بعد وصولنا لمطار دبي ركبنا التاكسي ورحنا على الفندق وسوينا اجراءات الدخول بسرعه طبعا حان وقت الراحه وترتيب الاشنط وتفقد الغرفه ومحتوياتها وعندنا جهاز لصنع القهوة جميل جدا ومجاني

ويا حلو النوم بعد السفر وبصراحه السرير مريح لاخر درجه من النوع الراقي جدا جدا والاجمل في الغرفه الاضاءاة الرومانسية خلف السرير والجو روعه للعرسان ولتجديد شهر العسل وعندكم مكتب ايضا والانترنت مجاني وسريع ويوجد كيبل دي اس ال او استخدام الوير ليس . وعندكم جهاز للايبود لو معاكم ممتاز تركب الايبود عليه واسمع احلى صوت والتلفزيون طبعا ال سي دي حجمه كبير وحلو وفي جلسه في الغرفة جنب السرير .

اما الحمام أعزكم الله فمساحته كبيره جدا ومقسم ومنظم ويفصل بينه وبين الغرفه ستاره ممكن فتحها او اغلاقها وحركه جميلة جدا يعني غرفه ملكية بمعنى الكلمة .

والجولة المسائية كانت بدبي مول واللي لا يبعد الا 5 دقايق عن الفندق يعني تطلع من اللوبي وفي سلم على يسارك طويل شوي وبعدها تنزل وتشوف دبي مول على يسارك ريبه وراح تشوف حصان اسود كبير في الساحه ومقاهي على جانب البحيره الصناعية وفي الوسط جسر يربط دبي مول والطرف الاخر سوق البحار

وتقدر تشوف النافورة الراقصه مساءا من 8 الى 10 كل 10دقائق يكون عرض على اغنية مختلفة والناس تتجمع وشعور رائع ووناسه لابعد حد

حجزت تذكرتين لدخول الاكواريم وقاعة الاستكشاف واستمتعنا بالجوله

وبعد التسوق في المحلات اخترت مطعم فرايديز اللي يطل على النافورة الراقصه للعشاء وبعدها رجعنا للفندق

دبي مول يضم ماركات مختلفه ومقاهي ومطاعم وسينما لم تفتتح بعد حوض سمك كبير وقاعه استكشاف وقاعه تزلج كبيرة ويوجد سوبر ماركت كبير للتسوق لاحتياجات اليومية.

اليوم الثاني : زيارة الامارات مول وليس بعيد عن دبي مول ولكن التحويلات والتعديلات بالشارع تفر الراس وتطول الطريج شوي واول ما دخلت الامارات مول طيراااااااااااااااااااااااااااان على حديقة الثلج لان منظرها من الخارج مو كافي قلت لازم ندخلها وفعلا اخذت ت1كرتيين حقي وحق ام فطومه لدخول الحديقة الثلجية وركوب لتلفريك في داخل الحديقة وطلبت خزنة للاغراض بكرت ممغنط وتسترجع قيمت التامين بعد ما تخلص من الخزنه

طبعا يعطونك لبس جاكيت طويل اسود او لبس كامل حسب اختيارك والحذاء طبعا اعزكم الله اما القفازات فتشترونا وبعداها دخلت القاعه وكان الجو بااارد وصرنا نضحك انا وام فطومه وتجولنا بالحديقة وتمتعنا بالالعاب الموجوده والتقاط الصور وابوى فطومه ههههههههههه طاحله طيحه وتشقلب هههههههه كنت ابي اصعد في المغارة الثلجيه في مكان مرتفع عشان ام فطومه تاخذلي صوره وازلق من فوق ههههههههههه بشكل احترافي ههههههههه واتسطح على الارض والمدام تضحك علي وانا اوووووووووون أي أي من الالم ههههههههههههههه بعدها صرت اضحك على الموقف ونسيت الالم خخخخخخخخخخخخ والركبه انتفخت عندي ولكن عدت على خير ورحنا نركب التلفريك الرائع داخل الحديقه وناسه ونزلنا المقهي في الداخل بس ماعجبني وزحمه فرجعت بالتلفريك وبعدها خرجنا من الحديقة وكملنا داخل المول نتسوق ونتمشى وصرنا ندور مطعم فلقيت مطعمي المفضل شيلز وبدون تردد جلسنا وطلبنا وكان في مطاعم كثير متنوعه بعد الاكل قلت لام فطومه يلا نطير على الفندق نرتاح شوي واخذلي جلسة علاجيه للركبه ههههههه في حمام ساخن ودافئ ونفع الامر فعلا

ام فطومه استانسة لاني تعافيت ههههههههه لانها ضمنت انه راح نطلع نتسوق في الليل هههههههههههههه

