 |
 |
 |
||
|
|
|
||
 |
|
 |
|
|||||||
| البوابـات الـــــعــــامــــــة لطرح المواضيع المتعلقة بالشهر الفضيل ... |
|
|
أدوات الموضوع | انواع عرض الموضوع |
|
|
02-09-2009, 02:57 PM
|
#1 (permalink) |
|
مسافر خبير
تاريخ التسجيل: May 2008
الدولة: وطني حبيبي الكويت
رقم العضوية :188657
المشاركات: 3,751
|
قرقيعان ليمونة
السلام عليكم ورحمة الله وبركاته  يحتفلون الناس بالقرقيعان كبار و صغار .. و القرقيعان من العادات الشعبية الرمضانية .. و تنتشر انتشار واسع في دول الخليج و حتى في العراق و ايران و بعض الدول الاسلامية .. القرقيعان فرحه للصغار و الكبار .. استانس لما أشوف الياهال لابسين الملابس الشعبيه و يطقون البيبان و يغنون .. ترجع فيني الذاكره لايام طفولتي و أحس بالوناسه و الحنين لذيك الايام ولكن هالسنه انا اول وحده سويت قرقيعان حقي وحق فروخي يوم الاثنين بديت المهم نرجع لمحور حديثنا .. الاغنيات و الاشعار اللي يقولنها الياهال تختلف من بلد إلى بلد .. أهازيج القرقيعان في الكويت : قرقيعان و قرقيعان بين اقصير و رمضان عادت عليكم صيام كل سنة وكل عام يالله تخلي ولدهم يالله تخليه لأمه عسى البقعة ما تخمه و لا توازي على أمه أهازيج القرقيعان في الإمارات : إنطونه حق الله يرضى عليكم الله جدام بيتكم دله عسى الفقر ما يدله أهازيج القرقيعان في بعض دول الخليج : قرقيعان و قرقيعان عطونا الله يعطيكم بيت مكة يوديكم يا مكة يا معمورة يا أم السلاسل و الذهب يا نورة عطونا من مال الله يسلم لكم عبد الله عطونا دحبة ميزان يسلم لكم عزيزان باب الكرم ما صكه ولا حط له بوابة و في العراق تُسمى هذه العادة بالماجينة ، و لهم اهزوجتهم الخاصة . أهزوجة الماجينة العراقية : ماجينه يا ماجينه حل الكيس و انطينه انطونه الله ينطيكم بيت مكة يوديكم و إذا طولوا عليهم و ماطلع لهم أحد يصرخون بأعلى أصواتهم : يا أهل السطوح تنطونه لو نروح واااااااااااو وناسه يا حلو القرقيعان اذا فيه فلوس وذاك الكاكاو والحلالالالالالالالالاو وسوالف حلوه اللحين وفي الوقت الحالي يقدم ويوزع القرقيعان للكبير قبل الصغير ويا حلات القرقيعان والله من ايادي اعيالنا وياحلات القرقيعان في البيت والشايب والعيوز والكل متجمعين ويقرقعون للكل او لكل عايله قرقيعان والله رديتوني لسوالف اول القرقيعانودي أطرح عليكم كم سؤال مو أكثر وياليت تجاوبوني عليهم * موقف طريف او مخجل او غيره صار لك ايام ماكنت تقرقع ؟ * شنو أحلى شيء عندك بالحلاو و المكسرات اللي تجمعها ؟ * متى أول مره قرقعت جم كان عمرك ؟ * متى أخره مره قرقعت فيها و جم كان عمرك ؟ * منو فيكم يعمل قرقيعان سبيشل يعني خاص ( مثال ) أنا أسوي للصغار غير بكل شي من مكونات القرقيعان وكميته وللكبار غير وللخاصين الاحباب غير يعني في سبيشل بالقرقيعان وتوزيعته ولكم خالص التحيه والشكر وقرقيعان وقرقيعان الله يخلي ليمونه حق منتداها الغالي ويخلي مشرفينا ومراقبينا واعضائنا وزوارنا |
|
|
02-09-2009, 04:03 PM
|
#4 (permalink) | |
|
مسافر خبير
تاريخ التسجيل: Mar 2009
الدولة: ديره مامثلها ديره
رقم العضوية :244630
المشاركات: 2,543
|
اقتباس:
