الموضوع: (( موسوعتي )) لـ100 مطعم من مطاعم دبي بنكهة هداوه

المشاركة الأصلية كتبت بواسطة mnas13

تقرير رائع ومفيد فعلا للزائرين
انصح بمطعم سلة الاسماك بجانب لامسي بلازا فهو اكثر من رائع واسعارهم ممتازة
هذا من ناحية مطاعم السي فود اما غيرها فانه سنورده فيما بعد
تقبلي مروري اختي الكريمة هداوه

السلام عليكم ...

اسمحلي يا أبو أحمد أعلق على هذا المطعم ، وللأسف ما أيدك فيه

والسبب ....

أمس بالليل سرت ويابوعيسى والعيال مطعم ( سلة الاسماك )

و أول مادخلت شفت انه مستواه 3 نجوم ، وأنا عادة ما أحب

الا مطاعم 5 نجوم ، تشاورت ويابوالعيال وفي الأخير قررنا نجربه

وصورته الأكل اللي طلبناه ، وكنت ناويه أكتب تقرير عنه وانطباعي عنه

بصوره عامه ، لأنه في حد من الناس يحب هالمطاعم

ولكن غيرت رأيي ان أنزل عنه تقرير بعد اللي صار لولدي بسببه ,,,

طول الليل فديته وهو يقوم يصيح ويرجع ، لين الحين هاي ثالث مره

وناويه آخذه للمستشفى الله يحفظه ، وفي نفس الوقت أتريا يقومون البنات

وأطمن عليهم انهم مايعانون من أي شي

الحمدالله أنا وبوالعيال ماصابنا شي ، بس أنا خايفه من شوربة السي فود

وهاي اللي شربها ولدي والبنات ونحن ماشربناها ...

أنا متأسفه اني عطيت انطباع مب حلو عن المطعم ولكن عشان الأمانه

قلت لازم انقللكم اللي صار

وعلى فكره أنا ماحسيته رخيص وفي مطاعم أرقى منه وأنظف

وأسعارهم مقاربه مثل السي وورد في شارع الشيخ زايد

وان شاءالله بتكلم عنه في المستقبل

( نظافه + فخامه + أكل لذيذ + أسعار معقوله )

وبعد مطعم السي فود اللي في الميرديان يابلاش على كل شي عندهم

من أكل وتنوع وخدمه ونظااااافه

وتحياتي للجميع ...

المشاركة الأصلية كتبت بواسطة fahad31

اهلا بك هداوه ...

شرقتي البوابه ..

بصراحه الموضوع حلو كثير .. تشكرين عليه .

كان لي مجموعه تجارب ( مصوره ) في الروابط اسفل بالتوقيع .

مطعم المنى ( ميناء السلام ) مطعم المنتهى ( برج العرب ) مطعم الحلاب ( مول الامارات )

وغبرها من المطاعم ... توني رومانس , فرايديز , المكان ( سوق جميرا ) , والعراب ( ابن بطوطه )

واخرها قبل اسبوع في مطعم الستيك في الممشى .. اكلت برجر ولا اروع .. وقبل امس السبت

رجعت للمطعم مره ثانيه وطلبت ستيك بصرااااااحه روعه الشخص 180 درهم الستيك جدا

حلو وانصح فيه واحد اسمه اياد جدا خلوق وذوق ...

هذا المطعم في الممشى ... من زيارتي قبل اسبوع ( الرابط اسفل ... جولاي )




البرجر ... بس الستيك ( حاجه ثانيه )







وبصراحه دبي كل حاجه فيها روعه .. ( حاليا ) في دبي 10 / 8 / 2009 لكن بدون تقارير

( الواحد يريح شويه ) سامحونا ..

تحياتي لك ... وما زلت متابع لك ...


