 |
 |
 |
||
|
|
|
||
 |
|
 |
|
|||||||
| دول جنوب و شرق آسيـــا تعنى هذه البوابة بتزويد المستخدمين بجميع المعلومات المتنوعة الخاصة بالسفر الى الصين وهونج كونج. |
 |
|
|
أدوات الموضوع | انواع عرض الموضوع |
19-08-2009, 08:37 PM
|
#1 (permalink) |
|
مسافر متالق
تاريخ التسجيل: Jun 2006
رقم العضوية :91235
المشاركات: 1,016
|
قصة اعتقالي في الفندق الصيني ( قصة تجسد الغباء لدى بعض الناس
قصة اعتقالي في الفندق الصيني ( قصتي مع اغبى واكذب ناس ) اخواني الاعزاء السلام عليكم ورحمة الله وبركاته اخواني الاعزاء مع احترامي الكبير للشعب الصيني وما وصله له من تقدم صناعي وتجاري كبير الا انه مع الاسف لا تزال عينة كثيره هناك تتميز بالغباء الكامل وعينة اخرى تهوى الغش والكذب في جميع الاحوال ولي صديق يعمل في احد السفارات الخليجيه في بكين منذو اربعة اعوام وتربطني به صداقه قويه وعندما اسئله عن الشعب الصيني يقول شوف الصين عندهم ( مليون واحد ذكي فقط ) والباقي مليار ومية وتسعين مليون كلهم اغبياء طبعا في رحلتي الاولى للصين وعلى مدى ما يقارب الثلاثة اسابيع شاهدت خلالها الكثير من المواقف التي فعلا تؤكد الغباء وانهم شعب يمشي على الخط الذي ترسمه له واذا انحرف الخط لا يعمل يعني مثل الماكينه وهم فعلا مكائن ولكن لن اذكرهذه المواقف الان وباذن الله سوف اذكرها في تقريري المختلف جدا عن الصين ولكن اليوم سوف اذكر لكم موقفين لكي لا تتعرضو لما تعرضت له الموقف الاول قصة اعتقالي في الفندق طبعا انا كنت اسكن في فندق جيان وهو ذو اربع نجوم ومحترم جدا وعندما وصلت الفندق وكنت حاجز مسبقا قدمت لهم مبلغ 300 دولار امريكي دفعه تحت الحساب وبعد مضي ثمانية ايام طلبو مني دفعة اخرى فدفعت تقريبا الف رمبي ومشي الامر وقبل امس وعندما قررت العودة للسعوديه وكان موعد رحلتي مساء الاثنين وتحديدا الساعه 6 وعشرين دقيقه من مطار هونج كونج وطبعا صحيت مبكرا وصليت الفجر الساعه الخامسه ثم اخذت نومه ساعه ونصف ثم استيقضت وذهبت افطرت طبعا الفندق قريب من المطاعم العربيه السده والبيت الشامي وسباء المهم وبعد الافطار رجعت الى الاستقبال الساعه التاسعة والنصف وقلت للبنت الصينيه انني مغادر الان شوفي حسابي وطلعت الغرفه وطلبت العامل ينزل شنطي المهم نزلت الشنط وجيت احاسب وقدمت البطاقه حقت الباب وقالت الموظفه وين البطاقه الثانيه قلت في مفتاح الكهرب في الغرفه قالت الغبيه روح جيبها قلت لها خلي العمال يجيوبها قالت سوري انت روح جيبها ( قمة التخلف وعدم احترام الزبون ) المهم وانا اطلع الدور 27 الى غرفتي واجيب البطاقه الثانيه واقدمها للموظفه وجلست تفتح السجلات ثم الكمبيوتر وبعدين قالت الموظفه وين ايصال استلام المبلغ الي عطيناك اول ما وصلت قلت انا ناسي قالت انت دفع اول ما وصلت 300 دولار وعطيناك ايصال وبعدها دفعت 1000 رمبي وعطيناك ايصال روح جيب الايصالات وتعال حاسب قلت شوفيها مسجله عندك في الكمبيوتر والاصل عندكي قالت النظام هنا لازم تجيب الصور وندبسها مع الاصل قلت لها وش هالنظام الغبي طبعا قلتها بالعربي وقالت وت قلت لها