 |
 |
 |
||
|
|
|
||
 |
|
 |
|
|||||||
| البوابـات الـــــعــــامــــــة هنا ستجد جميع المواضيع التي تخص عالم الرحلات البرية والبحرية وأدواتها اللازمة. |
 |
|
|
أدوات الموضوع | انواع عرض الموضوع |
22-07-2009, 08:17 PM
|
#1 (permalink) |
|
مسافر متميز
تاريخ التسجيل: Oct 2008
رقم العضوية :221560
المشاركات: 448
|
رحلتــــي الى مسندم
السلام عليكم ورحمة الله وبركاته أول شي أحب اقول اني احترت في اي قسم أنزل موضوعي وراسي وجعني من كثر التفكير لانه موضوعي يندرج تحت 3 اقسام  وكنت بتهور وانزله ب3 اقسام ( السلطنة- الامارات والقسم هذا)بس مثل ما انتوا شايفين هذا أول موضوع لي وانا لسة جديدة وابغى اثبث لادارتنا الموقرة اني مو عابرة سبيل يعني باذن الله مطوله فيذا  وما ابغى أكون مخالفة لقوانين المنتدى  المهم شكلي قرقر واجد وهذا تقريري المتواضع لعيونكم  بسم الله نبدأ الرحلة هذي كانت بشهر واحد ميلادي سنة 2009 يعني بداية هالسنة الوجهة كانت محافظة مسندم التابعة لسلطنة عمان ، طلعنا من دبي على راس الخيمة ومنفذ السلطنة . وهذي خريطة للشبه الجزيرة [  هذي صورة واحنا بالطريق ، جبال راس الخيمة القريبة من المنفذ واسفة لاني ما خذيت غير هذي بالطريقة لاني كنت مشغولة بالحديث  وهذه صورة واحنا بالمنفذ ، طبعا كنت شغالة تشك تشك وما قريت انه في لافتة كبر قريح ممنوع التصوير والحمدلله انهم ما شافوني ولا كنت بدل مسندم رحت للسجن خخخ  بالمنفذ بتختتموا الجوازات ، بالنسبة للمقيمين يدفعوا 25 درهم اماراتي ، مواطني دولالخليج مجانا ، في تأمين سيارة لمده 10 ايام ب 100 درهم ،ومكتب التامين موجود بنفسالمعبر. المسافة تقريبا 135 كلم، والطريق من راس الخيمة لمسندم جبلي واتجاهين وصلنا الساعة 1 الظهر ولاني كنت جوعانة نشبت لهم الا ابغى اكل ، المكان قرية صغيرةوفيها يمكن مطعمين ومحطة بترول ومكاتب سياحية كثير تنظم الرحلات البحرية ورحلاتالصيد المهم جلسنا بمطعم صغير اللي معاي طلبوا كبسة سمك، وبرياني روبيانوانا سلطة<< بدون تعليق لو سمحتوا لووول هذا وانا جوعانة لما خلصنا اكلرحنا ندور على مكتب عشان نحجز لرحلة البحر . ولقينا رحلة طلعت من نص ساعة على 3 ونصاخذناها طبعا الشلة ما قالولي ايش اللي بيصير حطوني امام الامر الواقع ، رحناعلى مرسى السفن ولقينا يخت صغير ينتظرنا وفيها 4 اشخاص واحنا 3 .و سألتهم يعنيالمفروض رايحين في مركب كبير وهما ساكتين وان كل شوي ازن وازن واقولهم انا شايفة بالمواقع انه البوت كبير والا تجيني الصدمة انه بننقل في نص البحر طبعا ما بقولكم مشاعري وقتها هنا واحنا باليخت   منظر الموج كده يجنننن عجبني بزاااف  وهنا المنظر في وسط البحر طبعا يجنن ماشاءالله  هذا المنظر عجبني لانه فيه الثلاثي الخيالي البحر والجبل والسحاب  صورة ثانية خيالية  لما وصلنا لعرض الحر لقينا المركب ينتظرنا والمطلوب اننا نطلع له بسلم صغير ، انابقولهم برجع بيقولولي الاخوان اللي شغالين بالمركب اهم شي لا تطيحي في اليخت اذا فيالبحر مو مشكلة<< عاد هنا انا مت ضحك لانيما اعرف اسبح لووول وهذي صورته من قبل ما نوصل له  اللي معانا كانوا كلهم هنود ماشاءالله ومجموعة من الصين واحنا وبس>>> طبعا من غير ما اقول انه انحا عرب وبلاد العرب أوطاني  ،المهم لفينا في عرض المحيط الهندي والمناظر كانت تجنن ، رحنا لمكان ووقفنا وفي ناس نزلوايسبحوا مع انه كان هذاك اليوم المد الاحمر عامل عمايله.