 |
 |
 |
||
|
|
|
||
 |
|
 |
|
|||||||
| بوابـــة السفر إلى تايلاند Thailand : في هذا المنتدى يتم تزويد المستخدم بالتقارير المصورة الخاصة بتايلاند بالإضافة الى مكتبة صور خاصة. |
| مشاهدة نتائج الإستطلاع: وش رايك في التقرير | |||
| ممتاز " خلك هنا ادعيلك" |
   
|
16 | 61.54% |
| جيد |
  
|
8 | 30.77% |
| فاشل |
  
|
2 | 7.69% |
| المصوتون: 26. أنت لم تصوت في هذا الإستطلاع | |||
 |
|
|
أدوات الموضوع | انواع عرض الموضوع |
|
|
01-10-2009, 04:43 PM
|
#1 (permalink) |
|
مسافرجديد
تاريخ التسجيل: Jun 2006
رقم العضوية :83456
المشاركات: 46
|
"◊۩¯−ـ‗عيد 1430هـ 2009م غيـــر " آآآآه يابوكت‗ـ−¯۩◊
السلام عليكم ورحمة الله وبركاته كل عام وانتم بخير تقريري للعزيزة تايلند " بانكوك + بوكت " بس تحملوني شوي صراحة اغرب سفرة بحياتي هي رحلتي لتايلند  كنت جالس مع صاحبي فهد كالعادة بعد صلاة التراويح يوم 24 رمضان 1430هـ وندردش عن شرق اسيا ، بغينا نبكي  حنت قلوبنا ، المهم قلت فهد: ماودك نمشي لهم كم يوم ، الا الرد السريع : ماتعزم ، صراحة فاجئني بعزيمته القويه ، قلت خلاص انا بشيك في مواقع الطيران وبرد عليك.يوم 25 رمضان 1430هـ الساعة 9 مساء  يجيني اتصال من الحبيب فهد: هلا خالد هاه وش الاخبار انا: الا اللحين النظام في طيران الاتحاد معلق وطيران القطرية اقرب رحلة السبت. فهد:انت جازم. انا: شنطتي زاهبة. فهد: خخخخخخخخخ انا: هههههههههههه الا واتذكر ان لي صاحب يشتغل في احد مكاتب الطيران بس المشكلة انه يعرف نصف اقاربي وانا من الناس اللي في كل اموري سكاتي " اقضو حوائجكم بالكتمان". قلت ياولد خلني اطب عليه ، دخلت على الوكالة وعلى طول على مكتب الرفيق العزيز " أحمد " ، الا واشوف كل وجهه سماعات من يمين ويسار وفوق خشمه " رحمته " وبغيت ارجع قلت ماله داعي ، الا وذاك الاتصال اللي يهزني فهد: هاه بشر يالذيب ، انا : ايه وشو خلاص هذا احمد قدامي يقول لو اتصل على خالد الملحم وهو يصلي التراويح ، مدبركم مدبركم ، فهد: كفو يالذيب ترى قلت لابوي اني بروح معك ناخذ عمرة ، انا: وانا قلت لاهلي اني بروح معك اخذ عمرة خخخخخخخخخ. يتبع،،،،  |
|
|
|
01-10-2009, 09:37 PM
|
#3 (permalink) |
|
مسافر خبير
تاريخ التسجيل: May 2008
الدولة: وطني حبيبي الكويت
رقم العضوية :188657
المشاركات: 3,755
|
يله انا اول المشاركيييييييييييييييييييييييين والمتااااااااااااااابعيييييييييييييين لي التقرير المثير والغريب في سرده
انتظر منك كل الجديد والمزيييييييييييد من الحكااااياااات عن ارض الابتسامه تاااايلند اللي قلبي تولعه فيها ماشاءلله عليك وعلى دقة السرد تمنياتي لك بالتوفيييييييق وماعليييييييييييك بتيييييك الردووود ان شاءلله |
|
|
|
03-10-2009, 11:56 AM
|
#4 (permalink) | |
|
مسافرجديد
تاريخ التسجيل: Jun 2006
رقم العضوية :83456
المشاركات: 46
|
اقتباس:
شكرا على الإطراء الجميل،،، من ناحية الغرابة والإثارة " ماشفتي شي " خليك متابعة . |
|
|
|
|
|
01-10-2009, 10:39 PM
|
#6 (permalink) |
|
مسافرجديد
تاريخ التسجيل: Jun 2006
رقم العضوية :83456
المشاركات: 46
|