بالانجليزي اول مره يمر علي هالنظام في العالم ما شفته في أي مكان اخر المهم ما لقيت أي تفاهم معها وكاني اكلم جدار قمت وطلعت الدور 27 الى غرفتي مرة اخرى وبحثت في الادراج وحصلت وصل 1000 رمبي اما وصل 300 دولار ما حصلته المهم نزلت وقلت هذا الي حصلت قالت والوصل الثاني قلت ضايع قالت دور عليه قلت طشيته في البحر ودي افتك المهم قامت تتصل وتجري اتصالات ويمكن اتصلت بسافرتنا او بمجلس الامن وبعد ربع ساعه من الاتصالات جابت ورقه بالصيني ما ادري وش مكتوب فيها وقالت وقع وانا اوقع وتغيب ربع ساعه وتجيب لي 300 دولار وقالت بدلها رمبي وسدد الباقي وطلع الباقي تقريبا2000 رمبي قلت لها حوليها انتي باي مبلغ ما يهم حتى لو تحسبي 100 دولار ب 600 رمبي قالت سوري ما ناخذ غير رمبي قلت طيب ليش اخذتوها مني اول ما وصلت قالت اخذناها ضمان قلت الان انا ما معي غير 300 رمبي دعيني اروح احول مبلغ من مطعم السده وارجع اسدد قالت الصينيه سوري ما تطلع غير تسدد قلت طيب خذي الدولار وفكينا قالت نو قلت هذه شنطي عندك خليها ضمان ( طبعا الشنط فيها هدايا للوالده والزوجه والاولاد يمكن ب 15 الف رمبي ) وقلت لها انا ماراح اذهب واترك شنطي عندكم وفيها اغراضي وتورطت الصينيه وبعد تفكير قالت ارسل معك موظف الامن بالاستقبال وفعلا جاء موظف الامن بالاستقبال وتكلمت معه بالصيني وخرجت وهو جنبي رجله على رجلي ومجهز يده لو اشرد يمسكني المهم رحت المطعم وهذا معي والناس يناظروني وهذا واقف جنبي ( فعلا ياشباب مثل الماكينه برمجوه وصار مبرمج ما يتركني ابد ) وحولت فلوس ورجعت وسددت الفلوس وتخيلو استغرق الامر كله ساعه كامله وانا اريد انهاء اجرائات الخروج من تسع ونصف الى عشره ونصف فقط من اجل المغادره ( الله يرحم الخليج وأوروبا بس تقول شيك اوت وخمس دقايق وانت راكب التاكسي المهم وعقب ما خلصت قلت لها اطلبي لي تاكسي وقالت وين تروح المطار قلت لا ابي اروح موقف التاكسي الذي يذهب الى هونج كونج مباشره وقالت اوكي وبعد عشر دقايق جانا التاكسي وخرجت من الفندق الساعه عشره وخمس واربعون دقيقه المهم وحيث انه مر علي الكثير من مواقف الغباء مع سائقي التاكسي اتصلت بالمترجم الصيني الذي كان معي وقلت له قول لسواق التاكسي يوديني الى مواقف التاكسي التي تذهب الى هونج كونج مباشره وفعلا كلمه وهز الصيني راسه وكلمني المترجم وقال خلاص المهم مشي التكسي خمس دقائق ووقف في موقف باصات داخل فندق رجنسي المهم قلت له انا اريد مواقف التاكسي وليس الباص ولم يفهم علي الصيني المهم الغبي بسرعه وقف وفتح شنطة السياره ونزل شنطي بدون أي تفاهم المهم شفت فيه كشك في الموقف فيه موظفات ورحت عندهن وتكلمت بالانجليزي وقلت لها هل هنا تاكسي يذهب الى هونج كونج قالت هنا الباص يذهب مباشره الى مطار هونج كونج وباقي له خمس دقائق ويتحرك وقلت لها كم يستغرق قالت ساعتين وانت بالمطار قلت كويس جدا وقمت واتصلت بالمترجم وكلم الموظفه وقالت له هذا الباص سريع ومباشره يذهب الى مطار هونج كونج ورجع كلمني وقال اركب بالباص احسن من التاكسي لانه سوف يحرك الان وتصل هونج كونج الساعه وحده الظهر وانت