المشاركة الأصلية كتبت بواسطة mns506

اخواني وحبايبي رواد المنتدى

انا قرب موعد رحلتي للفلبين وبيني وبينكم انا لحد الحين ماحجزت بس الحمدلله كل يوم اتاكد من الحجوزات وكلها متوفره وعلى كذا خطوط وسبب هالتردد الاعاصير والفيضانات والله ماعرف لحد الحين ماقررت اروح ولا لا لانه لو ابي اروح لازم اروح نهاية هالشهر لانها اجازتي الوحيده وبعدها ما اقدر اروح وعندي كم سؤال واستفسار وياليت تتجاوبون معاي وتساعدوني كعادتكم.

بالنسبه للاعاصير انا قريت عنها وايد بالمنتدى ومن كذا موقع اخبار وخصوصا الاعصار القادم الي اسمهramil وبحسب الخبر الي قريته انه الاعصار يبتدي بتاريخ 21 هذا الشهر يعني بعد 3 ايام من اليوم وينتهى بتاريخ 23 يعني يستمر لمدة 3 ايام ويضرب مدن لوزون الشماليه ومنهم منطقة باهسنجان وطبعا هذي كلها توقعات ورصد والله اعلم ولكن الاعصار قادم لامحالة. انا افكر برحلة على مطار غير مطار مانيلا وطبعا الاختيار الوحيد هو مطار سيبو مكتان لانه الخطوط القطريه عندهم رحلات اسبوعيه لسيبو وايضا كاثي باسيفيك عندهم رحلات يوميه وسؤالي هل ابعد عن مانيلا وشمال الفلبين خير شر بسبب الاعاصير ولا عادي احجز على مانيلا مباشرة؟ وشلون الوضع بعد الاعصار الاخير الي ضرب مانيلا ومكاتي هل الشوارع والامكان الي نزرها عادتا بمانيلا ماتصلح اني ازورها بسبب الفيضانات ياليت احد الاخوان الي توهم راجعين مانيلا يوضح لي الوضع بالتفصيل بمانيلا وبالاماكن المحيطه بها من ناحية ارتفاع منسوب المياه في الشوارع او اي مظهر من مظاهر الدمار الي خلفه الاعصار.

مشكله ثانيه ومسببه لي قلق مو طبيعي من ناحية السكن في مانيلا وخصوصا في برقص بمكاتي اعتقال العرب وودس المخدرات والكمائن الي الي تسويها شرطة برقص بالسياح الخليجيين استفساري للاخوان الي توهم راجعين من مانيلا والي سكنو بمكاتي ببرقص ياليت توصفولي الوضع الامني بمكاتي وخصوصا ببرقص والله يا جماعة متعود اسكن في بيل اير سوهو كل مره بس بعد الي سمعته فكرت ماروح مانيلا بكبرها ياليت تفيدوني بهالموضوع جزاكم الله خير.

ادري اني طولتها وايد بس السموحه والله تعرفون هذي السفره الوحيده لي كل سنه ومابيها تكون فاشله او فيها مشاكل لا سمح الله.

المشاركة الأصلية كتبت بواسطة t_a_a_s

عزيزي,

الموضوع مايستاهل هذه كله . توكل على الله وسافر مانيلا مباشره. الاعصار متوقع انه يضرب كاغايان و لين اليوم مافي توقعات انه يوصل مانيلا. وفي احتمال كبير انه مايضرب .

بالنسبة لما خلفه الاعصار في مانيلا فما تغير شي في مكاتي و المناطق المجاوره. انا كتت موجود وقت الاعصار تاريخ 26-9 وتخيل انه بعد الاعصار مباشره بدأت الحركه في burgos و اليوم الثاني رجعة الحركة طبيعية 100%. هم اصلا متعودين على الاعاصير.

اما عن موضوع اعتقال العرب من خلال 20 رحله للفلبين فصدقني عمري ماشفت اي شي من هالكلام ولكن الحذر واجب لانه هذي اشياء صارت , وعلى فكره ممكن يصير لك اكثر في اي دوله عربيه او اوربيه.

سافر ولاتخاف وكن حذر .