.... إنتظرت أحمد حتى خف عليه الضغط شوي بعدين اشرت له وشافني ولزم الا اجي عنده ، انا: هلا ابو حميد كيفك وشخبارك مبارك العشر وعيدك مبارك " كل شي " ، احمد: هلا هلا اكيد زي العادة مالقيت حجز على جدة انت متتذكرني الا في اخر رمضان من كل سنه ، انا : وشو لا لا والله وشو جده لا لا انت قديم خخخخخخخ تعال قرب  بشررررق هالمرة ، احمد: ياخي فيه احد يروح دبي في هالحر ، انا: خخخخخ ياربي وش اقول اخاف يفضحنا ،انا: لا لا عندي دورة انا وزميلي في الدوام ولازم نروح الليلة يقولون يااستراليا يا تايلند ، عاد تخبر الدورة خمس ايام ماتسوى استراليا ، احمد: من جدك ياخالد ، انا ايه والله تخاوينا بس دبر حجز... ووالله ان سمعت ان احد داري من الحبايب اني معاد اجيب لك عذر طبي عشان غيابك ، احمد : لا لا خلاص الله يرجكم متى بتروحون ، انا الليلة ، احمد:  ، انا: ايه الليلة اخلص.احمد  يدور حجز ، شوي الا يقولي فيه طياره على الاتحاد 4،30 الفجر اوك ، انا: تم ، وارسلت SMS لفهد بالخبر.طلعت من ابو حميد الساعة 11 ورحت للبيت اخذت جوازي وشنطتي وبعدين رحت لامي وسلمت عليه وودعتها بس ماقلت اني لتايلند رايح ، وسلمت على اخواني وبدلت في الملحق وشوي الا صديق عزيز يدق علي يبارك العشر قلت جابك الله تعااااااااااال بسرعة ابيك ، الا المسكين خمس دقايق من حي الهدا للمعذر 10 كيلو + الزحمة بعد خخخخخ، عزيز: هلا خالد وشفيك انا: تعال ركب شنطتي ، تطلقت حسبي على الظالم خخخخخخخخخ، عزيز:  وين بتروح ، انا: مكة انشالله توديني ترى لك اجر عظيم في هالعشر المباركة ، عزيز: ايه والله وبالماريه تكفى ادعلي ان الله ييسر امور زواجي انا: ايه هين انت ودني ويصير خير، وصلت المطار الساعة 2 بالليل انا: وين يالاخو اخرروح اخر صاله هذي الصالة الداخلية عزيز: طيب انت مو رايح لمكة انا: هه الا..... " وش اقوله " ايه هماهم مسوين تجديد صار خلاص كل الرحلات على الدولية عزيز: اها طيب تبون شي انا: لا لا شكرا ، عزيز: لا تنسانا من الدعاء انا: ايه هين انت اللي ادعلنا.دخلت البوابه الدوليه لأعظم صرح معماري في العالم واضخم وأنظف مطار " قل غيرها بس " ودخلت الا الصاله كلها باكستانيين وهنود وكل واحد معاه عربيه الظاهر شايل عليها حراثة ومغطيها ببطانيه ومربطينها بحبال صفراء ، قصيت البوردنق بعد ساعة ، شوي الا الحبيب يشرف فهد: هلا خالد وينك انا: في الصالة الملكية فهد:اما عاد طيب كيف اجيك انا: ياخوي اي ملكية هذاني اشوف راسك الكبير  من كبر مطارنا عاد ، الساعة 4:10 ركبنا الطيارة رايحين ابو ظبي وكانت 70 في الميه شاغر منها ، 4:30 اقلعت طيارتنا .يتبع....... |
|
|
|
|
02-10-2009, 02:06 AM
|
#9 (permalink) | |
|
مسافر خبير
تاريخ التسجيل: Mar 2009
الدولة: ديره مامثلها ديره
رقم العضوية :244630
المشاركات: 2,543
|
اقتباس:
خلك مواصل واحنا متابعينك ان شاء الله ... بارك الله فيك ... وهذي الروابط راح تفيدك ان شاء الله بخصوص تحميل الصور http://travel.maktoob.com/vb/travel152592/ http://travel.maktoob.com/vb/travel144092/ http://travel.maktoob.com/vb/travel124283/ |
|
|
|
|
|
02-10-2009, 05:59 PM
|
#14 (permalink) |
|
مسافرجديد
تاريخ التسجيل: Jun 2006
رقم العضوية :83456
المشاركات: 46
|
