 |
 |
 |
||
|
|
|
||
 |
|
 |
|
|||||||
| بوابة السفر الى الولايات المتحدة الامريكية U.S.A في هذا المنتدى يتم تزويد المستخدم بالتقارير المصورة الخاصة بالولايات المتحدة الأمريكية. |
 |
|
|
أدوات الموضوع | انواع عرض الموضوع |
12-08-2009, 07:31 AM
|
#48 (permalink) | |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
اقتباس:
إن شاء الله أمـر عليج هنــاك  |
|
|
|
|
12-08-2009, 07:57 AM
|
#49 (permalink) | |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
اقتباس:
... اتصدقيـن تذكـرتـج و أنـا هنـاك استفـدت من تقريـر كاليفـورنيـا مع إن رايحيـن من قبـل بس في أماكـن مو منتبهين لهـا ... كافيهات و أماكـن ... الصـراحـة عنـدي إحسـاس إنـج ذويقـة إختيـارج دووم راقـي ...طبعا ً في أماكـن رحنـا لهـا و أماكـن ما مدانـا نـروح لها ....  أسعـدنـي مرورج ... و إن شاء الله تحـوز الأجـزاء القادمة على إعجابكم |
|
|
|
|
|
12-08-2009, 08:11 AM
|
#51 (permalink) | |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
اقتباس:
شلونكم ؟ بشري عنـكم .... عسى إستانستـو و اليهال شلونهم ... و الكتكوتـه عسى ما أذتـج بالسفـر ؟ .... يقـولون مسـويـه تقريـر ( قنبلـة ) لوووول ... بـروح أشــوفه إن شاء الله و على طاري اليهـال ما يخلونـا نصـور .. صاجـة  .... أنـا الود ودي أنقـل لكم حتـى ريحـة الأكـل الي بالمطعم و تـذوقون معاي الجيـز كيـك مشكـورة و ما قصرتـي بعد روحـي ..والله. إنتـي أحسـن مني |
|
|
|
|
|
12-08-2009, 10:41 AM
|
#53 (permalink) |
|
مشرفة بوابة الشرقية
تاريخ التسجيل: Mar 2007
الدولة: متنقله بين هدوء الجبيل الصناعيه وروشه الدمام عاصمه الشرقيه
رقم العضوية :126395
المشاركات: 4,329
|
ماشاء الله تبارك الله
تقرير يهببببببببببببل رووعه سجليني من متابعينج حبيبه قلبي زين لحقت عليه بدري الله يخليلج المجرم الصغير واخوانه وابوهم بعد |
|
|
|
13-08-2009, 10:28 AM
|
#54 (permalink) |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
@@ California 3 @@
California 3 اليـوم ... راح نـروح كـذا مكـان ..... بس قبل لا أبتـدي حبيت أذكـر شغلـةلاحظنـا شي ... إحنـا كنـا تقريبا ً يوميـا ً نشتري من مكدونالد تـدرون يهـال و يحبـون أكثر شي هالوجبـات ... بس لاحظنـا إن لما كنـا نطلب مثلا ً من مكدونـالد الي صـوب فنـدقـنـا كـان سعره معقـول ... بس لمـا يصادف نطلب من فـرع ثاني من منطقـة ثانيـة ( قريبـة حتـى ..مو بعيدة ) نفس الطلب بالضبط ! كان السعـر حيـــــــــــــــــل غير ... كـان أغلـى ... حتـى شكينـا في الكاشير إنهـا قاصـة علينـا و ما خذة زيـادة و قعدنـا نسألهـا عن سعـر كـل شغلة و بالسنت حتـى زوجـي عصب عليهـا لوووووول و قالها روحـي نـادي المانجـر  .... طبعا ً إحنـا متعـوديـن على الأسعـار الثابتـة عنـدنـا مثلا ً بالكـويت ... سعر نفس الوجبـة الي بالنـزهـة نفس الي بالسالميـة ... بس النظـام عنـدهم هنـاك مختلـف إييييييييي نسيـت ! و قبل لا أدخـل بموضوعنـا اليـوم ... اتـذكـرون لاجـونـا و المعـاريس  ؟و أنـا قاعـدة أحـوس و أدور بمقاطـع الفيديـو و إلا أشـوف مقطـع مصورة فيه بالصـدفـة معـاريس مع مصـورتهـم ... و طبعا ً إحنـا بـدورنـا نتمنـى لهم حيـاة سعيـدة و مشـرقة بالامـل و الونـاسـة لوووول .... شـوفوهم  لاهـويـا أو La Jolla عدد من الأعضـاء تطرقـوا لهـا .... بس حبيـت أشـارك و أعـرض صـورنـا المكـان راقـي فعلا ً ... و لازم ينـراح لـه ... بـرأيي مثل هالمكـان ما راح تـلاقـون عنـدنـا ... فرصـة تمـرون على المكان لو حتـى نص ساعـة تصـورن لروحكم جـم صورة لان المناظر عجيبـة هنـاك و ما تفـوت ... الأجـواء جميلـة و في قمة الـروعـة .... المكـان حـلو للعايلات الي عنـدهم أطفـال أو الشباب أو الكبلز ... إحنـا كنـا شاريـن سكـوتـر لولدي و يبنـاهـا معانـا .... يـلا بس دهنـوا