 |
 |
 |
||
|
|
|
||
 |
|
 |
|
|||||||
| دول أوروبـــــــــــــــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى أسبانيا. |
 |
|
|
أدوات الموضوع | انواع عرض الموضوع |
|
|
11-09-2009, 02:51 PM
|
#1 (permalink) |
|
مسافرجديد
تاريخ التسجيل: Nov 2008
رقم العضوية :230867
المشاركات: 35
|
صور من مباراة برشلونة وبايرن ميونخ 14-4-2009
السلام عليكم ورحمة الله وبركاته
كيف حالكم حبيت تكون أول مشاركة لي في هذه المدونة صور من مباراة برشلونة وبايرن ميونخ اللي أقيمت في ميونخ ضمن تصفيات شامينج ليج 2009 وكانت المباراة بتاريخ 14-4-2009 وانتهت المباراة بالتعادل 1-1 وتأهل برشلونة بسبب فوزه في مباراة السابقة . بصراحة يوم كنت احجز تذاكر المباراة كاني داخل البورصة الاسعار تتغير بين فترة والثانية ويوم حجزت ما حصلت الا الدرجة الثانية وكنت خايف اكون مع رابطة المشجعين تعرفون متعاودين على دورينا مشاكل وضرايب ونحن سايريين نستانس المهم راسلت الموقع وقالوا لي ما بتكونون مع المشجعين والباقي اكمله مع الصور هذي الصور من السيارة ونحن في الطريق الى الملعب طبعا صار موقف موضحك ونحن في الطريق طبعا واحد من الربع لابس فانيلة برشلونة ومنزل الدريشة (النافذة) ومستانس ومر علينا باص مشجعي بايرن ميونخ وقاموا يسبونا ويأشرون علينا الحبيب من الخوف رفع الدريشة (النافذة) ولبس الجاكيت ونحن عاد جالسين نضحك عليه امسوي عمره عنتر  طبعا وقفنا السيارة في المواقف الخاصة بالنادي وصارت لنا في هذا المكان قصة يوم كنا في المواقف انشوف الناس على اجهزة المواقف تعبي رصيد ونحن ما عدنا بطاقة وما خلينا حد في هذي المنطقة نساله من وين انحصل البطاقة وما حصلنا اجابة وافترقنا وكل واحد يدور واخر شي قالوا تسيرون داخل المدرج وتطلبون بطاقة حق الاكل والموقف وتعبونها رصيد حق الموقف  وهذي صورة قبل المباراة والفريقين يسخنون وهذي صورة جانبيه للملعب وهذي صورة قبل ما تبدأ المباراة شوف الجمهور ووصل عدد الحضور لهذه المباراة 65 ألف متفرج وهذي صورة بانوراميه للملعب وانا محد قاهرني الا هذا اللي طالع في طرف الصورة الناس تشجع وتصارخ وتصفر واللي محرج على الحكم واللي يدق على الطبل الا صاحبنا هذا بدون ردة فعل لا مستانس ولا معصب ولا يتحرك ولا يتكلم كان خاطري اقوله ليش حاضر مباراة كان جلست في بيتكم تشوف المباراة احسن لك المهم يوم جيت اصور قام الحبيب ووقف ليش اخيرا انفعل وتحرك في المباراة ليش برشلونة ضيعوا فرصة الحمد لله ما صدقنا ان الريال اتحرك شوية وحس على دمه  وهذي صورة بعد انتهاء المباراة تتخيلون كم من الوقت خذنا لين ما طلعنا من الملعب طبعا بعد ما انتهت المباراة جلسنا في الملعب يمكن ساعة نتصور وبعدها سرنا السيارة وشفنا المواقف زحمة ولا سيارة تقدر تتحرك وجلسنا في السيارة ما يقارب الساعة والنصف وزحمة ويوم طلعنا ضيعنا الطريج وردينا على طريج الملعب  وسامحونا على الصور البسيطة لان واحد من الشباب هرنا تصوير ما خل صورة ما صورها وطبعا ما نقدر انحط صورة لانها بتصير مشكلة  |
|
|
|
11-09-2009, 03:30 PM
|
#2 (permalink) |
|
مسافر فعال
تاريخ التسجيل: Sep 2008
