 |
 |
 |
||
|
|
|
||
 |
|
 |
|
|||||||
| الدول العربية والإسلامية تعنى هذه البوابة بتزويد المستخدمين بجميع المعلومات المتنوعة الخاصة بالسفر الى دولة مصر. |
 |
|
|
أدوات الموضوع | انواع عرض الموضوع |
|
|
28-10-2009, 06:22 PM
|
#1 (permalink) |
|
مسافرجديد
تاريخ التسجيل: Oct 2007
الدولة: مــصــر
رقم العضوية :158275
المشاركات: 6
|
رحلتي إلى القلعة وحديقة الأزهر مدعمة بالصور الجميلة و النادرة
السلام عليكم ورحمة الله وبركاته حبيت تشاركونى رحلتى للقلعة وحديقة الأزهر لأنى استمتعت بيها وأنا معروف عنى انى مش أى حاجه بتعجبنى بس عجبنى قوى الخلط ما بين التاريخ من خلال رحلة القلعة والطبيعه الجميلة من خلال حديقة الأزهر أولا علشان تستمتع برحلة زى دى لازم تكون فى مجموعه ومش لوحدك لأن هناك تفاصيل كتير الفرد الواحد مش بيقدر ياخد باله منها لكن لو مجموعه بتلاقى كل واحد بتعجه حاجه بيلفت نظر الآخر ليها فبيكون فى إلمام أكتر بالمعلومات كمان يفضل أنه يكون معاك عربية خاصه علشان تنتقل بسهولة من مكان لآخر وخصوصًا إن القلعة وحديقة الأزهر جنب بعض فبيكون أحسن ان الواحد يزورهم فى يوم واحد . طبعا الواحد المفروض يزور القلعه الأول علشان بتقفل بدري لكن حديقة الأزهر بتفضل مفتوحه لوقت متأخر عن القلعه . أولا خرجنا من البيت على الساعه 9 صباحًا وكان معانا ميكروباص علشان يقضى العيلة نبتدى بقى نتفرج على الصور وسامحونى لو كان فى صور مش واضحه لأنى صورت بالموبايل أولا دا المطلع بتاع القلعه وممنوع طلوع أى عربات خاصه فيه إلا طبعا اتوبيسات الأفواج السياحية واحنا طبعا طلعنا على رجلنا وكان طويل وعالى ولكنه كان ممتع لأقصى حد والصورة دى بعد ما طلعنا وبتشوف فيه القاهرة القديمة من فوق منظر غاية فى الروعه  ولو وقفت فى نفس المكان ولفيت هتلاقى الباب الرئيسى لدخول القلعة وشباك التذاكر  ودا منظر الباب من مسافه قريبه  وهنا صورة لتذكرة الدخول ب 2 جنية للفرد  و دى الصورة بعد الدخول من الباب الرئيسى و هو ممر طويل وجميل وعلى شمالك وانت ماشى فيه هتلاقى مساحات خضراء  و فى الممر ده لفت نظرى اليافطه دى  ومع نهاية الممر بتلاقى المنظر البديع ده  وبنلف مع الممر علشان نبتدى مرحلة الأستكشاف أول حاجه بتقابلنا هو مسجد غير مشهور ولكن أنا مجرد ما دخلته و وقفت فيه حسيت انى هقابل حد من العصر ده ويكلمنى . فعلاً احساس رائع وده منظر القبله فيه لأنه مسجد بدون سقف إلا منطقة القبلة  و فى نهاية الممر بلاقى نقطة بتتفرع لـ 3 اتجاهات الأولى القلعه ودى ظاهرة فى الشاشه ولو انت واقف فى نفس المكان هيكون المكان الثانى وهو متحف الشرطه القومى على اليمين ووراك المتحف الحربى.  احنا فى البداية دخلنا متحف الشرطه القومى ودى صورته من برة.  وبعد الدخول من البوابة دى بتلاقى نفسك واقف على سطح كبير وشايف القاهرة من فوق وكان منظر رااااائع ومعلش اعذرونى فى صور للمكان ده مش هقدر اعرضها علشان فيها أفراد من العائلة ولكن فى بعض الصور هنزلها لكن بصراحه مش هتقدر توصف المكان الرائع ده    وبعدين دخلنا المتحف ودى بعض الصور من المعروض فى الداخل دا اللبس اللى كان بيلبسه أفراد الشرطه المصرية زمااااااااان ومش هقدر أوصفلكم جمال التصميم وتناسق الزى وكمان التماثيل كانت من الشمع فبتحس انك لو كلمت التمثال هيرد عليك . ومش هخبى عليكم انا لما وقفت قدامه خفت ليبصلى ويتحرك فمشيت من سكات ....  