 |
 |
 |
||
|
|
|
||
 |
|
 |
|
|||||||
| بوابة السفر إلى الإمارات U.A.E في هذه الساحة يتم طرح جميع أخبار الدولة ومشاريعها الخاصة التي تهم المستخدمين وكذا التقارير الغير مصورة |
 |
|
|
أدوات الموضوع | انواع عرض الموضوع |
09-08-2009, 02:01 PM
|
#1 (permalink) |
|
مسافر متميز
تاريخ التسجيل: Apr 2008
رقم العضوية :183373
المشاركات: 445
|
دام عزك يادبي
مرحبا
من يومين رجعت من سفرتي المختصره للامارات زرت فيها دبي وابوظبي وكم ساعه للشارقه .. اخر سفره لي للامارات كانت قبل 7 سنوات !! ودي اتكلم عن الثلاث الايام اللي قضيتها في دبي .. بصراحه الواحد يعجز انه يحكي عن عن هالديره ! دبي في اخر زياره لي فيها ماكان فيها شي ! اليوم راح اسميها زي مايسميها قريبي ب نيويورك ! .. قرار السفر كان بسرعه وفي نفس اليوم حطينا ملابسنا في الشنط ومشينا .. طبعا ماامداني اقرا عن دبي في منتداي العزيز الا موضوع او اثنين وركزت فيهم على المطاعم واماكن التمشيه .. السكن كان في شارع ال مكتوم في شقق ديره سويتس .. الشقه رائعه فيها كل شي بحكم اننا خمس اشخاص اخذنا سويت غرفتين وصاله .. اول مادخلت دبي ذهلت ! مو هذه دبي اللي الكل يحكي عنها .. عمري ماتخيلتها راح تتطور لهذا القدر في بضع سنوات ( اهلي كانوا فيها السنه الماضيه وحكوا عنها بس مااستوعبت لان الصوره القديمه كانت عالقه في بالي ) ..مدينه مذهله والقائمين عليها اكثر من رائعين .. الشوارع - النظام- النظافه - الرقي ينطق من كل شارع ومكان زرته .. ابدا انا مو في بلد عربي .. زرت اوروبا وماشفت اللي شفته في دبي .. فعلا دار الحي .. زرت خلال الايام المعدوده جدا: * دبي مول - خرافي ذكرني ب ويست فيلد لندن الجديد الا ان دبي مول ارقى بمراحل .. على قوله اختي الصغيره تقول ودي اجلس بكل مطعم وكفي شوب في دبي مول وسوق البحار  * سوق البحار والاطلاله الرايقه جدا على النافوره الراقصه وبرج دبي ودبي مول . كان ودي اسكن في the address شكله فخم وعجبتني الجلسات اللي فوق اللي تطل على البحيره .. المره الجايه ان الله اراد . * الامارات مول - وحضرت فيها فيلمين حاليا يعرضون ( الزملهاوي - مصري كوميدي .. و fighting بس مو قد كذا يمشي حاله .. * سيتي سنتر - الوالده اشتهت ايس كريم على عشر المساء في احد الايام فقلنا مره وحده نروح نتعشى فيه .. * اطلنطس - زياره سريعه لنصف ساعه شفنا فيها حوض السمك وبعض المحلات والمطاعم .. * مدينة جميرا ( سوق ) - سوق اقرب للشعبي واغلبه يبيعون فيه اشياء تراثيه .. في محل يبيع مكسرات لذيذه مره مكسراتهم.. * النافوره الراقصه عجيبه وخلقت اجواء حلوه كثير .. كل نص ساعه في عرض .. وبعد كل نص ساعه الناس يجتمعون للتصوير والاستمتاع بالعرض.. * كان بودي ازور the walk لكن المره الجايه * الجو ماكان يساعد اننا نطلع للكورنيش .. اكتفينا بالاماكن المغلقه .. * شارع الشيخ زايد وامتداد الابراج رائع جدا .. * البلد اتعب وانا اقول نظيفه جداااا فرق بينها وبين الشارقه ! * الاوتيلات والاجنحه الفندقيه الراقيه موجوده بهبل في كل مكان اجنحه فندقيه وكل وحده تقول الزين عندي .. قريباتي زاروا اغلب فنادق دبي يقولون شي لايضاهى .. كثير مدحوا كمبنسكي - the palace - جميرا - اتلانتس وغيرهم *المطاعم : - جربت مطعم دانيال- ايراني- في التوين تور - بوفيه ب 45 درهم منوع ماعليه .. الاكل مو مره عجب الوالده لكن في المجمل حليوو .. في جنبه مطعم او اثنين في نفس الدور بس ماجربتهم .. - جربت مطعم حاتم - كثير مدحوه بس ماعجبني الاكل او بالاصح جودة او نفس الطبخ ! وتاخروا علينا كثير في اخذ الطلبات حتى المشروبات جابوها بعد ماخلصنا  هذا اذا مو غلطانه فرع دبي مول ..