطلعو البحيره.
الله يسهل امركم وإن شاء الله تنبسطون، وملاحظاتي فقط عشان احاول اوضح الصوره لكم اكثر ، وبالتوفيق.

المشاركة الأصلية كتبت بواسطة مُهَـآجـِرْ بـِ إحْـسَـآسْ ,

هل ااختي

ترى سعرك مناسب جداً جداً
أنا حجزت عن طريق احد المكاتب هناك وزياده عليكم ليلتين بس
بسعر 6 الاف ريال واشوي لشخصين مع السائق 24 ساعه والفطور فقط

انا عندي لك سواق جيد ويتكلم اللغه العربيه بطلاقه
سواق ممتاز جداً جداً ماشاءالله عليه, اذا تحبين اعطيك
رقم جواله السيرلانكي ماعندي مشكله

تمنياتي لك بالتوفيق