 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E مخصصة للتقارير المصورة لأعضاء المنتدى عن دولة الإمارات |
 |
|
|
أدوات الموضوع | انواع عرض الموضوع |
|
|
12-08-2009, 01:19 AM
|
#1 (permalink) |
|
مسافر متالق
تاريخ التسجيل: Jul 2009
رقم العضوية :273263
المشاركات: 679
|
me & my sisters in Dubai 2009
السلام عليكم ورحمة الله وبركاته الحمدلله تمت الرحله وكانت ممتعه جدا ومليئه بالاثاره والاستكشاف بما انها الرحله الاولى لدبي طبعا خطة السفر سوف اوجزها بالتالي : 1_ حجز التذاكر وكان عن طريق موقع طيران الجزيره وكانت التكلفه ل6 اشخاص 250 د.ك الله يديم الرخص  تقيمي لطيران الجزيره (جيد)   2_ حجز الفندق وبعد مقارنة الاسعار والتوجه الى بعض مكاتب السفريات في الكويت تم وقوع الاختيار على فندق مينك مارينا Minic marina apartment وهذا موقعهم mincapartment.com تم الحجز عن طريق موقع booking.com تكلفة 5 ليالي لغرفتين مع صاله 3704 درهم شامل الضريبه بعد مقارنة الاسعار اتضح ان موقع بوكينغ يعتبر الافضل مع العلم ان الحجز من الفندق مباشره لغرفتين مع صاله = 1400 درهم لليله الواحده 3_ الميزانيه ل6 اشخاص كانت 1500 دينار كويتي وطبعا بعد 3 ايام شطبنا على الفلوس لان دبي جدا غاليه اضافه الى 700 دينار التوتل 2200 دينار كويتي 4_تم تنظيم الجدول من خلال التقارير المصوره وماقصروا الاعضاء ويعطيهم الف عافيه والرحله كانت جدا ممتعه وسوف نستعرض بالتقرير هذه الاماكن : اليوم الاول : دبي مول (تسوق + الاكواريم + النافوره الراقصه <<< اكثر من رائعه ) اليوم الثاني : اتلانتس (ركوب المترو + تسوق ) ثم الذهاب الى امارات مول (تسوق +سكي دبي ) اليوم الثالث : الذهاب الى الوايلد وادي (يوم مخصص للنساء من الساعه 9 الى 1 صباحا ) والذهاب الى سوق جميرا (تسوق + ركوب العبره) والنص الاخر من الاهل التوجه الى متحف دبي اليوم الرابع : التوجه الى مركز ابن بطوطه (تسوق) << افضل مكان للتسوق + تقرير شامل ومفصل عن قرية البوم السياحيه اليوم الخامس : التوجه الى الوافي مول خان مرجان ثم التوجه الى السوق الصيني ثم الى الممشى (the walk) مع العلم اننا يوميا بالممشى بس باليوم الخامس قدرت اصور واخذ راحتي بالتصوير اليوم السادس المغادره الى ارض الوطن (الكووويت) يلا نبلش بالصور اكيد تحمستوا للتقرير  تاريخ 4 \8 الساعه 4 ونص التوجه الى المطار طبعا وقفنا عشان نعبي بانزين بس كان خربان  والسايق كان تعبان مسكين وعيونه فيها النوم اما احنا كنا متشجعين ورايحين المطار بنشاط وحيويه  واهني دخول مطار الكويت مع تمنياتهم لنا بالعوده بالسلامه  واهني صوره لللمطار وسوق الحره اعتذر الصور مو واضحه لان ابوي حده مستعجل  وهذي صوره للرحلات المغادره واوقاتهم  وهذي صوره للجوازت ودخول بوابات المغادره  وهذا كان ريوقنا من كوستا كوفي  ومن ثم توجهنا الى قاعات الانتظارومثل ماتشوفون مجهزين باصات