وفعلا جولة مكوكية مسائية لمجمع الوافي على شكل هرم ومجسمات فرعونيه وتسوقنا بسرعه وبعدها رحنا مجمع الفيستفال جنب كراون بلازا والمنطقه جميلة للتسوق والعاب للاطفال ايضا وفي جولة بالقارب بالخارج مجانية
بعدها توجهنا لفندق حياة رجنسي لاني حجزت في مطعم الدوار للعشاء ندلع ام فطوم شوي ونلعب بالحلال هههه
المطعم فكرته حلوة يفتر فيك وانت تاكل بس بصراحه الاكل وقتا ما عجبني كنت اتمنى يكون متنوع اكثر وبذلك انتهت جولتنا المسائية وعدنا للفندق

اليوم الثالث : كان متعب من الصباح اخذنا التاكسي وزرنا السوق الصيني بعيد وايد اخر دبي والسوق كبير جدا ومتنوع للالكترونيات والاثاث والملابس ....... وبعد الجولة الكبيرة قلت لا خل نروح الاوت ليت وفعلا توجهنا للاوت ليت مول سوق فيه تخفيضات كبيرة ولكن الموديلات مو حديثة وفي العاب للاطفال .
وبعدها قلت ماني راجع الفندق ههههههههه دخنا والله من المسافه للاوت ليت والسوق الصيني بس قلت لا والف لا ما تعبنا ههههههههههه وركبتي تعورني طبعا ههه واخترت مجمع ميركاتو والله جميل وايد ومن الداخل شرح وعلى الطيراز الاوربي ممتاز وتسوفنا وبعدها اخترت الماكدونلد للغداء بعد ما كليت حسيت اني نمت الا شوي هههههههههههههه سحبتني م فطومه للتاكسي وقالت بس بس رجعنا الفندق ههههه واستسلمت للامر الواقع ورجعنا للراااااااااااحه .
الفترة المسائية ايضا كانت ابن بطوطه مجمع مقسم لساحات الهند وتونس ومصر وفارس ... وبعدها رحنا لتايم سكوير مول ودخلنا (المقهى الثلجي) والله كانك بتتجمد من البرد طبعا بتلبس ملابس طويلة قبل الدخول وتاخذ كابون للمشروبات الساخنه مجانا او عصر برتقال. ومامداني اتسوق وسكر المجمعات ورجعنا الفندق ولا تخطر على بالي فكرة نتمشى شوي في دبي مول او سوق البحار للعشاء فختارت المدام سوق البحار طبعا ماكو مسافه بس تعبر الجسر ولا انت داخل السوق واشوفلك مطعم شكسبير ديكورات قديمة والاكل لا باس فيه وفي جلسات بالخارج للمدخنين. بعدها كنت ابي ادخل الشوكلت بار ولا مقفل ورجنا للفندق.

اليوم الرابع : طبعا ما نسينا ديرة ستي سنتر وتوجهنا له للتسوق والغداء اخترت البرجر كنج هههههههه ابي اكل يشبع يوعان خخخخخ وفيه العاب للاطفال حلوه وسوبر ماركت للتسوق.

بعدها رحنا سوق الذهب لمحل قصر الزعفران لشراء الزعفران للاهل كهدايا وماقصر معانا الرجل وخصم لنا بالسعر وختمنا بذلك الجولة ورجنا الفندق.
والفترة المسائة لا نستغني عن دبي مول للتسوق واخرنا مطعم بوب اللي يطل على صالة التزلج للعشاء اكله شهي ويشبع ههههه كنت ناوي على كباب فاكتوري او فارس بس المدام هاوشتني قالت بالليل وتبي تاكل كباااااااااب هههههههههه لاحول ولا قوه الا بالله استسلمنا وكلينا عند العم بوبز  وبعدين طيران على الفندق للننوم.

اليوم الخامس : ولاخير راحه وبعد الشيك اوت خلينا الشنط ورحنا مطعم صدف للغداء شوي كان زحمه والله والمطعم يبيلة شوي اهتمام واللة لو رايح كباب فكتوري ولا فارس احسن بس يلا للجايات ان شاء الله قريبا

بعدها توجهنا لدبي مول كونه قريب من الفندق تسوقنا شوب وبعدها رحنا سوق البحار لاني ما حبيت ارجع الكويت دون ما اكدخل شوكلت بار هههههههههه واروح واطيب خاطر بالشوكليت بار واشترينا تي شيرت بنتي فطومه هههههههههه بيبي شوكليت بنك ههه يا حلاتها والله
كان في وقت ولا تقول ام فطومه دخنا فلا بديل عن فندق الادريس وقعدنا بالكاف الحلو وطلبنا وارتحنا وطلبت سيارة من الفندق للمطار وتوكلنا على الله لمدار دبي وتسوقنا بالسوق الحره وانظرنا الطياره للعودة للكويت والقلب مشتاق لابنتي فاطمه وامها كل ما دخلنا مول قالت يلا ملابس اطفال حق فاطمه ههههههه وصار لها نصيب الاسد بكل تاكيد

والله راح نشتاق لك يا دبي يا دار الحي وللاهل بدبي والله يحفظ اهلها وان شاء الله نزورها في الشتاء القادم