السلام عليكم

في البداية احب اشكر كل من ساعدني وفادني في سفرتي لاسيا الحقيقيه ( ماليزيا) والي اخذت صيت واسع خصوصا عندنا بالخليج وخصوصا في السعودية والكويت والامارات انا راح اقولك الي شفته وفرق ماليزيا عن تايلند الي زرتها من قبل اكثر من 6 مرات

في البدايه المطار والتسهيلات فيه كانت ممتازه ولاحظت وجود ارشادات باللغه العربيه ومطارهم رائع وكنت واصل لهم 1 الظهر وكان المطار فاضي واخذت تاكسي ورحت لفندق والي اخذت بعد مشوره الاعضاء وهو ويستن وكان عليه عرض ليلتن والثالثه مجانا وطلع علي 966 رجنت واخذو علي 600 رنجت تأمين والفندق ممتاز الصراحه وموقعه ممتاز بعد وبعدها رحت حق بينانغ على الخطوط الماليزيه وطلعت علي التذاكر 904 رنغت لشخصين
وفندقي كان بارك رويال اخذته بعد مشورة الاعضاء والصراحه كان اقل من المتوقع بالنسبه لغرف ماتستاهل تكون غرف فندق 5 نجوم والازعاج فيه مشكله اتوقع الفندق مافيه عوازل صوت ازعاج الشارع وازعاج المقيمين فيه مانقدر نام منهم
اما كموقع ممتاز و معاملة بعد ممتازه وبكره رايح ان شاءالله لصن واي لاقون

المهم بعد هذي المقدمه
راح ابدء في وضع المقارنه بين تايلند وماليزيا

التسوق :

ماليزيا تتميز بأسوق كبيره ومجمعات كبيره وتتميز بعد بأسعار مرتفعه حتى في الاسواق الرخيصه تحصلها مرتفعه بعكس تايلند مجمعاتها اكثر واكبر وارخص وتحصل فيه تشكيلات اوسع واكثر وانا افضل تايلند عليها في التسوق .

الفنادق :
كنظافه وفخامه وسعر تقريبا متقاربين مع افضليه في السعر لتايلند في فنادق 4 نجوم واقل .

اماكن سياحه :
في كوالا متعدده وكذلك في بانكوك ويميز كوالا جنتج الصراحه رائعه الاجواء فيها وتستحق الزيارة وشارع العرب في كوالا جميل افضل بكثير من شارع العرب في بانكوك وفنادق شارع العرب في كوالا افضل من بانكوك .

الجزر :
الصراحه انا لم ازر لنكاوي زرت فندق بيننغ فراح اعمل مقارنه بينها وبين بوكيت التايلنديه :
1-بيننجع في يومين ممكن تخلص الجزيره وكل رحلاتها اما بوكت اقل شي 5 ايام .
2-في بيننغ بعض الرحلات عباره عن حشو في القائمه مالها اي داعي لزيارة ابد وخساره وقت ومال على الفاضي وافضل مازرت هي حديقة الفواكه و قمة بيننج وعندي عليها تعقيب راح اذكره في النهاية .
3- في بوكيت الرحلات كثيره وتأخذ لها بكج كامل من شركه تأخذك من ساعه 8 الصبح الى 5 المغرب شاملة كل شي مواصلات وجبة غداء .
4- السوق في بوكيت اكبر من بيننج الي مافيها غير مجمع كبير الي هو كونسبي لا وبعيد عند المطار اما بوكيت فمجمعها في السنتر والمحال المشابه لنايت بازرا كثيره وشغاله من 10 الصبح الى 12 بليل .
5- في بيننج لا يوجد الى تقريبا 3 او 4 مطاعم عربية وافضلهم عمر الخيام واسعاره نار والمطاعم الفاست فود بعيده اما في بوكيت مو اقل من 5 مطاعم عربيه والمطاعم الفاست فود في السنتر وقريبه منك .

ماليزيا دولة مسلمة :
مجرد كلمة اسمعها ولم اشاهد تطبيق بالعربي ماتحس في مظاهر الاسلام عندهم غير شغله لفتت نظري هو لبس الحجاب وقميص نص كم مخصر بس افضل شي انه مطاعم الفاست فود حلال ومرات تسمع الاذان خصوصا في بيننغ .

التذاكر الداخليه :
نفس الاسعار تقريبا عبر طيران اسيا اير مع افضليه مرات لتايلند الى بوكيت .

الاكل والمطاعم :
المطاعم العربيه في ماليزيا افضل من تايلند مافي مره اكلت في مطعم عربي في تايلند جيد كلهم عاديين بس الفاست فود تايلند افضل والاسعار في ماليزيا اغلى من تايلند .

الاستغلال :
نعم يوجد استغلاليه في ماليزيا كبيره من اخوانا العرب المقمين فيها وبعض الماليزين ورفع في الاسعار لحظتها من قبلهم ماراح اقولكم انه تايلند مافيها لا فيها بس مو نفس ماليزيا .

الشوراع والزحمة :
ماليزيا افضل بمرات وخصوصا كوالا مالاحظت فيها زحمه نفس بانكوك تقول قاعد بالقاهرة بس بيننج طريقها يدوخ مو نفس بوكيت افضل منه مافيها طرق وعره نفسها.

العواصم :
كوالا اشرح من بانكوك الي اكثر مايميزها الاسواق .


معاملة الشعب :
احس اني ماشفت ماليزيين من كثر الصينيون والهنود الي تحس انه الديره ديرتهم فماتعاملت معاهم اما التايلندين فهم شعب ضحكوك الابتسامه لا تفارقهم .
الجو :
نفس الشي مافي فرق .

