المشاركة الأصلية كتبت بواسطة al-habeeb-70

السلام عليكم ورحمة الله وبركاته ، ، مرحباً بالحميع ومشكوررو يعطيك العافية
الطيران : السيلانكية 8 /10 مشكة الأكل نظيف ورائع لكن لا يناسبنا وعرض الشاشة قنوات انجليزية الوقت رائع بالتايم والفخامة رائعة

مطار كوالالمبور 10/10تعاون وسهولة معاملة

كوالمبور 9/10مدينة زحمة وانا ما احب الزحمة

سيلانجور10/10مدينة الراحة

بينانغ8/10يعني كذا ما عجبتني كثير ومع ذلك جيده

لنكاوي10 /10المدينة الساحرة والراحة الخالده في الدنيا والناس اذواق ،، راي يبقى فقط

جنتنق لم اذهب لها للأسف

كاميرون هاي لاند لم اذهب لها للأسف

وماليزيا بشكل عام 10/10

ومشكورر على هذا الموضوع ويعطيك العافية

المشاركة الأصلية كتبت بواسطة ندى400

السلام عليكم
موضوع حلو..رحلتنا كانت في15_6_2009
الطيران=الخطوط السعودية 9 من 10
اعيب عليهم بس بالرجعة من كوالالمبور للرياض كانوا جايبين الوجبات من كوالا..فكانت الحمدلله والشكر..(مااكلت)
مطار كوالا 10 من10
لو تقعد فيه يوم كامل ماببتمل...يونس
كوالا.... برضو10 من10
امووت عليها حتى زحمتها حلوة..رحتلها 3 مرات ولا مليت
بينانج8من 10
السبب اننا للاسف رحنالها مع سواق من كوالا متعاملين معه..والله يهديه ماكان يعرف شي فيها..احس فيها اماكن حلوة للاسف مارحنا لها ما اذكر الا شاطئ تبع فندق (بس عادي لوتجي وانت مومن سكان الفندق)..كانوا مسوين العاب وفرفشة
لنكاوي 8-10
مملة للي يحبون الصخب مثليلانو كل شي يقفل الساعة8 من القهر..ومرره هادية..وانا احب الناس والحركة واكره الظلالالاميقولون حشر مع الناس عيد..يمكن العرسان تنفعلهم(بس اكثر من يومين ماتنفع)
جنتنج10من10
ونااااسة جو واسواق ومقاهي وكلش...
مالكا 8من10
انا رحتها بالليل بس حسيتها مدينة حلوة للتمشي..اهم مافيها المنارة الدواره..وفيه بيوت وقصور اثرية للناس الي تحب التاريخ وحضارات الشعوب تنفعلهم..
أفاموسا الي تبعد عن كوالا ساعة9 من10
بس لاتجلسون فيها الا انتم دايرينها كلها ومعجبتكم..هي توسع الصدر عروض وسيرك وحركات بس مشكلتهم ماعندهم اكل ينفع لنا
وماليزيا بشكل عام 10 من 10
حلووة بجد للعرسان وللعوائل..وانا اشوف اسعارهم معقولة

المشاركة الأصلية كتبت بواسطة kakaloza

السلام عليكم

رحلتي كانت في شهر 7

طيران الخليج 10

كوالا و سيلانجور 10

مع العلم أني ماسكنت في سيلانجور بس كثير رحتها زيارات من كوالا وحسيت تماشيها أحلى من كوالا

بيننج 7 المنطقة مولهناك تماشيها أبدا ماعجبتني (رأي شخصي) بس الشي الوحيد الي فيها حلو جدا وعجبني الألعاب والأنشطة البحرية لو توفرت في منطقة ثانية كان مارحت على بيننج

جنتنق 10 رووووووعة بس يومين تكفيها بالراحة

أفاموسا 10 منتجع حلو وعجبني وايد سكنت في شققهم حلوة ونظيفة وجديدة قعدت فيها يومين وتكفيها بالراحة