حتى تنقلنا الى مكان الطائره  واهني يتمنون لنا رحله سعيده ماقصروا مطار الكويت  واهني نزول السلم للتوجه الى الباص  ومن هنا تتضح طائرة الجزيره التي ستقوم في نقلنا من الكويت الى دبي  حيااااكم بس بالدور شايفين الزحمه شلون  وهذي صوره لبعض التعليمات في الطائره  وهذي صوره من فوق الغيوم  وهذي صوره اخرى من فوق الغيوم بس الصدفه اجمعت بيننا وبينا طائره اخرى وبعد لحظات اصبحت الطائره ترفرف من فوقنا واتجهت الى الضفه الاخرى وهذي صورة الطائره  والحمدلله وصلنا مطار دبي بعد 1 :20 دقيقه في السماء وهذي بعض الصور من مطار دبي    وهذي صوره للتاكسي طبعا احنا 6 اشخاص ولازم تاكسي كبير لان ممنوعه بدبي ناخذ سياره صغيره جذي بيعطون مخالفه لصاحب التاكسي وصرنا كل مشوار ناخذ سيارتين تاكسي   اظن كافي هالصور اليوم ان شاءلله نكمل التقرير باجر يلا انتظر ردودكم الطيبه مع السلامه |
|
|
|
12-08-2009, 06:38 PM
|
#10 (permalink) |
|
لحجوزاتك في الامارات العربية المتحدة
تاريخ التسجيل: Jan 2009
رقم العضوية :239078
المشاركات: 3,083
|
|
|
|
|
|
13-08-2009, 12:12 AM
|
#12 (permalink) | ||||||||||||||||
|
مسافر متالق
تاريخ التسجيل: Jul 2009
رقم العضوية :273263
المشاركات: 679
|
يعطيكم العافيه على تثبيت الموضوع ماقصرتوا وان شاءلله اكون عند حسن ظنكم يارب اقتباس:
هلا والله اخوي مشكور ماقصرت على الكلام الطيب وان شاءلله يكون تقريري المتواضع عند حسن ظنكم تقبل تحياتي اقتباس:
اقتباس:
الله يسلمك يارب ومن ناحية الصور لاتحاتي 1000 صوره وان شاءلله مااخلي شي بخاطركم اقتباس:
اقتباس:
الله يسلمج يارب وحياج الله نورتينااا اقتباس:
اقتباس:
وعليكم السلام الله يسلمك يارب وان شاءلله اكون عند حسن ظنكم اقتباس:
اقتباس:
حياج الله حبيبتي ماكان عندنا وقت بس ان شاءلله في وقت قريب بنرد لدبي وانزورهم لان دبي ماتكفي 5 ايام يبيلها اكثر اقتباس:
اقتباس:
ان شاءلله اكون عند حسن ظنكم النور نوركم وشعب الاماراتي متعودين على ضيافته ولباقته وشعب راقي بمعنى الكلمه اقتباس:
حياج الله حبيبتي وان شاءلله اكون عند حسن ظنج  اقتباس:
الله يسلمك يارب وطيران الجزيره ماعجبنا كلش لا انا ولا الاهل احس الطيران معاهم مغامره وتبقى وجهة نظر اقتباس:
اقتباس:
اقتباس:
حياك الله اخوي دبي ماينمل منها وان شاءلله الصور بتصبرك وزود |
||||||||||||||||
|
|
|
|
13-08-2009, 02:11 AM
|
#13 (permalink) |
|
مسافر متالق
تاريخ التسجيل: Jul 2009
رقم العضوية :273263
المشاركات: 679
|