روحكـم عـدل بـالـ sun Block عشـان لا تسمـرون            و هـذا المـوقع بالتحديد اسمه Childrens Pool ... و عـرفتـه من وحدة كـانت منزلة مقطع فيـديـو له باليوتـيوب و راسلتهـا و عطتنـي العنـوان بالضبط عشـان أخـزنه GPS لأنه حاولت أدوره Google map بس ما حصلتـه .... هذا اليال تتيمـع فيه الفقامت بشكـل طبيعي .... و هو أساسا ً بالخمسينـات كـان مكـان لليهـال عشـان يلعبـون فيه بـدون ما تحـوشهم الأمـواج القـويـة لأنـه كانـوا مسـوين فيه مثل المصدات أو صخـور تحميهم من المـوي ... بس مع الوقت اليهـال خـلوا اليـال و حـلوا الفقـمات مكـانهم لوووول والله الفقمـات أشطـر منهم   المكـان أحـــــــلى وايـــــــــــــد بالطبيعــــة   ما أدري هذا سنجـاب ؟  ... المهم لقينـا وايـد منهم هنـاك ... بس يونسـون  هذي وحدة حبـوبـة كانت على كرسي متحرك ... و قامت و عطت عيالي قطع خبز عشـان يوكلون السناجب و الطيـور   عجيـب هالتصميـــم .. يلفت النظر ... |
|
|
|
|
14-08-2009, 01:12 AM
|
#59 (permalink) |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
California 4 أول شـي خلـونـا نـروح قبل نصب بنزيـن .... لا تـوقف علينـا السيـارة    و بعـدهـا رحنـا سـاوث كوست بـلازا south coast plaza ... و طبـعا ً الي ما يعرفـه ... هـذا مـول محـلاتـــه راقـيه و غـاليـة لوووول ... يعنـي بس تروحـون تسـوون وينـدو شـوبينج .... و تـردون ... هو عبـارة عن قسمين و بينهم جسـر ... مبنـى صغير و ما في إلا عدد قليل من المحـلات و فيه المبنـى الثانـي الي فيـه Macys & Nordstrom الي تعبرون لـه بالجسـر وهو أضخم و في محـلات وايـدة .... أنـا أعتبره من المولات المهمـة ... لأن كـــــــل البرانـدز المعروفـة فيـه .... كـل شي داخلـه ... يبيلـه روحـه شرينـا من محـل اشحـلوه لليهـال .... اسمـه Pottery barn Kids و هـذا مـوقعـه للي يبي يطلب Online عنـدهم أثـاث لغرف الأطفـال و إكســسورات http://www.potterybarnkids.com/ شـرينـا لهم فـوط .... و هـذيـلا هـم بالضبـط     و هـذيـلا عيـالي لابسيـن الفـوط     هـذا الجسـر الي قلت لكم عنـه و بعـدهـا رحنـا Rainforest café لوجبـة بسيطـة لليهـال  Rainforest Cafe عنـدهم فـرعيـن واحـد بسـاوث كـوست بـلازا و الثاني بـداون تـاون ديزنـي ...     حـلويـن هالكـراسي  يمـــــــــه .. تخــــــرع !!    Rainforest Store بعـدهـا رحنـا لـــ wall* Mart ... عشـان أطبـع صـورنـا ... و إلا أصـادف أمريكيـة مسلمة متزوجـة من تـونـسي و ما عرفت إنها مسلمـة إلا من حجابهـا يـزاها الله خيـر ... المهم قعدت تسـولف معـاي .. جـان تقـولي عن مطعم يبيع شاورمـا و فلافل و عطتنـي العنـوان .... و على طوله خزنتـه GPS و طيـــــــــــران للفـلافـــــــل ..... و عنـدهم لبـن فظيــــــــــــــــــــع لووول ... المهم كـان أحلى فلافل و مخـلل و لبـن بحـياتـي ... شكلنـا كنـا يـوعـا ذاك اليـــوم لوووول .... طبعا ً المطعـم موجود بأنايـم و اسمـه ( صحـارى فلافـل )    و إحنـا بالـدرب في أنـايـم و إلا نـشـوف الفايـر وركس مال ديـزنـي ... صفطنـا السيـارة و قـعدنـا نتطمـش  و بعـدهـا قلنـا نـروح داون تـاون ديزنـي .... مع إنـه الوقت متأخـر بس قلنـا نـروح و نشـوف اذا في شـي .. طلع كل شي مسكـر .... صرنـا كأنـه خفافيش كـل نطلع متأخـر   هـذا Rainforest Cafe الي بــأنايـم داون تـاون ديـزنـي |
|
|
|
|
14-08-2009, 01:44 AM
|
#60 (permalink) | |
|
عضوة العرب المسافرون المُبدعة
تاريخ التسجيل: Aug 2004
رقم العضوية :14138
المشاركات: 4,702
|
اقتباس:
... خليـج معـاي على طـول الخط ... و إن شاء الله يعجبـج البـاجـي |
|
|
|
|
|
| الكلمات الدلالية (التصنيفات) |
| أورلانـدو ، يـونيفرسال, فلوريدا, كاليفـورنيـا |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:46 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||