بالمطار المهم قصيت التذكره ورجعت وقلت للموظفه اكيد المطار قالت يس دايركت ايربورت قلت بسم الله واركب الباص وفعلا الساعه 11 يتحرك وطبعا جلست في اخر الباص في مقعد وحطيت شنطت الكمبيوتر على المقعد الاخر عشان ما احد يجلس جنبي منهم ويغثني بريحتهم المعفنه ( بصراحه الحمد لله على اننا مسلمين نهتم بالنظافه ) وكان جالس في الكرسي المجاور في الصف الثاني واحد نيجيري والتفت عندي وقالي صحيح الباص سوف يذهب الى مطار هونج كونج قلتله نعم يقولون ذلك ومن يوم مسكنا الخط السريع صار الباص السريع مثل السلحفاه وياقلب لا تحزن يمشي 70 واذا اسرع مشي 80 العجيب ان الصينيين الي ركبو معنا حطو روسهم ونامو من يوم مشي الباص وما فيه غير انا والنيجيري وفيه واحد غبي صيني كان جالس في المقعد الاخير المقعد الطويل وكان يناظرني بشكل مريب وكان معي الجوال وكنت اصور فيه وهو بس يناظرني وكانه رجل امن وكل ما تحركت وهو ناظرني وفعلا تحس انهم شعب منغلق شعب لا يحب الاخرين ولي عوده مطوله باذن الله عن هذا المهم هذا الغبي كان اغبى صيني شفته المهم وبعد ساعه وقف الباص في محطه ربع ساعه وبعدها مشينا ووصلنا الحدود وخلونا ننزل الشنط واجرها وادخل اختم خروج وبعدين نطلع مع الجنب الثاني ونركب الباص ونمشي شوي ثم ننزل في حدود هونج كونج وانزل الشنط واجرهن واختم الجوازات ونخرج مع الجنب الثاني ونركب الباص ( طبعا في الذهاب رحت في القطار والقطار ازين تركب من هونج كونج وما تنزل غير في كونزو ) المهم ودخلنا هونج كونج ونمشي بالباص قصدي بالسلحفاه ويدخل الى وسط كولن ونزل نصف الركاب ثم يذهب الى حاره وسط هونج كونج ونزل كل الركاب وكانت الساعه 4 العصر وما بقي غيري انا والنيجيري وقال انزلو والتفت عندي النيجيري وقال المطار وقلت للسوق المطار واشرت له بيدي علامة الطياره وقال لا وحاولت اقوله ان الموظفه الى بكونزو قالت لنا الباص يذهب للمطارولكن ما عندك احد و والنيجيري جلس يسب ويشتم واما انا قلت ياولد باقي عن رحلتي ساعتين لا تضيع الوقت المهم وانا انزل مثل المهبول واشيل الشنط والعجيب انها حاره قديمه ومنزويه وما فيها تكاسي بس الله كريم ورحمني وحصلت تاكسي وقلت له المطار قال اوكي وقلت له بسرعه رحلتي بعد ساعه وفعلا قال نصف ساعه ونصل المطار والحمد لله اصل المطار الساعه 4 ونص وبسرعه اخلص الاجرائات والحمد لله لحقت الرحله على اخر قطره وقلت وانا في الطياره صدق صديقي الخليجي يوم قال في الصين مليون واحد ذكي هم الي طورو كل شي ومليار ومية تسعين مليون كلهم اغبياء ولي عوده باذن الله في موضوعي القادم تقرير عن الصين مختلف عن كل التقارير |
|
|
|
19-08-2009, 09:24 PM
|
#2 (permalink) |
|
مسافرجديد
تاريخ التسجيل: May 2008
رقم العضوية :185213
المشاركات: 28
|
اول شي انقولك الحمدالله على السلامه
زين يوم رجعت ديرتك بالسلامه بعد هذه المعاناه  اخوي مشكلة الصين انه شعب عاش فتره زمنيه كبير مغلق على عمره ولذلك فهو عنده مشكله كبيره في فهم ابسط شي حتى لغة الاشاره  وعلى فكره حصل لي نفس الشي في الجمهوريات اللي كانت تتبع الاتحاد السوفيتي ما كانو يفهمون اي شي حتى لو تاشر لهم تبي ماي تشرب  لــــــــك الـــــشـــــكر |