و دى بعض الأدوات الحربية   و دى صورة ريا وسكينة الحقيقية  و دول أفراد الشرطة المصرية يتفاخرون فى القبض على أفراد عصابة ريا و سكينة ودى الجثث  لسه الموضوع مخلصش ... كمل لتحت نيجى للمتحف الحربى القومى  والمتحف ده جزء منه داخلى معمول فى قصر لو فضلت أشرحلكم من دلوقتى لأسبوع مش هقدر أخلصه وجزء خارجى أولا القصر كبيييييييييييير جدا تعبنا على ما لفينا فيه ويا ريتنا خلصناه ! هعرض لكم بعض الصور للمتحف الخارجى           ودى صور للقصر من الداخل وهنشوف صور لبعض الملابس الحربيه والرتب والماكيتات التى تمثل العصور المختلفة و الصور المرسومه باليد                 نيجى بقى لجامع محمد على أكتر حاجه خليتنى طايرة من الفرحه ان وقت دخولنا للمسجد كان أذان الجمعه بيأذن فدخلنا وصلينا الجمعه فى جامع محمد على وانا حاسه انى مكنتش حاسه بالخطبه من كتر ما كنت مذهوله ومبهورة بالمسجد ايه العظمة دى .... ايه الجمال ده ...... ايه التحفه المعماريه دى المشكله انى وقت الخطبة مكنتش قادرة أصور المسجد وبعد الصلاة كانوا بيخرجوا الناس علشان كان فى وفد سياحى داخل فمعرفتش أصور التفاصيل وعلى العموم مهما صورت مش هينفع لأنى هظلم المسجد لأن الصور مش هيبان فيها حاجات كتيييييييييييييير    |
|
|
|
28-10-2009, 07:51 PM
|
#4 (permalink) |
|
مسافرجديد
تاريخ التسجيل: Oct 2007
الدولة: مــصــر
رقم العضوية :158275
المشاركات: 6
|
بعد كدة خرجنا من القلعه وتوجهنا الى حديقة الأزهر ودى صور للطريق تظهر فيه أيضا القلعه من الخارج        ودى بداية الرحلة داخل الحديقة دى البوابة الرئيسية للحديقة  دى النافورة اللى بتقبلك لحظة دخولك للحديقة وهى نافورة أرضية جميلة  ودى صور متفرقة للحديقة      دى صور لمطعم موجود فى الجانب الغربى من الحديقة وتظهر فى الخلفية القلعة     ودى صورة لمطعم آخر داخل الحديقة  وخلصت الصور على كدة وخلصت لأنى بقالى حوالى 5 ساعات بكتب فى الموضوع ويارب يعجبكم على فكرة دا أول موضوع لى فى المنتدى يارب أكون وضحته ليكم والسلام عليكم ورحمة الله وبركاته |
|
|
|
|
28-10-2009, 08:52 PM
|
#5 (permalink) |
|
مسافر متالق
تاريخ التسجيل: Nov 2008
الدولة: الخبر روح السعوديه
رقم العضوية :227694
المشاركات: 600
|
ممتاااااااااز تقريرك
وبصراحه أستفدت أني عرفت ممكن نزور القلعه والأزهر في يوم واحد أنا طرحت مووضوع في ساحة الأستفسارت وماحد رد علي ومن ضمن الأسئله كتبت كيف لي ان أستغل يومي بأن ازور مكانين يقعان في نفس المنطفه مثل الأزهر والقلعه وبيوم آخر أزور ((الأهرامات وحديقة الحيوان ثم قرية فلفله)) لأنهم بالجيزه وهل كلامي صحيح وماحدش رد علي  والآن عرفت من خلال موضوعك نقطه وعقبال الباقي وشكرا  |
|
|
|
|
28-10-2009, 11:37 PM
|
#8 (permalink) |
|
مشرفة بوابة تعليم اللغات العالمية
تاريخ التسجيل: Feb 2008
الدولة: السعودية
رقم العضوية :171988
المشاركات: 3,173
|
تسلم يدك .. تقرير جميل .. ومرحباً بك في العرب المسافرون ..
رحلتنا للقلعه وكل ما فيها كانت جداً رائعه لكن الجو كان حار جداً .. وفي المساء توجهنا لحديقة الأزهر وهي فعلاً جميله ولم أرى حديقه نظيفه مثلها.. كل الشكر لك .. |
|
|
|
|
«
أول تقرير : الإسكندرية - القاهرة - الإسكندرية 14 – 28 / 8 / 2008م (بالصور والتفصيل
|
رحلة إستجمام بعروس البحر
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 12:07 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||