الدولة: kuwait
رقم العضوية :215972
المشاركات: 67
|
السلام عليكم ومشكوووووووووووووور على الصور وعلى التقرير وبصراحه خووش ملعب وانا شفت الملعب من برا بس ما شفته من الداخل واهو شكله من برا على ايطار سياره قريب منه حيل وموفق انشالله على التقربر الحلو
|
|
|
|
|
11-09-2009, 04:18 PM
|
#4 (permalink) |
|
مسافرجديد
تاريخ التسجيل: Nov 2008
رقم العضوية :230867
المشاركات: 35
|
مشكورين يا شباب على التعليق
اخوي عبدالعزيز ان شاء الله بنحضر مباراة برشلونة وريال مدريد في شهر 11 وان شاء الله النتيجة لصالحنا  وهذا مقطع فيديو لمشجعي برشلونة في المارينا بميونخ وهذا مقطع فيديو لجانب من تشجيع البرشلونيين ... واللي بو نظاره هذا هو اللي رافع الضغط اللي تكلمت عنه عند الصورة البانورامية ..شوفوا البرود كيف |
|
|
|
|
12-09-2009, 12:49 PM
|
#8 (permalink) |
|
مسافرجديد
تاريخ التسجيل: Nov 2008
رقم العضوية :230867
المشاركات: 35
|
هلا بك أخوي المسافر العربي
الاجواء في الملعب من احلى الامور روعة ووناسة انا لين الحينة حاضر مباراتين وان شاء الله شهر 11 بحضر مباراتين في برشلونة اذا تيسرت الامور باذن الله والجماعة منظمين موب مثلنا عبود على حمود والكراسي طابوق شي مرتب وموب خسارة تدفع فلوس زيادة على تذاكر المباراة حتى لو تحضر مع اهلك محد بيضايقك ولا بيقولك شيء خاصة في اسبانيا |
|
|
|
|
18-09-2009, 12:44 PM
|
#10 (permalink) |
|
مسافرجديد
تاريخ التسجيل: Nov 2008
رقم العضوية :230867
المشاركات: 35
|
أخوي الاسعار تختلف بحسب الأماكن وحسب اهمية المباراة
اذا عندك عضوية في نادي برشلونة بتحصل التذاكر رخيصة يعني مباراة برشلونة وريال مدريد درجة اولى بـ 225 يورو ولكن في مواقع حجز التذاكر يعني الوسطاء يرفعون سعر التذاكر والاسعار من 680 الى 800 يورو للدرجة الاولى وكل ما يقرب وقت المباراة يرتفع السعر يعني اليوم اللي حجزت فيه تذاكر مباريات برشلونة وريال مدريد كانت الدرجة الثانية 445 يورو في الصبح، واخرت الحجز لين المساء ووصلت 520 يورو للدرجة الثانية الاشكالية في عضوية النادي ان الموقع يتاخر في الرد عليك انا بصراحة احس انه انصب عليه في العضوية اشترك في النادي بـ 77 يورو ولا جتني اي رسالة ولا اي رقم عشان اراجعهم .. وراسلتهم 3 مرات ولا اي رد والقهر ان المبلغ انسحب ولكن شو بتسوي يوم بسافر اسبانيا بروح اتفاهم معاهم وبشوف شو المشكلة اذا ما ردوا عليه قبل السفر |
|
|
|
|
18-09-2009, 04:38 PM
|
#12 (permalink) |
|
مسافرجديد
تاريخ التسجيل: Nov 2008
رقم العضوية :230867
المشاركات: 35
|
OnlineTicketExpress
هذا ارخص موقع من بين المواقع ولكن هذه اول مرة احجز عن طريقهم وفي السابق حجزت عن طريق /www.sportsemotions.com |
|
|
|
|
«
عاجل جداً - ارجو المساعدة كيف يستطيع الواحد في مدينة ملقا - ارجو عدم الحذف الموضوع
|
مرحبا...للجميع أنا جديد هنا (أنصح كل من يريد زيارة مدريد الذهاب الى حديقةParque del R
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 02:27 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||