|
|
|
|
19-08-2009, 09:24 PM
|
#3 (permalink) |
|
مسافر متميز
تاريخ التسجيل: May 2004
الدولة: هذه الدنـيا
رقم العضوية :2934
المشاركات: 559
|
بصراحه اخوى عاشق البلاد كلام مخيف جدا وكلمه خويك ( مليون واحد هو من غزا العالم بالتجاره والصناعه وغيرها) والباقى اغبياء فاعتقد المفروض سمعت كلامه وما رحت ولكن يمكنك من زمان وانت من عشاق الصين لكن بجد حركه الفندق كوم ثانى ما اتوقع فندق يسوى كذا والله لو بالهند وسيرلانكا اللى ما عندهم اللى عند الصين ولكن ربنا يعينك المهم تستفيد من القصه هات وش القصه الثانيه والله هالشعب غريب بكل ما تحمله الكلمه من معانى
تحياتى لك اخوى silent man |
|
|
|
|
20-08-2009, 12:31 AM
|
#4 (permalink) |
|
مسافر متميز
تاريخ التسجيل: Apr 2009
رقم العضوية :249528
المشاركات: 194
|
استمتعت بقراءه قصتك اخوي ، صحيح انك تعبت جدا و الحمد لله ع السلامة
لكنها عبره لبقية المسافرين الى جمهوريه الصين فعلا مثل ما تفضلت هذول يبيلهم واحد يشرح لهم الكلام حرف حرف او نقطة نقطة انا لين يومك اعاني مع البضائع الي توصلني بالرغم ان الشركة المانيه الاصل و مصنعها بالصين اقولهم حمار ، يقولون احلبوه ، اطلب كرتون ابيض ، يرسلون لي كرتون بني ، اطلب شي معين ، ما يرسلوه كامل لازم في اشيا ناقصة .. و لما اقول لهم ليش ما ارسلتوه ، يقولون لي انت ما طلبته ، و المطلوب يكون سعرة وياه يعني FOC يعني اقدر اطلب ماي من غير كأس ...؟ الصينيين جدا متعبين ، واي واحد لازم يكون صارم وياهم بالكلام قبل اي مراسله او شحن البضاعة ، على كل كلمة انتظر منهم Confirm عشان بعدين ما اطيح بمصايبهم ... المهم عوده سليمة لبلدك ، |
|
|
|
|
20-08-2009, 12:50 AM
|
#5 (permalink) |
|
مسافرجديد
تاريخ التسجيل: Aug 2009
الدولة: قطر
رقم العضوية :278217
المشاركات: 57
|
كنت مسافرة للصين قبل عشره ايام ..
انا أأيدك بالكلام .. الشعب الصيني ضعيف الفهم .. يرونا البعض كأنهم لم يروا في حياتهم اناس تختلف أعينهم عنهم.. وعندما نحدثهم بلغة الاشارة لا يفهمون ابدا ابدا .. هذا الكلام بالنسبة لبكين .. ولكن شنغهاي الناس فيها تختلف بعض الشيء .. افضل بكثر من سكان بكين ووووتبقى الصين حضارة .. =) |
|
|
|
|
20-08-2009, 02:24 AM
|
#8 (permalink) |
|
مسافر متميز
تاريخ التسجيل: Mar 2009
الدولة: الصين
رقم العضوية :246960
المشاركات: 203
|
نظره
آخي الكريم
الفندق الذي دخلته هو حكومي و البنت التي كانت تتكلم معك ليس إلا موظفه لا يهمها أي شيء سوى المشي حسب المسار الذي لديها كذلك هناك الكثير من الصينين لا يحب أن يعمل كثيرا ( غير نشيط و غيور على عمله ) حيث هذا غير مهم له و هذا طبع موجود عند الصينين و غيرهم و كثيرا ما نتعثر بهم في الكثير من الآماكن و الحمد على الوصول بالسلامه |
|
|
|
|
20-08-2009, 07:43 AM
|
#12 (permalink) |
|
مسافر متالق
تاريخ التسجيل: Jul 2005
الدولة: الرياض
رقم العضوية :35171
المشاركات: 1,046
|
الحمد لله على السلاامة
