المشاركة الأصلية كتبت بواسطة الصراحةراحة

مرحبا لكل من دخل .....

ورجعنا من سريلانكا بحمدالله وسلامتة .... وكانت الرحلة ولله الحمد ميسرة واستمتعت كثير كثير بمناظر سريلانكا ولكن حاس جونا المكتب الي تعاملنا معة حسبي الله ونعم الوكيل

حبيت اطرح عليكم الي صار معنا عشان لاتطيحون بالي طحنا فية ولانكم بصراحة خدمتوني كثير بالمعلومات فحبيت اقدم لكم هالنصيحة وهالتحذير

طبعا احنا سافرنا بدون مانحجز او ننسق مع مكتب لان السفرةللسريلانكا جت مفاجئة فقلت اول مانوصل نشيك على المكاتب ونشوف الافضل ونختارة طبعا مو اي مكتب لا المكاتب الي انمدحت لنا

اعطانا كم مكتب عرض واول مكتب دخلناه هومكتب اير ويتنج

وكان فية واحد اسمة ابو ريحانة يتكلم عربي قال لنا البرنامج لمدة 7ايام للشخصين 1500رفضت انا رفض قاطع خير هالمبلغ على 7 ايام ولفينا على كم مكتب اعلى سعر قالوة1100ووافقنا على عرض من العروض مادرت الا ابوريحانة مرسل لي واحد

يقول تعالو ومالكم الا الي يرضيكم طبعا المكتب الي اتفقت معة اكثرالفنادق الي كنت ابيها ماحصل حجز فيهم ابو ريحانة ظرب على صدرة وقال انا وفرها لكم وعطانا من الحكي الرخيص فاتفقنا معة على 1370بشرط السواق 24ساعة معنا ويتكلم عربي وكنت محرصة على هالنقطة بالذات وكنت معطيتة الفنادق الي ابيها وهي اماياليك في
دنبولا يومين

هونازفولز في كاندي يويمن

قراند في نوراليا يومين

هيلتون في كلومبو يوم

وتم الاتفاق على هاذا الشي وتم التوقيع وكان يبي المبلغ كامل وقلت لة معصي عطيناة 700 والباقي تقسيط

الزبدة واول مطب ارسل سواق مايتكلم عربي ولا حرف وادق علية ويكذبني ويقول الا يتكلم عربي تهاوشت انا واياه لان هذا اول شرط واخل به والمشكلة مصرانة يتكلم عربي قلت مو مشكلة انا اتكلم انجليزي وابي امشي حالي ... كنا شارطين يتكلم عربي عشان زوجي هو الي يتكلم معها لانة مايعرف لغة ومايكون بيني وبينة احتكاك وانكبت بقوووووة

فوق هذا السواق مرة عصبي ولايبينا نامرة بشي وكذاب وفي كاندي رفع صوتة علي بقوة ورفض يودينا لماكدونالد وودانا لمطعم على كيفة واماكن كثيرة رفض يودينا لها

المطب الثاني في كاندي حجز لنا في الامايا هيلز ورقع لنا ابو ريحانة قال نومو في هالفندق وهونالز فولز روحو له تمشيةواشربوشاي فية<<< على كيفة يخطط

عصبت مرة وقلت مو مشكلة فليها ووسعي سدرك
المطب الثالث الي ماينسكت عنة في نوراليا كنت مشددة علية يسكنا في الجراند وبكل بجاحة سكنا في فندق وربي نجمة تخب علية قرف قرف بمعنى الكلمة اثاث وصخ معفن الحمام وانتو بكرامة خربان ووالله مايدخلة الا الحيوان بغيت انهبل وش ذا

والله لو اني في عزبة هنود وادق علية فوق عشراتصالات ولا يرد اشكل واخلي السواق يتصل علية من موبايلة ويرد واكلمة وبكل بجاحة يوم قلت لة هذا اتفاقنا رد علي بكل برود روحي ودوري ان لقيتي فندق اسكني فية انا هذا الي عندي... بغيت انفجر من القهر والغيظ والمشكلة انة طلبنا جزء من المبلغ وبكل احترام عطيتة 300دولار وربي متحسفة اني اعطيتة له