فهد

الاثنين 10 / 8 ( الكراون فيستيفال )

تحياتي للجميع ,,,

ياهلا وسهلا بخبيرنا :101: والبوابه منوره بيكم :101:

التقرير مابيكون حلو وناجح الا بمشاركتكم ، وياريت تنزل بعض تجاربك

في مطاعم دبي علشان الناس يستفيدون وع الرغم اني عارفه انك منزلنه في تقارير خاصه عن رحلتك

بس بغيت تجربة المطاعم تكررها هنيه من فضلك ، وبكون طماعه ياخبيرنا بما انك موجود عندنا

بس صور المطاعم اللي تجربها وقول انطباعك عنها وفكره عن كل خدماتهم :101:

بالنسبه عن مطاعم الممشى كانت لي تجربه مع مطعم ايطالي :24: بس نسيت اسمه

ومع مطعم هندي، قصر الهند بس ماحبيت أكله ، أحلى أكل هندي يعجبني هو مطعم آشا في وافي

ولأني أعشق الستيك فان شاءالله أجرب المطعم اللي قلت عنه ، ومن الصوره شكله يشهي :115:

حياك الله وأنتظر مشاركات أكثر منك :101:

الف عافية على الولد الله ربي يحفظه ويسلمه من كل مكروه
وما توقعت يصير هالشي والله مع اني اكلت عندهم مرات عديدة وكان معي الاطفال ايضا لكن سبحان الله الذي لا يتغير وكل شي يتغير
ولعيون ابنك الغالي الا اطلع عليهم دعاية مو زينة لانهم فعلا ما يستاهلون يسويلهم الواحد دعاية ويفشلونا مع الناس
لاحول ولاقوة الا بالله
فعلا زعجوني والله من هذا التصرف:112::112::112::112:
وطمنينا الله يخليك عنه ان شالله بيكون صار زين ؟؟؟؟؟؟؟؟؟؟؟؟؟
وفعلا هم سعرهم ليس رخيص !!!مع انهم مو 5 نجوم
ولكن هي المطاعم ما ادري شبلاها مرات !!!!!!!!!!!
وقد حصل معي انني جربت البوفيه المفتوح في انتركونتيننتال العين وكان مررررررة مب زين !!!!!!
وهذه ايضا نصيحة حتى لا تجربوه لانه مافي داعي
على كل انا اتاسف جدا على اللي سبته لكم وان شالله ما تشوفون شر يارب
اخوكم- ابو احمد

خيتوووو.. هداوه...لاتذبحيني...بتخرب الحمية اللي متبعته برجع 12 ك:110:،،اموووت بالبحريات،،عاد خمس ثلاث يكفي الاسم،،الله يعطيج العافية..:24:

المشاركة الأصلية كتبت بواسطة mnas13

الف عافية على الولد الله ربي يحفظه ويسلمه من كل مكروه

وما توقعت يصير هالشي والله مع اني اكلت عندهم مرات عديدة وكان معي الاطفال ايضا لكن سبحان الله الذي لا يتغير وكل شي يتغير
ولعيون ابنك الغالي الا اطلع عليهم دعاية مو زينة لانهم فعلا ما يستاهلون يسويلهم الواحد دعاية ويفشلونا مع الناس
لاحول ولاقوة الا بالله
فعلا زعجوني والله من هذا التصرف:112::112::112::112:
وطمنينا الله يخليك عنه ان شالله بيكون صار زين ؟؟؟؟؟؟؟؟؟؟؟؟؟
وفعلا هم سعرهم ليس رخيص !!!مع انهم مو 5 نجوم
ولكن هي المطاعم ما ادري شبلاها مرات !!!!!!!!!!!
وقد حصل معي انني جربت البوفيه المفتوح في انتركونتيننتال العين وكان مررررررة مب زين !!!!!!
وهذه ايضا نصيحة حتى لا تجربوه لانه مافي داعي
على كل انا اتاسف جدا على اللي سبته لكم وان شالله ما تشوفون شر يارب

اخوكم- ابو احمد

الله يعافيك ويحفظك أخويه ابوأحمد...

أول شي الحمدالله هو بخير بس أخته اليوم رجعت بأثر رجعي:109:

ثانيا انته مالك ذنب ، وانته حبيت تشاركنا بتجربتك ، ولو يطلع سيئ ممشكله بس الواحد ياخذ فكره ويتحذر

وعموما أنا طلبت روبيان مشوي حسب مانصحت وفعلا طلع حلو ، بس أنا مشكلتي اني أخاف من مستوى

النظافه في هاي المطاعم اللي اسميها شعبيه ، ولو حتى مطعم فخم ورااقي اذا ما اشوف فيه ناس وايد واقبال عليه

ما أحب أدخله ، وأقول في خاطري أكيد أكله مب فرش :105:

ولاتتأسف أخويه ، هاي تجربه وتعلمنا منها :101:

وحياك الله يا أبو أحمد...