التكاسي :
كل تكاسي بانكوك تعمل بالعداد واطلق مشوار مايتعدى 80 بات اما ماليزيا اقل مشوار يقولك 10 رنغت مايعادل 100 بات واي تأكسي تركب معاه 99 % يكون تايلندي بعكس ماليزيا انت وحظك هندي صيني ولا ماليزي .

الامان :
متساوي كلهم شفت الامان فيهم بس لافت نظري لافتات في شارع العرب فيها رسمه شخص يسرق شنطة سيده ويحذرون من هذي الامور .

اللغه:
في ماليزيا اللغه العربيه تجد لها مكان في الامكان السياحيه حتى في لافتات المحال و الاعلانات اما تايلند نادر جدا تحصل تايلندي يتكلم عربي .


كلمة اخيره بالنسبه لماليزيا :
دوله جميله ونظيفه وفي بداية عزها السياحي الي ماصار لها اكثر من 12 سنه واسعارها في ارتفاع كبير تعدى حدود اوربا لو تعمل مقارنه لتجد اوربا ارخص لك كما كملت انا والعيب الشرعي فيها هو وجود الهنود والصينين الي لاعبين بالديره وتجدهم في كل مكان سواق تكاسي بائعين محلات حتى في الرحلات مناشبينك وهالجنسيتن بالتحديد فيهم قلة ادب وعدم احترام للغير وقذرين والتعامل معاهم دفش وهم من اهم عيوب ماليزيا في الحقيقه حتى اهلها طافشين منهم وفي الاخير ماليزيا تستحق زيارة واحده فقط .

وفي النهاية هذي تعتبر وجهة نظر كاتب الموضوع ليس اكثر ولا اقل
ومثل مايقول المثل لو لا اختلاف الاذواق لبارت السلع
حبيت اعملكم المقارنه هذي بما اني زرت الدولتين هذي والكثير مننا يبحث عن المقارنه بينهم
واكيد الكثير يمكن يتفق معاي وهنالك من لا يوافقني الراي بس الغرض من طرح الموضوع هو تبادل الخبرات بينا والاراء والثقافه السياحيه بما ينفع السائح العربي

وشكرا

__________________

البحث عن مواضيع لنفس العضو

__________________

البحث عن مواضيع لنفس العضو

المشاركة الأصلية كتبت بواسطة أبن السعودية يعطيك العافية وجهت نظر نحترمها ونقدرها ويكفى ماليزيا أنها دولة مسلمة ،،،،،

__________________

البحث عن مواضيع لنفس العضو

__________________

البحث عن مواضيع لنفس العضو

المشاركة الأصلية كتبت بواسطة zazaz عليكم السلام والرحمه يعيطك العافيه علي المقارنه اللي احسها عادله ولكن فيه عندي تعليق بسيط وهو بالنسبه للأسعار في تايلند صدقني لو يفتح المجال اقصد للسعودين ان تتدبل اسعار الفنادق والسلع والتكاسي وكل شي وهذا وضع طبيعي لأن ماليزيا اذكره قبل 10 سنين اسعارها كانت ببلاش انا اخذت فندق شنغريلا بــ 230 رنقت والفطور يجيك بعربيه للغرفه واللحين يصل 800 رنقت وكل شي رخيص دخول الملاهي والتكاسي بلاش بس مع توجه الناس لها بعد احداث سبتمبر ارتفعت وتايلند لو يحولون لها العالم صدقني ماعاد احد يقدر يروح لها وفيه ميزه في ماليزيا الخيارات كثير جدا الجزر والمرتفعات وغيرها اما تايلند حدك بالكثير 3 مدن وعموما انا اشوف افضل شي ان الواحد لما يسافر شرق آسيا وضارب مشوار ماهو هين يقسم المده علي تايلند وماليزيا واندونيسيا خاصه اللي عنده ايام تصل للــ 20 يوم والله اعلم ويعطيك العافيه وآسف علي الإطاله 00

__________________

البحث عن مواضيع لنفس العضو

المشاركة الأصلية كتبت بواسطة شيخ على ربعة كلامك صحيح لو تتفتح للسعودين راح تفرق الاسعار لانه الشعب السعودي شعب محب لسفر وخصوصا عندنا بالخليج اذا الواحد مدح له مكان الكل يبي يزروه انا الاماكن في تايلند انا ما اوافقك عندك : بوكيت-شنغماي-ساموي-كو شانغ-بتايا-بانكوك-كرابي- غير اماكن كثير ماتحضرني وبارك الله فيك على المشاركه

__________________

البحث عن مواضيع لنفس العضو

المشاركة الأصلية كتبت بواسطة zazaz كلامك صحيح بس اغلبها حق عزابيه مثل سيئة الذكر بتايا ماضيع شباب الخليج إلا هي انا عني ماشوف إلا بوكيت وشنغماي وبانكوك بحذر 000

__________________

البحث عن مواضيع لنفس العضو

__________________

البحث عن مواضيع لنفس العضو

المشاركة الأصلية كتبت بواسطة abu fahooodi ما ليزيا رائعه وتايلاند يوم رحت لها تفاجئت وما توقعت انها بها الروعه واكثر شي اعجبني فيها فوكيت عموما يعطيك الف عافيه وما قصرت تحياتي

__________________

البحث عن مواضيع لنفس العضو

__________________

البحث عن مواضيع لنفس العضو

المشاركة الأصلية كتبت بواسطة msnr98 باااااااااااارك الله فيك بخصوصو الصينيين والهنود والله انهم همج مثل ماقلت والافضل ان الواحد مايتعامل معهم ويتجنبهم

__________________

البحث عن مواضيع لنفس العضو