تحياتي

طلال

المشاركة الأصلية كتبت بواسطة mns506

اخي العزيز طلال والله انك خففت علي هالقلق جزاك الله خير,اخي الكريم بالنسبة للسكن في مانيلا وبمكاتي وين تنصحني اسكن وانا على فكره متعود اسكن كل مره في بيل اير سوهو بس متخوف اسكن في برقص انت بشنو تشور علي

تحياتي لك

المشاركة الأصلية كتبت بواسطة t_a_a_s

تسلم يا mns 506
انا ما اسكن الا في burgos و اشوفه امان و حيوي ليل نهار( طريقة التعامل تلعب دور كبير). اما عن بيل اير سوهو فالشباب في المنتدى ما مدحوه و ما فيه امان . جرب الاكسفور او الرويال بيلاجيو .

تحياتي

طلال

المشاركة الأصلية كتبت بواسطة mns506

الله يسلمك اخوي طلال

اخوي انا سكنت ببرقص واعرف المنطقه زين بس الخوف من الي نسمعه بالايام الاخيره وخصوصا الكمين الي يسوونه بالسياح الخليجيين.من ناحية بيل سوهو كنت ديما اسكن فيه وكان أمن جدا جدا بس الشباب بالمنتدى قالو انه فيه سرقات من السيفتي بوكس اما بالنسبه للأمان بمحيط الفندق وعدم دخول الغرباء او اي شخص غريب فهو أمن لحد الحين على حسب علمي.

اخوي الاكسفورد على ما اعتقد انه في القائمه السوداء لكن رويال بلاجيو وين موقه بالضبه في برقص يالت توصفه لي وسعر الغرفه بالليله وفخامتها والحمام وانت بكرامة وهل فيه انترنت بالغرفه ولا لا ادري جزاك الله الف خير اخوي.

المشاركة الأصلية كتبت بواسطة جليميد

السلام عليكم ورحمة الله وبركاته
هلا اخوي mns506
توكل على الله ةسفرة سعيدة ان شاء الله
حنا سافرنا بعد الاعصار الاول بيومين صراحة كنا متخوفين جداً
بس الحمد لله كل شيء كان تمام
اما من ناحية الاعتقالات فبصراحة ماشفت شيء
بس انتبه من الباعة المتجولين لاتعطيهم وجه
وبالتوفبق ان شاء الله

المشاركة الأصلية كتبت بواسطة t_a_a_s

اتفق 100% مع كلام اوز العرب. والفندق نظيف جدا و هذا رابط الفندق
royal bellagio hotel

موضوع استهداف العرب و السياح هو الموضوع القديم المتجدد . كنت اسمعه من سنة 1997 اول زياره لي للفلبين وكنت اسمع انه الحكومة الفلبينية اعلنت عدم مسؤليتها عن السياح بعد الساعة 8 مساء. وكنت اسكن في مابيني واطلع ليل نهار ( بروحي) والف في التكاسي من ملاتي لى كيزون سيتي الى باساي وارجع مكاتي . صدقني عمري ما صادفت اي مشكلة. بس اهم شي تكون حذر ودبلاماسي على كم كلمة فلبيبي و سو عمرك فاهم الوضع و حافظ المناطق. بالذات في اخر الليل التكاسي يزودون الاسعار لانه الحكومة زادت سعر البترول و سعر الميتر مازال السعر القديم. استخدم اسلوبي قوله شغل الميتر و انا بعطيك زياده (use the meter and i will pay you addtional and make you happy)

واذا تبى ترتاح اتفق مع تكسي يكون وياك full time بتحصل كم واحد عند الاكسفورد دايما موجودين مقابل الفندق عند بار كوتونز . معروفين حتى كل الي يشتغلون في الاكسفورد عارفينهم . تتصل فيه و ياخذك من اي مكان او حتى يمشي معاك في المول او وين ما كنت . انا تعاملت معاهم الصراحة طيبين و محترمين.

اخوك

طلال

المشاركة الأصلية كتبت بواسطة t_a_a_s

العفو عزيزي و الله يهنيك في اجازتك.

طلال