بورت دكسون 9 منطقة نادرا مايروحونها السياح فيها أسواق شعبية رخيصة وتقع على البحر المنتجع الي كنا فيه روعه وهادي ومزاج للراحة والأستجمام قبل الرجعة كنا فيه في أخر يومين في رحلتنا ماشفنا فيها اي مكان للتماشي بس أخذنا جولة بسيطة حوالين الفندق

ماليزيا عامة 10/10 بس عيبها الجو الحار والرطوبة صحيح جونا احر بس في ديرنا مانطلع طول اليوم مثل هناك والأماكن كلها مكشوفة والعيب الثاني أن كل أماكنهم تسكر من بدري الواحد مايمدي يدورها في زيارة وحدة

بس وناااااااااااااسة أنصح الكل فيها وأتمنى أروحها الحين مرة ثانية وحشتني وباقي وايد على الصيف الياي

وسامحوني على الأطالة بس اتحمست

المشاركة الأصلية كتبت بواسطة kakaloza

بورت دكسون منطقة تقع في اطراف منطقة ملكا وتبعد عن المطار 45 دقيقة انا قريت تقرير وحدة من الأخوات جزاها الله الف خير عن منتجع اسمه أفيليون وهو يقع في هالمنطة المنطقة جدا هادئة والفندق روعة والشاليهات الي فوق البحر اروع في على الحديقة وفي في البحر تحمل الغرف عواميد كبيرة المنطقة تبعد عن كوالا تقريبا 3 ساعات أو ساعتين ونص والتاكسي ميني باص قديم من كوالا الى بورت دكسون أخذ علينا 300 رنجت بس لو تخلي اخر يومين في هالفندق والله بتدعيلي مثل مادعيت انا وكل الي معاي للأخت الي نزلت التقرير وفي الروحه للمطار فان كبيرة اخذ علينا نسيت يا 100 أو 150 رنجت

والحجز سهل عن طريق موقعهم في النت بس ياخذون نسبة بسيطة من الفيزا للحجز والباقي تدفعة هناك وقت خروجك بس نصيحة لكل من يقرا لاتحاسبونهم بالفيزا و انتوا هناك لأن صارقين من فيزتنا ألفين ريال من موظف الفندق وعشان نسترجعها سالفة طويلة قام اخوي قال خلاص المهم استانسنا

ومهما نزلت اصور للمكان ماراح تكون افضل من صور الأخت أعتقد (صوت السهارى) دور في مواضيعها عن فندق افيليون بورت دكسون

أما بيننج فرحت فيها حديقة الفواكة بااااااااااايخة حر والشمس تشوينا وواحد شايب يقعد يشرح على شجر مافيه فواكة اصلا بس الي حلو فيه في اخر الجولة في بوفيه فواكة غريبة وحلوة بس تحس المكان مو نظيف احنا قطعنا الجولة ومشينا عن الريال الي يشرح ورحنا على طول على البوفيه ومشينا البوفيه والعصير الي تختارة مجانا شامل سعر التذكرة

ورحنا قطار الجبل بس محد فينا تشجع وركب وقلنا بنروح للشلالات قالنا راعي التاكسي ان الشلال مو حلو وصغير وبعيد يحتاج مشي وايد على الرجول ومايسوى وان الي في كوالا ولنكاوي احلا بكثير احنا رحنا الي في كوالا بس لنكاوي مارحناها للأسف

ورحنا حديقة الفراشات لابأس بها حلوة بس مو ذاك الزود

وشاطئ باتوفرنجي هو الشي الوحيد الي عجبنا في بيننج الألعاب البحرية كانت روعة مع انهم نصبوا علينا ولما رجعنا عرفنا من ناس انهم ركبوا نفس الألعاب بنص السعر وأقل بعد بس أستانسنا وايد في البراشوت والجت سكي كان حلو بس موجود عندنا يعني لاجديد

