المشاركة الأصلية كتبت بواسطة نويت السفر عنكم

شكرا اخوي بق بن ابوعبدالله لتواصلك الرائع مع الكل والرحلة لشخص واحد وهو انا


واخوي سالم بن سيف شاكر لك التوضيح واقتراحك حق التذاكر لو حجزت من بانكوك الى بوكيت ثم العودة وبعدها بانكوك لشنغماي ثم العوده على خطوط اسيا اير مو احسن وبهذا نفس الشئ تذكرتين مو ارخص بالنسبه لثلاث رحلات دون عودة اللي ذكرتها بانكوك بوكيت وبوكيت شنغماي وشنغماي بانكوك؟؟


شوف يا اخوي كان هذاك إقتراح وأنت عاد المقرر لما سوف يكون عليه برنامجك يا غالي ، وبعدين حتى تعرف الفرق بين الأسعار فأنا أفضل أنك تتطلع على روابط أكثر من شركة طيران حتى تعرف الفرق بين الأسعار وكذلك حتى تعرف مواعيد
الرحلات وبالتالي تنسق مواعيدك بدقة وبدون أي لخبطه ، وترى الطيران الداخلي كل ساعه أو ساعتين طائره يعني ما راح تفرق معك كثير بالنسبة للتوقيت ، وحتى السعر فلن يفرق معك بذاك المبلغ الكبير وسوف يكون الفرق محدود نسبياً.


وبالنسبه للفنادق اخوي احب تكون اربع او خمس نجوم وانا سبق رحت لفنادق مختلفه في بوكيت روعة ورخيصه جدا بس مااستمعت فيها لعدم وجود سكان كثر في الفندق اما بالنسبه للهوليدي ان والميلنوم احس انه بيكون فيه ناس كثير وخصوصا المسبح وموقعه على البيتش مباشره حسب اللي شفته من خلال موقعهم وانت عارف بروح لوحدي والوحده شينه جدا وليش ابي اروح تقدر تقول تعبت وبأغير جو لا اكثر وابي استمتع اكثر وقت ممكن!


بالنسبة للاثنين تراهم فنادق طيبه وممتازه ، بس انا أشوف أن الهوليدي إن أفضل ترى الكل يمدحه وبعدين موقعه الملاصق للبحر فلا يفصل بين الفندق والشاطيء الا شارع واحد ، وأخوك ما سكنت فيه لاني ما زرت بوكيت إلا مره واحده فقط في شهر 4 وبما اني كنت عزوبي وأغلب وقتي خارج الفندق فسكنت في فندق BaanLai Mai.


بس متردد احجز الفندق من هناك مباشره او عن طريق النت مع اني قبل لقيت ناس حجزوا عن طريق مواقع واتضرروا من خلال السعر لقيت الحجز حوالي 100 دولار رخيص وخصوصا في موسم الهاي سيزن في الفندقين عن طريق المواقع ولكن لو من هناك يجي ارخص او لا هذا اللي احب اعرفه من خلال الخبراء عن الفنادق وانشاء الله رحلتي في 28/10/2009 الاسبوع الجاي من المطار مباشره لبوكيت