والله انكسر خاطري هههه بالفعل قصة تضيق الصدر ويوم وصلت وركبت بالطيارة هانت الامور ولي ملحظ لعلك تتقبله واشوى انك قلت عينة كبيرة هههه كون الشعب اغبياء الى هالدرجة لا اوافقك عليه فهم يقولون الغباء بالدول النامية ومن حقهم ذلك كما من حقك تقول ذلك عنهم كون الشعب عاش ردحة من الزمن تحت ظل الشيوعية والارهاب الامني جعلهم ينفذون سياستهم حسب تعليماتهم المتوفرة ومشكلتنا نخاطبهم بلغة مختلفة تماما عن لغتنا والواحد منا يتكلم بالاشارة يريد شيئا حسب مفهومة وهو يفهم شئ اخر حسب فهمه انا اضرب لك مثال هههههه واحد يوصف للتاكسي بالاشارة يقول له ابيك توديني لسوق الالعاب اللي فيه طيارات يوصف له بيده شكل طيارة تطير هه وقام التاكسي وداه للمطار منهو الغبي ههههههههههانا اؤيدك بالفعل ان موضوع الشيك اوت عندهم فيه شدة ويتاخرون كثير ومع ذلك في فندق بيانو المقابل للقاردن قلت لهم الورقة ضاعت وهي والله بين اوارق الكمبيوتر حوووسة وما تاخرت طلعت بدالها ووقعت عليها ومشت الامور تساهيل يمكن هذا تصرف موظف بالفعل كما وصفته ولكن ليسو كلهم ما الوومك والله على اللي صادفك فكانت كثير من الابواب مغلقة في وجهك وحنا تساهيل رب العالمين لذا اشوف بعين غير اللي شفت فيها الويل وحمد لله على سلامتك |
|
|
|
|
20-08-2009, 08:44 AM
|
#13 (permalink) |
|
مشرف بوابة الصين
تاريخ التسجيل: Mar 2005
الدولة: قـــ ط ـــر
رقم العضوية :18945
المشاركات: 2,537
|
السلام عليكم اخوي ...
صراحة قصتك هذي ولا في الاحلام ... معقوله الواحد ممكن يصير له هالشي .... وخصوصا يوم السفر ... لكن اسمح اخي لي عتب اخوي عليك ... اولا ... مثل هذي الايصالات ... لا يجب ان تتركها فالفندق ... يجب ان تحافظ عليها ... وعندما تصل سالما الى بلدك .. تتلفها ... ثانيا ... عجبني تصرفك عندما قررت تعمل الشيك اوت مبكرا .... لكن ... لا اعرف لماذا لا تسافر من كوانزو مباشرة ... خصوصا انه في شركات عربية له رحلات مباشرة من كوانزو الى بلدان الخليج ... ثالثا ... وصف الغير بالغباء ... لمجرد انهم يؤدون عملهم ... قد يكون جائرا بعض الشي ... انا معاك بأن الصينيين ... تحس انهم مبرمجين ... يسوي الشغل اللي عليه وبس ... لو انك ناديت المدير المناوب ... كان ممكن انحلت المشكله بسهوله .... وبعدين لازم معاملة الغير تكون فيها سلاسة شوي اخوي .... يعني انت حط نفسك مكان الموظفة .... شلون تخليك تروح تجيب فلوووس وانت لين الحين ماسكرت حسابك فالفندق ... انزين هي وشدراها وش عندك فالشنط ؟؟؟ وبعدين ... ياخي لازم تدفع كاش ... ؟؟؟ كنت طلعت لها بطاقة ائتمانية وفكيت عمرك ... كلنا تصيبنا مواقف اثناء السفر ... لكن مثل موقفك هذا ... انا ماشفت ... صراحة معاناة ... والحمدلله انك لحقت عالطيارة في اخر لحظة ... والواحد يتعلم من اخطاءه واخطاء الاخرين ... ويالله ... ننطر الموقف الثاني .... وننطر ايضا تقريرك بعد الشهر الفضيل .... تقبل مني كل التحايا ... ويعطيك العافية يا رب ... |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:55 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||