أما السوق اليلي حلو بس للهدايا ونصابين ولازم تكاسر وسالفة وماعندهم اشياء وايد حلوة بس ممكن تلاقي تلقيطات من باب التذكار يعني

وأحذركم من دخول مطعم عدن في السوق الليلي لأن غالي بشكل متخلف قريت تحذيرات منه في النت ونصحني السايق بمطعم مشابه له بس اسعارة ارخص نسيت اسمه بس معروف عندهم بس قلت له لا انا ابي عدن لأن جريب من السوق طلع الطبق الواحد بدون العصير 350 رنقت

وودانا السواق على محل يبيع القهوة والشوكلاته وياريته ماودانا الوالدة طلعت من عندهم قاطة 400 رنقت على شوكلاطات بايخة واكثرها ماتنوكل وعلبتها كبيرة وتلقى داخلها حبتين أما قهوة الشوكلاته عجبتني

ورحنا على محل الظاهر ان السواق ياخذ من عندهم نسبة لجلب السياح يبيع اكوابهم الشعبية مصنعة بتصريح وختم وحركات واشياء وايد مثل اللؤلؤ الماليزي المزروع واقلام وغيره من الهدايا الي تعتبر غالية شوي احنا اخذنا الكوب وسلسال فيه لؤلؤة واحس انقص علينا بس مش اللعب اهم شي استانسنا على فكرة بيننج يكثر فيها الصينين وهذا كلام السواق ومايحتاج اقولكم على عيارتهم ونصبهم

بس هذي هي الأماكن الي رحناها في بيننج

المشاركة الأصلية كتبت بواسطة ملح نجد

الطيران : الخطوط السنغافورية 20 من 10 طيران راقي جدا جدا

مطار كوالالمبور : 9 من 10 المطار بشكل عام مرتب بس كان فيه زحمة شوي باجراءت الدخول

كوالمبور : 9 من 10 مدينة حلوة لكن جوها مخرب عليها

سيلانجور : 7 من 10 احسن مافيها الشلالات فقط


بينانغ: مازرتها


لنكاوي :10 من 10 جنة ماليزيا وتسحرك بطيعتها وهدوئها لكن بالكثير يكفيها اربع ايام

جنتنق : 10 من 10

كاميرون هاي لاند : صراحة مازرتها لكن ندمت كثير اني مازرتها صور مزارع الشئ تفتن العيون

وماليزيا بشكل عام : 8 من 10 البلد جميل ونظيف وطبيعة لكن الجو

المشاركة الأصلية كتبت بواسطة رحلتي الرائعة

الطيران : 7 من 10 الخطوط السعودية

مطار كوالا : 10 من 10 قمة في الابداع لايوصف

كوالامبور : 9 من 10 نيويورك اسيا

لنكاوي : 10 من 10 (بدونها ماليزيا ناقص ملحها )

بيننغ : 5 من 10 (ابد ماحبيتها اكثرها صينين الحلو فيها القطار المعلق)

كاميرون : 9 من 10 (جو خيال وطبيعة خلابة )
جنتنغ : 9 من 10 (خيال مدينة فوق السحاب)

المشاركة الأصلية كتبت بواسطة نبراس الإمارات

الطيران 9 من 10
الطيران السنغافوري مريح جدا وخدماته رائعة وشاشة امام كل مقعد

مطار كوالالمبور 9 من 10



كوالمبور 10 من 10

سيلانجور 8 من 10

بينانغ 8 من 10

لنكاوي 9 من 10

جنتنق 9 من 10

كاميرون هاي لاند .. كانت ضمن المخطط .. الا ان الماليزين اهل المنطقة قالوا لي بانه لا تتوفر باصات مريحة للكاميرون ، وهي قديمة وغير مناسبة لذلك تراجعت مع انني كنت حاجز في فندق ليلتين

وماليزيا بشكل عام 9 من 10