 عساكم من عواده ... وكل عام وانتم بخير ... وياحلوك ياليمونه وياحلو قرقيعان زمان اول ... الاختلاف بين الحين وقبل ... القرقيعان اول بسيط بكل شي ... باللبس ... يدوب بخنق او ثوب ... او دراعه ... وان حصل لنا جيس مخيط او جيس نايلون ... ماعندنا مشكله والحلاو ماغيره المخلط ... والميزه اللي فيه كان ينحط فيه خرده فلوس ... مو مثل الحين ... ونطلع يمعه كلنا مع عيال الفريج كلهم ... والدنيا امان ..ماكان الاوادم طايرين بالسيايير مثل الحين ... تخافين اليهال يعبرون الشارع من هالسوالف  اما قرقيعان الحين ... اللبس كامل ومال العام اللي فات مايبونه هالسنه ... و الحلاو ماركات ... والجياس طقم مع البدله ... والاحتفالات بالبيت اغلبها ... الاهل يتيمعون ويقرقعون اليهال على بعض .... بس سبحان الله ماله طعم مثل قبل مايعطونك الا لما تطلع روحك وتغنين حق عيالهم واحد واحد هههههه صج ايام حلوه ....  وردا على اسألتك اعتقد قرقعت من ثالثه ابتدائي ... وليه بعد الغزو ... يعني بعد الدمج وقفت خلاص ... اما احلى حلاو ... الملبس او بيض الصعو ... والنخي الصغير حاليا لابد من القرقيعان الخاص ... للاهل للدوام ...الخ مشكوره ياليمونه والله يخليلك عيالك ويحفظهم لك ... وتسوين لهم قرقيعان كل سنه بس طولتي علينا بالتقرير وينه ؟؟؟؟؟ |
|
|
|
|
02-09-2009, 07:26 PM
|
#5 (permalink) |
|
مشرفة الواحة العامة
تاريخ التسجيل: Apr 2008
الدولة: الرياض
رقم العضوية :180927
المشاركات: 7,009
|
 هلا ليمونه ... مبارك عليك الشهر والله أيام كان بسيط ندق البيبان ونجمع المقسوم  اللحين الناس تكلفت باللبس والحط على قولة أم منورة حتى القرقيعان صار ماركات والكل يتفاخر هالسنه خيطنا للبنات مالقينا لبس يسوى والاولاد بعد طقمنالهم والله صرنا نجهز للعيد وللقرقيعان شتسوين لازم تواكبين الكل ولا بتصيرين شاذه وها السنه عندنا ولد اخوي بيقرقعون له حنا طريقتنا عندنا دورية شهرية في رمضان نخليها للقرقيعان كلن يجيب قرقيعانه ويقرقع الكبير قبل الصغير  قرقيعان وقرقيعان بين قصير ورميضان عطونا الله يعطيكم بيت مكه يوديكم يالمكه يالمعمورة يا ام السلاسل والذهب يانورة فكوا الجيس واعطونا لو ماهدوء ماجينا يالله خلها لامها عسى البقعه ما تطمها قرقيعان ببيتكم الله يخلي وليدكم  |
|
|
|
02-09-2009, 09:25 PM
|
#6 (permalink) |
 
تاريخ التسجيل: May 2008
الدولة: افطر بامريكا واتغدا بالهند واتعشا بايطاليا وانوم باالرياض الله لايحرمني منها ومن غبارها
رقم العضوية :188477
المشاركات: 2,674
|
كل قرقعان وانتم بخير
* موقف طريف او مخجل او غيره صار لك ايام ماكنت تقرقع ؟ ماتذكر * شنو أحلى شيء عندك بالحلاو و المكسرات اللي تجمعها ؟ اهم شي عندي فكرة العرض اكثر من الحلاوه * متى أول مره قرقعت جم كان عمرك ؟ من زمان وانا بيبي * متى أخره مره قرقعت فيها و جم كان عمرك ؟ لحد الان اقرقع وهالسنه بقرقع وافرح الاطفال * منو فيكم يعمل قرقيعان سبيشل يعني خاص ( مثال ) أنا أسوي للصغار غير بكل شي من مكونات القرقيعان وكميته وللكبار غير وللخاصين الاحباب غير يعني في سبيشل بالقرقيعان وتوزيعته والله فيه بس ياليت افكارررررركم حق السنه الجايه لان هالسنه خلاص اشتريت شنط للبنات والاولاد بيلبسونها وعبيت سلة جميع الحلويات مع فلوس وبخلي الاطفال يجوني ويقرقعون فوق راسي الله يعيني من ازعاجهم |
|
|
|
02-09-2009, 10:13 PM
|
#7 (permalink) |
|
مسافر خبير
تاريخ التسجيل: Jul 2006
الدولة: الكــويــــت >> لــــنــــدن
رقم العضوية :104781
المشاركات: 3,369
|