هذي صورة واحد كان بيسبح  وهالنقطة السودا اللي بعيد يخت صغنن  وهنا المكان اللي كان فيه تجمع الدلافين بس مالحقت اصورهم لانه كانوا ينطون ويرجعوا ثاني للبحر  هنا أعتذر عن احجام الصور لاني مدري وقتها شصار بالكام وصارت الصور كده طريق العودة للميناء  مناظر للجبال الصخرية ماشاءالله سبحان الخالق   وقرب موعد غروب الشمس بس ما قدرنا نشوفه من المكان اللي كنا فيه  صورة بتبين المد الأحمر  حابة أعتذر عن احجام الصور لاني مدري وقتها شصار بالكام وصارت الصور كده المهمززز خلصنا رحلتنا الساعة 5 ونص والساعة 6 كنا راجعين للمرسى حتى ناخذ سياراتنا ونرجع لدبي الرحلة كانت ممتعة بعد اسبوع من الدوام  الواحد يحتاج يرمي همومه ومشاغله للبحر  بخصوص الانشطة اللي الواحد ممكن يعملها بمسندم أهمها استئجار باخرة وممارسة الصيد بعرض المحيط + الغوص ولهنا بينتهي تقريري  وان شاءالله ينال اعجابكم يارب التعديل الأخير تم بواسطة qatr ; 23-07-2009 الساعة 04:21 PM سبب آخر: تنسيق الموضوع |
|
|
|
23-07-2009, 04:22 PM
|
#4 (permalink) | |
|
مدير المنتدى
تاريخ التسجيل: Jul 2007
رقم العضوية :142252
المشاركات: 12,963
|
تم عمل اللازم
اقتباس:
بناء على طلبكم وطلب مشرفتنا مسقطية سفرة سعيدة وفقكم الله |
|
|
|
|
|
24-07-2009, 06:10 PM
|
#12 (permalink) | |
|
مسافر متميز
تاريخ التسجيل: Oct 2008
رقم العضوية :221560
المشاركات: 448
|
اقتباس:
هلا أخوي خذاني الوقت مثل ما سبق ووضحت من دبي بتاخذ طريق راس الخيمة والطريق مررة ممتاز وليس وعر لما توصل لراس الخيمة تخل لمركز المدينة تطلع فوق الجسر بيكون الكورنيش على يدك اليسار وعلى يمينك بيجي مركز المنال في اشارة تروح على طول ويبان لك جبال فانت بالطريق الصح لغاية ما توصل للمنفذ بعدها الطريق بيجي جبلي وجهتني يعني سيارات رايحة وسيارات جاية والطريق معبد بما اتوقع تجلس فيها اكثر من ليلتين اذا كنت حاب تطرر تجربة الصيد او الغوص لانه مافيها شي بالمرة لا مولات ولا غيره بخصوص السيارات عادي كلها ممكن تروح وهذي سيارتي المتواضعة اللي رحت بيها بالرحلة  ان شاءالله اكون جاوبت على كل اسئلتك واذا في اي سؤال انا حاضرة |
|
|
|
|
|
24-07-2009, 06:33 PM
|
#13 (permalink) | |
|
مسافر فعال
تاريخ التسجيل: Jan 2008
الدولة: السعودية
رقم العضوية :169455
المشاركات: 147
|
اقتباس:
آخر سؤال السيارة للبيع ؟  |
|
|
|
|
|
24-07-2009, 07:00 PM
|
#14 (permalink) | |
|
مسافر متميز
تاريخ التسجيل: Oct 2008
رقم العضوية :221560
المشاركات: 448
|
اقتباس:
العفو ولو ما عملت شي ها للبيع  لا بس مقدمة أخوي ما تغلى عليك |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
الساعة الآن 03:48 PM.
تجارة الكترونية
-
منتديات الامارات
-
العاب
-
العاب بنات
-
صور اطفال
-
صوت الاسلام
-
الفراشة - عالم حواء
-
الحياة الزوجية
-
منتديات ماجده
| ||||