 هذا واحنا متجهين لمطار أبو ظبي الدولي "يالبي قلبه بس" لنا تقريبا نصف ساعة من الاقلاع ، صراحة الرحلة كانت مرة مريحة لحد ماوصلنا ، وكان مقعدي زي العادة ممر H6 وفهد في الممر الثاني يعني اللي بينا فاضي ، وبعد 1:10 نزلنا للمطار وللأسف بطارية الكام انتهت يعني اصبرو لحد ماوصل لبانكوك " يبيلكم 8 ساعات "  . |
|
|
|
|
03-10-2009, 12:56 AM
|
#15 (permalink) |
|
مسافرجديد
تاريخ التسجيل: Jun 2006
رقم العضوية :83456
المشاركات: 46
|
نسيت اذكر اننا صرفنا من مطار الملك خالد 2000 دولار لك واحد ، ومرينا على معرض "المصباح" بجنب الصراف اغبى معرض شفته في حياتي بس مضطرين ، شرينا من عنده تمر قلنا عشان الصوم. الاربعاء 26رمضان 1430هـ وصلنا مطار ابو ظبي الساعة 6 صباحا بتوقيت الامارات، كل شي تغير في المطار ، الصالات الجديدة الواسعة والمرتبة والتنظيم الجيد والعالم من كل بلد بإختصار " مطار بسيط ومرتب " ، شيكت على ايميلاتي عن طريق الاجهزة الذاتية المجانية الموجودة في الممرات وتتم فاتحه لك 20 دقيقة بعدين تسكر ، وبعدين جلست اسولف انا وصاحبي فهد وشوي يعلنون عن الرحلة رقم 310 المتجة لبانكوك ، صراحة كانت الطيارة فاضية 180 راكب على 350 مقعد ، وزي العادة في النصف وعلى الممر وبيننا مقعد فاضي ، اقلعت الطيارة واعطونا وجبة الفطور ، فهد: ناوي تفطر ، انا: ايه مايبيلها كلام تراها من السنه ، فهد: ومالقيت تتبع السنه الا في الاكل ، انا: خخخخخخخخخ ، شوي الا واشبك السماعات وانسجم مع فلم اجنبي وفهد نااااااااااام ، وبعد ساعتين شلت الحاجز اللي بيننا ونمت ، صحيت قبل الهبوط بساعة وعبيت كروت الدخول ،و كملت باقي الفلم ، هبطت الطيارة وكانت الرحلة ولا اروع ستة ساعات ونصف طيران ماحسينا فيها ، وصلنا الساعة 6:40 مساءً ،سوينا من مكينة التصوير صور شخصية للفيزا ب 200بات وعلى طول مكتب التفييز وكان فاااضي عبينا طلب الفيزا واعطونا رقم بعدين اخذو جوازاتنا وقالو استريحو ، حاولنا نقولهم يسوون الفيزا في ورقة خارجية قالو مافي امل ، عشر دقايق الا جاهزة ، ( مواطني الكويت + الامارات + قطر+ البحرين ، بدون فيزا ) طلعنا للتفتيش وختمنا الدخول ، وبعدين مشينا على اول مكتب حجزنا منه غرفتين في فندق غراند سموختف ونصب علينا بسعر الغرفة 130دولار ، اخذنا الفاوتشر وطلعنا مسكنا سرا للتاكسي وعلى طول الفندق طبعا كان المشوار 40 دقيقة تقريبا والسعر 500 بات ، وصلنا الفندق وعلى طول دخلت الغرفة وانصدمت ، من برا خمس نجوم والغرفة نجمتين ، ولا انصح السكن فيه ، سوينا شور سريع غيرنا ملابسنا وكان الجو مرطب شوي برا ، طلعنا على شارع نانا نتمشى ونتعشى مرة وحدة ، كان الشارع " الله لا يبلانا " يمينك دسكوات ومحلات مساج وبارات ويسارك بنات ليل وكشكات فيها اللي خلاني اكره اكلهم كله ( ضواطير ، نقانق خنزير ، مشوي.... مانيب قايل ) اه ياسبدي ، وصلنا مطعم ماك اللي بمحطة البنزين وطلبنا وجبة سمك صراحة انفتحت نفسي بشي " لقيت عائلة كويتية بنتين واب وام يتعشون انبسط اذا لقيت ربعنا " ، خلصنا اكل بعدين رحنا شارع العرب وتمشينا فيه كان فعلا كله عرب واغلبهم من الكويت والامارات " ياحبيلهم " ، بعد ساعتين فرفرة رجعنا الفندق ونمنا على طول. 27 رمضان 1430هـ صحينا الساعة 5 الصباح اخذنا دش على