- اكلت في مطعم الاوبرج( لبناني ) في السيتي سنتر وكان فعلا لذيذ جدا ماعدا شي طلبته وكان عادي ( نسيت وشو ) لكن بشكل عام ممتاز وفيه جلسات داخليه فيها ستائر .. وانصح فيه بشده سالت الجرسون اذا لهم فرع بالسعوديه قال مدري وكان الوقت متأخر فماركزت اسال غيره .. - مطعم صدف الايراني في شارع ال مكتوم كنت اشوفه من بلكونه الشقه ودريشه احدى الغرف الا اننا مافي وقت نجربه - وجربنا دانيال من نفس النوعيه ( ايراني )على توصية احد السائقين في دبي .. -في مطعم وكفي في مول الامارات جابيينغو ( اعتقد ان الاسم كذا اذا مو غلطانه ) - جربت من عندهم التيراميسو والتشيز كيك مع الكفي وكان لذيذ - الخدمه في هالمطعم والكفي رائعه جدااااا من خلال ملاحظتي لاداء العاملين فيه .. - جربت مطعم صيني في مول الامارات ناسيه اسمه بس يجي على اليسار في صاله المطاعم اكله جيدجدا .. - كان بودي ازور المطعم اللي في قراند حياة دبي بس ماحصل مافي وقت .. مطعم بيلا برضو مااسعفني الوقت ازوره ( ايطالي ) . - الكافيهات جربت كذا شي واعجبتني الجلسات وتنوعها يحتار الواحد يجلس وين .. الله يخلف علينا زياره قصيره جدا لدبي استمتعت فيها لدرجه فوق الخيال الحمد لله .. * بشكل عام البلد غاليه للي يبي يسكن في مكان راقي وياكل في افخم المطاعم .. الشارقه - رحت لها العصر من ابو ظبي ووصلت لها العشاء ( كان يوم خميس ورحنا مع شارع الامارات ) لان السياره لقريبي وماكان فيها بطاقه سالك المهم زرت فيها قناة القصباء بس الجو كان حار .. فاضطرينا اننا نتعشى في مطعم شبابيك ( لبناني ) ديكوره رايق واكله متوسط المستوى بس الرز عجب الوالده بعدها رجعنا في نفس اليوم لابوظبي .. طبعا رحت للشارقه على مدح اختي لقناه القصباء وعين الامارت تقولي زي لندن اي .. فلما رحت تحسفت على المشوار لان الجو مايساعد اننا نجلس برا ونستمتع في الشتا اتوقع بتكون روعه ).. * ابو ظبي مارحت فيها الا المارينا مول - اخذت لي بعض الاغراض ورجعت للبيت .. * تمنيت تطول اجازه عملي لكن للاسف الايام الحلوه تخلص بسرعه .. قرروا الاهل يجلسون اسبوع زياده بينما اقلعت على الخطوط السعوديه من مطار ابوظبي ( الديوتي فري حقهم ماعليها ) مدري ليش ماعندنا شي صاحي * اللي رجعت فيه كثير من السعاده لاني غيرت جو وفي نفس الوقت كثير من الحزن على حبيبتي الرياض اللي على قولة الوالده لاتقولون مملكه وفيصليه وحياة مول استحوا شوي قلت لها صادقه بس مالنا الا هي * ايه نسيت اقول اني زرت كذا مصلى في مولات دبي وشفت شي يشرح النفس حتى جلال الصلاه للبنات الصغار حاطينه احتياط للي يبي .. دار عز يادبي .. * اخر ملاحظه اللي لغته الانجليزيه مو لهناك اتوقع في شهرين راح يتعلم كثير اذا جلس في دبي اغلب الاماكن اللي فيها( مطاعم - اسواق - اوتيلات ) اجانب مايحكون عربي .. تكلمت واجد .. بدون صور لان الصور يبيلها رفع وانا في الدوام لقيتها فرصه اشارككم تجربتي .. كل الشكر للقائمين على النهضه المذهله في دبي .. وكل الشكر لاحبتي اللي قريت مواضيعهم على عجل .. |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 11:21 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||