* موقف طريف او مخجل او غيره صار لك ايام ماكنت تقرقع ؟ لما وصلنا عند بيت نبي نقرقع قالوا تعالوا بعد شوي نعطيكم ألعاب وقتها جناهم مع عيال الفريج  وتوهقوا وعطوا كل واحد لعبه * شنو أحلى شيء عندك بالحلاو و المكسرات اللي تجمعها ؟ حلاو خدود البنات * متى أول مره قرقعت جم كان عمرك ؟ 6 سنين * متى أخره مره قرقعت فيها و جم كان عمرك ؟ يوم كان عمري 11 سنه * منو فيكم يعمل قرقيعان سبيشل يعني خاص ( مثال ) أنا أسوي للصغار غير بكل شي من مكونات القرقيعان وكميته وللكبار غير وللخاصين الاحباب غير يعني في سبيشل بالقرقيعان وتوزيعته اي لخواتي الصـغـار |
|
|
|
03-09-2009, 12:38 AM
|
#8 (permalink) |
|
مسافر متميز
تاريخ التسجيل: Aug 2009
الدولة: بالقرب من ضفاف الخليج العربي
رقم العضوية :276682
المشاركات: 286
|
القرقيعان ايام زمان كان احلى بكثير من هالوقت رغم بساطته الا ان له نكهه مختلفه الآن بسبب المبالغات والتكلف أخذ طابع ثاني وماانكر ان التلبيسات حق القرقيعان بأشكالها المتنوعه حلوة لكن الواحد بهالوقت يواكب كل حدث جديد ويبقى الماضي هو الأحلى وعني كنت ومازلت احب بيض الصعو ^_^ اما عن الذكريات مااذكر كثير لأني ماقرقعت الا مرة او مرتين لكن اذكر موقف لأختي اللي تكبرني اثنا ماكانوا الصغار يجون للبيت ويقرقعون كنا نجلس نتفرج عليهم ومساكين نطفشهم لما ينشدون كل وحده تقولهم قولوا على اسمي وبس يخلصون تطمر الثانية وتقول يلا قولوا على اسمي والبزارين ياحياتي مثل المسجل يعيدون هههههههه (الصورة مازالت عالقه بمخيلتي ^_^ ) المهم اختي توزع عليهم القرقيعان بطاسه كبيرة وشكل البزارين من كثر مانشدوا وصوتهم راح ماصدقوا شافوا القرقيعان وهجموا على اختي والطاسه ماستنوا اختي تعطيهم ومانرفعت اياديهم الا طاسة القرقيعان فاضيه على فكره في ناس يحطونه مدري وش تسمونه اللي من خصف وهو لسه يستخدمونه حتى في تلبيس القرقيعان كشكل قديم بس حنا عاد وقتهاماكان عندنا وحطت اختي القرقيعان بطاسه ادري طولت عليكم بس والله رجعتونا للورا سنواااات مشكووورة ليمونة |
|
|
|
03-09-2009, 12:49 AM
|
#9 (permalink) |
|
مسافر متالق
تاريخ التسجيل: Jun 2009
الدولة: الدمـــــــــــــــــــــــــام!!
رقم العضوية :266409
المشاركات: 949
|
قرقع قرقع قرقيعان عطونا الله يعطيكم... - - - من اروع ايام الطفولة،،انك تتعايش الفرحة بالقرقيعان. وللقرقيعان حكايات لاتنسى ابدا ابدا..وخصوصا اللفة مع بنات وابناء الجيران... اول مرة قرقعت يمكن عمري وقتها خمس سنوات..ومن المواقف المضحكة ..  انا قرقعنا على بيت ناس من دولة عربية ماتعرف شنو هاللي قاعد نسويه،،طلع الاب وحنا بصوت واحد نقرقع بنات واولاد،، الرجال تخرع بقوة وفتح عينه كنه شايف بعبع..المهم دخل ورجعنا نقرقع مننعطى وجهه... الا هو جاي (بهوز الماي) سبحنا كلنا وخذ اكرمكم الله نعلته وطاح في الاولاد طق..على باله شحاذين،، عاد انا والبنات.........ووووووووووون مايشوف الا غبار  ..اخر مرة قرقعت بالنسبة لي كل سنه اقرقع مع اطفالي بيت الوالدة ولازم نردد اهازيجها عشان نفرح امي وتحس !! بزمان اول.. عاد خيتو ليمونة حامض حلو.. لاتنسين نصيبنا بالقرقيعان دامك فتحتي هالموضوع،، خخخخخخخ |
|
|
|
03-09-2009, 04:30 AM
|
#10 (permalink) |
|
مسافر خبير
تاريخ التسجيل: May 2008
الدولة: وطني حبيبي الكويت
رقم العضوية :188657
المشاركات: 3,751
|
يعطييييييييييييييييييييييييييييييييييييييييييييييي ييييييكم العافيه جميعاااا للمشاركه والله يخليكم لاهلكم وأحبابكم وربي يخلي كل من عنده اعيال