بالساهل واخرتها هذا اسلوبة..... ثمين قال لي عندي لكم حل نومو الليلة بنوراليا وبكرة اطلعو من الفندق وعلى كلومبو وانا بعوضكم بهليتون طبعا هليتون قاضين منة من الاول لان اتفاقنا بنجلس فية اخر يوم وهو تعويض منة على هالفندق بنجلس فية يومين قلت يالله مو مشكلة اجلس بنوراليا يوم ولا اجلس بهالفندق المعفن يومين

المطب الرابع الي يقصم ظهرالبعير ... على الساعة وحدة الظهر في نوراليا طلعنا وقلنا لسواق تمش فينا وورجينا كل الاماكن فيها سالني قال تبين السوق قلت متى يسكر قال على الساعى 6 قلت مايمدي اليوم بنتمشى وبكرة امرسوقها

الشعبي في الصباح انا يوم اقول هالحكي على بالي ماراح نخلص تمشية الا على المغرب لف فينا كم لفة والساعة ثلاث رجعنا للفندق قلت خير رجعت فينا قال خلاص لفيت فيكم المدينة كلها وربي يكذب فية اماكن كثيرة طلبتها وسحب علي

قلت طيب مدامة بدري وديني السوق الشعبي وعينكم ماتشوف الا النور انا قلت وديني والا لا استنزل علي وبغى يذبحنا ماخلى كلمة بذيئة ماقالها واخرتها يهددنا بوديكم البوليس<<<< ان من شفت وجهه الاسود الي تقل حصاة مكسورة بساطور وانا غاسلة يدي .. على فكرة اسمة ينورا او انورا بوذي يجيب المرض

المشكلة اننا مريحينةعلى الاخر ومافية زود ذيك الطلبات وحتى لما ناكل شي اوا نشتري شي مضاف معنا في القائمة واخرتها يزفنها قلت لة انا متفقة مع المكتب انك معنا 24 ساعة ولايكثر نكد علي بصراحة حتى ماعاد لي خلق سوقهم بس رحت له عناد فية

المطب الخامس الي مو يكسر ظهر البعير بس الا كسر ظهورنا.... طلعنا من نوراليا مع انة المفروض اجلس فيها يوم زيادة وبصراحة هي اكثر مدينة اعجبتني كلة بسبب حل ابو ريحانة << ابو تبن ويخب علية

رحنا لكلمبو ومادرينا الا السواق موقف عن قلداري وطارت عيوننا قلنا الهليتون قال مافية هذا هو فندقكم .... عن جد وش

رايكم في تصرفاتهم مو ترفع الظغط ... الحين اقطع يوم من مخططي واجي هنا على اساس هيلتون وانت الي مقترحة وظارب على صدرك واخرتها تخل بوعدك قلنا ودنا لهيلتون رفض قلت ودنا يعني ودنا وصارت هوشة كبيرة قال ابوديكم بس

على حسابكم ورحنا واخذنا فية 270طبعا ابوريحانة جن جنونة وقال هذا على حسابكم مو على حسابي قلت ايةانشالله طبعا وصلة منا 1000 باقي 370

دق علي وطنشتة يبي فلوسةوارسل مع السواق الجديد لان ابو حصاة تركناة كاتب في ورقة يبي 300 وانة تكرمن منة خصم 70

قلت للسواق ماراح اعطيك شي باقي الفلوس انا اسلمها لة وجه لوجة بلغة ورفض يجي قلت نجيك في المطار وبرضو تحجج ورفض مادري وش قصتة خايف نواجة مدري خايف المهم قلت لة مالك الا الي اتفقنا علية كامل المبلغ 1370 وصلك 1000

دفعنا لهليتون 270 باقي لك 100 خذها انجن وجلس يشتم ويسب وكلام طويل عريض<<<< احمد ربك وربي على تعاملك وعلى فنادقك ماتستاهل الا 500

زبدة الكلام سريلانكا حلوووووووة وتاخذ العقل ولكن للاسف ماراح اعيد الزيارة لها <<< ابو ريحانة ومكتبة خلو لها ذكرى مو حلوة

طولت كثير بس والله حبيت احذركم من هالمكتب الخايس مابي احد يتعرض لنفس الي تعرضنا له كثير ناس كانو معنا وحجزو في مكتب غير هذا وماشالله انبسطو كثير .... المكتب هذا يفتقد للمصداقية والتعامل الراقي اجل اجي اوسع سدري وقطعة سيلاني ينفخ علينا