المشاركة الأصلية كتبت بواسطة هلاري

خيتوووو.. هداوه...لاتذبحيني...بتخرب الحمية اللي متبعته برجع 12 ك:110:،،اموووت بالبحريات،،عاد خمس ثلاث يكفي الاسم،،الله يعطيج العافية..:24:

بطلع نذله ...والاسبوع الياي بييبلج مطعم بحري يديد:109:

أباج تمتنين:tongue:

المشاركة الأصلية كتبت بواسطة هداوه

الله يعافيك ويحفظك أخويه ابوأحمد...

أول شي الحمدالله هو بخير بس أخته اليوم رجعت بأثر رجعي:109:

ثانيا انته مالك ذنب ، وانته حبيت تشاركنا بتجربتك ، ولو يطلع سيئ ممشكله بس الواحد ياخذ فكره ويتحذر

وعموما أنا طلبت روبيان مشوي حسب مانصحت وفعلا طلع حلو ، بس أنا مشكلتي اني أخاف من مستوى

النظافه في هاي المطاعم اللي اسميها شعبيه ، ولو حتى مطعم فخم ورااقي اذا ما اشوف فيه ناس وايد واقبال عليه

ما أحب أدخله ، وأقول في خاطري أكيد أكله مب فرش :105:

ولاتتأسف أخويه ، هاي تجربه وتعلمنا منها :101:

وحياك الله يا أبو أحمد...

يطلع نذله ...والاسبوع الياي بييبلج مطعم بحري يديد:109:

أباج تمتنين:109:

اهيئ اهيئ اهيئ اهيئ:110: حرام عليج،،لا..لا..تكفين..لو انه مو تقرير اللي حاطته كان اكلته،،اشم ريحته من ورا الشاشه،،،تطلعين نذلة،،مايصيييير،،:108:

:115: المطعم رقم 3 :115:

المشاركة الأصلية كتبت بواسطة mnas13

:24::24::24::24::24::24::24::24::24::24:

المشاركة الأصلية كتبت بواسطة mnas13

والمطعم رقم 3 وهو مطعم في مزايا سنتر على شارع الشيخ زايد
وهو عباره عن بوفيه مفتوح
انا اعطيه 10 على عشرة :24::24:
وخدمة ممتازة فعلا واكل متنوع جدا
وهو مطعم ايراني الاصل لكنهم يكثرون من المشاوي فيه
السعر 50 درهم للشخص - يابلاش


مطعم رقم (3)
وهنا اترككم مع بعض الصور

مشاركه من أخونا أبو أحمد ، جزاه الله الف خير:101:

:115: المطعم رقم 4 :115:

[quote=fahad31;3234770] مطعم الستيك في الممشى .. اكلت برجر ولا اروع .. وقبل امس السبت

رجعت للمطعم مره ثانيه وطلبت ستيك بصرااااااحه روعه الشخص 180 درهم الستيك جدا

حلو وانصح فيه واحد اسمه اياد جدا خلوق وذوق ...

هذا المطعم في الممشى ... من زيارتي قبل اسبوع ( الرابط اسفل ... جولاي )




البرجر ... بس الستيك ( حاجه ثانيه )



تحياتي للجميع ..... فهد

مشاركه من أخونا فهد ... جزاك الله الف خير:101:

في هذا اليوم صارتلي زياره للممشى ( ذا ووك ) وقررنا ندخل مطعم

The Butcher Shop&Grill

بعد مانصحنا فيه أخونا fahad31 وبنقلكم تجربتي فيه ...

مطعمنا اليوم متخصص في الستيك وأنا من عشاق الستيك

وأسمه ...

The Butcher Shop&Grill

عندهم فروع في ...

الامارات + قطر في فيلاجيو + الكويت في The Avenues

البحرين في سيتي سنتر + جنوب أفريقيا

موقعهم في دبي ...

في الممشى The Walk وهذا اللي سرناله

وعندهم في مول الامارات

موقعهم الاكتروني ...

WWW.azadea.com

رقمهم للإستفسار أو الحجز ...

