الموضوع: اهل قطر ابيكم بخصوص الفيز والجنسيه؟

سلام عليكم يا اهل قطر

بناسبكم

المهم .. عندي كم سؤال بالنسبه للفيز والجنسيه القطريه... كم تحتاج تقريبا حتى تطلع الفيزا؟
شنو الاوراق المطلوبه اذا ماعندي جنسيه قطريه بس زوجي قطري يعني مابعد اطلع الجنسيه او مايحق لي بتاتا البته؟
كم يحتاج حتى اخذ الجنسيه ؟ وهل تتسهل امورها بسرعه؟
وشنو الاثباتات المطلويه حتى اخذ الجنسيه القطريه؟
وبما ان انا سعوديه هل يحتاج لزياره لسفاره السعوديه اذا كنت ناويه اغير الجنسيه الى قطريه؟
وكم تحتاج الفيزا لو بروح ايطاليا حتى تطلع من السفاره القطريه بعد ماخذ الجنسيه؟

وعليكم السلام

مبروك على الزواج مقدماً

الجنسية القطرية مش بهالسهولة

اول شي بعد الملجة (عقد القران) .. واللي اتوقع بتكون في السعودية .. في لفة طويلة .. لازم تصدقون عقد الزواج
يعني تروحون وزارة العدل (او المحاكم) وعقبها وزارة الخارجية وآخر شي السفارة القطرية

ولما تجون قطر تروحون المحكمة (بالاصح الزوج) مع 2 شهود ويطلعون ورقة اسمها اثبات زواج (هذي الورقة اللي الزوج يقدمها في شغله او اي معاملة ثانية في قطر)

وبعدين تقدمون على الجنسية
ويطلع الجواز بعد 5 سنين من تقديم الطلب

طبعاً في قطر لكل شي استثناء .. اللي انا اقوله هو الاجراء الرسمي
والله اعلم

وبالتوفيق ان شاء الله

عقد القران راح يتم في لبنان مو في السعوديه

لازم يعني اسجلها في وزارة العدل حقت السعوديه ولازم وزارة الخارجيه ماتكفي السفاره السعوديه
وشنو الاوراق الي راح تطلبها السعوديه

اختي اسالي الجهات المختصه مثل السفاره القطريه اللي عندكم فالسعوديه او اداره الجوازات فالدوحه واهما ان شاء الله بيعلمونج شنهي الاجرائات المطلوبه ومبروك الزواج والله ييسر لكم اللي فيه الخير والصلاح

الله يبارك فيكم

زين ماعندهم موقع

السلام عليكم ...

مبروووك الزواج مقدما ...

لازم العقد يُصدق من قبل ااجهات الرسمية من نفس البلد ...

يعني ... وزارة الخارجية اللبنانية .. وسفارة قطر في لبنان ...

بعدين تقديم الطلب ... اعتقد يكون بعد مرور فترة معينة من الزواج ...

وبعد ماتقدمين الطلب ... اعتقد تنطرين فترة اخرى ... الى ان تحصلين على الجنسية القطرية بحكم الزواج ...


وتقدرين تزورين موقع وزارة الداخلية القطرية ...

www.moi.gov.qa

وبخصوص الفيزا .. انتي ماتحتاجين الى فيزا لدخول قطر ...

بحكم انج خليجية ...

شكرا للجميع وعلى البركة ...والى هنا يتم اغلاق الموضوع
بحكم ان المنتدى سياحي