نكمل .... والحين صعدنا التاكسي والتوجه الى فندقنا وهذا ترحيب من مبنى الفاتن لضيوف دبي الله يعطيهم العافيه  وهذي صور لفندق حياة دبي بصراحه الفندق كبير وروعه ومن المطار 5 دقايق بس   وهذي صور من شوارع دبي الرائعه    وهذا مجمع خان مرجان ( الوافي مول )  وهذي صوره لبرج العرب  وهذا احنا قربنا من الفندق وهذي بعض الصور للفندق والاماكن المحيطه فيه   سوبر ماركت تحت الفندق مبطل 24 ساعه  محلات متنوعه تحت الفندق  وطبعا مافيني حيل اصور لان وصلنا دبي الساعه 11 والنظام بالفندق الدخول الساعه 2 وبعد محاولات عديده قدرنا ندخل الساعه 1 وقبل لاندخل الفندق رحنا ندور مطعم نتغدى فيه ووقع الاختيار على مطعم بالفون الهندي والكل كان واااااااااااااو بس كانوا مسكرين الساعه 11 ونص بطلوا علشانا اخليكم مع الصور وهذا كان طلبنا بس اعذروني الكاميرا سكرت وماقدرت اصور واختي ناوبت عني بس ماصورت كل شي اكتفت بجم صوره    ضيافتهم بعد الاكل  وهذا الحساااب  طبعا تقيمي للمطعم جدا رائع ولذليذ احلا مطعم هندي اكلت فيه واللي يشتغلون نفسهم وايد حلوه حتى انا طلبت عيش برياني عشان مالحقت على الاكل رحت اشتري خطوط اتصالات حقي وحق خواتي وقدموا لي عيش ابيض وقلت لهم مو هذا طلبي اخذوا الطلب وبدلوه وماعندهم اي مانع بصراحه المطعم كأكل وسيرفس وبعدين رجعنا الفندق عشان انخلص الاجراءت ونريح جم ساعه عشان تبدا فعاليات اليوم الاول وهذي بعض الصور للفندق هذي صوره تجمع مجمعات صدف ال 5  وهذي صور الى طريق العوده الى الفندق   ودخلنا الفندق وقام باستقبالنا هذ الشاب اللطيف  يلا حياكم ماتبون تشوفون الشقه  قبل الصور حبيت اذكر شنو متوفر بالشقه طبعا احنا شقتنا غرفتين مع صاله : تتكون من غرفتين غرفه رئيسيه تتكون من سرير كبير مع حمامها وانتو بكرامه غرفه بسريرين 3 حمامات وانتو بكرامه مطبخ مجهز بكامل معداته مع فرن وغلايه وثلاجه كل اللي عليكم تنزلون السوبر ماركات وتتقضون منه احتياجاتكم اليوميه غرفة غسيل غرفة كوي تتكون من كوايه وقاعده للكي طاولة طعام \صاله \ عدد 2 بلكونه اخليكم مع الصور هذي الصاله   وتتكون من كنبه كبيره وكرسي على جنب وتلفزيون بلازما كبير الحجم وديفيدي وهذي طاولة الطعام  وهذا المطبخ  وهذي الغرفه الجانبيه  وهذي صور للحمام وانتو بكرامه   وهذي صوره اطلالة الغرفه الرئيسيه على حوض السباحه الخاص بالفندق  طبعا اعذروني ماصورت لكم الغرفه الرئيسيه وبعض الحمامات وانتو بكرامه لان ماعندي وقت هالصور التقطتهم بليل واحنا رادين السموحه بس مع التقرير راح احط لكم صور توضح اطلالة الفندق والمنظر بليل خيااالي بشكل عام الفندق نظيف وحلو بس عيبه المباني اللي تنبني بجمبه الصوت جدا مزعج واحيانا مااقدر انام من الصوت لان الشقه مافيها عازل صوت وفي يوميا تنظيف الشقه واي شي تبيه مايقصرون والانترنت مجاني لغايه 250 كيلو بايت وبعدين يصير كل ساعه 25 درهم وبس الفندق تصنيفه 4 نجووم وتحت في سوبر ماركت وبعض المحلات ومطاعم لان مكانه بالممشى the walk وبالتقرير راح اوضح المطاعم الموجوده بس ماتعبتوا الحين ناخذ قسط من الراحه ونكمل باجر ان شاءلله انتظروني في دبي مووول مع السلامه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض المتطور
|
|
|
الساعة الآن 07:22 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||