السريع وصلينا الفجر ، بعدين طلعنا نستكشف الفندق صراحة كان كبير ومرتب بس الغرف  ، وكان بجنب الفندق محل سفن الفن " الصورة منقولة " وهي مشابهة لمحلات ميد اللي عندنا بالسعودية ، واخذنا شوية اغراض ، وكان موعدنا مع فطور الفندق ، طبعا الفطور انواع واشكال غريبة ( رز ابيض مع السمك + لحم خنزير مسلوق مع خضار + شوربة دجاج وزي هالشاكله ) ماخذنا الا بيض ومربى وعسل و تشكيلة فواكه. طلعنا بعد الفطور لشارع العرب ، ومرينا بمكتب سفريات وانترنت صغير " بجنب مطعم شهرزاد " وكان موجود فيه بنت تايلندية مسلمة اسمها " زكية " قمة في الخلق والرتابة والجدية في العمل لا وتتكلم عربي بطلاقة وانصح الكل بالتعامل معاها ، سوينا من عندها حجوزاتنا ( فندق غراند ماجيستك الليلة 104دولار لليوم للغرفة الصغيرة لمدة ليلتين اليوم وبعد الرجوع من بوكت + حجز طيران بانكوك - فوكيت على طيران ون تو جو 100 دولار للشخص ذهاب وعوده + حجز فندق رويال بالم فوكيت 53 دولار للغرفة في اليوم غير مطله على البحر مع الافطار ، ورجعنا للفندق اخذنا ساعة في صالة الرياضة وساعة في المسبح وماشوف الا خويي فهد متكي في المسبح يسولف مع وحدة اتضح لي انها سيدة اعمال من سنغافورة ، بس جد كانت محترمة ومؤدبة كثير ، انبسطت لما عرفت اننا من السعودية ولزمت تعزمنا في ستار بكس اللي بجنب الفندق ، قبلنا دعوتها ورحنا في نفس الموعد الساعة 12 الظهر ، وحصلناها تنتظرنا ، قمنا نسولف معاها عن بلدها سنغافورة وعن ديرتنا السعودية بصراحة اكتشفت ان اكثر الاجانب يجهلون الكثير عن بلادنا وديننا ، ودعناهاعلى الساعة 1.30 ورجعنا الفندق اخذنا اغراضنا وسوينا شك اوت وطلبنا تاكسي لفندق غراند ماجستك وماكان بعيد خمس دقايق ، وصلنا وكان من برا شكله يريح  دخلنا وخلصنا مع الرسبشن وكل واحد اخذ كرته وكانت الساعة 2 الظهر تقريباً. "هذي رقم الغرفة لشخصي الكريم"  " بدون ازعاج لو سمحتو "  أخذنا قيلولة ساعتين بعدين صحيت على تلفون من فهد يقولي انزل نتمشى السماء تمطر نزلت وعلى شارع نانا ومنه لشارع العرب ، ماتشوف الا مطاعم ومحلات عود وزححححححححمة ، بعدين رجعنا للفندق جمعنا الظهر مع العصر وبعدها اخذنا ساعة سباحة ثم تحت في اللوبي "جلسة شاي" ، ساعة وافترقنا انا طلعت افرفر شوي حولين الفندق وفهد راح ينام ، يقول ماشبعت نوم ، على الساعة 8 الليل انا راجع وادق على غرفة فهد اصحيه ادق و ادق وش ذا حشى ليش مايرد استفسرت من الرسبشن اذا كان طالع ولا لا ردو علي بانه طالع ومسوي حجز عشاء في المطعم " بوفيه بحري " على المسبح اللحين ، رحت الا والقى ابو الشباب يشوي سمك مع الشيف " خيانه " انا: فهد افا انت هنا وماتعزمني ، فهد: لا لا ماسويها حتى شف الطاوله ، اطالع الا فيها اثنين كولا ، بس عشاء مرة مرتب وفرش ، بعد العشاء جلسنا نشرب شاي بعدين صلينا العشاء والمغرب ثمن نزلنا برا نتمشى على رجولنا وكان الجو مرة حلو وماطر ، الساعة 12 رجعنا للنوم. |
|
|
|
|
«
«®°·.¸.•°°·.¸.•°™رحلة عائلة خمس نجوم في تايلاند 2009 ™°·.¸.•°°·.¸.•°®»
|
°®»شمـــوخ في تـــايلــنـــ 2007 ــــد «®°
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 03:50 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||