وقرقيعان وقرقيعان قرقعو ويانا في منتدانا العرب المسافرون |
|
|
|
03-09-2009, 04:43 AM
|
#11 (permalink) |
|
مسافر خبير
تاريخ التسجيل: May 2008
الدولة: وطني حبيبي الكويت
رقم العضوية :188657
المشاركات: 3,751
|
تسلمين يا ام منوره وربي يخلي اعيالج ان شاءلله ويوم اللي تفرحين في تخرجهم
التقرير بعد العيد ان شاءلله هدوء الكون اي والله الله يعينا على التطور والخساير بعد شنسوي ان ماشرينا يديد الناس اتعيب والعيال بجي مايبون الا اليديد ربي يخليكم حق بعض ويخلي ولد اخوج وربي يزيد من نعمكم ان شاءلله وقرقيعان وقرقيعان ربي يخلي ولدكم نوف 2008 الله يخلي العيال وقرقيعي شواراج والله حتى انا اقرقع وربي يزيدكم من خيره ان شاءلله ويغنيكم لندنيه يا عيني عليج وعلى خدود البنات اي والله حلو لذيذ الله يخليج لهم وللقرقيعان بعد العنفوان اي والله يبقى قرقيعان اول احلى بواااايد وبيض الصعو ما احبه عليك بالعافيه هلاريا لله على قرقيعان اول واهازيييييييييجه والله حلو ربي يخلي الوالده والعيال لكم |
|
|
|
03-09-2009, 07:17 AM
|
#12 (permalink) |
|
مسافر متميز
تاريخ التسجيل: May 2007
رقم العضوية :133459
المشاركات: 293
|
هلا أختي ليمونه حزينه وهلا بكل من يقرا كلامي ومبارك عليكم الشهر وعساكم من عواده طبعا أنا قريت الردود وكل اللي ردوا حريم  وأنا أعتقد أول ريال راح يرد......لأن الوضوع ردني 20 سنه لي ورى  الله....الله....الله....الله على قرقيعان زمان وأيـــــــام زمان  كانوا اليهال يقرقعون بالشوارع ويطقون كل بيت مو الحين بالبيت .....وبس مع انه في بعض الأحياء الشعبيه لي الحين ماتركوا هالعاده أشكرج أختي على هالموضوع الحلو والحين برد على أسئلتج: * موقف طريف او مخجل او غيره صار لك ايام ماكنت تقرقع ؟ مره واحنا نقرقع (أنا وأخواني وخواتي) بالشارع ونطق على البيوت كان في بيت ساكنين في عائلة أمريكيه وجان أقول لهم خنطق عليهم الباب يمكن يعطونا قرقيعان....قالوا من صجك أنت  هذولا أمريكان شعرفهم بالقرقيعان؟؟؟؟؟ جان أطق الباب .....  ويبطل أبوهم ....وأنا سيده قرقيعان وقرقيعان ...عطونا الله يعطيكم الا ويسكتني..... ويدش...هههههههه بس نادى العيله كلها...وقال: قول...جان أرد ...قرقيعان وقرقيعان.... جان يصورونا ...ويطلعون قرقيعان وكاكاو ويعطونا...طلعوا الربع مستعدين.....(أمانه لاتقولون قويــــــه) هههههههههه * شنو أحلى شيء عندك بالحلاو و المكسرات اللي تجمعها ؟ اممممممممممم أحب الكازو...وحلاوة (ام بقره) مادري عاد شنو تسمونها * متى أول مره قرقعت جم كان عمرك ؟ أول مره أعتقد جان عمري 6 سنوات....هذا اللي أذكر * متى أخره مره قرقعت فيها و جم كان عمرك ؟ آآآآخر مره .......عمري 12 سنه * منو فيكم يعمل قرقيعان سبيشل يعني خاص ( مثال ) أنا أسوي للصغار غير بكل شي من مكونات القرقيعان وكميته وللكبار غير وللخاصين الاحباب غير يعني في سبيشل بالقرقيعان وتوزيعته بالنسبة حق هالسؤال..... طبعا أنا عندي المدام مو مقصره...كل سنه تسوي حق عزيز ولدي قرقيعان وكل مره نتشارك بالأفكار وشنو بنسوي للأهل أذكر العام شرينا أغراض من مصر في الصيف عشان القرقيعان كلش ....ماكو مخاسير تحياتي لكم جميعا |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 09:10 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||