4281375 / 04

أترككم مع الصور

مقبلات مجانيه

سلطه ب ـ28 درهم

السلطه اليونانيه بـ 38

حبار مقلي بـ 26 درهم

Veal Florintina

بـ 62 درهم

ساندوتش دجاج بـ 42 درهم

عدد 2 ستيك ( Wagyu Rib Aye ) بـ 360 درهم

مضاف اليه سوس المشروم عدد 2 بـ 12

بيف 45 درهم

ماي كبير عدد 2 بـ 28 درهم

عدد 2 عصير ليمون بـ 46 درهم

بيبسي عدد 2 بـ 20 درهم

الاجمالي مع الخدمه وخلافه =

777,70 الرقم كشخه

الى لقاء قريب .. ومطعم يديد

:115: مطعم وكوفي رقم 5 :115:

اخواني وخواتي اللي بيشارك معانا ، ياريت يكتب في

البدايه مطعم رقم .... بالأحمر مثل ما أنا مسويه

علشان يسهل على الجميع البحث ...

وشكرا لكم :101:

:24:هيديارد HEDIARD :24:

هو عباره عن مطعم وكوفي

في ابن بطوطه مول

قريب من دبنهامز

أكله حلو ولذيذ ، وأنصح فيه

وأعطيه على الخدمه والجوده والطعم

10 على 10

:115:أترككم مع الصور :115:

بيتزا مارغريتا :24:

ساندويش جبن بالتركي :24:

معكرونه بالصلصه الحااااره :24:

ساندويش دجاج مكسيكي بس نحن غيرنا الخبزه :24:

ساندويش دجاج المكسيكي بالخبزه الاصليه :24:

خلونا نتواصل ...ونواصل معاكم

السلام عليكم ورحمة الله وبركاته


إختي الغالية أم عيسى أولا ألف سلامة للعيال وأجر وعافية الله يحفظهم إن شاء الله .

ثانيا مشكورة على الموضوع والتقرير صراحة بوقته علشان ناخذ فكرة عن المطاعم اللي ماجربناها بدبي ( لاحقين تقاريرك إختي من البوابة السويسرية إلى بوابة الإمارات ومتابعينك دايما وسبق في الصيف الماضي كنت متواصلة معاكي في تقريرك المباشر من سويسرا وما أنسى إنك أفدتيني كثير وحتى هذه السنة بسويسرا تذكرتكي إختي أم عيسى وحادثة السلم الكهربائي التي لم أستطع نسيانها )


تابعي وواصلي عيد الفطر بنقضيه بدبي إن شاء الله ممكن نجرب بعض المطاعم اللي ما جربناها .

طبعا سبق وجربت الكثير من المطاعم في دبي لكن ما عندي صور ممكن إني أذكرهم بالأسماء فقط من دون صور وبعضهم كان بدعوة من صديقاتي الغاليات من الإمارات وحدثت لي حادثة شبيهة بحادثة أولادك الله يحفظهم في أحد فنادق منطقة جميرا المشهورة ولا أحد يتوقع أي فندق فهذه الحوادث والعوارض الصحية تحدث في أي مكان الله يحفظ جميع المسلمين والمسلمات .
طبعا جربنا مطعم فندق القصر في مدينة جميرا .

ومطعم جابنغو موجود في مول الامارات وله أفرع ثانية لكن جربنا اللي في مول الامارات .

وفطور فندق الجميرا بيتش لأنه غالبا نقيم فيه وطبعا الفطور روعة ومتنوع وأكثر من ممتاز .

والمطاعم الثانية الموجودة في المولات مثل فرايديز و حاتم الايراني .

ومطعم فندق القصر أولد تاون بجانب دبي مول المطعم له إطلالة على حوض السباحة كان بوفيه مفتوح .
فطور مطعم المروج روتانا رائع أيضا .
ونتمنى نستفيد أكثر من الجميع من خلال هذا التقرير .
عندي سؤال كيف الأجواء بعيد الفطر بدبي وآخر يوم برمضان من حيث المطاعم والمولات هل تفتح الأخيرة وتكون مزدحمة إحنا دايما نزور دبي لكن بالعيد من زمان عنها .
جزاكي الله ألف خير وألف سلامة للعيال